السلام عليكم
كنت توني راد من تايلاند
رديت لبلادي
وقمت افكر وين اروح مصر ولا تركيا ولا سوريا
قلت في نفسي
مصر زحمه وفيها تلووث كثير
تركيا بلد جميل واسبووووع ما يكفي علي هذا البلد الجميل
قلت يالله سووريا نروووووووح
المهم ساافرنا علي القطريه وكانت سعر التذكره 1700ريال طبعا مع الخصم العسكري
المه ووصلنا المطااار ولاحظت ان فيه كاميرات علي الكووونترااات يرااقبوون الموظفين
الظااهر عشان البخشيش :114:
المهم ركبت مع شخص قاال انه من حمص وكااااانت سياارته خاااصه
وخذنا 550ليره يعني 35ريااال قطري
المهم رفيحي ماشاالله عليه ذكي ويعرف الحسااب كثير
وكنت مرتاااااااح له واااايد ومغمض عيني .
المهم ارتكبت خطا جسيم يوم قلت له ابي شقق في برزه
مع اني ارتب قبل ماااسافر اي بلد جدولي لاكن ضعيت رقم رااعي الشقه اللي عطاني رفيجي
المهم ودنا عند مكتب اسمه مكتب ياسميناه العقااري وهو تقريبا وسط الشام
ياجماعه والله من شكله نصااب واسمه ابو علي احذوا منه يا جماعه
المهم يبي يورينا الشقه وجان اقول لراع التكسي ترا ماللك الا 550ليره نفس الاتفااق :109:
جان ينزل رااسه :109:
المهم رحنا اول شقه كبيره علينا وقالنا ما نبيها
ورحنا الشقه الثاانيه كانت حلوة وقال لنا الشقه بالليله 9000 ليره يعني 642 ريال
نصاااااااااااااااااااااااااااااااااااااااااااااااا ااااااااااب
جاااان اقوووله لالالا مستحيل
اخذه في الدوحه في الريجز في الليله ابرك لي مو عندكم في الشاام
جان يقوولي يا قهد بهدلتنا والله :109:
وبصراحه يا جماعه انا عاادي:114: عندي اقعد للين الليل وانا ادور شقه مع اننا تونا واصلين من السفر
لاكن والله عشان رفيجي كان تعباان وخذيته الشقه بعد مارحنا عليها ورجنا تقريبا خمسه مراااات
بهدلت صحتهم :109:
:109: اول نصبه يوم فتحنا الشقه جان يستقبلنا المكيف خوش :113: استقبال قام ينزل ماااي
ويقول ابو علي النصاب لراعي الشقه با بوعيسي المكيف مايغسلونه المكيف يمسحونه
جاان اضحك في ويهه وااقوله اصلا المكيف خربااان :109:
المهم كان سعر الشقه 6000 ليره وكاسرت لين ما خليتها 4000 ليره في اليوم نصاابين
لاكن والله عشان رفيجي خذيتها لانه تعباان (( لاحظت علي السوريين طولت بالهم ما يتضاايقون لين مايوصلون للي يبوونه وهو الفلوووس))
المهم سكنا وجان يقوولي رااعي الشقه تبون خرابيط لان الساعه 9ليلا ما في شي
عااد قلت له لا والله حنا نبي سياحه مو الخراابيط واستغرب منا :105:
المهم طلعنا واشرنا لراعي تكسي قلت له سوق الحميديه
قالي 350 ليره طبعا يوم عرف اني خليجي
المهم لاحظت في سوق الحميديه ماحد عرف اني خليجي ماادري يمكن عشان لابس مثلهم او شكلي سوري:106:
المهم قلت لرفيجي بنسوي خطه
اني اروح قبل رفيجي لراعي الملابس واقوله بالسووري (( اديش حقوووة )) وبعدين يروح رفيجي
يسئله بالخليجي
وماتصدقوون يا جمااعه
هههههههههههه
قاااالي انا 250ليره وقال لرفيجي 1500 ليره هههههههه
متنا من الضحك :109:
عاد اتفقنا اذا نبي بضاعه نشير و نقول كلمه وحده ولا غيرها وهي (اديش حقووة )) وبس
وبعدين يعطينا السعر وبعدها نرتاح ونتكلم خليجي وشوي تلقي السووري مفور ويقول اخ اخ يالقهر:109:
رحنا سوق الحميديه وسوق الصالحيه وسوق باب توما وهو خاص بالمسحيين
ورحنا سوق الحمراء
وتقربيا كلهم يتشابهون
لاكن احسنهم هو سوق المحمديه
ملاحظه::::تلقي افراد واقفين يسلمون عليك ويقولون للك تعال شوف بضاعتنا
وغمزت لرفيجي اننا نروح ،، وودونا فوووق
ورحنا واشتري محاسبي الخااص خخخخخ بشت رخيص واصلي منهم
المهم رفيجي حكر لهم كثير ونزل من 1000 ليره الي 400 ليره وبعدها قلنا لصاحب المحل خلاص اشترينا منك وحلفنا له مانرجع بضاعته
قولنا الصراحه كم استفدت منا؟؟ قال البايع وهو يضحك ياعم مااستفدت الا 350 ليره
لان هذا المكان نسميه سووق الحرااميه ( يعني الوافقين يسمونهم السوريين سوق الحراميه):114:
المهم قلت لرفيجي بنتعشاء في جبل قاسيووون وخذينا تكسي وركبنا وحبيت ارفع ظغط رفيجي
وتكلمت مع السائق بلهجه العرااقيه واقوله اريد احجي لك حجايه تقتل القليب قال السائق احكي
وافتر واشوف رفيجي مفور علي خخخخخخخخخخ
طبعا معروفين التاكسي ان هم اهل الكرم والطيب واهل الشهاامه وكل واحد يقول قصه
المهم يحسب الاخ اني سوري وجان اقوله ليش عندكم الاسعار مرتفعه مع انه خلص الموسم
يقول والله من الخليجين هم السبب يجي ويعمل المنااكر يحسب الديره ديرته المهم قمت ارقع ما في فايده
السائق مقتنع من كلامه، المهم ووصلنا الجبل ورحنا نسئل عن قائمه الطعام كلهم قالوا ماعندنا مع انه
المطاعم فخمه يعني يحطون الاسعاار علي كيفهم المهم رحنا لمطعم جاره القمر وكان المنظر رووعه لانك
تشوف الشام في الليل وهي منوره عجيب والمكان فووق باارد المهم عطونا فواكه وموالح علي طول
وجان اسئله حنا مانبي قال لا يا حبيبي هذا ضيافه مننا قلنا اوكي المهم طلبنا كيلو كباب وطبعا سئلنا علي
السعر وقال 950ليره يعني تقريبا 67 ريال وعطانا مقبلات والله يا جماعه انها بلحسه تخلص كلش شي
وجاب الطلب والصحن شوي مشويات ماتجي كيلو وننادي مدير المطعم وقلناله الموضوع قال بنزيد علي حسابنا قلت له لالا نبي الحق مو لف ودوران:112:
المهم جاء الحسااااب وشوووفووا المسخره :: قااالوا المحااارم بكذا وفتح الطااوله 300 ليره والماء بكذا
والموالح بكذا وجان اقووله لالا خويكم قااال ضياافه جان يتهااوشوون مع بعض:109: ويقولي يااستاذ
هذا توة جديد جان اقوله والله مشكلتك مو مشكلتي :109: المهم حسابنا 3000 ليره يعني 214 ريال والله
غااليه اتعشاء في ديرتي بمطعم فخم احسلي مو عندهم ،، المهم رجعنا مع بطل تكسي جديد:109: ويقول لنا
بطولاته هههههههههه وانه ساعد فلان واللي ساعده مااعطاه شي وماادري شنو المهم كان شخص يكره
العراقيين ويوم سئلت ليش قااالي لان العراقين اللي جوة عندنا هم اللي رفعوا سعر كل شي فارفعوا علينا
الحكوومه وقاال بعد ان اللي جوة من العراااق هم اصلا حراميين سرقوا من البنوك وحلفي لي انه يسرقون
بالخيشاااات :114:
المهم رحنا لبلوودان
وهي منطقه علي الجبل وتبعد 40 كيلو تقريبا من الشام وهي باارده وفيها بس فندقين وطبعا منطقه بلودان
ما فيها مكيفات بس مرااوح صغيره ، لان جوهم باارد وحلو ،، وهي قريبه لزبدااني
واللي يقول انها طبيعه مو طبيعه هي بالاساس مزاارع بس مو مثل جمال لبنان فديتها بطبيعتها
المهم حجزنا في مكتب الايهم للعقارات شقه عائليه المفروض مايسكناه لان لاخ بيي فلووس وعطانا 2000
ليره يعني 140 وكانت رووعه الشقه وكبيره جدا علينا وكانت مطلعه علي الزبدااني يعني نشوفها تحت
وبلودان وقتها حلووو في الشتااء لان الجبال تتغطي بالثلووج في شهر 11 و12 و1 حسب كلام السورين
احسن ما في بلودان مطاعمها لانها فوق في الجبل ومطله علي الزبداني. المهم سئلنا عن اسواقهم قالوا
ثلاثه عندهم بس سووق اسمه بعد مو سووق بس محلات جنب بعض في الزبدااني واسمه المحطه وفيه
ماااء الكووثر ماااء والله وربي غريب حلو طعمه لانه من الجبل .. وسووق بقين وفيه ماء بقين بعد من
الجبل بااارد وينثر 24ساعه ما يوقف والعاالم يترسون دناكر. وفيه سووق نسيته واسمه تقريبا مالطا سوق حلو وكبير
المهم قعدنا في بلودان يومين ورحنا بالميوتو بااص كذا يسمونها يعني بااص صغير
واتفقنا مع راعي المكتب بالف ليره يعني 71 ريال للمطار
ويوم وصلنا للمطاار قلنا راعي التكسي ههههههههه والله السعر 1500 ليره قلنا اتفقنا المه بعد المماطله معي قال مو مشكله باخذ منه راعي العقار قلت زين تسوووي :109:
وصلنا لموظفي المطار وجان يقولي وين بطاقه الدخول قلنا ضيعناها قال ادفعوا 100 ليره جان اكذب
عليهم واقول ان النقيب اللي هناك قاال عااادي واذا انت مصمم بروح باكلمه بادفع هناك لانه اعلي رتبه :
109: جااان يقوولي لا تغلب حاالك خلاص انا بدفع من جيبي :109: قلت والله كفووو اصلا انتوا
معروفين اهل الشاام بالضيااافه العربيه هههههههههههه:109: ومااات من القهر
[blink]معلوماااااااات مهمه ::[/blink]
1 تبي تعرف سعر العمله السوريه بالنسبه لعمله بلادك تاخذ الليره وتقسمه علي سعر صرف بلادك
مثلا سعر الصرف القطري 14.
يعني 1000 ليره تقسمها علي سعر الصرف يعني 14 ويطلع الناتج
2 نصيحه مهمه ماابي ينصبون عليكم ترا الليالي هي المحسووبه مو الايام
يعني مثلا اذا حجزت اسبوع من يوم السبت تطلع يوم السبت الجاي 12 ظهر مو يوم الجمعه
انا نصبوا علي :112: اوكي المره صادوني :110:
3 مناطق وجغرفيه سووريا بعيده عن بعض مثلا الشام عن كسب شمال يبيلك خمس ساعات
حمص 40 كيلوووووووو تدمر منطقه الاثاار سااعتين بلودان ساعه ونص الاذقيه بعد خمس ساعاات
بشكل عاااااااااام سوووريا قفيره بالمراافق السياااحه جغرافيا وسياحيا
4 نصيحه اذا مثلا دريت انهم نصبووا عليك لاتكست علي الاقل قلهم ان ادري نصبت علي بس هذا السعر ارخص من بلادنا ،، بس عشاان ما يقلوون الشخص الخليحي غبي ؟؟:112:
5 الهرنااااااااات مثل قوولت السلام عليكم عااااااااادي ولاحظ عليكم ما يزعلووون :24: سد اذنك بحصي احسن
6 التاااكسي يحط السعر اللي يعجبه مع انه فيه عداااااااد بس يقوولك ماعندي ،،، يبي يربح :113: خوش ضيافه
7 منطقه برزه او مسااكن برزه تحسفت سكنت فيه لان سمعته مش حلووووة لانه في بنااات الليل محشوومين عنهم
8 منطقه التل منطقه ديسكووووهاات هي ومنطقه ومعرباا وللاسف حنا سكنا في برزه وهي قريبه منا :112:
منطقه الزبدااني ومنطقه بلووداان مناطق جيده من حيث الجووووو لاكن االتجاار هي اللي يخربون مزااجك بالنصب
كنت مخطط ارووح تركيا من خلال منطقه كسب لاكن طلعت بعيده مساافه 500 كيلو يعني جني مسافره البحرين واكثر
9 الصرااااحه سووريا ما تصلح للسياااااحه لا للشباااب والا للعوااائل ،، ومخذين فكره غلط عننا الخليجين اننا اغبياء واننا نبي حاجه معينه .؟؟ مااانني الاحظ اننا احنا الاذكيااء وهم ؟؟؟؟؟؟؟؟؟؟؟؟؟؟:114:
10 جو دمشق حلووو وجو بلوودان منعش والزبدااني بعد
11 كااااااانت معي 5000 ريااال قطري بدون التذااكر ورجعت ما بقي الا 200 رياال وهذا وانا متكفل برفيجي بكل شي وعليكم الحسبه
اذكر والله العضيم اني ارتجف من البرد قبل امس في بلودان من البرد وبدون مكيف ومتلحف 2بطانيتين
ويوم رجعت لبلادي جااان تقوولي الرطوووبه:112: لنا وحشتنا يا فهووووووووود :110:
علي فكره انا مدقق علي هذي المعلوومااااااات وخذيتها عن دراااسه :114:
واتمني ان اعجبكم تقريري
مواضيع عشوائيه ممكن تكون تعجبك اخترناها لك:
المفضلات