الموضوع: أجدد فناق الكويت

بسم الله الرحمن الرحيم

بداية أحب أعطيكم نبذه عن هذا الفندق وهو فندقHotel Ibis Salmiya
وهذا الفندق تم افتتاحه في 21/5/2008 وتقع في منطقه التسوق بالسالمه خلف الخليج العربي ويحيط فيه مجمعات كثيره منها مجمع الفنار ,مجمع مريم ,مجمع البستان , مجمع ليلى , مجمع زهره وغيرها من المجمعات وكلها على بعد خطوات فقط من الفندق ,,,,يعني اللي يبي يروح من غير سياره فأنا أنصح بهالفندق وبقوه لأنه ملاصق للمجمعات الكويتيه الشهيره وبجانبه أكبر السوبرماركت بالكويت وهو مركز سلطان كما أن في مجمع ليلى به سينما واحده ومجمع الفنار به 5 سينمات.

الفندق 3 نجوم ولكنه بمستوى الأربع نجوم وسعره يتفاوت مابين 12 دينار كويتي و 23 دينار كويتي للغرفه المزدوجه
في الفندق 175 غرفه, وبه مطعم رئيسي وكافيه (بار) والجميل في الفندق بأن بوفيه الإفطار يبدأ من الساعه 4 الفجر إلي الساعه 12 الظهر.

عنوانه : السالمية 71 قطعه 8 شارع سالم المبارك 24755 مدينه الكويت.
تلفون :5734247 (00965)

وهذا موقع الفندق على النت : http://www.ibishotel.com/ibis/ficheh...he_hotel.shtml

بس لأسف الفندق يديد والصور محدوده بس تلقونها على الرابط اللي أنا حاطته

مواضيع عشوائيه ممكن تكون تعجبك اخترناها لك:

• ممكن طلب
• أذيتكم بس استحملوني أرجوكم
• ابحث عن شاليهات قريبه للمجمعات التجاريه
• ممكن سؤال ؟؟؟؟؟؟؟؟؟؟؟؟؟؟؟؟؟
• فزعتكم ياربعنا بالكويت بخصوص الابراج
• إلى دار أبو ناصر اليوم بإذن الله
• منظقة الفيحاء
• زيادة في حركة مطار الكويت الدولي خلال شهر يناير
• بلييييييييييييييييز
• عروض الكويتية شاملة الضرائب والخدمة
• ابي اطير من الكويت الى وارسو؟ ارجو المساعده
• استفسار لأهـل الكـويت أتمنى الكل يفيدني بأي معلومه
• استفسار عن شقق تايم سكوير
• مطعم الإيراني غاردن
• استفسارين عن الكويت الغاليه
• ابغى معلومات الله يعطيكم العافية
• شهر عسل في الصين احتاج مساعدتكم لو سمحتم
• زيارة خطافية لمدة ساعة
• عاجل طلب معلومات
• يا أهل الكويت استفسار لو سمحتوا

خبر حلو صراحه


موقع الفندق يشجع السكن فيه خصوصا في منطقه جميله مثل السالميه وشارع سالم المبارك من اجمل الشوارع في السالميه واسعار الفندق بحكم موقع ممتازه جدا

شكرا يادكتوره علي الخبر

يعطيج العافية على نقل الموضوع ولكن تعليق صغير

الفندق تم إفتتاحه بتاريخ 20/4/2008 وسعر الغرفة المزدوجة 21 دينار + 15% خدمة

خبر جميل اتمنى ازور هذا الفندق خصوصا اني مخطط لزياره الكويت لاول مره بحياتي خلال الايام القادمه
ملاحظه : التواريخ الموضحه جميعها يبدو غير صحيحه لانها لم تاتي بعد .

شكل الفندق نظيف وهذا هو الاهم بصرااحه

الواحد ماعاد يدور غير النظافة

الف شكر اختي على الخبر الحلوو

وأن شـاء الله عن قريب نشوف صور للفندق من ايادي أحد الأعضاء

وكذلك انطباعه عن الفندق

وفالج طيب

يعطيج العافيه اختي على الخبر الحلو
و بانتظار جديدج

الله يعطيكي العاافية ياادكتوورة

مشكور أخوي وشكلة فندق خمس نجوم وليس ثلاث

شكرا على الخبر ويعطيج العافية

ماقصرت ويعطيك الف عافية

والي المزيد الاخبار والتقارير

الله يعافيكم وأتمنى إن الموضوع حاز على اعجابكم

صور للفندق

http://www.ibishotel.com/ibis/ficheh...ie_flash.shtml

ألف شكر لج على الجهد الطيب .. ..

الحين مريت من عندها وشفت موقعها بصراحه جنان ومقابل ليلى غاليري على شارع سالم المبارك وسعرها ممتاز

أفضل بصراحه من موقع بودل اللي رفعوا السعر بشكل مبالغ فيه جدا

للإفاده أنا قبل نصف ساعه كلمت بودل وقالي ب 39 إبتداء من اليوم

وقبل كم يوم قال لي 23 دينار يعني ارتفاع 16 دينار

أكثر من 220 ريال بدون مبرر يقول هذا طلب الاداره اللي في السعوديه

الحين كلمتibis وموقعهم معجبني وسعرهم حلو جدا 21 دينار

و 15% خدمه يعني كلها 24 دينار و 150 فلس كلها ليله وحده

وما راح أقعد فيها أكثر من 6 ساعات للنوم

وحجزت ان شاء الله الويك اند هذا الحلو فيها إن سعرها في الويك إند عكس الناس

ينزلون سعرها 21 دينار الايام العاديه 26

أتمنى إني أفدتكم

سلاااام

مشكوره على الفندق

الفندق اكثر من رائع


ونحن الآن متواجدين فيه

أنا جربت نفس الفندق ، لكن اللي موجود بدبي ...
كانت أول مرة ، وإن شا الله تكون الأخيرة.

فنادق إيبيس ، فكرتها العامة أنها تكون في موقع حلو ، و إقتصادية لرجال الأعمال. ولهذا الغرف فيها تكون صغيرة، و الخدمات عادية.

وقصتي مع هذا الفندق ، اللي بدبي خاصة قصة حزينة. باختصار اضطريت أسكن فيها بعد ما طافتني رحلة ... من بعد ما جربت الشقق المفروشة الواسعة ,,, سكنت بهذا القرقور (الضيق). الغرفة كانت 3 أمتار في 3 أمتار. و الله يكرمكم دورة المياة ما فيها بانيو. و كل الفندق ما فيه سريرين منفصلين. كل الغرف سرير بو نفرين (نفر ونص جنه و الله من صغر حجمه). الأمانات بس عند الستقبال. ماكو ثلاجة و لا شاي و لا كوفي و لا ولا ولا ... ولا تطلب شي يجيك للغرفة، اخدم نفسك بنفسك. و فوق هذا خدمة الغرف خذوا الفوطة مالتي (لأن لونها أبيض) حضرته يقول!!! و خذوا مني 50% زيادة لأني طلعت متأخر في اليوم الثاني.

يمكن يكون حظي معاهم شين. لكن هذا رايي الشخصي... (فندق للمضطرين بس... و للضرورة أحكام)