الموضوع: كيف الاوضاع الان في البحرين

السلام عليكم ورحمة الله وبركاتة
اخواني ودي ازور البحرين انا والاهل بعد اسبوع مدري وشلون الاوضاع هناك
وش افضل شاليهات عائلية

مواضيع عشوائيه ممكن تكون تعجبك اخترناها لك:

• الأخوة الأعزاء أريد الرأى
• مطعم مكسيكي Fast Food
• أريد منكم إقتراح لوضع برنامج لي
• ¤ باريس غاليري ¤
• شقق الفنار
• قريه حلبه البحرين في فبراير
• الخطوط الجوية الماليزية تطلق أولى رحلاتها المنتظمة إلى البحرين
• جزيرة حلوه وصغيرة ورائعة
• أين شقق الايجار السنوي بالبحرين
• جو لندني اليوم بالبحرين ۔روووعه
• مساعده في منتجعات البحرين
• بخصوص شقق سومر ست للأهميه
• محتارة بالفنادق ياليت تساعدوني
• من عجائب ستي سنتر مقهى مايا المتخصص بالشوكلاته بكل وصفاتها
• مكاتب السياحه المتواجده في جسرالملك فهد
• استفسار عن
• استفسار عن مواقف مطار البحرين
• السادة الاخوان ناوي انشاء الله اكون في البحرين الغالية يوم السبت القادم
• طلب من اهل البحرين الاعزاء
• استفسارات لأهل البحرين الكرام

مابة رد يا شباب بروح الاربعاء الجاي
او اغير الوجهة

الوضع عادي جدا
انا كنت موجودة امس

مجمع ستي سنتر زحمة سعوديين
الى امس الوضع عادي

حياكم الله أخوي في البحرين
طبعاً أنا جارهم وكلنا مكملين لبعضنا
البحرين آمنة بإذن الله في الأماكن السياحية
المولات ( السيف - السيتي سنتر - مودا مول )
جزر أمواج - شارع الشباب بالجفير - بلوك 338 الملئ بالمقاهي والمطاعم بالعدلية
جنة دلمون المفقودة (الحديقة المائية) - محمية العرين
الفنادق وملحقاتها ( سوفيتيل الزلاق - الريتز كارلتون )
ابتعد عن القرى والأماكن التي لا تعرفها فهناك بعض المناوشات البعيدة عن المواقع السياحية

بالنسبة للشاليهات العائلية
شاليهات الدانه نوفوتيل - شاليهات البندر

اقامة سعيدة اتمناها لكم

الحمد لله الله لا يغيرها من نعمه

انا زرتها امس الحمدلله كل شيء عادي واوكي وامانةً اول مادخلنا جوازات البحرين استلم الجوازات شخص بحريني وينظر لنا باحتقار
ويهز راسه ولما ساله زوجي ايش بك ..؟ قام يرد باحتقار مره ثانيه ويقول مافيني شيءوحصل بعض المناوشات بينه وبين زوجي لكن زوجي عارف الدعوه
وكااااااااااان بارد جداً..
والحمدالله توفقنا بللي بعده وكانو مهللين ومرحبين فينا .
ولما نكون نتجول بالشارع تسمع بعض الهارنه من بعض الفئات اللي قصدها استفزازي لاأكثر
بس حنا ولاحولك .. متعودين ع الهرن واكثرمنه
وبإذن الله البحرين لنا لها زيارات مرات ومرات حتى لو وجدنا بعض الفئه التي تحاول
استفزازنا ..


انصحك ابتعد عن القرى مثل ماذكر اخوي لورد الخبر خلك بلمولات المذكوره وبسس ..

أول شي أحب أشكر الأخوه والاخوات على ردودهم الطيبة عن بحرينا الغالية
وثاني شي أحب أعتذر للاخت شغب قلم بالنيابة عن جميع البحرينيين لبعض التصرفات ممن يحسبون علينا كبحرينيين (وهم فئة معروفة) وكل اللي يعرف البحرين وأهلها يعرف مدى حب البحرينيين للسعودية وأهلها واللي جمايلهم فوق راسنا وهم وقيادتهم الحكيمة في عيونه
وحياكم الله في أي وقت العين أوسع لكم من المكان، وكذلك حب البحرينين لجميع أهل الخليج (الامارات، الكويت، قطر، عمان)

أما بالنسبة لسؤال الأخ Khaldi فأبشرك بأن الأوضاع عادية ومن أحسن ما يكون وهذي الرد عن ثقة لأني من البحرين ومثل ما قال أخوي العزيز لورد الخبر ابتعد عن القرى وطبعا كل الاماكن السياحية بعيده عن مناطقهم وأضيف على كلامه
عندك فعاليات صيف البحرين في مركز المعارض وبعض المجمعات انطلقت من يوم الخميس الماضي تقدر تستمتع بها

وتحية للاخت دانة الغوض والأخ لاتحزن وربي يحفظ الجميع بحفظه

أما بالنسبة عن الشاليهات فازيد على ما ذكره أخوي العزيز لورد الخبر
عندك شاليهات تالا في جزر أمواج بالمحرق وعندك سي لوفت بعد في جزر أمواج
وهذي الشاليهات بالاضافة الى نوفوتيل (دانة البحرين) مكانهم أفضل من شاليهات البندر لأن شاليهات البندر موجودين في منطقة جريبه من قراهم

وحياكم الله في البحرين بين أهلكم

وحياكم الله في أي وقت العين أوسع لكم من المكان، وكذلك حب البحرينين لجميع أهل الخليج (الامارات، الكويت، قطر، عمان)



الله يحيككم ويخليك اخوي محمد
والبحرين ديرتنا مانستغنى عنهاااا
عسى الله ينعمها وينعم اوطانا بلامن والامان

السلام عليكم
وانا انشاالله مسافر للبحرين من الكويت مع الاهل ولا اعلم بالاوضاع خصوصا اننا مسافرين بسياره ومو مطمئن بخصوص السياره لا احد يعبث فيها مثل ماسمعت عن بعض الاقاويل ؟ هل هذا صحيح ؟

حياك الله أخوي يوسف في البحرين
بالنسبة عن الأقاويل اللي سمعتها مالها أساس من الصحة وتطمن ما في شي من هذا القبيل
وتعال وراح تجوف بنفسك إن هالاقاويل مالها أساس من الصحة

وحياكم الله في البحرين

المشاركة الأصلية كتبت بواسطة شغب قلم
http://www.arabtravelersforum.com/tr...3/#post6999683

الله يحيككم ويخليك اخوي محمد
والبحرين ديرتنا مانستغنى عنهاااا
عسى الله ينعمها وينعم اوطانا بلامن والامان



ويخليكم إن شاء الله ولا يغير عليكم
ويحفظ بلادكم وجميع بلاد المسلمين
اللهم آمين

المشاركة الأصلية كتبت بواسطة mahmeed99
http://www.arabtravelersforum.com/tr...5/#post7000235

حياك الله أخوي يوسف في البحرين
بالنسبة عن الأقاويل اللي سمعتها مالها أساس من الصحة وتطمن ما في شي من هذا القبيل
وتعال وراح تجوف بنفسك إن هالاقاويل مالها أساس من الصحة

وحياكم الله في البحرين



مشكور اخوي mahmeed99
وانشاالله البحرين عامره بوجودكم والله يحفظكم انشاالله

والله يحفظك ويحفظ جميع أهل الكويت ودول مجلس التعاون

اللهم آمين

وسع صدرك اخوي رح وتطمن البحرين خير وامن وامان من بعد الله سبحانه

والامور طبيعيه واحسن من اول

والدليل روح شوف اسعار الفنادق والاسواق

شوف الجسر