مساء الفل
اخي وعزيزي
الأخ يحيى جعفر
اولا
الباشا معاك يابني
ثانيا
وجودك هنا في هذا المنتدى
دليل ذكاء منك
وعلى الرحب والسعة
نتكلم في الموضوع الان
الاكل في مصر
اما تاكل في بيوت المصريين وخصوصا في الارياف
ودا احرص عليه بجد
واما ربنا يعينك عالمحلات التجارية
ومشكلتها كترة الزيت ودي بتتعب الصحة شوية
زيها زي اي مطاعم في اي بلد
بس يمكن هنا بزيادة
اصل لا مؤاخزة بنحب نتوصى فكل حاجة
بس مايمنعش تجرب
وخصوصا في المحلات المشهورة بجد بجد طعم زي الفل
زي الكبابجي والرفاعي وقدورة و مؤمن و حلويات العبد
ومحلات كتير كتير
طبعا الفاست فود حيكلف الشخص 20جنيه في اتنين 40 للوجبة الواحدة
وانصحك للفطار شوفلك اي عربية فول وصلي عالحبيب وعيش جوك ياعسول
ولا
اول ماتوصل يابني
اشتري جبنة مثلثات وعيش للخفايف يعني
وباقي الوجبات
اما فاست فود ولا اكل عربي
ونصيحة من الباشا
ماتشيلش هم الاكل في السفر
اي حاجة ومشي
ساندوشته وانتا معدي
بطيخة
الأهم جدول الزيارات
يكون مترتب صح
وانصحك
تروح ميدان رمسيس صباااااحا
وتطلع بالقطر لكفر الشيخ تاخدلفه هناك بين المزارع
والناس الرايقة
وانصحك بالقطر العادي
الي مالوش ابواب
عشان تعيش الحياة المصرية
ولو الموضوع نخشش معاك
روح موقف الباصات الصغيرة وخدلك
باص لبلطيم
ولا اسكندرية ولا راس سدر
ولا قمصة
الي هيا(جمصة)
حتعيش الاجواء الي
مايعرفهاش كتير من السياح
بس وربنا
حتدعيلي معاك في الحرم
سلامو معاه
المفضلات