الموضوع: استفسارات عن زيارات ومواقع

السلام عليكم اخواني في هذا المنتدى

انا صراحة كنت ناوي اروح الشرقية واسكن في شاليه بس لقيت الاسعار غالي دون مبرر لذا قررت اني اروح البحرين ارخص حتى اني ناوي الحجز في قصر العرين وبيكلفني قيمة شاليهات في الشرقية وهو افضل منهم بمراحل كبييييييييرة
وطبعا تجنبا للزحمة رايح يوم الاحد وراجع الاربعاء
الرحلة مع الزوجة
ماعلينا
المطلوب منكم مساعدتي فيما يلي


مطاعم للعائلة وتكون جميلة واسعارها معقولة وجلساتها حلوة
هل تنصحوني بمنتزه او حديقة او خلافه
في مطعم قريت عنه اسمه Restaurant, Lounge and Garden
اذا احد يعرف عنه
اماكن للزيارة حلوة طبعا بدون مجمعات تجارية ممكن اسواق شعبية
واذا كان هناك مكان للغوص تحت البحر (((يعني في احد يغوص في البر ))))


اتمنى اني ماطولت عليكم واشكركم مقدما

مواضيع عشوائيه ممكن تكون تعجبك اخترناها لك:

• مسافر بكره للبحرين وابي رايكم
• بخصوص قاعات المناسبات
• ماهو جديد البحرين؟
• ممكن المساعدة بوصف محل جاسم للزراعة للضرورة
• وين القا شقق راقية ونظيفة لـ أشخاص شباب وتكون محترمة ؟
• مشكلة جوازي
• جسر ثاني جديد يربط البحرين والسعوديه
• وين محلات التشوكلت قوديفا لافيز لولو كافيه في البحرين
• ايام رحلة عمل إلى البحرين إستشارة
• الخميس في البحرين
• أبغي أغير جو وأحجز ليلة ومحتار بين نوفوتيل الزلاق وقصر العرين حياكم وساعدوني
• محتاره بين فندق ايوا و فندق الرايه من بيساعدني
• زياره يومين للبحرين
• دخول السائق والخادمة للبحرين؟
• اظن انني خدعت من مكتب الجزيرة بالجسر ؟؟
• البحرينيون متشائمون من عيد الفطر ويهربون
• هلا بكم حبايبي من الرياض ونازل للبحرين بكره طلبتكم
• فندق الشيراتون
• اريد استجار قارب بحري بالبحرين لعائلتي
• إستفسار عن منتجع الدانة نوفيتيل

شباب انتظر ردكم وحبيت اسال انا سالت عن الفندق قصر العرين او بالاصح قريت في بوكينج الكل يقول انه سيء وفيه حشرات ارجو الافادة

وعليكم السلام ورحمة الله وبركاته
اخوي بالنسبة عن قصر العرين مكان جميل جدا وانا سكنت فيه مع زوجتي وفيه خصوصي والحشرات قليلة جدا وسببها وجود الزرع والمسبح داخل الفيلا

واذا ما يناسبك هالمكان انصحك باختيار فندق النوفوتيل ع جسر المحرق القديم أو فندق سوفوتيل الزلاق واثنينهم لهم ساحل بحري خاص فيهم بس السوفوتيل اكثر خصوصية

المطاعم العائلية موجودة في بعض الفنادق دامك ما تبي تروح المجمعات عند مطعم في السوفوتيل ممتاز ويمدحونه وعند مطعم هادي جدا في فندق الشيراتون عبارة عن بوفيه

بالنسبة عن الغوص ما عندي فكرة بس فيه في كورنيش الفاتح (النادي البحري) في رحلات بحرية للعائلة بحسب عدد الساعات ونوع القارب يحددون لك السعر

وتحياتي لك
وحياك الله في بحرينا الغالية أخو عزيز من بلدي عزيز وغالي علينا بلاد الحرمين الشريفين من الموبايل

اخوي http://www.arabtravelersforum.com/user360656/
الله يجزاك الف خير على الرد الرائع
بالنسبة للفندق اللي عاجبني فيه المسبح والخصوصية
لكني لما قريت كل اللي سكن فيه في شهر سبتمبر بصراحة استغربت الكل يشتكي عشان كذا خفت
وحبيت اسال عن مدينة الالعاب المائية
بالنسبة للمطاعم انا اسال مافي مطاعم غير اللي في الفنادق اكلها مميز
وراح ننتظر احد يفيدنا بخصوص الغوص في النادي البحري
والله يعطيك الف عافية

هلا بالغالي
اخوي بالنسبة لقصر العرين صدقني بيكون لك ذكرى ما تنسي وما راح تفتكر في الحشرات والحين مثل ما تعرف قبل دخول فصل الشتاء تزيد الحشرات وميزته وجود المسبح الخاص بك فيه مع حمام (وانت بكرامة) بخار وجاكوزي والاختبار لك يالغالي اما هذا الفندق او غيره من الفنادق

اما بالنسبة عن مدينة الالعاب المائية اعتقد تقصد جنة دلمون المفقودة موجودة يم منتجع قصر العرين وموقعهم بعد حابة البحرين الدولية لسباقات الفورمولا وان من الموبايل

بالنسبة للمطاعم عند مطعم المطبخ اللبناني في منطقة السيف اكله ممتاز بس مافي مكان مخصص للعايلات وعندك ليلو كوفي شوب ممتاز بس زحمه شوي وهو مقابل المطبخ اللبناني، ولو شوكولا بمنطقة السيف عند التقاطع الموصل لمجمع السيف، وعندك بعد بعض المطاعم في جزر امواج منها انغام بيروت ومطعم الليوان وهو مطعم للاكلات البحرينية الشعبية وعندك مطاعم في The welk في منطقة بكواره بالرفاع الشرقي فيه مجمع من المطاعم، وطبعا فيه المطاعم الموجوده بالمجمعات ومنها المطاعم الموجوده في مجمع سيتي سنتر جهة السينما (وافي غورميه، باستريتو، اشاز، فرايديز، رنديفو) وفي مجمع السيف وإن شاء باقي الاخوان والاخوات يعطون باقي الاسامي من الموبايل

وبالنسبة عن كورال بي للرحلات البحرية والغوصاللي موجود في كورنيش الفاتح هذي المعلومات اللي عندي موقعهم على الانترنت:

http://www.coral-bay.net

ورقم تلفونهم 17312700 973+ من الموبايل

اول شي الله يعطيك العافية يا استاذ محمد على المعلومات واتوقع الفلل اللي تتكلم عنها مالقيتها في النت للحجز
اذا امكن رقم تلفونها
والحديقة المائية اتوقع انها مفتوحة طول السنة


وشكرا الف شكر لك

الله يسلمك
هذا موقع بوكينق عن فلل سي لوفت:
http://www.booking.com/hotel/bh/sea-...ml?aid=1329869

وهذا موقعهم ع النت:
http://www.thesealoft.com/sealoft_gallery.asp

تحياتي من الموبايل

اشكرك اخوي محمد بصراحة احرجتنا بردودك السريعة الف شكر مرة اخرى


من كثر اني ماعاد عرفت كيف اشكرك كان في بالي سؤال ونسيته

حاضرين يا خوي وبالخدمة من الموبايل

طيب اخوي محمد ممكن بس طلب اخير ابي اعرض عليك رحلتي ولا تبخل علي برايك الكريم

انا راح اتحرك الصباح الى البحرين ممكن من بدري وراح افطر في مطعم
BreadTalk
اذا عندك اقتراح ثاني افضل
او ممكن اخذ من عنده واذا في شاطيء حلو تدلني عليه افطر فيه افضل


بعد كذا نتمشى في المكان
وباذن الله التخطيط ان الغدا في
مطعم نيرفانا((Nirvana )) الهندي
وبعد كذا راح اتوجه الى الفندق وراح اخذ معي بعض الخفايف عشان الفندق لاني حسب ماعرفت ان قصر العرين مايدخلون اكل ومتشددين في الموضوع

بعد كذا اليوم الثاني نقوم نفطر في الفندق بس محتار بين
محميةالعرين الرائعة او منتزه عذاري او منتزه الأمير خليفة بنسلمان
طبعا انا حاذف جنة دلمون المفقودة لانها راح تكون مقفلة في شهر فبراير

ونرجع الفندق ونعيش يومنا الثاني ونقوم الصباح نفطر ونسوي خروج من الفندق بعدها عندي رحلة ما ادري افكر اخليها للمدينة المائية وبعدها نروح سوق المحرق وحلوى شويطر هدايا


بس حبيبي ابي منك مقترحات مطاعم اخرى او اماكن الله يعطيك العافية
واسف على الازعاج مرة اخرى

هلا اخوي
لا ازعاج ولا شي حاضرين يا خوي
بالنسبة عن الافطار اذا تبغي عند البحر فعندك تي كلاب في جزر امواج وفيه كم مطعم وكوفي شوب في نفس المجمع

او لو شوكولا بس هذي مو على البحر بيكون عند تقاطع مجمع السيف، وعندك ليلو كوفي شوب في منطقة السيف بالقرب من مجمع العالي وبعد عندك بعض الكوفي شوبات في مجمع سيتي سنتر

خلك على منتزه عذاري أو منتزه الامير خليفة (مكان مميز وجميل) او عندك دوحة عراد (مكان مميز)

واذا تبغي البديل عن جنة دلمون المفقودة عند واهووو في مجمع سيتي سنتر قريب من منطقة المطاعم

بالنسبة عن اسامي مطاعم واماكن ثانية:
- المطبخ اللبناني مقابل ليلو كوفي شوب
- وافي غورميه مجمع سيتي سنتر
- باستريتو مجمع سيتي سنتر
- فرايديز مجمع سيتي سنتر
- اشار مجمع سيتي سنتر
- رنديفو مجمع سيتي سنتر (بوفيه)
- يم يم تري (مجموعة كبيرة من المطاعم المنوعة) في معظم مناطق البحرين منها في مجمع الواحة بالمحرق وفي شارع المعارض وفي المجمعات
- The welk مكان يضم مجموعة من المطاعم في بكواره الرفاع الشرقي
- منطقة العدلية بالقرب من فندق الخليج بها مجموعة من المطاعم منها كوكوز، ليلو كوفي شوب، ومطعم ايطالي وصيني وبعض الكوفي شوبات
- مرفأ البحرين المالي فيه كم كوفي شوب مع منظر يطل ع البحر من الاعلى
- مجمع مودا مول انصحك بزيارته فيه محلات ماركات وبعض المطاعم الكبيرة منها المطعم اللبناني عبدالوهاب ومطعم صيني
- مطعم من داخل مجمع مودا مول تقدر تدخله هو موجود في فندق الشيراتون عباره عن بوفيه منوع

وإن شاء كل ما اتذكر اسامي مطعم مميزة راح اذكرها لك من الموبايل

الله يعطيك العافية حبيبنا محمدبس للتاكد اي واحد من هالاماكن فيه المدينة المائية وهل راح تكون مفتوحة اخر يناير بداية فبراير ان شاء الله
وانا كل محتاجه مطعمين او 3 بالكثير
وابغاه تكون تصلح للعائلة واسعارها مناسبة واكلهم حلو


ومشكور وماقصرررت