الموضوع: ابراج جديده في سماء الكويت توجد صور

وانا اتصفح في الانترنت وجدت موقع استشارات هندسي لشركه كويتيه ووجدت لديهم صور لابراج بعضها بدأو العمل به وبعضها قريبا سيبدأون وبعض الابراج اللتي يعاد تجديدها

الموقع هو : http://www.aldowailah.com

برج :Al-Fintas Residential Complex, Kuwait



فندق درجه اولي جديد بالكويت : First Class Hotel



برج جديد بالسالميه : The Residential Complex


برج جديد في بنيد القار : Residential Development, Bneid Al Gar



مركز الملا التجاري : Al-Mulla Commercial Center



برج جديد في شارع فهد السالم :


برج الخليجيه بعد التطوير : Khalijiya Complex and Car Park



برج جديد في السالميه : Commercial Complex at Salmiya, Kuwait



برج جديد في شرق : Commercial Tower at Al Sharq



برج العوضي وهو الان قيد الانشاء وبجانبه مجمع تجاري تابع للبرج :


فيه مشاريع اخري كثيره في الموقع وهنالك مشاريع اخري بمواقع اخري وهناك مشاريع لم تنزل علي الانترنت ولكن مانقووول الا :

عـــــــــــــــــــــــــــمـــــــــــــــــــــ ــــــار يــــــــــــاكـــــــــــــــويــــــــــــــــــ ــــــت

كل مااشوف برج جديد اتذكر سعد الفرج لما قال الكويت بتصير طبقات

مواضيع عشوائيه ممكن تكون تعجبك اخترناها لك:

• مخبز أمير الامراء
• ممكن خدمه بسيطه
• عالمنا الخاص للشاي الفاخر بالكويت
• وين الأماكن الزينه وكذلك المتاحف والمطاعم اللي تمثل ماضي الكويت وإذا أمكن احداثياتها
• تقرير مبسط عن زيارتي للكويت
• المتحدة للطيران أطلقت أولى رحلاتها الجوية الترفيهية في الكويت
• وين الاقي الجت سكي الدباب البحري في الكويت؟
• نعل نجدية رجالية أكرمكم الله
• ممكن وصف منطقة البلوكات
• وين افخم منتجع؟؟؟
• °¨´` همبكة في منتجع ´`¨°
• إخواني ما أفضل طريق بري للكويت من الرياض ؟
• مطعم لونوتر ô
• استفسارات بسيطه يا أهل الكويتأرجوا انكم تتحملوني شوي
• محتاجة مساعدة ضروري
• استفسار عن مواليد الكويت
• بنات الكويت الذووووووووووووق
• هل يمكن التعاقد مع المدارس الخاصة بدون خبرة بفيزا حرة
• لو سمحتوا أبي محل مساج نسائي بالكويت
• ضروري محلات خام

ماشاء الله ماشاء الله ،،

رائع أخي الكريم

وأن شاء الله نشوف الكويت من أولى الدول السياحيــة ،،
مثل ما أنشوف الكويتيين أكثر نسبة ناس يسافرون للسياحـة ( اللهم لا حـســد ) ،،،

تحياتي لــك

[align=center]

يعطيك العافية أخوي كويت تو وورلد و عسى كويتنا وخليجنا دوم عمار x عمار

ما شاء الله تبارك الله فعلا الي يتمشي بمناطق الكويت وبالأخص بالعاصمه ومناطقها مثل شرق والمرقاب وشارع الخليج العربي يلاحظ الحركة النشيطه الي شغاله منها ازالة المباني القديمة والمتهالكه الي صار لها سنين و انشاء العمارات الحديثة و ايضا تزيين الشوارع والدوارات ... و قالها وزير الاشغال كلها كم سنة وراح تمتلي الكويت بالابراج السكنية والمباني العاليه و بالذات العاصمه الي بنافس فيها عواصم العالم ..
وعلي فكره عملية التجديد شملت كل المناطق تقريبا من الأحمدي جنوبا الي الجهراء شمالا .

و بالنسبة للسواح اخوي بو محمد يقولك المطار مو ملحق كل يوم يستقبل مالايقل عن 13 الف عائد فهالثلاث سنوات الاخيره السفر زايد عندنا بشكل عجيب اللهم زد وبارك .. لا وربعنا ما يسافرون باليوم واليومين لازم شهر واكثر ....


تحياتي ................[/align]

تسلم ايدك اخوي kuwait2world

ولاتنسى بعد برج الحمرا 50 طابق
وبرج مدينه الاعمال وبرج الداو وبرج العصفور ومركز الكويت التجاري وبرج التامين وبرج يونيفرسال وبرج البحر غير ستاد جابر وملعب الغولف ومجمع سينما السيارات وتطوير فيلجا وجسر الصبيه وميناء بوبيان والمناطق الحره ... ... الخ


ربعنا قامو يشتغلون صح

عسى الله يوفقهم


بعد اذنك اخوي kuwait2world

انقل بعض هالصور لمنتديات اخري

المشاركة الأصلية كتبت بواسطة بومحمد


ماشاء الله ماشاء الله ،،

رائع أخي الكريم

وأن شاء الله نشوف الكويت من أولى الدول السياحيــة ،،
مثل ما أنشوف الكويتيين أكثر نسبة ناس يسافرون للسياحـة ( اللهم لا حـســد ) ،،،

تحياتي لــك




============================

الحقيقه ان المباني جميله و سوف تزيد الكويت جمالا
وفى اعتقادي ان هذة نتيجه ( نهايه صدام ) الناس الان تشعر بالامان

[frame="10 80"]مشكور أخوى kuwait2world وعساك على القوه على وضع بعض الصور أو المجسمات لمشاريع قادمة .
ما بغينا نشوف بس أن شاءلله القادم أحلى وتصير جزيرة فيلجا منتجع سياحى توازى أكبر الجزر الاسيوية وكذلك الجزرالواقعة كذلك فى الكاريبى .
أن شاءلله الكويت عمار فى عمار وكذلك خليجنا الكبير .[/frame]

مشكورين علي التفاعل اخواني مع الموضوع واخوي ولد الكويت مسموح انقل كل اللي تبيه
وانشالله الكويت دوم عمار وركز علي برج العصفور ترا حده رهيب وخصوصا موقعه ولونه الذهبي من الاعلي

تسلم اخوي kuwait2world

وهذي صوره برج العصفور اللي بالفعل تحفة



وهذا موقع الشركة اللي ماسكة المشروع

http://www.kuwaititech.com/comm/index.htm


تحياتي لك

الكويت دُرة الخليج
الله الله يارمز الحياة ياكويت ياكويت يارمز الحياة
وطني حبيبي وطني الغالي 0000الخ
اعذروني مو حافظ النشيدة 0
فعلاً الكويت حبيبة وإن شاء الله دايماً للأمام

[align=center]

ماشاء الله دخلت على الموقع و اتضح انه كل المباني بمنطقة المرقاب فعلا هالمنطقة ظلت ولسنوات منطقة أشباح و آن الاوان ان يحييوها وخصوصا انها هي و منطقة شرق بوسط العاصمه لذا فهم الاجدر بالاهتمام .
ومن كم يوم قدر لي ان اذهب بمشوار الي هناك و ماشاء الله شفت النشاط بعيني
عسي الله يوفقهم ويطرح فيهم البركه و يبارك لنا بالوزير الحميدي وعسي الله يطول بعمره .


تحياتي ............[/align]

تسلمين يالباحثه بس الوزير الحميدي شكو؟؟

الناس تبني بفلوسها والقرارات من البلديه وصادره من زمان

الحميدي مع احترامي الشديد له ماله شغل لامن بعيد ولامن قريب بالطفره العمرانيه التجاريه بالكويت لانه وزير الاشغال والاسكان يعني اشغالات الطرق والمجاري والبيوت السكنيه والمشكله انه الطرق كل سنه اتسوء حالتها وخصوصا بالفحيحيل سيارتي راحت فيها من الحفر والبيوت صار لنا سنه نسمع عن حل ولا شفنا حل

مااقول ياالحميدي ماعليه عطوك وزاره يبيلها حل جذري بسبب المشاكل المتراكمه فيها
ويالحميدي سنع وزارتك

[align=center]

هلا فيك اخوي كويت تووورلد انا معاك انه المشاريع تنبني بفلوس اهلها لكن الله سبحانه يسخر ناس لناس
و بالنسبة للحميدي انا اقولك شكو ,فهو من الوزراء الي فعلا حسينا بمدى اهتمامه بالديره و من خلال لقاءات عديده معاه بث الامل بنفوسنا و يا ليت تتابع اللقاءات الي تكون معاه وتعرف قصدي
وما ادري اذا شفت اللقاء الي تم معاه بتلفزيون الكويت او اللقاء الصحفي الي عقده مؤخرا ..طبعا احنا ما ننكر ادوار باقي الوزراء ..لكن يكفي انه هالوزير حرك مشاريع ومناقصات كانت معطله ومن سنوات بالادراج واغلبها خاص بتجميل المدينة والشوارع وايضا كانت خاصه بتراخيص ازالة المباني متهالكه و انشاء الجديد بدلا عنها .. وبالنسبة للفحيحيل جايها الدور و لا تستعيل الجماعه شغالين وظليمتهم شينه و الدليل هالحفريات الي عند بابي لكن من بقي شي يتحمل

عموما هذي بعض تصريحات الحميدي والي عجبتني وهناك الكثير
وعسي الله يوفق الجميع ...

http://www.alwatan.com.kw/print.aspx...2&topic=274591


http://www.alwatan.com.kw/print.aspx...1&topic=274562


http://www.mpw.gov.kw/News.asp?id=321


http://www.mpw.gov.kw/News.asp?id=406


http://az-zamen.net/mahalyat-naser.htm



تحياتي ...........[/align]

صور رائعه للأبراج
الله يديم علينا وعليكم وعلى الأمه الإسلاميه الخير والأمن والسلام

مجموعة اخرى من الابراج تقوم بالاشراف عليها شركة keo international


برج القبلة




برج المشرق





برج راكان في مراحله المتقدمة






برج AL MURAHABA TOWER حاس انه الاسم غلط بس هذا الاسم موجود في موقع الشركة






برج بوابة الكويت




برج الخرافي




مجمع وبرج دار العوضي في مراحلةا لنهائية

الاخوان الخليجين بومحمد و مهاجر وابراهيم-tk وامير الظلام وسائح 3 والباب العالي تسلمون يالاحبه على مشاعركم الجميلة وهالشي غير مستغرب على ابناء الخليج

برج الديرة

المالك بيت التمويل الكويتي

الموقع الصفاة بالقرب من سوق المباركيه

قيد الانشاء

تم الانتهاء من الاساسات والادوار الاولى


من 37 الى 40 دور

اختي الباحثه احنا مانظلم الوزير الحميدي لكن الوزاره مشاكلها كثيره وماتغير شي فيها وبالنسبه لتجميل العاصمه من مهمة البلديه مو الاشغال ونسب البناء هم البلديه مو الاشغال ومسألة هدم المباني القديمه هذا نتيجة الجدوي الاقتصاديه للمباني وارتفاع الاجارات اللي حفزت الملاك علي هدم المباني القديمه وبناء جديده والسبب يرجع الي انحخفاض الفوائد البنكيه والتعويضات واحداث 11 سبتمبر اللي رفعت اسعار العقارات وصارت بعدها طيحت صدام وكثرة الشركات بالمنطقه ولو اتلاحظين اغلب العمارات مكتوب عليها الايجار للشركات فقط يعني الحميدي ماله شغل لامن بعيد ولامن قريب وانا اقول هالكلام والله يعلم اني مو متحامل عليه وبالعكس اتأمل منه كل خير ولكن لازم نعطي كل ذي حق حقه
البلد اطورت لاسباب معينه وهي :
1- السيوله المتوفره بالبلد
2- كثرة المناقصات والمشاريع العملاقه سواء بالكويت او العراق
3- قرب تطبيق اتفاقيات الجات 2006 ودخول الشركات الاجنبيه والبنوك الاجنبيه ( يعني لعب كبار وبس)
4- انفتاح الكويت علي الاسواق العراقيه والايرانيه بشكل مباشر ( تكلفة النقل راح اتكون اقل من ميناء الكويت لبغداد وهذي تفرق )
تشعبت كثير بس هذا الواقع الكويت امامها تطور هائل وانشالله يكون للأفضل وهذا مانتمناه


------------------
اخوي ولد الكويت انت حقا رائع واثريت الموضوع كثيرا اشكرك لذلك

مشكور اخوي Kuwait2world على هذا الاطراء

تسلم والله


كويتنا الغالية تستاهل

[align=center]

اخوي كويت تو وورلد ...
يمكن لأنه الحميدى هو الوزير الوحيد الي سمعته يتكلم و بحماس عن مشاريع كثيره مرتبطه بوزارته ,, و كلامه ما اخش عليك فرحني وايد و بث ألأمل بروحي و من انه ما زال عندنا ناس كفؤ و يسعون للإنجاز .... لذا تذكرته هو بالذات و تشكرت منه و دعيتله هو وامثاله خصوصا اننا عانينا لسنوات من الجفاف في الانجاز , وتذكري له ماله علاقة بهالابراج بالذات ...

لكن من هالوزير سمعت عن مشروع فيلكا وانهم بدوئوا العمل فيه ,, وعن مشروع جسر الصبيه ,, وعن اتمام مشروع الطب النفسي بعد سنوات من الصراع ,, وعن صيانة الطرق وتجميلها وتشجيرها ..ومن انه العاصمه راح تكون قمة بالترتيب و الاناقه وان الابراج العاليه بتنتشر فيها ( طبقات ) و خلال سنوات وقالها بلسانه اطمنكم عاصمة الاشباح ستغدو قمة بالحيويه وكل هالمباني القديمة ستولي وتذهب ,,,

و مع هذا تظل وزاراتنا مرتبطه مع بعضها البعض خصوصا الأشغال والاسكان والبلدية إلخ .... و اي توقيف من اي وزارة المشروع كله يصيبه الخلل و يمكن مشاريع كثيره وقفت عند وزارته وهو الي مشاها و يمكن هذا السبب الي خلاه هو بالذات يتكلم فان تبث الحياة مجددا بمشاريع مصكوك عليها بادراج وزارتك فهو بحد ذاته انجاز ....

وحسب معلوماتي انه اعمال البلدية احيلت للمجلس البلدى وهو الي اصبح يبت فيها ,,

ومثل ما قلت مو من مصلحتنا لا نحابي لهذا ولا نذم هذاك و احنا ما نعرفهم الا كاسم فقط و من اعمالهم و انجازاتهم تنجز قلنا عنك كفو و خلك ,,, ما تنجز قلنا لك الله يسامحك وتوكل على الله و امسك الباب و خل الكرسي لغيرك .


تحياتي .......... [/align]

[align=center]

ولعل الشيىء بالشيىء يذكر أخواني

أعلن حسين المنصور رئيس مهندسي الطرق في وزارة الأشغال الكويتية , عن وقيع عقد مشروع تطوير وتحديث شارع عبد الكريم الخطابي ( دوار الجوازات ) (أخيرا ما بغو يلتفتون لهالشارع ) على أن يبدأ التنفيذ في ألأول من شهر نوفمبر المقبل .
مضيفا ان المشروع الذي سينجز خلال 30 شهرا ( وايد والله ) وقد تم تحديد الطرق البديلة لمرور المركبات خلال فترة العمل بالتنسيق مع ادارة المرور ..
( الله يعينا )
تم

مو قلت لك اخوي كويت تو وورلد الدور ماشي وشوي شوي بيوصلون للفحيحيل لا تستعجل ...

على فكره للي ما يعرف هالدوار فهو من اتعس الدوارات عندنا في الكويت ومن اصعبها والشوارع الي تتفرع عنه و بالذات وقت الذهاب والخروج من الدوامات أو بالمساء والمناسبات .ان مريت فيه تقول إنه فيه حرب صايره يعني شي لا يوصف بس الحمد لله المشكله بتنحل بفضل الله ...


تحياتي ..........[/align]

تسلمين اختي الباحثه وعن الحميدي مانقول الا انشاءالله الله يوفقه وبخصوص دوار الجوازات 30 شهر مو كثيره اذا عرفتي انه حل جذري وانا اتوقع انه فيه نفق راح يسهل العمليه والفحيحيل كانت شوارعنا احسن شوارع بالكويت لي قبل فتره صار بين كل حفرتين حفره بس يالله احنا نعطيهم لي تنتهي المشاريع اللي عندنا والا ترا بنسوي انشقاق عن الديره عاد ها النفط يمنا واتموتون فقر يعني سنعونا انسعكم

الباحثه شلون جولد كوست السنه هذي ؟

كنت هناك الصيف هذا بنفس الوقت اللي انتي زرتيها بس صراحه رهيبه وعلي فكره كنت متابع الموقع من قبل لا اسافر بس ماكنت اكتب وصراحه استفدت من مقالاتكم جولد كوست روعه

يعطيك العافية أخوي على الصور الجميلة وإنشالله بتصير الكويت حلوة بأبراجها العالية وهلها إنشالله

[align=center]

اللهم آآآآآآآمين أخوي كويت تو وورلد و 30 شهر يبه خلهم 30 شهر بس خل يتحركون ,, تدري شلون لهم مني شهر زيادهبعد شيبون بس خل يفكونا من هالدوار المغثة ....

على فكره بالنسبة للفحيحيل هم الجماعه مو مقصرين فيها خصوصا جهة البحر اشوفهم شادين حيلهم وصايره شحلوها ما شاء الله اسواق وواجهات وشي عدل ,, وبالنسبة للشوارع الي بين البيوت فبهالسالفه كلنا واحد عندنا وعندكم خير ,, بس هم اطمنك من كم يوم صرح احد المسئولين إنهم بيقومون بتعديل الشوارع كلها بس ينطرون تمديدات الشبكات الجديده و التصليحات الجاريه الحين لا وبيستغلون المياه الي تكررها محطات الصرف الصحي لغسيل كل شوارع الكويت و هذي اول تجربه راح يبدون فيها من العاصمه ويطلعون منها لباقي المناطق .. يعني بيعدلون شارعكم وبيغسلونه بعد
فهذول هم عيالنا وهذا الي تعودناه منهم والا ( انا كويتي أنا, قول وفعل , وعزومي قوية ) بس كلام :surf
عسي الله يعطيهم العافيه ويبارك فيكم و فيهم .

اما بالنسبة لجولد كوست واستراليا ككل فهي ديره تستاهل العنوه الصراحه , ما شاء الله ونيسه وتوسع الصدر و لي رغبة كبيره ان اكرر التجربه فالله يرزقنا ان شاء الله و نرد لها بس هالمره بروح للمناطق الثانيه الي ما شفتهم .
وما شاء الله يعني انتو كنتو فيها بشهر 6 و 7 مثلنا
بأي فندق سكنتوا ؟؟,,
وهل كانت رحلة عائليه ؟؟
فيا ريت تكتب لنا عن تجربتك بساحة استراليا لأنه كل تجربة لابد تختلف عن الأخري ...


تحياتي ............[/align]

السلام وعليكم

انا اول مره اشارككم عن موضيع تخص بلدي الحبيب الكويت ....ولكن عندي نقطه واحده الى متي ونحن نقول اعلى برج واعلى برج وثالث برج في شغلات اهم ونقول لوزير الاشغال خلصو الناس اولا من موضوع جنوب السره قبل ما تجي الامطار والعقد انتها قبل شهرين تقريبا وانتو لم تنتهو وخلصونا من زحمت الشوارع وابنو جسور على اصول وبعدين ابنو ابراج على كيفكم...

اختي الباحثه انتي كله اتقولين صرح مصدر مسؤول وقال الوزير الفلاني ممكن سؤال ؟














أنتي مباحث ؟
---------------------
بالنسبه لجولد كوست انا اخذت الباكيج اللي حاطته الكويتيه بس عكسته البدايه من تايلند والنهايه سنغافوره
سكنت في شقق فندقيه في السيرفر بردايس اسمها ألوها بس للأمانه مكانها زين بس اثاثها يعني اخذت شقه علي البحر مباشره المنطقه حلوه وتستاهل زياره ثانيه بس لما يصير عندي عيال علشان العب معاهم سكوبي دووو ليمن امللهم منها صراحه اللي راح موفي وورلد ولا لعب سكوبي دوو ليش عايش؟
السفره كانت شهر عسل وكان الحمدلله ناجح ومرتب والفضل يعود لكم بالمنتدي لاني استفدت من معلوماتكم كثير

[align=center]

هلا أخوي كويت تو وورلد لا والله ماني مباحث أنا الباحثة وبس

و شنسوي فاتحين عيونا وأذونا و ننطر هالطيبين يصرحون بشي مفرح خبرك يتنا فترة نشافه فضيعه بالمشاريع و التصريحات الي تشرح الصدر فما صدقت ..

و الف الف مبروك الزواج و عسي الله يبارك لكم و يجمعكم على الخير وان شاء الله ربنا يرزقك بالذرية الصالحه وتوديهم استراليا ولموفي وورلد ويشوفون ويلعبون سكوبي دو ( عاد هي لعبه هالسكوبي دو والله تخرع )ويشوفون باتمان و ربعه و يستانسون .. وتحياتي لزوجتكم اختنا العزيزة .

وعليك هالمره بشقق الشيفرون و الكراون تاور وما راح تندم ..


تحياتي ...............[/align]

المشاركة الأصلية كتبت بواسطة الملك


السلام وعليكم

انا اول مره اشارككم عن موضيع تخص بلدي الحبيب الكويت ....ولكن عندي نقطه واحده الى متي ونحن نقول اعلى برج واعلى برج وثالث برج في شغلات اهم ونقول لوزير الاشغال خلصو الناس اولا من موضوع جنوب السره قبل ما تجي الامطار والعقد انتها قبل شهرين تقريبا وانتو لم تنتهو وخلصونا من زحمت الشوارع وابنو جسور على اصول وبعدين ابنو ابراج على كيفكم...




اخوي الملك شكو الابراج بجنوب السره

الابراج تبنيها الشركات والتجار مالهم شغل بمشاريع الاشغال والحكومه مومقصره والله

يعني الحين موعاجبتك جنوب السره مو كافي القسايم اطمرت من 50 الف الى 100 الف ههههههههههه اللهم لاحسد


لا ومسوين كل الوزارات عندكم

الحكومه الحين قاعده تشتغل بجنوب السره بس الشغله يبيلها وقت صبروا عليها شوي

ومااعتقد تقدر تنكر المجهود الى اللي صاير عندكم

برج فندق وبرج سكني 17 و19 طابق على التوالي لشركة فهد السلطان واولاده وشركاهم
الموقع مقابل مطعم مركز سلطان على الواجهة البحرية - السالمية

برج الحمرا

الله يعطيكم العافيه على المجهود الطيب والي الامام ان شاء الله ياكويت

ماشاءالله تبارك الرحمن

الله يحفظ الكويت يارب

والله الكويت فيها مقومات سياحيه كبيره , ومشاريعها جدأ قويه
فهي متوفر فيها كل الخدمات من الفنادق العالميه الى الاسواق والمجمعات التجاريه التي تمتلئ الشوارع بها والى المدن الترفيهيه والمراكز الترفيهيه والتجاريه , ودور السينما والطرق الجميله والمباني الي تشرح الصدر والابراج وبرج التحرير والمركز العلمي
وش اقول وش اخلي
كل شي متوفر في الكويت
كل ماعليها هو دعايه قويه وتسويق للمقومات التي تحتضنها وتكون فعلآ منافسه لدبي

تقبلوا خالص تحياتي/سلطان الشرقية

في هذه الصورة نشاهد احدى الأبراج الزجاجية تحت الأنشاء الموقع بالقرب من من وكالة الأنباء الكويتية كونا وسط العاصمة

هذا البرج اسمه برج الخرافي

المشاركة الأصلية كتبت بواسطة سلطان الشرقية


ماشاءالله تبارك الرحمن

الله يحفظ الكويت يارب

والله الكويت فيها مقومات سياحيه كبيره , ومشاريعها جدأ قويه
فهي متوفر فيها كل الخدمات من الفنادق العالميه الى الاسواق والمجمعات التجاريه التي تمتلئ الشوارع بها والى المدن الترفيهيه والمراكز الترفيهيه والتجاريه , ودور السينما والطرق الجميله والمباني الي تشرح الصدر والابراج وبرج التحرير والمركز العلمي
وش اقول وش اخلي
كل شي متوفر في الكويت
كل ماعليها هو دعايه قويه وتسويق للمقومات التي تحتضنها وتكون فعلآ منافسه لدبي

تقبلوا خالص تحياتي/سلطان الشرقية




تسلم اخوي سلطان على شعورك الطيب تجاه بلدك الكويت


الشي هذا غير مستغرب على حبايبنا السعودين وخصوصا اهل الشرقية

نشكر اخونا على الموضوع الحلو ...

و بصراحه انا ملاحظ التطور و الاعمار في بلدنا الحبيب الكويت .. وذلك من حيث المشاريع الملموسه و الجاري انشائها على ارض الواقع ... نتمى لدولتنا التقدم دائما و التطور .. وانا من الاشخاص اللي يعشقون الكويت و اهلها ...

تحيات ذوق و طيبه من قطر إلى الكويت يرسلها لكم من دوحة الجميع .. عمري قطر

حبيبي والله عمري قطر تسلم علي شعورك الراقي اللي يدل علي معدن اهل قطر الغاليين علينا
وللأمانه انا قطر لها معزه من نوع خاص عندي وتسلم حبيبي