الموضوع: شرايكم في ريتز السالمية

السلام عليكم

ان شاءالله الاسبوع بتشرف انا والمدام بزيارة الكويت الحبيبة
ولقيت من ضمن الاختيارات عندي فندق ريتز السالمية
انا عارف موقعه انه في السالمية شارع قطر تقاطع شارع الخنساء

بس سؤالي هل هو نظيف ومرتب والاسواق والمجمعات قريبة منه والا لا

ماعليه بتعبكم معاي اشويه

مواضيع عشوائيه ممكن تكون تعجبك اخترناها لك:

• وش الافضل موفنبيك او النخيل
• مساعدة عن زيارة الكويت
• القفطان المغربي
• فندق المنشر روتانا بالعيد
• مساء الخير ياكويت شاهدوو الصور
• أبراج الكــــــــــــــويت وقصـــة مصٌــورة لشموخ يعانق السماء
• ســـــوق الـمـبـاركـيه
• جدول رحلة تسوق بنات
• بالصور بوتيك دريس فان نوتن في الكويت
• استفسار
• استفسار عن الجارمن للجوال
• أم خماس
• يلي يبون يروح الكويت عبر البر هل اخذتم احتياجاتكم للجو
• اسعار الشقق المفروشه في الكويت
• احتاج فيزا لدخول الكويت
• ســـــــــــــــــــــــــــــــــــــــــــــــــ ـــــــاعدوني
• المرزوقانجاز من مشروع مول الكويت
• طلوب اسم طبيب لعلاج الأورام بالرأس لطفلة
• غـدانـا ثـانـي آيـام الـعـيـد فـي الـمـطـعـم الـهـنــدي أوريــتـــنـــال
• كيف الجو عندكم

واذا عندكم اقتراح ثاني ياريت تعطوني اياه
واكون لكم من الشاكرين

يعطيك الف عافية اخوي ضاري وان شاءالله بكرة بروح لمكتب السفريات وبساله عن اسعار فندق الكورنيش
مع العلم حسب لي سعر الليلة الوحدة في فندق الريتز ب500 ريال على ستاندرد روم

مرة ثانية يعطيك ربي الف عافية اخوي ضاري

تحياااتي

^ ^ ^ ^ ^ ^ ^

أهلا و سهلا فيك أخي الكريم...
الله يعافيك إن شاء الله.



سعر جيّد نوعاً ما...

فــ الكورنيش أعتقد راح يكون بحدود الـ500-600 ريال...
لأن هذه دائماً اسعارهم يكون الكورنيش أكثر بقليل من الريتز حسب علمي.

و هو فندق ذات موقع مميّز.

--------

تمنياتي بقضاء وقت ممتع...
تقبل تحياتي.

اخوي ضاري ماقص كل الشكر له

وحياك الله بديرتك الكويت

يعطيكم الف عافية
خلاص حجزت في فندث الريتز excutive superior room


وفندق الكورنيش فولي بوكد

سؤالي هل اقدر احصل خريطة الكويت من منفذ النويصيب او تكون متوفرة في الفندق ؟؟

ماعليه سامحوني اذا ازعجتكم وياي

وصلنا بحمدالله ورعايته انا والمدام دولة الكويت الحبيبة

الحمدلله كل شي سهالات من الجمرك حتى وصولنا الفندق

ريحنا اشوي وطلعنا على المغربية وتعشينا في مطعم الصخرة

بصراااحة اكله رهييييب وخدمتهم ممتااازة جدا

اليوم ان شاءالله بنروح الافنيوز بصراحة مادله لكن اللي يسال مايتوهش

ويعطيكم الف عافية

الحمد لله على سلامتك اخوي ..

وافنا باخر الاخبار ..


سفره سعيده ان شاء الله

^
^
الله يسلمك اخت مزون ويعافيك

اليوم رحنا مجمع الافنيوز وهو مايضيع على الدائري الخامس باتجاه الجهراء تلقون لوحات على اليمين قبل المجمع ب500 متر تقريبا او اكثر اهم شي لاتفوتكم اللفة مثل ماصار لي وتبهدلت
المجمع لسه ماكتمل بس بصراحة كبييير ومعماره فظيع الله يهنيكم فيه ياخوانا الكويتين فيه
وبعدها رحنا مطعم فريج صويلح ويقع في السالمية شارع سالم المبارك قبل مجمع مارينا مول باشوي
المطعم ديكوره حلو ورايق

هذا في طلعة الصباح ان شاءالله نلتقي في طلعة المساء

تحيااااتي

الحمدلله على السلامة اخي الكريم...

و كل تمنياتي لكم بقضاء وقت ممتع في بلدكم الكويت...

تقبل تحياتي.

^
^
الله يسلمك اخوي ضاري ووجودي هنا بفضل الله ثم بمساعدتك لي اخوي وكذلك باقي الاعضاء

الليلة نويت ان شاءالله اروح سوق السالمية مع مارينا مول وبالمرة بتعشى وبعسل هناك

تحيااااتي للكل

سوق السالميه هذا اللي ما اعرفه ..

استنى رأيك فيه ..

و فريج صويلح كيفه ؟؟ راقي و يصلح لعائله ؟


اتمنى لك وقت ممتع في الكويت الحبيبه

سوق السالمية سوق محلاته عاديه وشعبي بس مغطى وفيه مطاعم وكوفي شوبات وفي نفس الوقت فيه سيتي سنتر هايبر ماركت ماطولنا فيه لانه ماشفنا شي فيه عجبنا والناس اذواق اختي يمكن اللي مايعجبني يعجب غيري والعكس طبعا موقعه على تقاطع شار الخنساء مع شارع قطر ومقابله فندق ريتز السالمية

بالنسبة لمطعم فريج صويلح ديكوره حلو يذكرك بدرب الزلق والاقدار الله واسامي الطبخات خلتني احن لطبخ الوالدة الله يحفظها طبعا فيه كباين في الدور الثاني ومفتوح في الدور الاول وتضاف 10 % رسوم خدمة للكباين
اظن فيه مكان يكفي عايلة لاني شفت عوايل هناك وان شاءالله راح يعجبكم
لا انسى مجمع مارينا اتوقع راح يعجبكم حلو ومرتب ويصلح للتمشية طبعا مليان محلات الماركات والمطاعم والكوفي شوبات وعجبتني حركة الجسر اللي يوصل بين المجمع والمطاعم والفندق على الكورنيش حتى اني اقول للمدام ياريت مسوين في مارينا اللي عندنا في الدمام مثل هالحركة ( اقصد الجسر)
اخر شي رحت لمطعم اسمه اوتار لبنان وشربنا شاي بالنعناع وكيفت الراس على معسل اوتار لبنان

بكرة ان شاءالله بروح سوق شرق ومطعم ميس الغانم وفي العصر مخطط على حديقة الشعب الترفيهية وراح اتكلم عنهم اول باول ان شاءالله متى مارحتهم

طبعا الكويت الحبيبة حلوة وماتنمل بس بصراحة انا اضيع فيها والقارمن هو اللي قايم بشغله واي استفسار اذا اعرفه راح اجاوبك اختي

تحيااااتي

توقعت السالميه عادي.. المارينا شفته فخم بس مو مره حبيته .. لانه زي الراشد عندنا .. حبيت الفنار و المهلب و شارع السالم المبارك كله .. و كمان الرايه روعه ..

استنى تقريرك اول باول و ياليت فيه صور ..

الله يحفظكم

الله يعطيك العافية اخي الكريم...

--------

بالنسبة لسوق السالمية,,,
هو سوق شعبي, و من يزره دائماً يقصد شراء الحاجيات البسيطة و التقليدية...
مثل الأواني و غيرها,

أو يزوره بغرض التسلية : البلياردو و البولنغ.

----

تقبل تحياتي عزيزي.

مزون + ضاري
مرحبا بكما وشكرا على مروركما

اليوم الصباح رحنا انا والمدام سوق شرق وفطرنا هناك وتمشينا فيه
المجمع روعة بصراحة وتحفة معمارية عجبني وعجب المدام ومكانه مايضيع ابد
اليوم تغير المخطط وناوين العصر نروح الديرة سوق الكويت مع سوق المباركية واذا لقيت احد يوصف لي مجمع الاوقاف عشان الجلابيات الكشة ( للمدام )

مجمع الاوقاف موجود بشارع السور

وحياك الله بالكويت

^
^
يعطيك العافية اخوي الملك :24: بالضبط وصلت مجمع الاوقاف وماشاءالله انواع الجلابيات واسعارها حليوة شرت المدام لين قالت بس وانا ادفع وبس :110: بس تستاهل المدام وش اقول اكثر :106:
المهم قبل ماروح مجمع الاوقاف رحت لسوق الكويت الشعبي نزلت من عند دروازة عبدالرزاق وتمشينا هناك شوي وبعدها رحنا سوق المباركية ياولد الحجية ( الله صج يرجع لي الذكريات القديمة خصوصا سوق القيصرية في الحسا الله يجازي اللي حرقه ولايوفقه يوم اروح لمحل جدي يالله ريحة العطارة وكل شي تحت سقف واحد مطاعم مقاهي جزارين عطارين واقمشة ) طبعا تقضينا منه ومشينا ورحنا على طول مجمع الاوقاف

وفي الليل رحنا تعشينا في مارينا وكالعادة خذ راس معسل وكيف الراس وبعدها اروح الفندق :11ight:
اختي مزون سامحيني بالنسبة للصور لاني ما اخذت معاي الكاميرا

الحمدالله على السلامة وحياك الله نورت الكويت ماشاء الله التقرير رائع وانا انصحكم بزيارة مجمع الكوت والمنشر بالفحيحيل وهو ملاصق لفندق روتانا المنشر

واذا عندك الجارمن اختار شوبنج وبعدين فحيحيل بازار لانه ملاصق لمجمع الكوت لان االمجمع غير مسجل بالجارمن لأنه جديد

^
^
يعطيك العافية اخوي ترافلز مان
بس للاسف ما اسعفني الوقت وماقدرت اروح مجمع الكوت والمنشر

اليوم الاخير في الظهر رحنا تغدينا في مطعم ميس الغانم والذي يقع على شارع الخليج بجانب السفارة السعودية تقريبا
الاكل حلو وخدمة ممتازة واسعاره معقولة انصح فيه وبقوة
وفي العصر رحنا حديقة الشعب برضو على شارع الخليج وتسلينا هناك وروقنا لين المغرب بعدها رحنا للنادي العلمي وخشينا الاكواريوم وخذينا لنا لفة هناك وبشهادة حق النادي هذا متعوب عليه الله يهينكم اخواني الكويتيين فيه

وطبعا في الليل طالعادة رحنا لمارينا وتمشية مع العشا وراس شيشة يعدل المزاج استعدادا للسفر يوم ثاني للوطن

في نهاية زيارتي لدولة الكويت الشقيقة احب اشكر كل من ساعدني في المنتدى واشكر اخواني وخواتي في الكويت الحبيبة على حسن الضيافة

تحياااااتي

الحمدلله على السلامة أخوي سواح شرقي...

و كلنا أمل إن شاء الله بأن تكون قضيت وقت ممتع
في بلدك الثاني الكويت,,,

و ذلك واضح من تفصيلك للرحلة...
الله يعطيكم دوام الصحة و العافية يا رب.
و إن شاء الله بالزيارات القادمة.

تقبل تحياتي.

الحمد لله على السلامة أخوي سواح
استفدت كثيير من موضوعك المبسط لأني رايح للكويت الإربعاء الجاي
طبعا أول مرة أزور الكويت
أبي رايك وراي الإخوان بالفندق وما أدري عن الأكوبارك زرتها أسمع عنها كثير
الصراحة متخوف كثير من ضياعي في شوارع الكويت الوقت مهم لأن الرحلة قصيرة
مشكورييين

المشاركة الأصلية كتبت بواسطة Dhari
http://www.arabtravelersforum.com/tr...8/#post1908668

الحمدلله على السلامة أخوي سواح شرقي...

و كلنا أمل إن شاء الله بأن تكون قضيت وقت ممتع
في بلدك الثاني الكويت,,,

و ذلك واضح من تفصيلك للرحلة...
الله يعطيكم دوام الصحة و العافية يا رب.
و إن شاء الله بالزيارات القادمة.

تقبل تحياتي.



الله يسلمك اخوي ضاري يالغالي كفاية انك ماقصرت وياي وجاوبتني على تساؤلاتي واستفساراتي ويكفيني نصيحتك لي باختيار فندق الكورنيش ولولا انه مافي حجز والا كان اخترته بس قدرالله وماشاء فعل
الحمدلله استمتعنا انا والمدام في الكويت ان شاءالله بنكرر الزيارة مرة ثانية بس ماراح اخذ الريتز خلاص توبة يالكورنيش او المارينا وماشاءالله الخيارات كثيرة بعد

لك خالص تحياتي واحترامي اخي العزيز ضاري

اخوي كتكات
الاخ ضاري ماقصر عطاك نبذة بسيطة عن كل شي تبيه
بالنسبة للاكوا بارك انا مارحتها المرة هذي لكني رحتها مع اهلي وانا صغير واتذكر انها ممتعة وفلللللة ان شاءالله تستانسون فيها واظن فيه مدينة مائية في المسيلة الشباب هنا ان شاءالله مايقصرون وياك ويدلونك اياها
بالنسبة للفندق صحيح انه 4 نجوم بس انا انخميت فيه يعني نصيحتي لك مثل مانصحني ضاري اسكن في فندق الكورنيش
والكويت ماتضيع بس انا كان اعتمادي الدائم بعدالله على وصف الشباب هنا في المنتدى وعلى القارمن عشان اوصل النقطة اللي ابيها بالضبط
وتروحون وتجون بالسلامة ان شاءالله اخي العزيز

خاااالص تحياااتي

الحمد لله على سلامتكم ..

و ان شاء الله انكم قضيتوا وقت ممتع في الكويت الحبيبه


تحياتي

مشكووووور أخوي ضاري
على ما قدمته
الله يخلي لنا الكويت وأهلها

المشاركة الأصلية كتبت بواسطة mzoon
http://www.arabtravelersforum.com/tr...4/#post1909014

الحمد لله على سلامتكم ..

و ان شاء الله انكم قضيتوا وقت ممتع في الكويت الحبيبه


تحياتي



الله يسلمك اخت مزون
الحمدلله قضينا وقت ممتع في الكويت الحبيبة واستمتعنا بالسفرة
لكي خالص تحياااتي

الحمد الله على السلامة والله استمتعنا باسلويك الشيق في سرد التفاصيل ونتمنى ان تكرر الزيارة في المرات القادمة واهلا وسهلا بك

^
^
الله يسلمك اخوي ترافلزمان وان شاءالله لي زيارات اخرى لدولة الكويت الحبيبة
ومشكور على الردود يالغالي

تحيااااتي