\r\n السلام عليكم.. انا اختكم من البحرين، ابي اطرح موضوعي يمكن حد يقدر يساعدني. رحت الصين في شهر مارس بغرض شراء مكاين لمصنع شوكولا ( لوحدي ) و اخذت رقم شخص سوري الاصل لمساعدتي عن طريق تاجر خليجي، استقبلني في المطار و ما قصر، طلبت منه يوديني سوق الشوكولا و بدأ يقنعني انها تجارة فاشلة و اقنعني اشتري منه شنط و ساعات تقليد درجة اولى و للاسف اقتنعت ( طبعا لمن رجعت البحرين طرشهم لي عن طريق دبي لاكتشف انه الساعات مضروبة و راحت فلوسي على الفاضي ) و في نفس الوقت دفعت له المبلغ كامل و شريت اثاث بيت و شحنته بالكونتينر الى البحرين، طبعا انا رجعت البحرين قبل ينشحن الكونتينر و عطيته كل الفلوس علشان يخلص، في البداية خبرني الكونتينر ب 1500$ بعدين قالي صار ب 1800$ و لمن رجعت البحرين قالي صار ب 2200$ طبعا انا دفعت له 1800$ في الصين، و قال انه بطرش الاوراق اول ما تجهز و هني بدت السالفة قام يطلب مبالغ مالية علشان يطرش الاوراق، طلب 3500$ حاولت اتفاهم معاه لكن اسلوبه كان خايس يسب و يلعن، وصل الكونتينر امس و طبعا ما اقدر اطلعه بدون الاوراق و راجعت الجمارك و الشرطة و شركة الشحن في البحرين و محد فادني و رحت السفارة الصينية و اشتكيت عليه، قام طرش مسجات يسب و يلعن لان اشتكيت عليه في السفارة و قال بعطيج مهلة اسبوع تبعثين الفلوس او برجع الكونتينر و برمي الاغراض في الزبالة رديت عليه رجعه و حسبي الله ونعم الوكيل فيك.. ممكن حد يساعدني شلون ممكن احل هالمشكلة و لكم مني جزيل الشكر و مسامحة طولت عليكم.. من الموبايل\r\nمواضيع عشوائيه ممكن تكون تعجبك اخترناها لك:
- ثلاثة فنادق في اغادير
- بلاد الغربه طالت الغيبه
- طرق الذهاب الى المغرب غير الطيارة
- استفسار عن اسعار التذاكر في العيد
- اخواني العرب من الخليج الى المحيط ازمور
- استفسار
- الناضور
- أيهما أفضل استئجار سيارة ام التعاقد مع طــاكسي
- لو سمحتم استفسار عن المدارس الانجليزية و العربية
- سكن في الرباط خمس نجوم و اماان لو سمحتوا
- هل اسكن في شقة ام فندق في مراكش
- استفسار عن شقه عائليه بالرباط
- عاجل مدينه مكناس
- اول مرة ازور المغرب وابغى مساعدة اذا ممكن
- شهر بالمغرب
- ميزانيتي ريال هل تكفي في اغادير لمده ايام
- لمن زار المغرب
- استفسار امني اذا سمحتواا
- معاناااة الحصول على تأشيرة للمغرب
- كونكت شركة باين المغرب
المفضلات