الموضوع: عائلة بتسافر اثيوبيا

السلام عليكم
الحقيقة عائلتي تود السفر لاثيوبيا والرحلة في نهاية الاسبوع القادم واود ان اجد اي معلومات عنها خصوصا انه لايزورها الا القليل
اريد معلومات عن اماكن السكن شقق او فلل وهل هناك امكانية الحجز مسبقا؟ والمواصلات ايضا؟
ايضا الاماكن السياحية فيها واجمل المدن غير العاصمة والمساجد
المطاعم والاكل فيها؟
هل من السهولة انك تجد رحلة منها على كينيا ولا لا؟ وكيف الاسعار
الامن والنظافة كيف هناك؟
اتمنى اجد احد يساعدني

مواضيع عشوائيه ممكن تكون تعجبك اخترناها لك:

• متخوفه من اللي يصير معاي
• من منكم ذهب الى بتسوانا
• سؤال وجواب كل ما تحتاجه لزيارة اثيوبيا
• سؤال عن اللاب توب في جنوب افريقيا
• عاجل شروط استخراج التاشيرة للسفر الى ايوبيا
• السفاري يا جماعه الله يرضى عليكم
• ذوق مره مهم ادخلي
• ممكن رقم سائق في كيب تاون
• قررت بإذن الله الذهاب الى جنوب افريقيا
• ارجوكم ساعدوني اسئلتي تبي اجابة؟
• وش رايكم في هالفنادق
• معقولة هذي أسعار الرحلات الداخلية ؟؟
• زيارتي إلى دوربان المكان والإنسان تقرير مصور
• إستفسار لخبراء وزوار جنوب أفريقيا
• شوية اسئلة عن كيب تاون
• استفسار عاجل جدا جدا
• تقريري في جنوب افريقيا بالصور
• الملاريا في جنوب افريقيا
• اثيوبيا او الحبشة منابع نهر النيل
• اين سفارة جنوب افريقيا في الرياض

معقولة لهالدرجة البلد غريبة ومحد يروحها او يعرفها او حتى يعرف عنها شي ابد
انا ابغى لو مواقع انترنت انجليزية عنها طيب لآني مااعتقد بوجود العربي منها
ارجوكم احد يعطيني خبر

احلى الغيد السلام عليكم ورحمة الله انا كنت هنا قبل ثلاثة اشهر فقط وقبل اذهب اليها جلست ابحث عن معلومات عنها على النت باي لغةحتى لوتكونالغة البانقالية وما حصلت اي شي بس قلت يا ولد غامر ورح شف بنفسك والله ورحت انا وواحد من زملائي وكانت رحلة تاريخية بكل المقاييس لايفهم من كلامي اني امدحها او اذمها الذي استطيع قولة بل اجزم عليه انها ما تنفع بقرش للعوايل خاصة والشباب عامة الامن فيها فوق الممتاز اهلها طيبين جدا ومحترمين بشكل لايتصور ولكن ديرتهم رايحة فيها اي استفسار انا في الخدمة

وعليكم السلام
اسال عن السكن الفنادق او الشقق او الفلل ؟الاسعار والخدمات ؟ وش الافضل؟
ايضا هل هناك منتجعات سياحية؟
الجو ؟حتى درجات الحرارة ماقدرت اعرف عنها شي بالضبط
المطاعم والاكل فيها كيف؟ خصوصا للي معه اطفال
هل فيها اماكن سياحيه؟
اي معلومة تفيد لاتقصر فيها
وهل عندهم خطوط طيران دولية تقدر تروح لكينيا منها؟
وجزاك الله خير

لسلام غليكم ورحمة الله وبركاته اما بالنسبة للسكن فيوجد فلل وفنادق اما الشقق ما عندي علم عنها ولكن اتوقع انه لايوجد شقق وذلك بسبب رخص اجار الفلل فاجارها وانا اقصد السكن في العاصمة اما خارجها فلا اعلم عنه شيا اجار الفلل في العاصمة يبداء من 150 بر وهي عملة اثيوبيا والريال يساوي اثنين ةنص بر تقريبا بر الى 350 بر وتلقى فلل نضيفة وزينه في هذه الحدود ولاسعار هذة مناسبة جدا اما الفنادق فيوجد لديهم عدة فنادق منها العالمية والمحلية ولكن اشهرها على الاطلاق هو فندق الشرتون ويعتبر افضل فندق شرتون بقارة افريقيا ومن ضمن افضل خمس فنادق شرتون حول العالم وهو فعلا ضخم وفخم وراقي جدا ولكن اسعر السكن فيه غالية اجار الغرفة بحدود 200دولار امريكي لليوم الواحد اما الخدمات فسيئة جدا جدا فهم دولة فقيرة بل تحت خط الفقر في احيا كثيرة اما بالنسبة للمنتجعات السياحية ففي العاصمة لايوجد ولكن هناك منطقة تسمى جنة وندو تبعد تقريبا 400 كم عن العاصمة يمدحونها ويقولو انها مليئة بالمنتجعات والمناضر الخلابة الجو ممتاز في اول الصيف اما في الشتاء فهي باردة جدا وذالك بسبب ارتفاعها عن سطح البحر الاكل في العاصمة ما فيه مشكله الحضارم ما قصرو المندي في كل مكان اما المطاعم فبدائية جدا اما بخصوص من معة اطفال فانصحة يشوف غيرها وحتى الي مامعة اطفال وخاصة العوايل ما انصحهم يروحون لها لانها دولة لايوجد بها اي خدمات حتى الجوال السعودي ما يشتغل هناك وعلشان تكلم السعودية من هناك اما ان تستاجر شريحة جوال واما ان تبحث عن كباين اتصال وتكلم ويالله تلقا شي صالح

اختصر الموضوع اذا كان ذهابكم الى هناك بسبب السياحة والتمشي خذها من عندي ما تنفع بهلله الشوارع معظمها غير معبد يعني كلة جلد في جلد والله يكون في العون اما اكان ذهابكم الى هناك لسبب اخر وضروري جدا وما فيه فكة من الروحة فالافضل ذهاب اشخاص من غير العوايل اتمنى اني افدتكم والسموحة على التقصير واذا فيه اي استفسار اخر لايردك الا لسانك

السلام عليكم
نصيحتى لك انك لا تروح لها وكلام الاخ ابو يزيد كله صح انا جربتها ماتصلح عوائل لانه مافيها منتجعات
ولا اماكن ترفيهيه للاطفال حتى المنطقه الى قال عنها اخوى ابو يزيد وندو جنة روحتها وهى عباره عن جبال وهضاب خضراء ولا يوجد مساكن غير فندق واحد لا يوجد به ابسط وسائل السلامه كالاسعافات ا
لاوليه لا قدر الله وصدقينى ماتصلح عوائل مافيها مقومات السياحه والبلد رايحه فيها افهمه بقا


اخوى ابو يزيد لك وحشه

يا احلى الغيد هذي نصيحة من اثنين راحوا لها فانت وكيفك وعقلك في راسك وتعرف خلاصك
مشكور اخ هشومي على المشاركة ولك انت بعد وحشة ما عاد شفناك وتراني ارسلت لك رسالة على الخاص وحطيت ايميلي اذا ما كان عندك مانع تضيفني فانا في الانتظار

ابو يزيد اشكرك جدا على تفاعلك ونصايحك
هشومي اشكرك ايضا على نصيحتك

اخوي روح جنوب أفريقيا احسن لك تنفع للعوائل والان عندهم فصل الشتاء ودرجة الحرارة 9 وبالليل 2 درجة وبلد كالبلادين الاوروبية واللي يقطنونها جزء كبير اوروبيين وبلد امنة وفنادق على ارقى المستويات واعتقد من مطار الرياض 9 او 8ونص ساعات ومن حر ولواهيب الرياض إلى ثلوج جوهانسبيرغ وفي جزيرة مااعرف اسمها عندهم كلها ثلوج تنراح من مدينة كيب تاون
شكراً

the lord
أشكرك على النصيحة

اثيوبيا!!!!!!!!!!!!!!!!!!!!!!!معقوله احد يروحلها يقولون مرررررررررررررره شينه

أنا ما رحتها و لكن كل الناس اللي أعرفهم و راحوها يقولو انها روعة
طبعا أكيد تختلف الأذواق.. نصيحتي أستقصي أكثر و أنصحك بموضوع **اثيوبيا بلاد السحر و الجمال** http://www.travel4arab.com/vb/showthread.php?t=8743 حيث يحتوي على معلومات كثيرة و صور و مواقع انترنت بفضل جهود أباعامر و المغامر الذان أثروا هذا المنتدى بزخم من المعلومات الهائلة و لا يهونوا الباقيين.

عيون خطيبها : الله يخليكي لا تزعليني منك :112: .. أنا أنسبائي من هناك
بعدين انت ما رحتيها كيف تردي زي كدا؟ :114:

بسم الله الرحمن الرحيم


لمن أراد السفر باالعائله الي دولة اثيوبيا ( الحبشه ) نوجهك ونخبرك بأن السفر لهذه البلد لا يصلح ابدا للعوائل لأنه كما اسلف الاخوان ليس فيها اماكن ترفيه والأمن لك عليه خصوصا في الليل .
صحيح أني لم أتعرض لمشاكل هناك ولكن الوضعع ( قودي فله ) يعني مشكله كبيره بالحبشي
والبلد صراحه جميله جدا جدا لم اكن اتصورها بهذا الجمال أهلها لطفاء جدا وكن حريص من كل شيء .


واذا كنت مصر علي السفر لها بالعائله فالسكن في فندق الشيرتون فقط .
وخلك ((( حريص )) بعد التوكل علي الله

هذا ما لزم البلاغ به .................. الشيخ مسكين