الموضوع: اول مره ازور المانيا وخططت لنص الرحله وباقيلي بس فرانكفورت ومحتااره ابي رايكم

بسم الله الرحمن الرحيم


بما ان المنتدى هذا شي مو طبيعي وااايد نفعني لتخطيط رحلتي وما شاءالله الاعضاء والمشرفين وااايد متعاونين


حبيت اخذ رايكم بتخطيط سفرتي بما اني اول مره ازوور هذي البلدااان والصراحه واايد متشوقه ازورهم من تقاريركم الي توسع الصدر




مخطط سفرتي انا وزوجي وبنتي بيكون ان شاءالله
التاريخ من 5-9 لي 22-9
من تاريخ 5 -8 باريس
من تاريخ 8-15 سويسرا
من تاريخ 15 - 22 المانيا


خلصنا كل الحجوزات والحمدلله من تذاكر على اللوفتهانزا
والفيزا من مكتب وكان جدا سهل الحمدلله
وحجز الفندق الي بباريس بالشانزلزيه
وحجز شاليه في سويسرا
باقيلنا حجز السياره
والطيران الداخلي من باريس لي سويسرا
وباقيلنا المانيا الي ليلحين محتارين فيها شوووي


وهني ابي مشورتكم وادري انكم مارح تقصروون معاي




حجزنا فندق على بحيرة تيتسي BRUGGER' S Hotelpark am See

لمده 3 ليالي وانا شوي متردده فيه مادري ليش
وخذينا الغرفه الديلوكس مقابل البحيره

المخطط
اول يوم بنتمشى بالمنطقه نستكشفها ونريح فيها من بعد رحله مدتها 3 ونص
ثاني يوم ان شاءالله ناوين على يورب بارك
ثالث يوم بنتمشى ونستكشف البلاك فورست يعني تلفريكات وزحلاقيات صيفيه انا حاطتهم في بالي
واليوم الرابع نودع المكان ونروح الى فرانكفورت
وهني المشكله
ليلحين ما لقيت فندق عجبني وحسيت فيه المواصفات الي ابيها
ابي فندق يكوون بنص السنتر مع العلم ان معانا سياره بيكون بس احب اكون بالسنتر
وبيكوون وجودنا في فرانكفورت للتسوووق بدرجه اولى وقعد نفكر انا وريلي نروح هولندا يوم ونرد من فرانكفورت نزوور الاوت لت الي على حدود هولندا والمانيا


وليلحين محتارين بموضوع السياره
نردها اول مانطب فرانكفورت لانها مارح تفيدنا وايد
ولا نخليها ما تفرق على 4 ايام ؟؟؟
يعني مايسوى سعر هال4 ايام بسعر التكسي حق المطار ولا شرااايكم ؟؟؟

مواضيع عشوائيه ممكن تكون تعجبك اخترناها لك:

• مسافر بتاريخ الى ميونخ واحتاج مساعده
• ارجو المساعدة لتخطيط رحلتي انشاء الله صيف
• القيادة في ألمانيا في شهر نوفمبر
• المسافة ما بين ميونخ و الغابة السوداء
• استفسار بسيط
• استفسارات بخصوص القطار من ميونخ الى باريس
• قطارات أوروبا الأماكن السياحيه في مدينة بون
• أنا الأن في أوروبا وهذا العلم الأكيد بالنيبة لفيزا مسبقة الدفع من بنك البلاد
• تقرير سفرتي القصيرة إلى فرانكفورت
• سؤال لمن استخرج الفيزا
• اربعه ايام والفيزا مستلمها من السفاره الالمانيه
• الله يخليكم افيدوني
• استفسار عن رحلات ميونخ جنيف بالقطار
• حجز في الهولدي ان في غير المنطقة المرجوة ارجوا المساعدة
• ممكن تساعدوني في اختيار المواصلات في جولتي الاوروبيه
• كم المسافة بين ميلان والغابات السوداء
• المتعه والترفيه في ميونخ
• القارمن وتحديث الخرائط
• استفسار سريييييع عن فنادق ميونخ
• ابطال المانيا وينكم

أنصحكم بفندق جميرا أو ويستن أو فندق أدينا (شقق فندقية)
أما بخصوص السيارة فأنصحكم برد السيارة إذا سكنتو بالسنتر, لأنكم ماراح تحتاجونه وتوفرون عليكم الإيجار وقيمة الباركنغ في الفندق

مشكور اخوي ما قصرت
بشوف الفنادق الي اقترحتها علي وان شاءالله الاقي الي يعجبني


وهذا الي بنسويه باذن الله على السياره

انا ما زلت محتاره بفندق فرانكفورت ابي اقرب فندق مشي للسنتر والسووق
اتمنى احد يرد علي يفيدني

لا زلت انتظر ارائكم