الموضوع: استفسار بخصوص منتجع العرين

السلام عليكم ،،،

أخواني انا بأقضي إجازة العيد في مملكة البحرين...

حبيت أستفسر بخصوص منتجع العرين... أنا شاهدت أحد المواضيع موضح فيها المكان ( جوجل إيرث)

بس مو واضح بالنسبة لي ... أنا جاي من السعودية اذا عديت الجسر .. آخذ أي مخرج ؟؟؟

هل فيه مخرج باسم جنة دلمون أو الفورملا أو أيش بالضبط؟؟؟

أحتاج وصف بالكلام الله يخليكم... واذا ممكن إحداثيات المنتجع؟

وعندي سؤال ثاني...

انا سمعت ان الي يسكن بمنتجع العرين .. له دخول مجاني لمحمية العرين .. هل هذا صحيح ؟؟

وشكراااااااااااااااااا لكم يا أهل البحرين الطيبين

مواضيع عشوائيه ممكن تكون تعجبك اخترناها لك:

• ارجو المساعده ياهل الخير
• الوضع الآن في البحرين ؟
• ارجوووو المساعده لاني احتمال السبت ان شاء الله ماشيه
• ياهل البحرين
• منتجع سي لوفت البحرين
• من يساعدني في البحث عن الجزر
• شباب استفسار الله يعافيكم بشان السكن في البحرين او في الشرقيه
• شقق في الجفير ،؟
• حجز شاليه
• عاجل لاهل البحرين
• تقريري المختصر عن زيارتي للبحرين الحبيبه
• ماهي انواع البنزين
• من يساعدني ؟
• فروع شركة سوني وينها في البحرين
• كل عام وانتم بالف خير وصحة وعاافيه
• بخصوص البيبي ستر في فنادق البحرين
• عندي كم سؤال ودي تجاوبوني ؟؟لو تكرمتم
• ايش هو اليوم النسائي
• المحميات الطبيعية في البحرين
• سؤال عاجل ؟؟؟

مرحبا أخوي الوافي ..
يا أخوي غذا حبيت تروح لمنتجع العرين عليك أتباع إشارات حلبة البحرين للفورملا من بعد جسر الملك فهد ..
وأهو ما يضيع يا أخوي .. إذا طلعت من جسر الملك فهد راح يجيك أول كوبري أتركه وأمشي شويه وراح يجيك ثاني كوبري تلفه يمين على شارع الشيخ خليفة بن سلمان وبس وتاخذ الشارع سيدة أول وراح تمر على أول نفق وراح أيضاً تمر على ثاني نفق .. وبعدها راح تجيك لفه على اليمين أتركها .. وروح سيدة ألين ما تجيك اللفه الثانية يمين تنزل يمين وتاخذ الشارع وأسمه إذا ما خاب ظني شارع الزلاق .. وبعدها راح تجيك الإشارة الأولى وارتكها وروح سيدة وبعدين راح تجيك الإشارة الثانية لفها يسار وبعدين راح تجوف محطة وقود على اليمين وجامعة البحرين على اليسار .. وبعدين روح سيدة وراح تمر على اكثر من إشارة وروح سيدة لين ما توصل إلى محمية العرين وبعدين راح تجوف إعلانات المنتجع واتبعها .. وبحاول يا أخوي أجوف لك خريطة أحدد لك الطريق ..

وأتمنى أني افدتك .. وإذا عندك يا أخوي استفسار أو اي سؤال ترى حاضر لك ..
وتفضل مروري

هذي صور للخريطة وأتمنى أنها واضحه ومفهومه ..


http://www.0zz0.com


http://www.0zz0.com

وصف اخوي الغاالي بو راشد ماعليه كلام ... بس تقدر تلف مع اول جسر يمين وتمشي لين توصل مدينة حمد ومن بعدها لو اسال اي واحد هناك يوصف لك الجسر اللي تاحذ منه يمين لين توصل المنتجع

تحياااتي

لا بس وصف بوراشد ممتاز أخوي ولا بتحصل أحسن منه

لا يا أخوي عشقي البحرين غذا على وصفك راح يضيع ..
خله يروح على الخارطة أحسن وأسهل وعلى الأقل لافتات حلبة البحرين للفورملا على نفس الشارع اللي في الخارطة ..

تسلم يا أخوي نايف بحريني ..

ومشكورين على المرور ويعطيكم ألف عافية ..