الموضوع: ممكن استشاره بسيطه

السلام عليكم
مرحبا بكم

عندي استشاره الا وهي

انا جايه للكويت باذن الله الاسبوع القادم
وراح اسكن في المارينا ان شاء الله
زوجي من الصباح الى العصر بيكون مشغول في مؤتمر
وانا راح اكون فاضيه الصباح :114:
ابغى اعرف الاماكن اللي ممكن اقدر اطلع لها مشي من الفندق مع ولدي الله يحفظه غير مجمع المارينا:101:

وابغى نصايحكم وين ازور خلال 6 ايام
ابغى مطاعم حلوه
ابغى محلات تبيع ملابس حلوه مو ماركات ابي محلات كويتيه:115:

وشكرا

مواضيع عشوائيه ممكن تكون تعجبك اخترناها لك:

• شوف الكويت بين اصابعك
• صديقتي بتزوركم ياليت تجون تساعدونها وتسون لها برنامج حـــلو
• اول مره فى حياتي ازور الكويت الحبيبه
• مطعم ناندوز بالافينوز تصويري للمطعم و السلبيات اللي شفتها
• هل اقدر ادخل الكويت ببطاقة الاحوال عن طريق البر
• سؤال لأهل الكويت سكر المشبك
• فزعتكم يا اهل الكرم و الجود
• التخفيضات
• مول
• لكم ياهل الكويت
• رابط لخريطة الكويت
• مساعدتكم ياهل الكويت الله يوفقكم
• هل السعر مناسب ام ابحث عن بديل ؟
• أفضل كنافـــــــــــــــة
• تقرير عن شقق لاغونا الفندقية في السالمية
• فنادق الكويت
• رحلتي للكويت بالتفصيل الممل مطاعم اسواق ،،،،، الخ
• دليل الكويت الإلكتروني موقع
• أسئلة بسيطة تريد خبير للإجابة عليها
• ابحث عن شقة مفروشة للعوائل بالجهراء او قريبة من الجهراء

اولا الحمدالله على السلامه وحياكي الله بالكويت

وبالنسبه للاماكن القريبه من المارينا كثره ألا وهي المطاعم والكافيهات الموجوده بجانب المارينا مول وغير هذا هناك شارع سالم المبارك فيه اكثر من مجمع وهي الفنار وليلى جاليري و البستان وتالا و زهره وهناك المحلات العاديه في هذا الشارع اما البعده عن هذا المكان هي الافنيوز ويبيله نصف يوم وسوق شرق والكوت والمنشر بعيد شوي عن المارينا يعني يبله طلعه بروحهم وكويت ماجيك وبالنسبه للمطاعم فهناك الكثير على شارع الخليج العربي ولاتنسين الابراج

وارجو انني كفيت ووفيت والاخوان انشاءالله ما يقصرون معاكي

P.S Has got acquainted with the girl, http://cyberblady.com, how it to you? Only it is fair!

و عليكم السلام و رحمة الله...
مرحبتين اختي و حياكم الله في الكويت يا رب...
:24:

--------------

إختيار موفق بالنسبة لفندق المارينا...
و هو إحد أفضل فنادق السالمية, إن لم يكن أفضلها...
و يقع ضمن أكبر مشاريعها ,,, "المارينا".

بالنسبة لأقرب المجمعات...
كما هو واضح من اسم الفندق, مجمع المارينا...
و مطاعمه الفخمة و العالمية في المارينا كرسنت.

و للمزيد من المعلومات عنه, تفضلي بزيارة هذا الرابط:-


أمّا عن أقرب الأماكن التي يمكن زيارتها سيراً...
فهي متعددة, و متجاورة بشارع سالم المبارك...
فهو يضم مزيجاً من المجمعات الراقية, دور السينما, المقاهي, المطاعم الفاخرة و الأسواق المفتوحة.
(المجمعات : الفنار, البستان, ليلى جاليري, بلازا, جاليريا, مريم, الزهره, الثريا, أمنية...و غيرها)

أمّا على المستوى الترفيهي و التعليمي...
فزيارة المركز العلمي ضرورية جداً...
حيث يضم أكبر أكواريوم في الشرق الأوسط,,,
مع قاعة للإستكشاف, و سينما "آي ماكس".


(صورة توضّح الأماكن و الشوارع القريبة من المارينا, و النقاط الحمراء تمثل مراكز تجارية ذات مستوى عالي).

------------------------

كذلك توجد أماكن زيارتها ضرورية...

*بشارع الخليج العربي:-
1- أبراج الكويت : بعد مسافة قصيرة من منطقة السالمية.
2- سوق شرق : إحد أكبر و أرقى مجمعات الكويت, بعد مسافة قليلة من الأبراج.
3- متحف الكويت الوطني : بعد سوق شرق بمسافة قليلة.

*بمدينة الكويت:-
1- مجمعات الماركات مثل : مجمع الراية, مجمع الصالحية, مجمع العوضي.
2- سوق المباركية : أقدم أسواق الكويت, و يجذب سواح من جميع الأماكن و زيارته جميلة.

*أماكن أخرى:-
1- الإفنيوز : أكبر و أحدث مجمع بالكويت, و يضم المحلات العالمية, المطاعم الراقية و 12 صالة سينما.
و يقع بطريق الدائري الخامس بإتجاه الجهراء.
2- مجمعي الكوت و المنشر : من أجمل و أرقى مجمعات الكويت, و يتميزان بموقع رائع.
حيث يقع الكوت بالجهة البحرية, و المنشر مقابل لها...
و يقعان في مدينة الفحيحيل, 25 كيلو متر جنوب السالمية.

-------------

تقبلي تحياتي

*مكــرر...!

مثل ماوضحلج اخوي ضاري يعطيه العافية

وحياج الله

حياج الله يا اختي

وان شا الله الخوات مراح يقصرون

مشكورين جدا جدا ماقصرتوووو
لكن ابغى اسماء محلات تبيع ملابس حلوه غير الماركات ممكن بنات الكويت تساعدوني بالشغله هذي واكون شاكره جادا جدا جدا جدا جدا

عندج مجمع المهلب في حولي فيه ملابس نسائية و اغلبها صناعه كويتيه يعني مو ماركات و اللي اعرفه اغلب اهل السعودية يحبون هالمجمع لانه ما عندهم نفس هالبضاعه اتوقع راح يعجبج

و في مجمع النقرة الشمالي و الجنوبي ايضا في ملابس رخيضه وصناعة كويتيه و مو ماركات

و سوق شرق حلو ايضا

كل هذي المجمعات مو بالسالمية و لازم سياره بس اتوقع بتعجبج

مجمع المارينا
+
ماركس & سبنسر
+
مجمع منيره
+
دانه سنتر
+
مقابل المارينا من جهة شارع سالم البمارك
في عماره قديمه فيها حوش كل محلات تبيع احذيه و شنط رخيصين!

طبعا الفندق راائع وراقي وموقعه مميز جدا وهذه صورة للفندق