السلام عليكم ورحمة الله وبركاته
يابنات الكويت أنا عروس وراح أزور الكويت في نهاية الأسبوع وهذه أول زياره لي للكويت وأنا حابه أجهز لزواجي من ديرتكم ياأهل الذوق وأبغى منكم المساعده لاتخذلوني أنا عندي ورقه مسجله فيها كل المجمعات الكويتيه لكن المشكله مايكفي الوقت إني ازورها كلها لإني راح أجي يوم الأربعاء وراجعه يوم السبت
أولاً: أنا إللي اعرفة أن الكويتيات ولبسهم اللي دايما يلفت النظر ويعجبنا مش من محلات داخل المجمعات في بنات يصممون ويبيعون داخل بيوتهم وهم اللي يجيبون البدل والملابس الغريبه فتكفون يابنات الكويت دلوني على بنات يصممون ويبيعون وعندهم أشياء غريبه
ثانياً: أنا فستان زواجي مافصلته ألى الآن وخاطري افصله بالكويت لكن ماراح اغامر الا بعد ماتعطوني مكان يستاهل وقد جربتوه من قبل
ثالثاً: أبغى أفضل محلات قمصان نوم حتى لو في بنات يبيعونها دلوني عليها لكن المهم تكون غير اللي عندنا بالسعوديه في بنات عندنا بالسعوديه يجيبون قمصان من الكويت ويبيعونها عندنا لكن والله أشياء غريبه وتجنن لكن انا ماشريت منها قلت اسألكم وراح تدلوني عليها بإذن الله وراح اخذها بسعر اقل من اسعارهم.
رابعاً: المكياج وماأدرئك مالمكياج وهذه خبرتكم يابنات الكويت أنا سمعت عن ماركة كريولان وسمعت عن الخبيره عبير الياسين وين مكانها وش رايكم فيها وعطوني افضل محلات مكياج وإذا فيه خبيرات يشوفون شنو يناسبني يكون افضل
خامساً: أم العروس حلوة اللبن تبغى جلابيات ياعمري عليها تحوس عندنا بالسعوديه تدور هالجلابيات ماكو شي يعجبها واللحين طالبه مني اسألكم تكفووون لاتفشلوني حتى لو في حريم يبيعون أو يصممون ماعندها مانع وتبغى شيلات(طرحات) وبراقع
أنا آسفه على كثر الأسئله والإطاله لكن مالي بعد الله سبحانه وتعالى الا انتم فلا تخذلوني وياريت اذا بلغتوني عن اي محل تعطوني رقمه أو عنوانه علشان مايضيع وقتنا وحنا ندور بالشوارع ونرجع بلوشيمواضيع عشوائيه ممكن تكون تعجبك اخترناها لك:
- ممكن جدول لرحلة الى الكويت ثلاثة ايام
- يأهل الكويت وسياحها فزعتكم بلييز رشحوا لي اي فندق من ها القائمة اختار
- فرعتكم يا عيال جابر
- ياهل الكويت الفزعه
- مجمع العربيد بالفروانية
- عيد الكويت
- اين ابراج الكويت والحديقة الترفيهية وحديقة الحيوان ويوم البحار في الكويت
- محتاج فزعتكم يا أهل الكويت
- برج الحمرا المول
- ساعدوني بترتيب أيامي
- منح دراسية للكويتين في مجال الضيافة الفندقية
- اهل الكويت الغالية
- سؤال عن سكن العزاب ؟
- منتجع النخيل
- دلوووني على سكن مناسب أرجوووكم
- كم مسافه بين منفذ الخفجي الى حدود العراقيه ؟
- العشاء على انغام نهائي كأس الخليج
- اهل الكويت الحبايب
- اخوانى ارجو الافاده
- جولة إلي أكبر سفينة خشبية في العالم صور معلومات
المفضلات