الموضوع: لي سنتين مارحت البحرين وودي اجيها فشلون الاوضاع

على مدار العشر سنوات الماضية ماكانت زيارتي للبحرين تنقطع ..


اخر سنتين لظروف مازرتها , فودي ازورها فما ادري كيف الاوضاع الامنية زملاءيقولون عاتي وزملاء يقولون العكس .. فياليت ياهل البحرين تنوروني

مواضيع عشوائيه ممكن تكون تعجبك اخترناها لك:

• العرس الخليجي بين أحضان البحرينـ الأولومبياد الخليجي الأول إلى أكتوبر
• الوضع العام
• البحرين
• استفسار لعابري البحرين من المطار
• ياخبراءالبحرين النجده
• شقق الشرق الاوسط بالجفير
• بالصورمشروع تطوير سوق المنامة القديم
• استفسار عن الجامعات في دولة البحرين
• أريد شقة للإيجار قرب مجمع الدانة
• باقي على جوازي خمس شهور اقدر اسافر او لا ؟ ؟
• لاهل البحرين واهل الخبره في البحرين
• ابي فزعتكم أدور على شقه
• موقع ملخبطنى تكفون الحقونى؟
• عاجل جدااااا جواز سفر بطاقة الاحوال
• أفضل مكتب سياحى فى البحرين
• رادارات مرور البحرين الجديدة‏
• ممكن معلومة عن ايليت رقم
• سؤال على الطاير ؟؟؟؟
• مكاتب استقدام خادمات للسعودية
• محمية العرين في البحرين معلومات و صور

اهلا بك ابو ريان في البحرين
الأوضاع مستقرة في الأماكن السياحية والحيوية والمولات والحدائق والمتنزهات
ومادام لك سنتين مازرت البحرين أجل ستنبهر بما ستشاهده وذلك للتقدم السريع والهائل
لمملكة البحرين في جميع المجالات لا سيما السياحية.

الأوضاع الأمنية ممتازة .. والأمور مستقرة .. والله يحييك

مشكووورين والله متردد استاجر بالخبر وانزل بالبحرين وارد ولا اسكن بالبحرين مرة واحد دايم اسكن بشقق الجابرية الي بجفيرا مررة نايس بس محتار لان ماحكون عزابي

أخوي بوريان الاوضاع الأمنية في البحرين ممتازة وكل اللي تسمعه وتشاهد مجرد تهويل من قبل التابعين لايران

ويا أهلا وسهلا بك في ديرتك الثانية البحرين

مشكووورين بس ياليت تتطمنونا عن التفجيرات الي صارت وش وضعها .؟

التفجير الارهابي في منطقة بعيده عن العاصمة والمناطق السياحة في قرية صغيرة تسمى العكر بها مجموعة من الموالين لايران الذين يعيثون في الارض فساداً لتحقيق المشروع الايراني في المنطقة ويوجد منهم أيضاً محبين لهذا الوطن وغيورين عليه ... لكن بالنسبة عن المجمعات والاماكن السياحية فإنها آمنه وتعج بالسياح الخليجين والعرب والاجانب ... وإذا هناك اي استفسار أو تساؤل عن الوضع في غاليتنا البحرين أنا حاضر وبالشوفه

المشاركة الأصلية كتبت بواسطة mahmeed99
http://www.arabtravelersforum.com/tr...9/#post6805889

التفجير الارهابي في منطقة بعيده عن العاصمة والمناطق السياحة في قرية صغيرة تسمى العكر بها مجموعة من الموالين لايران الذين يعيثون في الارض فساداً لتحقيق المشروع الايراني في المنطقة ويوجد منهم أيضاً محبين لهذا الوطن وغيورين عليه ... لكن بالنسبة عن المجمعات والاماكن السياحية فإنها آمنه وتعج بالسياح الخليجين والعرب والاجانب ... وإذا هناك اي استفسار أو تساؤل عن الوضع في غاليتنا البحرين أنا حاضر وبالشوفه



الله يوفقك ياخوي بغيت اسئلك بالنسبة للاجنحة الرابة وين موقعها من شارع المعارض لاني بروح انا والمدام وابي اكون قريب من شارع المعارض هل في خطورة لو تاخرنا في الرجع اخر الليل .. وكيف وضع منطقة الجفيرا لاني بالعادة اسكن عندهم بس بعيد شووويات

الله يسلمك، بالنسبة عن الاجنحة الراقية في شارع المعارض راح أسأل وارد عليك اليوم بإذن الله لأن بصراحة أعرفهم كموقع بس مو متذكر اسمهم وبالنسبة عن التأخير يا خوي لا تحاتي الامن مستتب ولله الحمد وكل الامور تمام التمام وإذا وصلت للبحرين بالسلامة راح تجوف بنفسك، وبالنسبة عن منطقة الجفير آمنة بس كل ما كان سكنك خلف جامع الفاتح الاسلامي بيكون أفضل وأرقى وفيه شقق ممتازة وجديدة هناك، وبعد في شقق جميله وعلى البحر في جزر أمواج بمحافظة المحرق بعد أنصح فيها وحياك الله في البحرين أنت والعايلة الكريمة بين أهل وأحبتك وإن ما شالتمك الارض انشيلكم بعيونا

وعندي اقتراح لك يا خوي بوريان فندق بنيان تري جميل جدا جدا جدا صحيح غالي بس جميل وعائلي إذا ودك تجربه أدخل على موقع booking وخذ معلومات عنه، وبالتوفيق إن شاء الله

مشكور يالغالي انا تراي اقصد الراية http://www.booking.com/hotel/bh/al-r...X3&aid=1329869


ياليت بس وصف للموقع واذا هو قريب من شارع المعارض او من مقاهي ..

أخوي بوريان بالنسبة لأجنحة الراية تكون في المنطقة المقابلة لمركز المعارض وهو المركز اللي تقام فيه المعارض مثل معرض الخريف ومعرض الكتاب الدولي وغيرها بس خلف الفندق تقع قرية ما راح اذكر اسمها بس ما انصحك تروح هذي الفندق وبعد هذا الفندق عن شارع المعارض ما بين عشر دقايق الى ربع ساعه بالسيارة لكن انصحك اخوي بالحجز في اجنحة فريزر سويت اللي بنفس مبنى مجمع السيف يعني من الفندق تقدر تدخل على المجمع مباشرة وعندك بعد فندق كمبينسكي في مجمع ستي سنتر نفس الشي تقدر تروح مباشرة الى مجمع الستي سنتر وبالقرب من كلا الفندقين مقهى لو شوكلا مشهور ومعروف ومقاهي وايد معروفه هناك بس احب انوه ان فندق الراية ما فيه اي عيب عدا موقعه لان ذي القرية فيها بعض المخربين اتباع ايران والشرطة متواجده هناك اربع وعشرين ساعة والامن مستتب بس انا يالغالي ما انصحك بهالمنطقة

الله يوفقك .. اجل شكل مالنا الا منطقة الجفيرا هي الاقرب من الكل ... عموما مشكور لك اخوي المفترض اليوم مسافر كنسلت بعد ماسمعت تفجير في شارع المعارض ... الله يحفظ البحرين واهلها والجميع

يا أهلا وسهلا بك في بلادك البحرين، وبالنسبة عن تفجير شارع المعارض هو مو تفجير هو عبارة عن صوت قوي المخربية يستخدمون سلندرن الغاز لاحداث صوت قوي لا اكثر، وأنا اقولك يا خوي بوريان لاتهتم كثير في المقاهي اللحين في فعاليات في كل مكان بمناسبة سباق الفورمولا واحد في مجمعي السيف وستي سنتر وعندك بعد في حلبة البحرين الدولية جربهم وراح تستمتع انت والأهل بإذن الله، ولاتنسى زيارة الجزر مثل جزر امواج فيها مجمع تجاري متداخل مع البحرين اسمه درغون فيه كوفي شوبات ومطاعم راحت تستمع وايد، ويا مرحبا فيك مره ثانية

الاوضاع مش مستقره

أختى اللندنية الأوضاع مستقره ولله الحمد ولو مب مستقره جان ما حقق سباق الفورمولا وان ما حققه من مكاسب، وما جفنا سياح في البحرين كل يوم أربعاء وخميس وجمعة، وخير دليل هذي الويك اند المجمعات ما فيها مواقف سيارات من كثر الموجودين من أهل البحرين ومن ضيوفها الأحبه من دول الخليج ومن جميع أرجاء العالم، فأرجو عدم اطلاق الاحكام جزافاً بسبب الاشاعات

يعني نتوكل على الله ونجي البحرين بعد بكرة لمدة يومين لان كنا متخوفين من الاوضاع هناك بس كلامك طمني

توكل على الله يا خوي وحياك الله في البحرين بين هلك وأحبابك وإذا ما شالتكم ا؟لأرض نشيلكم في عيونا

تحياتي

والله انتوا مسااكين احس نصير مثل الدجاج اذا قلنا وتكلمنا عن التابعين الى ايران
ما ادري على اي اساس يقال هذا الكلام
ما شفنا حتى ولا سمعنا تصريح من ايران عن هذا الموضوع وكل العالم على ايران
من جد صرنا مثل الدجاج

نرجو من الاخ volcano 2011 الالتزام باستخدام اللالفاظ المناسبة وهذا المنتدى لمواضيع السفر وليس للمواضيع السياسية

والله يا أخوان أنا شبه يومي بالبحرين هالاسبوعين الماضية لبعض الظروف
والجسر زحمه والمولات مزدحمة والمطاعم والكافيات بعضها يلزمك الحجز والإنتظار
مادري ليه البعض متخوفين بدرجة مبالغ فيها ؟؟
هناك بعض المناوشات في بعض القرى والله يشهد أني لم ار منها شئ ولكن من خلال ما اسمع فقط
الاماكن السياحية آآمنه بإذن الله ،، توكلوا على الله وانبسطوا واستمتعوا

تحية خاصة للأخ الغالي mahmeed99 على تجاوبه مع الكل في بوابة البحرين
والرد على الاستفسارات والله يجزاه خير ويعطيه العافيه

الله يحفظك يا خوي الغالي لورد الخبر ونتشرف بوجودك في البحرين وإذا ما شالتكم الأرض يا أهل السعودية نشيلكم في عيونا وربي يحفظ الجميع إن شاء الله

بداية تحية خاصة من القلب أخوي ( mahmeed 99 ) على لطفك واحساسك الجميل بزوار لؤلؤة الخليج

كلامك سليم جدا الأوضاع رااااائعة والأجواء العائلية جدا مثالية

وأكبر دليل كلام أخونا الرااااائع ( لورد الخبر)

لكم خالص الود والمحبة للبحرين وأهلها

والتحية الأكبر لك يا أخوي الغالي كتكات 783 وربي يحفظك ويحفظ بلادكم الغالية على قلوبنا وقيادتها الحكيمة وأهلها أهل الخير والطيبة من كل شر، اللهم آمين

السلام عليكم

كيف الاوضاع حاليا لاني سوف اسافر غدا للبحرين للسياحة

المشاركة الأصلية كتبت بواسطة [AHMED]
http://www.arabtravelersforum.com/tr...9/#post6967319

السلام عليكم
كيف الاوضاع حاليا لاني سوف اسافر غدا للبحرين للسياحة

اهلا بك اخوي احمد ،، الأوضاع في الأماكن السياحية ممتازة
الله يعينكم على زحمة الجسر والمولات
بكرة بإذن الله سأزور البحرين فيه كم فيلم نازلين بالسينما
ومن زمان عن الأكل التايلندي واحشني

هلا أخوي أحمد مثل ما قال أخوي الغالي لورد الخبرالأوضاع ممتازة ولله الحمد وراح تجوف ذي الشي بنفسك عند زيارتك للبحرين، وحياك الله في البحرين بين أهلك