الموضوع: رحلتي

يعطيك العافيه على التقرير

إدماااان

تراني متابع من بعد صلاة الصبح ولا حسنت نام لين خلصت الحلقات اللي فاتت علي

بارك الله فيكي

يا فارسة

وش قصتك تصورين الحمير كتير ههههه

عزكم الله


متابع

مـــــــــتــــــــــــابــــــــــــــع



واصــــــــــــلـــــــــــــــــــي

المشاركة الأصلية كتبت بواسطة mwjahead
http://www.arabtravelersforum.com/tr...7/#post4103007

إدماااان

تراني متابع من بعد صلاة الصبح ولا حسنت نام لين خلصت الحلقات اللي فاتت علي

بارك الله فيكي

يا فارسة

ليكون بس مو صدق يعني ؟؟؟؟

وش قصتك تصورين الحمير كتير ههههه

عزكم الله

توني الاحظ

متابع



ثااااااااانكس على المتابعه ..

اليوم التاسع :ودعنا كسب وماودنا نودعها ...تصدقون احس رحلتنا اهني خلصت ....





(والله سؤال ابي جواب ..هم شنو يصيدون في البحيره ؟؟؟؟؟)

رجعنا دمشق ....فرق جبال خضراء وجبال صفراء ..

مرينا على منطقة اوغاريت في راس الشمر ..وهي المنطقه الى وجد فيها اول ابجديه في العالم ....



وبعدين رحنا على بحر اللاذقيه ...



بحر عادي نفس اي بحر مافيه مميزات ....الا شي واحد ..تدرون شنو ؟؟؟؟
ان شركة الديار القطريه عندها مشاريع شاليهات وفنادق على البحر .....(احم احم )







(ولد عم تمثال الحريه الي شفتوه بالجزء الثالث او الرابع .بس متكبر علينا )

لفينا بالمنطقه وشفنا الفنادق الي كنا ناوين نحجز فيها ...بس الحمد الله ماحجزنا لان موقعها مو حلو وماتصلح للمحجبات ..اصلا المنطقه كلها على بعضها مو حلوه (وجهة نظري لحد يعصب )....

طلعنا ورحنا مرينا على طرطوس القديمه ....ليش ؟؟؟؟ (الي كان متابع من البدايه بعرف )


(عشان نشرب عصير الخربوب ....)
وبعدها كملنا على دمشق على طوووووووووووووووووول ....



وصلنا فندق الشام بالاس ...فندق محترم راقي فرق بينه وبين البلو تور ...
نزلنا الشنط ورحنا بعدين على مطعم قريب من الفندق اسمه ست الشام ...



اتفقت مع الشله قبل ماندخل مشاوي لالالالالالا كرهت ريحتها ...نطلب اكل سوري وبس ...الشوفير كان قايل لنا ان عنده فتة حمص حلوه جربوها ...طلبنا الي بالزيت والسمن الذ شي الي بالسمن ...حلو طعهما يمي يمي ...


رجعنا مشي (قلنا للشوفير يروح بيته من6 ايام ماشاف اهله )..الله لايوريكم ..مادلينا الطريق ماخلينا احد ماسالناه ...في النهايه وصلنا ...
قعدنا بالفندق نستكشف ...كنا ناوين نروح السينما بس تسكر الساعه 9 او 10 ..(قعدت افكر سوق سينما ..قررت ) رحنا سوق الشعلان تمشينا ورجعنا الفندق ....وتعشينا بالمطعم الدوار ...بس انتبهوا لان السكاكين والشوك مصنوعه من الفضه
اطلبوا يغيرونها (اللهم اني بلغت )...






اليوم العاشر :رحنا سوق الحميديه ... طلع كبير ومتفرع ...تمشينا فيه تمشينا فيه ....زززززززززحمه وحر موت (ماقدرت استحمل واااي فديت كسب ) ..



كنت متحمسه اروح السوق لسبب واحد ..(سبب عبيط )لما رحنا كنسية معلولا ..راسمين العذرا بفستان ..وقالت ان قطعة الفستان قطعه غاليه من خيوط الذهب واسمها البوكار ..قلت لها موجوده بسوريا ..قالت موجوده بسوق الحميديه بس هي كتير غاليه ... انا خلاص ابي القطعه ..رسمت احلامي عليها ...رحت سوق القماش وقلت له ابي البوكار وطلعلي البوكار ...سررررررررررررررحت بالقطعه ....من الصدمه طبعا ..(شوفوا واحكموا 3 قطع كلها بوكار ) ..واغلى وحده الزرقاء..



وفي نهاية سوق الحميديه (قصدي ممر من ممرات السوق ).. الجامع الاموي ...



مقابل الجامع في ساحه فيها حمام ..تشتري اكل وطعميهم ..(الاكل لا تكته فمكان واحد نثره حركة نذاله عشان مايلمونه مره ثانيه )



وقبل مانروح الجامع رحنا قبر صلاح الدين الايوبي .. في قبرين له واحد من القبور المانيا مسويته في عهد العثمانين عبدالحميد..تعبير عن محبتهم له ...


وفي قبور للاتراك في ساحه قبل قبر صلاح ...



وبعدين دخلنا المسجد الاموي ...كان زحمه كثير كثير ... والناس قاعدين بالممرات ياكلون والاكل على الارض ...شي يحزن والله ينكسر خاطرك شلون مسلمين واساس النظافه ..مو مهتمين (والله كانهم قاعدين بالشبره )..




المهم واحنا نمشي بالممرات اشوف ناس رافعين لوحات مكتوب عليها حملة(....... للحج والعمره ) ... قلت شنو الموضوع بمكه احنا ....صادني فضول قوي اعرف الموضوع ...وصرت بعدها اي تجمع لهم اقط اذني عندهم ابي اعرف الموضوع ....(بتعرفون بعدين لاتصيرون ملاقيف) .....
دخلنا غرفه الي فيها راس الحسين وهناك صيااااااااح ...وفي الغرفه في فتحه بالحائط مبروزه ..ويدخلون راسهم فيها ويحبون ...ويقولون ان فيه ريحة مسك ...(انا ماجربت ادخل خفت انخنق ..الي جرب يقول )..





(داخل الغرفه الصغيره موجود راس الحسين ...)



(راس الحسين )

.عرفت اهني ان الاخوان كلهم شيعه ....طبعا وانا اصور في وحده هاوشتني تقولي انت جاي تصورين ولا تتعبدين ...لم اتكلم ولا كلمه ...طلعت ..ورحنا المسجد ..الا طلع بالمسجد قبر النبي يحيى عليه السلام ...واهني عرفت الموضوع ...



وانا اشوف القبر وحده شيعيه تقولي صوريني ..(قلت حلو اصورها وبعدين اسالها ) ..وانا اصورها الا مرت وحده تعرفها وضحكت رحت صورت ...الا تقولي وي وي وي مايصير تصوريني وانا اضحك امسحي الصوره ..قلت اوكي (كنت بقولها ليش حبيبتي احنا بعزاء)...المهم راحت بالوقت هذا اتكلم الي ضحكتها وقلت لها خير شو الي جايبج ..الاقالت لها والله جايه عمره ...الا قالت لها عمره مقبوله ان شاء الله ..(واخيرا كونان اكتشف الحقيقه).. رجعت بعدين صورتها ورحت ...
في المسجد بعد في التعميد اثر من اثار المسيحين ...لان المسجد قبل كان كنيسه اصلا وبعدين حولوه المسلمين مسجد وخلو التعميد ..عشان يثبتون سماحة الاسلام ...العجيب بالموضوع والجهل ان الشيعه كانوا بعد يتمسحون فيه ويتباركون فيه وهم مايدرون شنو موضوعه ...



طلعنا من المسجد ورحنا دمشق القديمه ....كانت حلوه جميله نفس الي بالمسلسلات ...






تمشينا ومرينا على مطعم جبري ..








واااو القعده فيه عجيبه كان باب الحاره ..

بعدها رحنا على مكان فيه ثلاث قصور بس نسيت اسمه (لان نسيت دفتر السفر بالفندق ما كتبت اسمه ) ..الي يعرف اسمه يقوله ...










وبعدين رجعنا الفندق لان بصراحه ماقدرنا نكمل مشي ....


ريحنا وبعدين رحنا سوق الصالحيه ...تمشينا فيه ومشينا ومشينا وانا فرحانه ..وفجاه وفقت لم استطع ان اتحرك ...تدرون ليش ؟؟؟؟؟؟ مادري شلون وصلنا البلو تور ..والله ان عالطول لفينا حتى مانبي نعرف شنو المحلات ...لان جاتني حالة اكتئاب ...رجعنا بطريقنا الفندق ..الله يسلمكم ضيعنا الطريق الا شفت وحده بالطريق مقابلتني ..اقول لها لو سمحتي اطالعني من فوق لتحت خايفه انا اقرب وهي تبعد..تقول نعم (حسستني ان بعد شوي بطر منها )...والله لو تشفونها ..المهم بعدين اقول لها وين صار فندق الشام ..(.تغيرت اللهجه) سوري حبييتي (ادري على بالها اني بطر )قالتلي مكانه وختمتها والله يا اهلا وسهلا فيكم (من بعد ما كانت ناويه تحقرني) ...
وصلنا وعالطول رحنا انتعشى بالفندق ...وجهزنا الشنط ..بكره الصبح رجعتنا للدوحه

اول شي ابي اشكر كل من ساعدني بالمنتدى واولهم محب الخير ....لان ساعدني بامور كثيره واهم شي الشوفير ..واشكر كل الاعضاء الي كانوا متابعين موضوعي ...
ثاني شي استمتعت بالسفره كثير...كنا موفقين بختيار البلد (وكنا محظوظين ان احنا اول قروب في العايله نسافرها )....مع ان كان في اعتراض كبير من قبل الاهل ان سوريا مافيها شي وان مافيها الا مراقص وديسكوهات على السمعه ..وانصدموا بعدين بالصور ...
كان شعب طيب ..يحب الخير ..يحبون الخليجين .والله دايما كانوا يقولون انتوا خيركم علينا كبير ...ولما يعرفون ان من قطر ..يقعدون يرحبون بعد شوي بيخدمونا بعيونهم ...
في النهايه سامحوني على القصور واول شي على رداة الصور ..ترى والله اول مره اصور بسفراتي ..وماصورت الا عشان خاطر المنتدى لان منتدى راقي بمعنى الكلمه ...(تصدقون الكاميرا جاتني هديه واول مره استخدمها )..
المهم اتمنى انكم استمتعوا معاي ... واتمنى ان استمر في المنتدى على قدر المستطاع ..بس اذا غبت لاتنسوا موضوعي ....ترى فاز بـالـ 5 ستار ..

اخر شي خلاص ادري طولت عليكم الي عنده اي استفسار عن السفره او ملاحظه يتفضل بالسؤال ....

إختي أول شي لا شكر على واجب والحمد لله إنكم استمتعتم بالرحلة والشكر للأخ الذيب الشمالي اللي رجح كفة الشوفير الأخ أبو حامد الي كنت واثق بأنه راح يعطي رحلتكم طعم مميز ....وصارت عندج خبرة تفيدين فيها غيرج .. ودي أعلق على صلنفة لأني كنت مسافر الخمسة أيام اللي مضت وما تابعت التقرير آنا تعمدت إني أخليكم تسكنون بكسب لأنكم لو سكنتوا بصلنفة راح يتعكر مزاجكم بسبب مضايقات فئة منحلة أخلاقيا ما عندها مهنة غير معاكسة البنات وبوقاحة وللأسف يعتبرون خليجيين والا صلنفة أبرد وربما أجمل من كسب لكن الراحة النفسية بكسب ..

ينتهي تقريرج اللي استمتعنا بمتابعتة ولكن تظل الذكريات الطيبة عالقة في الوجدان وراح تحنين بعد كم يوم على البيض بالفخارة والمناقيش والمحمرة وشاي الخمير ..

أسأل الله العلي القدير أن يوفقج في دراستج ويرزقج بولد الحلال اللي تستعيدين معاه الذكريات والأيام الحلوة .. بس خلي روحتكم المرة الجاية بالشتا لأن الأكل بالشتا غييييير ..

مع تحيات إخوج العود .. بوعبد الله

محب الخير احمد ربك انك علقت عالموضوع ..والله كنت ناويه اعطيك مهله لين الويك اند اذا مارديت كنت بسويلك موضوع سبشل اكتبلك معلقه عشان تعلق...

اول شي لي الفخر اكون اخت لاخ مثلك ..حريص علينا اكثر من نفسنا ...
وبالنسبه لصلنفه ماتمنينا ان نسكن فيها لانها زحمه كثير مثل ماقلت.. مافي جبل بدون بيوت على عكس كسب ..
..واذا على المضايقات موجوده في كل مكان والي محترمه نفسها محد بقرب صوبها الا اذا كان مريض ...

بس تعال الحين تذكرت الشاي ماحصلناه ..كله منك ليش ماقلت مكانه وين ؟؟؟؟
تدري انا اول ماوصلت البيت وشفت الفواكه ....تذكرت ..خلاص مابي اتذكر

عسى ربي يخليك ويستر حالك ويوفقك لكل خير ويطول بعمرك على الطاعة ويجزاك عني خير وعسى ربي يعطيك العافية اليوم ودوم إن شاء الله ويحفظك ام عبدالله وعبدالله واخوان عبدالله ...

حمدالله على السلامه ...اخبار البيض ؟؟

الله يعطيك العافيه
تقرير جميل ومفيد
بصراحه الرحله وأحداثها مشوقه ورائعه..
اعتقد انها سفره مخطط لها ومتعوب عليها ومرسومه بشكل احترافي ,,,,,,

الله لا يحرمج الروح المرحة عسى الله يوفقكم جميعا .. إختي حاولي تخططين لسفرة بفصل الشتا وقتها راح تلقين شاي الخمير ( يعني شاي مخدر مثل ما نقول بالخليج ماخذ راحته وغالباً ورق مو ليبل ومطبوخ على الخشب أو الفحم وبعضهم يسويه على الغاز ) تلقينه عند الحريم اللي يسوون المناقيش وتلقونه بمعظم المطاعم وخاصة بيت جبري .. خططي من الحين على روحة الشتا و بتحبون سوريا أكثر ..

بالنسبة للبيض فأم عبيد أدمنت بيض الفخارة ) الله يحفظكم ويوفقكم ويكتب لكم سفرة شتوية تستانسون فيها دبلات وناستكم بهالسفرة ..

وبعدين معاك ...غصب تبي تحرني

سوريا بالشتاء ..نو وي ..الاجازه الي عندي في الربيع..و الحكومه الموقره الله يحفظهم صادره قرارات العمره وبس في هذي الاجازه ..وطبعا مستحيل اروح سوريا واخلي العمره ...

واذا على الشاي بقعد بحوش بيتنا وكم ثلجه حولي ..واسوي احلى شاي كرك (اواسي نفسي)..

اذا تقدر ومب تعب عليك تنزل كم صوره بس اشوف سوريا بالشتاء

..



قصر صوتك لاحد يسمع ..
ولدك هندسة شنو(ادري اني ملقوفه ) ؟؟؟ (احس اني باخذ مخالفه ..منتدى سياحي وليس هندسي )

انا ماادري اذا شفتي تقريري او لا

لكن اذا حابة تشوفي سوريا ولبنان بالشتاء شوفي تقريري بالتوقيع

تحياتي

[b][size="4"][color="purple"]تقرير الأخ لؤي راح يوفي بالغرض إن شاء الله ..

شفت تقريرك الحين يالؤي ...

اشكركم جميعا ...

والله يوفق عبدالله ان شاء وعقبال مايتخرج واتشوف عياله ...والله بصراحه مهما دعيتلك وشكرتك طول العمر ماوفيتك حقك ..

الله يجزاك كل خير ويعطيك لين يرضيك .. ودعائك لي يكون في ميزان حسناتك ..(بس اتخرج قبل اي شي )

اووووه مابحب نهاية التقارير ...

لأنابتذكر بالوداع ...

بحب التقرير اللي في كلام كتير ...

وع فكرة تقارير الحريم السوالف أكتر من الصور ههههه

عكس الريايل " الرجال "

بس متعة

الله يجزاكي عن السوريين كل خير يا آمنة كفيتي ووفيتي

والأحلى إنكنقلتي الوقائع بكل موضوعي وأمانة ...

يعني عرضتي الصورة الحقيقية والواقعية لسوريا وأهلا




أحلى شي بالتقرير هو الحب المتبادل بين المسلمين وانو بتجمعنا الدين واللغة والتاريخ وووو


والحمد لله على سلامتكن

نورتو سوريا والله

جزاج الله خييييييييييير وإن شاء الله تتخرجين و تحصلين أحسن وظيفة .. ومليون مرة قلنا " لا شكر على واجب " ترقبي تقرير خاص عن سوريا .. مع تحياتي

اختنا العزيزة امنه 0

عذرا لعدم مبادر تي بالتعليق على تقريرك المميز وذلك لانقطاعي عن المنتدى لمدة طويلة بسبب مشاغلي

ان تصل متأخرا خيرا من ان لاتصل 0

شكرا على هذا التقرير الجميل 0

تقرير حلو وصور رائعه

تقرير جميل ومليان خفة دم وظرافة ،، المكان اللي زرتيه فيه ثلاثة قصور هو قصر العظم.

أمننننننننهـ أنآآآآآآآآ أخــررررر وحدهـ أعرف ع التقريــــــرررر بس تقررررريرررج روووووووووووعهـ حركآآآآت صآير تعرفين أتصورين تدريبي خخخخخخخخخخخخ ..
يعنني جايبهـ لي بقلاوة من سوريا أتسكتيني وليهـ ماجبيتي لي العلك خاطري فيها لم شفتهآآآآ يامال العآفيهـ ..
ويامال الضعف كل الرحلهـ أكل بأكل ..
أحس أنج عشتي أجواااا حلوووووهـ ومخلتفهـ ..
واللي ضحكني الكاميرا الخفيهـ والباكستاني زين يسوي فيج كككككككككككككك ..
بس هالرحلهـ رآح أعديهآآآ لج أمآ الرحلهـ الجآآآآي ريلي بريلج فهمتي ويكون بالشتآء عشآن أخونآ محب الخير ^^
مع تحياتي سارهـ فريند أمنهـ ^.^

تقرير من أروع تقريرين قرأتهما- عن سوريا- في هذا المنتدى الرائع (الاخر .. مسيناكم مسونا؟؟؟؟؟؟)

ماشاء الله عليك ياأمونه بداية قوية في كتابة التقارير

من جد استمتعت بكل حرف كتبتيه وبكل صوره عرضتيها

أقول آمين لكل مادعا به الاخ محب الخير لك أختنا آمنة ودمتي بصحة وسعادة ونشاط وحيوية وطاعة لله طول العمر