هلا اخوي كويتي
الطريق طال عمرك للشاليهات الوطنية له سهل ولا يحتاج خريطة تاخذ خط السفر السريع اتجاه المملكة العربية السعودية لغايه يافطه مكتوب عليه طريق 290 بعدين فوق حدر وبعدين تدخل يمين يلف فيك الشارع يمين وبعدين اول لفه يسار وبعدين سييييييييدا لغايه ما تشوف الوطنيه علي يسارك ادخل من البوابه
اسعارهم تختلف في الصيف بس عموما اذا تبي تحجز (مكتب الحجز مجمع الخليجية من ( السبت - الاربعاء )
من 9 صباحا الى 1 ظهرا
ومن 5 مساءا الى 5 مساءا
الخميس من 9 صباحا الى 3 مساءا
اذا حجزت وخلصت علي خير
ابي اقولك نبذه عن شاليهات الوطنيه
اول ما توصل تروح حق الاداره يم البوابه تاخذ المفتاح بس لازم تعطيهم تامين 20 دينار وبعدين تاخذ المفتاح
الشاليه عباره عن دورين نظيف جدا فوق 3 غرف وحمامين وتحت صاله وحمام ومطبخ وغرفه خدم
الشاليهات صايرين علي حرف u بالوسط يكون حمام سباحه للاطفال وحمام سباحه للكبار وايضا حديقه وفيها سينما بالليل يحطون افلام كرتونيه بعض المسابقات
وبالليل طال عمرك اطلب شوايه مع الفحم شغال وجاهز بدينارين ويكون معاك اللحم او الدجاج اشوي واستمتع واذا انت من اصحاب الشيشه ومو جايبه معاك اطلبه بدينار اجيبونها مع راسين يسنع الراس
والبحر جدامكم
خدمات الشاليه
ما اعرف احط الصور جان وريتك الصور
شاليهات نظام فندقي مجهزه تجهيزا كاملا توفر استقلالية تامو ورؤية رحبة على الشاطئ
احواض سباحة للكبار ومغطات للصغار
حوض داخلي للسيدات
صالة 250 شخص متعددة الاغراض
نادي صحي للرجال والسيدات
مطعم وسوق مركزي
مصلى
شاطئ 208 متر
حدائق
المفضلات