الموضوع: رحلة وعائلتها الى جنوب افريقيا

اخوي عبدالعزيز

الرائع هو ردك علي

مشكور اخوي

رسام على متن القارب نفسه ورسم اخوي



هههههههههه
تصدقين اني شفت الرسام نفسه وانا طالع القارب
بس كان مغير لبسه والا كان قلت انك طالعه معانا بنفس اليوم

ذوق ، تقدري تقولي انهم مشيرين الى القدس في رأس الرجاء الصالح ، والقدس مدينة عربية طبعاً

وبعدين ليش خايفة من الاسد ما قربتي منه كثير عشان تصوريه ؟؟؟


محبتي !

يعطيج ألف عافيـــة اختي على التقرير الجميل جدا ..... الحمدالله على سلامتكم ..... .....

عبدالله بن محمد ليتني الحييييين بكيب تاون لوول لا هذاهو ههاي

الله يوفقكم برحلتكم اخووي

زاده الخيال

يعني لازم الاحراج قدام كل الناس هههههاي

ايه ياروح مابعدك رووح خفت ههاي

زاده الخيال ماشفت انهم مشيرين للقدس مدري

مشكور اخوي على متابعتك لي

بانكوكي الله يسلمك اخوي ويعاافيك مشكور لمتابعتك ^ـ^

مشاء الله عليك اختي المخطط الجاي باذن الله يمكن تكون جنوب افريقيا وبجي اكتب تقريرك باذن الله

تقرير رائع اختى ذوق

سجلينى متابع معاج التقرير

وعندى سؤال لو سمحتى اى مكان افضل لسكن برأيج فى كيب تاون بالووتر فرونت او الكامبس باي

وشنو اللي يميز الكامبس باى

وتقبلى تحياتى

صرئووعه اوي

مشكوره حبيبتي على الرد والمتابعه^^

****

سفير الشرق

اخوي مشكور على متابعتك وردك

السكن بالووتر فرونت اغلى وماتلقى بسرعه والي يميزه انه جنب المولات

والسكن بالكامبس باي احسه اهدا وعلى البحر على طول وفيه شاطئ الكامبس بااي حلووو

وفيه كل الخدمات بس على حسب السكن اختاره يكون على الشارع العام مقابل البحر على طوول

مشكور اخوي واي استفسار انا حاظره ^ـ^

اهلا بذوق

بشرينا عن الترم الصيفي كيف النتيجه طلعت؟

اول شي اهنيك على تقريرك برجع افصفصه لك حبه حبه

بس ليتكم مستأجرين سيارة بدون السواق

انا توي جايه قبل البارح من جنوب افريقيا واحس نص وناستنا

لأننا ماخذين راحتنا ما ارتبطنا بسواق

لي رجعه بإذن الله

ذوق يعطيكي العافية والله ماتقصرين مجهود قوي وشي مرتب وظريف
بالنسبة للسكن انا سكنت في منطقة اسمها مولي بوينت وهي عندها المنارة وهي المنطقة تبعد عن الوتر فرونت 2 او 3 كيلو،المنطقة على البحر ورااااائعة وقريبة من الوتر فرونت كنا نمشيها مشي وبنفس الوقت امنة (الشقق والجيست هاوس فيها ارخص من الوتر فرونت)
انصح بتجربتها
أنس

حتى احنا سكنا في المولي بوينت
شقتنا كان اسمها مولي ساندز بس من جد مرررررررررررررررررره رائعه الشقه فخمه وكبيره وجديده وقريبه من الوتر فرونت وسعرها مررررره مناسب

المشاركة الأصلية كتبت بواسطة بنت الرياض1
http://www.arabtravelersforum.com/tr...4/#post1564744

حتى احنا سكنا في المولي بوينت
شقتنا كان اسمها مولي ساندز بس من جد مرررررررررررررررررره رائعه الشقه فخمه وكبيره وجديده وقريبه من الوتر فرونت وسعرها مررررره مناسب



تعجبني بنت الرياض :24: بالله عليكي ماهي منطقة رائعة ورايقة وقريبة جدا من الوترفر فرونت :113:


احسن من السي بوينت والله مشوار حسيتها بعيدة شوي

أنس

Anas
بنت الرياض

ممكن اسم الشقق والموقع في الأنترنت ؟

شكرا

المشاركة الأصلية كتبت بواسطة بنت الرياض1
http://www.arabtravelersforum.com/tr...4/#post1564744

حتى احنا سكنا في المولي بوينت
شقتنا كان اسمها مولي ساندز بس من جد مرررررررررررررررررره رائعه الشقه فخمه وكبيره وجديده وقريبه من الوتر فرونت وسعرها مررررره مناسب



اختي بنت الرياض بكم اخذتوا الشقه وكم عدد الغرف لو تكرمتي وانتوا حجزتزها من النت والا مكتب

اذا من النت اعطيني الرابط الله يوفقك

مرحبا اخوي hopamp
انا بالنسبة لي حجزتها من النت وهذا رابط شقتي بالزبط
http://cybercapetown.com/HenleyManorPenthouse/
اما هذا هي مجموعة الشقق المتوفرة لتلك المنطقة فيب هذا الموقع (مع العلم انه في مواقع ثانية اكيد وفيها مجموعة تانية)
http://cybercapetown.com/Apartments/MouillePoint/
وفي هذا الجيست هاوس صديق لي سكن فيه كم يوم
http://www.lasplendida.co.za/tarrifs.htm
----------
بتحب اعرضلك كم صورة للمنطقة بس لما انزلهم من الكاميرا ،بس المنطقة فعلا رائعة وميزتها قربها من الوتر فرونت
--------------
أخوك انس

تسلم Anas
في انتظار الصور

مرحبا يا حلوين هذا الرابط في الشقه حقتنا
http://www.safarinow.com/go/605MouilleSands/

والشقه 3 غرف نوم وحمامين وصاله كبيييييره وفيها طاوله اكل ومطبخ وغرفه غسيل (غساله ملابس ونشافه وغساله صحون) وبلكونتين وكلهم على البحر ..
بس من جد الشقه مرررررررره حلوه وشررررررررحه..
احنا اخناها كان لو سيزن فكانت بين 950 الى 1750 بس والله بالضبط ما ادري كم لاننا ماخذينه باكج من مكتب ..
وانا حاضره لاي استفسار

بنت الرياض

يسلموا

اخوي انس مشكور ويعطيك العافيه^ـ^

مشكووورين اخواني الباقي

المشاركة الأصلية كتبت بواسطة ذوق الذوق
http://www.arabtravelersforum.com/tr...3/#post1537225

توجهنا الى الكمبس باي لان حجزنا فيه فيلا هذا موقعها وبشرح لكم الحين عنها

http://cybercapetown.com/iThemba/

وصلنا الى الفيلا كانت باستقبالنا موظفه من شركة nox الشركة الي حجزنا عن طريقها

ورتنا الفيلا وانصدمنا انها 3 ادوار ومافيه رسبشن ولا شي زي مااحنا توقعناها انها فلل جنب بعض وفيه رسبشن وكل شي

كانت 3 ادوار الدور الاول فيه غرفة النوم الرئيسيه ومكتبه بعدين ننزل للدور الثاني فيه المطبخ والصاله والدور الارضي الاخير فيه 3 غرف نوم

سكنا ليلة وحده بس وصارت لنا مشكله الحين اقولكم اياها

مارتحنا بالفيلا انها صقيييع برد ماكان فيه نظام تدفئة الا بالغرفه الرئيسيه وماقدرنا نتحمل برودة الغرف الثانيه

وكانت كبيره علينا مررررره 3 ادوار مع انها نظيفه جداً جداً وميزة شقق كيب تاون النظافه وحلوه بس مارتحنا فيها وكلمنا الشركه وقالو انتو حاجزين 15 يوم ومانقدر نغير واذا غيرتو ناخذ المبلغ كامل واحنا سحبناه خلاص وقعدنا نتفاهم معانا الا ان وصلنا لحل وسط انه هو ياخذون 25% من المبلغ ونروح لشقه تبع الشركه نفسها

وودتنا الموظفه الي كانت باستقبالنا لشقة بالكمبس باي مره عجبتنا وانتقلنا له وقبل ماانسى الفيلا اتيمبا سعرها 900ريال سعودي والصراحه ببلاش تعتبر لانها مره كبيره وحلوه بس عيبها التدفئه ويبغالها عائله كبيره بدون اطفال

والان اليوم اول نمنا فيه كله من التعب وصحينا اليوم الثاني الفجر واستنينا لما يجي الصباح نقلنا عفشنا الى الشقة الي سكنا فيها 15 يوم وهذا اسمها وموقعها وعلى فكره الصور نفسها الي بالموقع
http://1campsbay.com/BaliPenthouse/

كان بينا وبين المحيط بس شارع والي عجبنا فيها فخامتها ونظافتها ونظام التدفئة الارضي الي بكل الغرف كانت مره دافيه وفيها فايربلس

ونظام السيفتي كان مررره حلو تحس بالامان مع ان الكمبس باي كلها آمنه اصلاً وكل كيب تاون آمنه ومالقينا اي شي يخوفنا

الحلو بالشقه هذي ان فيه القراج ينفتح بالمفتاح الي عندك بالليزر ونفس الشي الليفت وعلى طول يوديك على شقتك مره امان تحس

سعرها 700ريال سعودي وفيها 3 غرف نوم وباقي المواصفات والصور موضحه بالموقع والسعر لان احنا دفعنا ال25% فصارت علينا تقريباً الليله 900ريال

وكان قريب منها مطعم ناندور و بيكن باي

كان موقعها مره حلو وتصحى وتنام على صوت الامواج مافي احلى من كذا

بس الي طفشنا بالرحله انه اسبوع كامل كان كله امطار :110: واخترب برنامجنا فكنا كل يوم بالمولات طفشنا من التسوق اشترينا كل كيب تاون خلاص ههههاي



اختي ذوق
ادري زهقناك من الأسئله :101:

وين القى الشركه اللي تعاملتوا معها لحجز الشقه لأنها صراحه رايقه ماشالله..

وهل كان فيها خدمات توصيل الى الووتر فرونت وخدمات تنظيف غرف؟

مشكوره مقدما

وعليكم السلام ورحمة الله وبركاته

موضوع رائع أختي ذوق يحمل الكثير من الأشياء الجميلة :24:

والأجمل هو أجاباتك على الردود لكي تعطي الموضوع أكثر فائدة :113:






ومروراً بعاصمة جنوب افريقيا جوهانزبرغ



أختي طال عمرك عاصمة جنوب افريقيا هي بريتوريا وسمعت انه تغير أسمها تشواني :114:

ولكن جوهانسبرغ هي المدينة الرئيسية هناك لذلك يعتقد الاغلب انها العاصمة

مع خالص احترامي :101:

ملبورن

اخوي مشكور على هذي المعلومه ^ـ^

يعطيك العافيه

انتظرو تكملتي للتقرير بس لما اخلص من تسجيل المواد للسنه الجديده ^ـ^

ذوق عادي ماهي بيننا ، بس تري الأسد كائن طيب ومحترم وأخلاق ، انتي لو تشوفي ايش صارلي مع الحيوانات المترسة في كذا مكان ، هي تريها طيبة وبنت حلال في النهاية بس لا تزعليها ، وتريها بالذات الأسد ، ما تحب المزح نهائياً !!!!

هم مشيرين للقدس (Jerusalem) وعلى فكرة جنوب أفريقيا من أكثر الدول اللي تدعم الفلسطينيين والعراقيين وهي ضد أمريكا في انحيازها لإسرائيل ، حتى علاقتها مع إسرائيل متوترة دايماً ، وهي الدولة الأجنبية الوحيدة اللي عندها سفارة لـ (دولة) فلسطين ، ولا تسميها السلطة الفلسطينية زي باقي الدول الأجنبية .


الحمد لله انك رجعتيلنا بالسلامة ، في انتظار التكملة !

زاده الخيال انا صارت لي مشكله مع الاسد من زمان ومن يومها مايحبني ههههههاي

**************

ايه صح دار بينا حوار مع موظف حق قارب هناك وقالنا شلون يحبون فلسطين مررررره ووده يزورها ومدري ايش من هالكلام

و انصدمت لنظرتهم لنا بالسعوديه يقول لنا البنات يدرسون عندكم بالسعوديه؟؟ وشتسوون عشان تعيشون بشنو تشتغلون

يقول ماتوقعت السعوديين كذا يحسب ان احنا للحين عايشين بخيام و نرعي الابل وغيرها ههههههاي

وضحنا له الفكره واحنا شلون نعيشها

قالنا وين تلتقون مع اصدقائكم وكذا انتو يالمسلمين

ابوي قاله احنا نلتقي 5 مرات يومياً بالمسجد ونلقتي مع اصدقائنا عندنا قهاوي ومجمعات وكل شي

هو مومستوعب ان السعوديه كذا متطوره وماتوقع ان احنا السعوديين نعرف انجلش كل شوي يقول تعرفون انجليزي ومدري شلون عرفتو هههههاي وربي كنت بطقه بالشنطه

يعني لهدرجه صورة الخليج والعرب كذا عندهم

فلازم الواحد يكون سفير عند الدول الي زي جنوب افريقيا بالذات لانهم مايعرفون العرب

لازم نكون سفراء نبين لهم شلون اخلاقنا وشلون اخلاق الاسلام

انصدم واحزن لما اشوف السعوديين او الخليجين عامه بدون حجاب ولبسهم مو ساتر المفروض نكون غير هناك وليه هنا الله وهناك لا

فاحنا باخلاقنا كذا بنعرفهم بدينا وببلدنا ^ـ^ وكان يقولنا هذا الموظف عن ابوه مسلم بس هو لا مسيحي قلنا له ليه وكذا هو يحسب ان الاسلام معناه التخلف والرجعيه فعرفناه احنا ندرس وعندنا جامعات وشركات ومو كل شي عندنا حرام زي ماهم متوقعين

فقال هو صح احنا نلتقي مع اصدقائنا باماكن وسخه كالنوادي الليليه وغيرها

فعجبنا ان احنا تحاورنا معاه كذا وعرفناه شلون حياتنا الاسلاميه والعربيه ^ـ^

hopamp

سوري اخوي ماشفت ردك لي

ايه الشركه مره زينه وفيها خدمة تنظيف بس مافيها مواصلات

عجبني انهم حاطين ملف بارقام شركة تاكسي مضمونه كلمناه مره 5 دقايق وهو عندنا وحفظنا الرقم عندنا كل ماحتجنا تاكسي طلبناه كان المشوار الى الوت فرونت ب 10 ريال مرره زين الصراحه

واحسن من انك تاخذ اي تاكسي كنا بالوتر فرونت دايم نكلمه شوي ويجينا لانهم يرسلون اقرب واحد للمنطقه الي احنا فيها ^ـ^

مالقيت موقعهم شركة nox

بس القاه بدور بالاوراق الي عند الوالد وبحطه لك اخوي ان شالله ^ـ^

ومازهقت من الاسئله شدعوه ^ـ^

ابي احمل الصور وقالو لي الاداره احملهم من المنتدى بس مره بطيء نرفزني شسوي

هذا واحد مسوي نفسه تمثال هههاي صورنا جنبه^ـ^



عربة قديمه عند مدخل حديقة النعامات



منظر للغروب التقطته من بالكونة الشقه



شاطئ الكامبس باي



صورة اخرى لشاطئ الكامبس باي

تابع للصور


صوره للتيبل ماوتن شوفو شلون كانت الاجواء كلها غيوم فوق بس البروده شدييييييييييييييييييده اتعب وانا اقول برد بس لحظات لاتنسى



mug & bean الي في الكانال وولك وعجبتني الصور الي على الاسقف فوق الي بالكانال وولك



نعامه طبعاً تعرفونها مايحتاج اعرفكم فيها



الجسر الي باللووتر فرونت



تماثيل لشخصيات معروفه بجنوب افريقيا

المشاركة الأصلية كتبت بواسطة ذوق الذوق
http://www.arabtravelersforum.com/tr...1/#post1550721


وشفت عرب كثير كاتبين ذكرياتهم تمنيت ان معاي شي واكتب اني جيت هنا:101:




شفتهم وصورتهم بعد بس استني أكمل الموضوع وأرتب الصور

بأفضحهم بأفضحهم

لووووووووووول:109:

عبدالله بن محمد انا صورتهم بس مابي افضحهم هههههههههه

المشاركة الأصلية كتبت بواسطة ذوق الذوق
http://www.arabtravelersforum.com/tr...0/#post1558300


والحين بقولكم عن رون ايلاند
فكانت رحلتنا يوم الاحد قبل مانرجع للسعوديه بيوم بس
كانت الرحله الساعه 2
واستغرقت الرحله حوالي 45 دقيقه للوصول الى روبن ايلاند
خذو فينا لفه بالباص وقعدو يشرحون لنا وتفاجأت ان فيه مسجد هناك بحط لكم صورته مع الصور الي بحطها
والصدمه الكبيره الي هناك لما ورونا السجون كلها احنا جايين عشان سجن العم مانديلا
الا يقولون مسكر للصيانه طيب ليه ماقلتو لنا قبل




أنا رحت قبلك بيوم
وعلى فكره كانوا حاطين اعلان على البوابه غريبه ماشفتيه
وش رايك بالجزيره كانت تستاهل الزياره والا لا ؟

عبدالله بن محمد لاماشفناه مدري هههههاي يمكن العتب على النظر لووول

اممم مدري ماقدر احكم بس الي ماراح يروح بيقول ليتني رحت وكذا فعشان كذا لازم نجرب كل شي ^ـ^

بس ضيعت وقتنا واجد بصراحه احنا وملينا

بعد أن أنهيت قراءة التقرير
أسمحي لي أقول تقريرك رائع
وسجليني متابع
بس شكلك بتخربين علي تقريري
نفس الوقت ونفس المحلات اللي رحتي لهم
رحنا لهم
:109:

ههههههههه

عبدالله بن محمد

مشكور اخوي ومن ذوقك

لا انت بالعكس تقريرك شكله بيطلع شي لانه منظم اكثر

^ـ^

هههه من جد ضحكتني سالفة الأم اللي حجزت وراك
ماشالله عليها

ماكذبت خبر

اختي ذوق انا لقيت الموقع هذا

http://www.noxrentals.co.za
بس اللي حيرني ان اسعاره غير اللي قلتي عنها؟

ذوق ،، أنا اللي تفاجأت فيه ان كثير من الجنوب أفريقيين ما يعرفون ايش هي السعودية اساسا يعني ماهم عارفين وين هي وأين تقع ولا عندهم أي فكرة عنها ، بس مرة صادفت واحد كان عايش في الخبر فترة وقال كلام كويس عنها ، ووحدة ثانية سألتني : وين السعودية ؟ في دبي ؟؟؟

هههههههههههههههههههههههههههههه

هههه

قويه السعوديه في دبي

تقرررررررررريررر رووووعة
والله ديرة جنة!
بس يقولون فيها احياء فقيرة حيل والاحياء الراقية للاجانب صح؟

hopamp

ههههاي ايه ياحليلها

ايه هذاهو الموقع زين لقيتيه لاني دورته ومالقيته

مدري شالفرق باختلاف الاسعار يمكن لان احنا رحنا لهم بالشتا وهالموسم يكون عندهم رخيص انا بدخل الموقع وبشوف بس هي نفسها الشركه ^ـ^

****

زاده الخيال ايه ههههه فيه واجد يقولون انتو من دبي مايعرفون الا بس دبي

والي عايش بالخبر اكيد بيمدحها ;p ههههاي عنصريه

لا بس جد فيه جنوب افريقيين واجد بالشرقيه وخصوصاً بارامكو ^ـ^

اخوي il

ايه هي تهبل والاحياء الفقيره احنا مالنا شغل فيها كسياح فما شفنا ابد حي فقير ولا كان يمر فينا السواق الا مره بس اضطرينا وصح الله لايوريك مساكين

بس هم مش جنوب افريقيين هم مهاجرين من كينيا وهالمناطق هذي وجايين جنوب افريقيا يدورون شغل

و صح كلامك الاوربيين الي عايشين من زمان بجنوب افريقيا اكثر شي هم الاغنياء

يعطيك العافيه اخخوي على الرد

ماشاء الله عليك أعجبني التقرير
وجنوب أفريقيا دخلت مزاااجي مرره ...
خصوصا اني كنت سامعه عنها انها غاااليه لكن اسعار السكن طلعت غير كذا :24:

* بس بغيت اسألك عن سعر السواق باليوم ؟ وهل السياره اللي معاه فان تكفي 7 اشخاص ؟

يعطيك العافيه

taki

هلا اختي والله يعافيك^ـ^

سعر السواق باليوم على حسب المشاوير يعني كان ياخذ مره 150 ريال ومره 200 و300

بس لما رحنا وايلدرنس كان ياخذ باليوم 500ريال تقريباً

والفان ايه تكفي 7 اشخاص

اي سؤال انا حاظره اختي^ـ^

ابد اختي مشكوررره على سرعة الرد ..
الوعد الصيف الجاي ان شاء الله

taki

العفو حبوبه ماسويت شي ومن جد الله يحيينا لين الصيف الجاي ههههه

عزيزتي ذوق الذوق

الصراحة إنتي ذويقة في إختيار وجهتكم لقضاء عطلة الصيف ..

جنوب أفريقيا بلد به الكثير من المعالم التي تجذب السواح لزيارتها ..

أسجل نفسي من المتابعين لتقريرك الشيق ..


تحياتي ..

redjoory

هلا حبيبتي

اشكرج بصراحه ومن ذوقج

ويشرفني انج من المتابعين لتقريري حبوبه ^ـ^

يعطيج العافيه

تسلمين اختي على تقريرك و على المعلومات التي تضمنها.و الله خليتني افكر في جنوب افريقيا بنفكر نروح لها في السفرة القادمة ان شاء الله.
ماهي احسن الاوقات لزيارة البلد..و ماهي اجراءات استخراج الفيزا...و هل اذا لسه عندنا صلاحية فيزا بريطانيا نقدر نستعملها لدخول جنوب افريقيا...

بارك الله فيك و عساك عالقوة

عاشقة استانبول
أم عزان

nouran

الله يسلمج اختي هلا فيج حبوبه

امم انسب الاوقات على حسب انتو شلون تحبون الجو اذا صار عندنا صيف يصير عندهم شتا خصوصاً بجون وجولاي وبعدها يبدا الجو يتعدل ويصير ربيعي شوي

اجرائات استخراج الفيزا سهله اسبوع او 10 ايام كذا و ناسيه بالضبط الاجرائات بس مكتوبه بمواضيع الاخوان الاعضاء

وبالنسبه للفيزا حقت بريطانيا والله مدري ماعندي اي فكره بس اتوقع اكيد انها تختلف

و يعطيج العافيه حبوبه اي استفسار انا حاظره

بعد اذن ذوق الذوق واحنا تصالحنا طبعاً !! عاد الدنيا رمضان ، وان شالله تصورلي الحوت الزيارة الجاية !!

اخت نوران جنوب أفريقيا استقلت عن بريطانيا من عام 1961 يعني مالها اي علاقة ببريطانيا ، فيزتها سهلة وسريعة وتقدري تلاقي مواضيع عنها في البوابة .

أما أفضل وقت لزيارتها فهو الفترة ما بين ديسمبر إلى مارس ، يكون الجو صيف معتدل وكل النشاطات متوفرة .

تحياتي .

وشكرا ذوق على تقريرك المميز .

المشاركة الأصلية كتبت بواسطة ذوق الذوق
http://www.arabtravelersforum.com/tr...3/#post1586633

nouran

الله يسلمج اختي هلا فيج حبوبه

امم انسب الاوقات على حسب انتو شلون تحبون الجو اذا صار عندنا صيف يصير عندهم شتا خصوصاً بجون وجولاي وبعدها يبدا الجو يتعدل ويصير ربيعي شوي

اجرائات استخراج الفيزا سهله اسبوع او 10 ايام كذا و ناسيه بالضبط الاجرائات بس مكتوبه بمواضيع الاخوان الاعضاء

وبالنسبه للفيزا حقت بريطانيا والله مدري ماعندي اي فكره بس اتوقع اكيد انها تختلف

و يعطيج العافيه حبوبه اي استفسار انا حاظره



مشكورة عزيزتي على ردك الطيب ..و الله يعطيك العافية ..تسلمين

المشاركة الأصلية كتبت بواسطة زادُه الخيال
http://www.arabtravelersforum.com/tr...3/#post1586733

بعد اذن ذوق الذوق واحنا تصالحنا طبعاً !! عاد الدنيا رمضان ، وان شالله تصورلي الحوت الزيارة الجاية !!

اخت نوران جنوب أفريقيا استقلت عن بريطانيا من عام 1961 يعني مالها اي علاقة ببريطانيا ، فيزتها سهلة وسريعة وتقدري تلاقي مواضيع عنها في البوابة .

أما أفضل وقت لزيارتها فهو الفترة ما بين ديسمبر إلى مارس ، يكون الجو صيف معتدل وكل النشاطات متوفرة .

تحياتي .

وشكرا ذوق على تقريرك المميز .




الاخ الكريم شكرا على تعقيبك على الرد..انا اعرف ان جنوب افريقيا مستعمرة سابقة لبريطانيا..أنا فقط استفسرت عن اذا هناك امكانية دخولها بفيزا بريطانيا...فهذا مجرد استفسار..أو ربما مسموح الدخول لحاملي الجواز البريطاني...

شكرا اخي مرة ثانية على توضيحك و بارك الله فيك

زاده الخيال ايه خلاص تصالحنا هههه رمضان خلاص

وعادي خذ راحتك اخوي ^ـ^ انت خبير بجنوب افريقيا يعطيك العافيه

وان شالله اذا رجعت جنوب افريقيا اصور السيد حوت واوريك اياه


*****

اختي نوران الله يعافيك ماسوينا شي ^ـ^

اي استفسار حاظرين

المشاركة الأصلية كتبت بواسطة nouran
http://www.arabtravelersforum.com/tr...8/#post1587528

الاخ الكريم شكرا على تعقيبك على الرد..انا اعرف ان جنوب افريقيا مستعمرة سابقة لبريطانيا..أنا فقط استفسرت عن اذا هناك امكانية دخولها بفيزا بريطانيا...فهذا مجرد استفسار..أو ربما مسموح الدخول لحاملي الجواز البريطاني...

شكرا اخي مرة ثانية على توضيحك و بارك الله فيك




أخت نوران ، إذا انتي تحملين جواز بريطاني فخذي جوازك مع الشنطة وعلى الطيارة بدون فيزا :24:، معروف ان الجواز البريطاني يسمح بدخول حامله لمعظم دول العالم مع استثناءات بسيطة بدون فيزا أو أي مشاكل
بس الفيزا البريطانية لا تصلح إلا لدخول بريطانيا فقط .
سعيد باهتمامك ، ويمكن قريب ازعجك باستفسارات عن التشيك اللي أتوقع اني بزورها قريب ، أهلا بك أختي الكريمة في أي وقت وأجمل التحيات !

من جد تقرير حلو الله يسعدك

مشكور اخوي جامعي ويعطيك العافيه ^ـ^

المشاركة الأصلية كتبت بواسطة ذوق الذوق
http://www.arabtravelersforum.com/tr...4/#post1568624




الجسر الي باللووتر فرونت




أختنا الفاضلة / ذوق الذوق
تقرير "دسم" بالمعلومات والصور المعبرة
استفدت منه الكثير ، وشوقني لمعاودة
السفر لهذه البلاد الساحرة ..!!

تحياتي ومحبتي للجميع