الموضوع: هل استطيع استخدام بطاقات الصراف الخاصه بالبنوك السعوديه فى اجهزة الصراف الكويتيه

بسم الله الرحمن الرحيم

الاخوه الاعزاء

هل استطيع استخدام بطاقة الصراف الخاصه بالبنوك السعوديه فى اجهزة الصراف الخاصه بالبنوك الكويتيه

مواضيع عشوائيه ممكن تكون تعجبك اخترناها لك:

• بودل للشقق الفندقية صورمن جوالي لداخل الشقة
• أهل الكويتأهل الكرم ساعدوني في اختيار شقة فندقية
• مساعدة من خبراء واهل الكويت
• فندق الكورنيش أو الكويت بالس
• خذاك الوقت
• الشويخ
• المدارس بالكويت
• سؤال لشباب الكويت
• عاجل جداااااااااااااااااااااااااااااااااااااا
• ممكمن سؤال ؟؟؟؟؟؟؟؟؟؟؟؟؟؟؟؟؟؟؟؟؟؟؟
• عيدنا بالكويت بس ما أعرفها
• سؤال بخصوص منتجع هلتون المنقف؟
• فلم ممتاز الطريق الى مكه على خطى إبن بطوطه
• ممكن تدلوني على فندق حلو ورخيص
• هاميس من مصر
• سؤال عن الانترنت بالكويت
• ضيف جديد لأول مرة
• الى اهل الكويت و بالاخص المشرفة المرام
• الكويت دفء الصحراء المتموجة
• ساعدوني يابنات الكويت

مره سحبت ببطاقة الصراف مالتي في البحرين بس قصوني قص ومادري في لكويت تقدر او لا شدراني اناااااااااااا
خذ لك فلوس وحطهم في مخباك ولبد شوي في الجواريب عن يبوقونهم او يضيعون منك

مشكور على النصحيه

انا سبق واستخدمتها بعدة دول ..بينها مصر والامارات وعمان وقطر ..وكانو فقط يحسبون سعر الصرف الرسمى

ونحتاجها اكيد فى وقت الزنقات

تقبل تحياتى اخى العزيز

نعم أخوي إذا بطاقاتك تحمل خدمة فيزا إلكترون أو بلس فستكون شغالة بالطبع وكذلك البطاقات الإئتمانية مثل الفيزا والماستر كارد وييتم التحاسب بسعر الصرف + مبلغ زهيد نظير التحويل من بنك لآخر ( يعني إنت على سبيل المثال مصرفك بالسعودية الراجحي وبالكويت سحبت من البنك الوطني أو الخليج أو التمويل فلا بد أن يأخذوا رسوم هذا التحويل وأظن المبلغ زهير فقط 3 أو 4 ريال للعملية .

مشكور عزيزى فهد الاحمد على التوضيح

والله انكم يا اهل الكويت راعين فزعه .. وهذا من طيبكم .. ما يمدينى اسأل الا الاقى الجواب على طول

سؤال : هل فيه صرافات معينه .. والا كل الصرافات

المشاركة الأصلية كتبت بواسطة فهد الأحمد
http://www.arabtravelersforum.com/tr...2/#post1870273

نعم أخوي إذا بطاقاتك تحمل خدمة فيزا إلكترون أو بلس فستكون شغالة بالطبع وكذلك البطاقات الإئتمانية مثل الفيزا والماستر كارد وييتم التحاسب بسعر الصرف + مبلغ زهيد نظير التحويل من بنك لآخر ( يعني إنت على سبيل المثال مصرفك بالسعودية الراجحي وبالكويت سحبت من البنك الوطني أو الخليج أو التمويل فلا بد أن يأخذوا رسوم هذا التحويل وأظن المبلغ زهير فقط 3 أو 4 ريال للعملية .




:24:

إسمع يا خوي إذا بغيت تسحب مبلغ على قولتك للزنقه لا تسحب على دفعات مثلا

لا تسحب 10 وبعدين 20 وبعدين 10 على طول إسحب 60 أو المبلغ المتوقعه من البدايه

والسبب لأني لمن سحبت 10 وشيكت بالصدفه من التلفون لقيتهم حاسبينها 143

لكن لمن سحبت أكثر من كذا طلعوا حاسبينها تقريبا 139 يعني عمولة البنك في الكويت تكون مره وحده

لا تخليهم ياخذون عموله على كل سحبه فهمت علي

اخوى رفيع الشان

معلومه ممتازه .. الله يعطيك العافيه

أتفق مع الأخوان في المعلومات التي ذكروها...!

و أحب أطمنك بأن البنوك و آلات السحب متوفرة...
و منتشرة في كل المجمعات و الأسواق...!

تقبل تحياتي.

هلا بك عزيزي ...

للمعلومية .. أستعراض كشف حساب عن طريق الصراف يحسب عليك عمولة ..

وكل عملية سحب تحسب علييك عمولة ..

بينما لو تستخدم بطاقة فيزا او ماستر .. راح ترتاح مرة ومن دون رسوم أستخدام ..

بس تكون شبكة ماهو سحب نقدي ..

بالتوفيق عزيزي ...

تسلم حبيب قلبى ضارى ..دائما منور المواضيع

عزيزى المعذب ..اشكرك على هالمعلومات القيمه.. بالنسبه للفيزا للاسف الفيزا حقتى منتهيه ولا جددتها.. لها 7 سنين ما استخدمتها الا 3 مرات .. وطلعت بدالها انترنت فيزا (يعنى فيزا خاصه بمواقع الانترنت) .. تعتقد انها تصلح