\r\n السلام عليكم.. انا اختكم من البحرين، ابي اطرح موضوعي يمكن حد يقدر يساعدني. رحت الصين في شهر مارس بغرض شراء مكاين لمصنع شوكولا ( لوحدي ) و اخذت رقم شخص سوري الاصل لمساعدتي عن طريق تاجر خليجي، استقبلني في المطار و ما قصر، طلبت منه يوديني سوق الشوكولا و بدأ يقنعني انها تجارة فاشلة و اقنعني اشتري منه شنط و ساعات تقليد درجة اولى و للاسف اقتنعت ( طبعا لمن رجعت البحرين طرشهم لي عن طريق دبي لاكتشف انه الساعات مضروبة و راحت فلوسي على الفاضي ) و في نفس الوقت دفعت له المبلغ كامل و شريت اثاث بيت و شحنته بالكونتينر الى البحرين، طبعا انا رجعت البحرين قبل ينشحن الكونتينر و عطيته كل الفلوس علشان يخلص، في البداية خبرني الكونتينر ب 1500$ بعدين قالي صار ب 1800$ و لمن رجعت البحرين قالي صار ب 2200$ طبعا انا دفعت له 1800$ في الصين، و قال انه بطرش الاوراق اول ما تجهز و هني بدت السالفة قام يطلب مبالغ مالية علشان يطرش الاوراق، طلب 3500$ حاولت اتفاهم معاه لكن اسلوبه كان خايس يسب و يلعن، وصل الكونتينر امس و طبعا ما اقدر اطلعه بدون الاوراق و راجعت الجمارك و الشرطة و شركة الشحن في البحرين و محد فادني و رحت السفارة الصينية و اشتكيت عليه، قام طرش مسجات يسب و يلعن لان اشتكيت عليه في السفارة و قال بعطيج مهلة اسبوع تبعثين الفلوس او برجع الكونتينر و برمي الاغراض في الزبالة رديت عليه رجعه و حسبي الله ونعم الوكيل فيك.. ممكن حد يساعدني شلون ممكن احل هالمشكلة و لكم مني جزيل الشكر و مسامحة طولت عليكم.. من الموبايل\r\nمواضيع عشوائيه ممكن تكون تعجبك اخترناها لك:
- جاي وحداني وأول مره لكازا ؟
- فزعتكم تكفون السفر الي المغرب
- ارجو افادتي عن البنوك المغربية
- كازا طنجه
- اريد منتج عبارة عن زيت كيف احصل عليه
- مجموعة صور حديثة
- استفسار من زميل
- مراكش بلازا او النخيل؟؟؟
- الفزعه من خبراء طنجه
- رحلتي الي المغرب 19-10 الي 5-11 -2013
- الاماراتيين يحتاجون تأشيرة للمغرب ؟
- أحياء مناسبه للسكن في كازا أغادير ومراكش ؟
- ارجوا المساعده ياخبراء المغرب
- إستفسار عن أسعار التذاكر
- من يفيدني عن مدينة في المغرب اسمها الصويره
- أهل طنجه تكفون
- المغرب بعد العيد
- المٌغرب في طريقة حساب النقود في المغرب
- مسافر للرباط بإنتظار نصائح إخوانه
- الحل الأمثل
المفضلات