أولاً الوقت مناسب وخصوصاً راح تكون إجازة رأس السنة في البحرين ..
وبخصوص الأمن .. ان شاء الله راح تكون مطمئنة والأوضاع من أحسن ما يكون وعلى ما يرام ..
ثانياً أختيارك لفندق العرين في هذا الوقت غير موفق ..
والسبب أنك لن تستفيد من البركة الخاصة في الفيلا لأن الجو بارد ..
لو كان حجزك على فندق الكمبنسكي أفضل لأنه توه جديد فاتح من شهرين أو ثلاثة وفخم ..
وثاني شي مرتبط بمجمع الستي سنتر أكبر المجمعات في البحرين ..
إذا كان ذكرى زواج ركز كثير على المطاعم والكوفي شوبات الرايقة والرومانسية .. وهذي راح تحصلها في شارع الشيراوي في العدلية ..
وايضاً مجمع الخور (لاغون) في جزر أمواج فيه كوفي شوبات ومطاعم ذات جلسات خارجية وإطلاله رائعة على البحر ..
عندك سينما مجمع الستي سنتر وايضاً تتمشى في الستي سنتر والمطاعم والكوفي شوبات .. عندك محمية العرين (حديقة حيوانات) في منطقة الصخير بالقرب من فندق العرين ..
وعندك سوق المحرق الشعبي .. ومتحف البحرين الوطني .. وبيت القرآن ..
رد مع اقتباس
المشاركة الأصلية كتبت بواسطة معركة
المفضلات