الموضوع: ودي اروح البحرين كيف الاوضاع بعد نمر النمر ردو بسرعة تكفون

السلام عليكم

يا اخوان انا ابغااروح البحرين هذا الوقت بعد اعتقال نمر المر كيف الاوضاع

ارو الرد بسرعة

مواضيع عشوائيه ممكن تكون تعجبك اخترناها لك:

• كيف تتحاشى زحام الجسر في فترة العيد
• سؤال عن الحواج
• يأهل البحرين
• لاهل الخبره بالبحرين
• ساعدوني افضل وافخم فندق في البحرين
• ابغي شركة نقل وشحن
• الدانة نوفوتيل أين يقع؟؟
• فريزر سويت باختصار وبدون صور
• عنوان سفارة كازاخستان في البحرين
• وين ممكن اشوف المباريات في البحرين؟
• فندق ماريوت الجفيـــر
• ما هي افضل الاماكن الامنة للسكن فنادق خمس نجوم او شقق
• ممكن سؤال لاهل البحرين كيف الجو
• هل يوجد بالغد معرض الجمال العربي؟؟؟
• لأهل البحرين اشتراك انترنت مجانا
• استفسار عن مطار البحرين ترانزيت
• حجزت بالريتز بس متى تسجيل الدخول والخروج ؟؟؟
• استفسار عن فندق مشعل
• طالبه مساعدتكم
• أريد شقق فندقية في البحرين

اهلاً بك اخي صقر العروبة
رحلة جميلة اتمناها لك والله يعينك على زحمة الجسر
وزحمة السيتي سنتر والمواقف والمطاعم
أمس أنا كنت في البحرين
والله اول مره اواجه اخوان وعوائل من دول الخليج كافة هذا الشهر بحكم زياراتي المتكررة للبحرين
اخوان من عمان والامارات وقطر والكويت مع ربعنا السعوديين مع الطيبين الغالين اهل البحرين
في جو جميل وتلاحمي رائع ، ولكن ما أزعجني في زيارتي امس ووالزيارة التي قبلها ب 3 ايام
هو الزحمة في البحرين ، خصوصاً في السيتي سنتر والانتظار حتى اجد موقف لسيارتي
والزحام في مطاعم الجفير والعدلية من السواح ، توكل على الله وخلك في الاماكن السياحية

الحمدلله الأمور كثير طيبه هناك ولا في أي مشاكل
احنا دوم نروح البحرين وتوني هذا الأسبوع جايه منها
أحب أطمنك اخوي دربك خضر لاتوجد أي مشكله هناك
بحفظ الله ورعايته ,,

انا توي جايه من امس وسكنت فيها ليلتين مع اني منسكان الشرقيه لكن حبيت اسكن فيها
للاسف مع كلام اخوي اللورد مانبسطت كثيير بسبب الزحمه
مع العلم اني مبسوطه لما شفت الجسر مليان من الناس
لان ماودي البحرين تفضى بسبب ناس صغيره لكن الزحممه فوق
العاده حتى الفنااااااااااااااادق
عالجسر جداً ضاع وقتنا بلانتظار حتى وقت العوده زحمه
والمطاعم ايظاً مزدحمه كذا مطعم نحصل البوفيه تبعه
مخلص او باقي يخلص ونخرج منه
والا مطاعم بلانتظار بجد اول مره اشوف
البحرين كذا مليانه من كل الفئاااااااااااااااااااات
والشرطه بكل زنقه موجوده

أنا والله بروح بكره

وبعدين مابقى ألا ناس متطفله و أحرم نفسي عشانهم بروح وبنبسط ولا علي من أحد


أقسم بالله أن ماعندهم شي بس يهددون على الفاضي

أخوي صقر العروبة

الأخوان والأخوات الغاليين (لورد الخبر، الحبوبة قطر، شغب قلم، وجه سهامك) ما قصروا في الرد وما خلوا لي مجال اكتب شي

وما راح ازيد على كلامهم الا حياك الله في بلادي البحرين بين اهلك وأخوانك

وكل اللي يسوونه ذلين راح ايي يوم ويكون هناك رادع لهم يوقفهم عند حدهم

والبحرين بخير باهلها وبمحبينها مثلكم وشرواكم

وتحية مره ثانية (للورد الخبر، الحبوبة قطر، وشغب قلم، ووجه سهامك)

اخوي صقر العروبة
اطمنك الاخبار بخير وماعليك من الاقوال

واخواني واخواتي كفوووو ومااقدر ازيد عليهم بشيء

كل يوم بالبحرين ولا فيها تغيير ان شاء الله دوم كذا ياارب

في عز الازمه كنا نروح ونجي والوضع عادي الحمدلله