المشاركة الأصلية كتبت بواسطة majed.a.t
http://www.arabtravelersforum.com/tr...6/#post6048332
السلام عليكم ورحمة الله وبركاته
اخواني رواد هذا المنتدى الشامخ والمفيد اتنمى من الله ثم منكم تفيدوني بكل شي اول مره اروح للمغرب ان شاء الله
بتاريخ 23 شوال 1432هـ الموافق 21/9/2011 الى الجمعه 9 ذو القعده الموافق 7/10/2011 طبعاً حجزت ع الخطوط
المغربيه ماذا تنصحوني فيه علماً بأني راح اجلس بالرباط وابغى استاجر فله وش الفلل او الشقق اللي تنصحوني فيها وكيف الجو راح يكون هناك؟
وش الأماكن اللي تنصحوني ازورها بالرباط اوي شي قريب منها
هل تنصحوني اجلس بالرباط ولا اروح لـ اغادير ولا لأي مدينه ثانيه وكيف وين تنصحوني اسكن فيه وش وسائل
المواصلات اللي تنصحوني اتنقل اذا رحت لمدينه غير الرباط ياليت تشرحون بالتفصيل الممل وهل من نصائح تقدمونها لي
وهل احد منكم يعرف سائق كوبس وغير استغلالي استاجره وين احصل السواقين وكل الشكر لكم مقدماً..
السلام عليكم ورحمة الله وبركاته
الاخ الكريم ماجد
تحية طيبة
مشاهده من غير ردود ...... اخي الكريم لان استفسارك يبغاله من يجاوبه من الالف الى الياء وواضح انك ما قرأت اي من تقارير الاخوان الي نازله في القسم ولا الاستفسارات وكلها كانت ستغنيك لانها وضعت من اجلك انت وانا وبقية الاعضاء عموما يا غالي اتمنى ان تراجع القسم لانك ستجد اشياء جديدة وستستفيد منها .
اجاوبك على قد ما اقدر .
بالنسبة للرباط مدينة هادئة لمن يبحث عن الاسترخاء والهدوء .
كأول زيارة لك انصحك تزور مراكش راح تعجبك كثير لانها مدينة سياحية بالدرجة الاولى وبها تعدد سواء للسكن والمطاعم ولن تمل منها ذكرت لك ما ذكرت رغم اني من عشاق الرباط من سنين .
بالنسبة للسكن اذا لوحدك اسكن في فندق او شقة مجربة من اناس تعرف انهم سافروا من قبلك والفلل ستجد بها انواع وانوع الاستغلال .
بالنسبة للاماكن السياحية بالرباط راجع تقارير الاخوة وهي موثقة بالصور .
عن نفسي انصحك تزور كازا 3 ايام ومراكش 5 ايام واغادير 4 ايام ومنها ترجع لكازا اخر 4 ايام من رحلتك ومنها تزور الرباط لنصف نهار فقط . او تجلس في كازا 3 ايام ومنها على طنجة وتجلس فيها 4 ايام فيها تزور تطوان واصيلة وشفشاون والمضيق ومن طنجة الى مراكش 4 ايام واغادير 3 ايام واخر الايام الباقية اجعلها في كازا ومنها تزور الرباط لنصف يوم .
بالنسبة للمواصلات اذا كنت داخل اي مدينة فاستخدم التاكسي الصغير وانتبه اذا يشغل العداد ولا لا واذا ما يشغله قله يشغله اذا رفض اطلع وخذ تاكسي اخر .
بالنسبة للمواصلات خارج المدن عندك خيارات وهي تعتمد على ما تختاره من المدن في جولاتك السياحية عندك القطار وباصات السيتيام والتاكسي الكبير والاخير اذا اخذته لوحدك راح يكلفك كثير اما اذا مجموعة معاك ماراح يكلفك شي وفي الطائرات للمسافات البعيدة مثل طنجة اقادير او طنجة مراكش .
الشيئ الي انصحك فيه انك تراقب الله في سفرك لكي يكون سفرك من افضل الرحلات التي تستمتع بها .
كل ما تصفحت المنتدى تجد اشياء لم تكن على خاطرك فاستفد منها .
تقبل مودتي وتقديري,,,,,
ماهرمحمد
المفضلات