السلام عليكم ورحمة الله وبركاته,,,,,,,,,,,,
وعليكم السلام ورحمة الله وبركاته
انا مسافر البحرين يوم 11 سبتمبر لمدة 3 ايام لرحلة عمل خاصة لشخصين (شبابية)
طبعا الطيران دولي
حياكم الله في بلدكم الثاني البحرين .. وتنور البحرين بوجودكم .. وأهلاً وسهلاً ..
حبيت استفسر عن المواصلات في البحرين هل اسعار التكاسي غاليه والا افضل لي استأجر سيارة وكم راح تكون اسعارها
طبعاً أسعار التكاسي غالية جداً .. والأفضل أنك تستأجر سيارة من المطار .. للسيارة العادية (كورولا ـ يارس ـ تيدا ـ سني) وغيرها من هذه السيارات تتراوح أسعارها ما بين (10 إلى 15 دينار) على حسب الموسم ..
الفتره هذه كيف راح يكون الجو والبلد راح تكون مزحومة والا كيف
طبعاص الجو راح يكون حار ورطب .. وبعض الأحيان يكون معتدل في الليل .. قليلاً كون بعض فعاليات العيد موجوده وبعض السياح لين الحين ما رجعوا إلى بلدهم ..
اش افضل الامكان اللي اقدر اقضيها بالها 3 ايام
المجمعات :
1. مجمع سيتي (منطقة ضاحيه السيف ـ المنامه)
2. مجمع السيف (منطقة ضاحيه السيف ـ المنامه)
3. مجمع العالي (منطقة ضاحيه السيف ـ المنامه)
4. مجمع مودا مول ـ برج التجارة العالمي (منطقة المنامه ـ خلف فندق الشيراتون)
5. مجمع البحرين (منطقة السنابس مقابل مجمع السيف ـ المنامه)
6. مجمع الدانه (منطقة السنابس مقابل مجمع الستي سنتر ـ المنامه)
7. مجمع مارينا مول (منطقة المنامه)
8. مجمع اللولو في المنامه (منطقة المنامه)
الأماكن السياحية والتراثية :
1. قلعه عراد (منطقة عراد)
2. قلعه الرفاع (منطقة الرفاع)
3. متحف البحرين الوطني (منطقة المنامة)
4. بيت الجسرة (منطقة الجسرة قرب جسر الملك فهد)
5. شجرة الحياة (منطقة الصخير)
6. متحف النفط في (منطقة الصخير)
7. شارع الشيراوي (منطقة العدلية)
الأماكن الترفيهية :
1. جنة دلمون المفقودة (منطقة الصخير)
2. محمية العرين (منطقة الصخير)
3. منتزة وعين عذاري (منطقة المنامة)
4. واهووو (منطقة ضاحية السيف ـ داخل مجمع الستي سنتر)
5. جزر حوار (الحجز من المكتب في النادي البحري)
6. جزر الدار (الحجز من منتجع البندر)
7. المسرحيات الكوميدية في العيد
وكمان افضل موقع للسكن مع العلم انه الزيارات راح تكون في المساااااء
هذا الرابط موجود فيه جميع فنادق مملكة البحرين
الرابط : http://www.arabtravelersforum.com/travel614504/
وعلى حسب نوعية الفنادق اللي تبيها هل تبي شقق ولا تبي فنادق خمس نجوم ولا تبي فنادق أربع نجوم
والسؤال الاخير كيف الاوضاع الامنيه في البحرين لاني اسمع طرطشات كــــــــــــــــــــــــــلام
الحمدلله الوضع الأمني ممتاز .. ولا تحاتي .. وحياك الله
وشكرا لكم
وإذا لديك أي سؤال أو استفسار ترى حاضر لك ..
وتقبل مروري ..
رد مع اقتباس
المفضلات