شوف يالغالي
مسار رحلتك نفس مسار رحلتي اللى عملتها العام الماضي وتقدر تشوف التقرير في التوقيع ممكن تستفيد منه واللى اسمه رحلة 15 يوم الى المانيا والنمسا سبتمبر 2012، وكان خط سيري نفس خط سيرك بس بالعكس ، واستبدلت بادن بادن بمدينه هايدلبرج الالمانية ، بس لو تبغى ملاحظاتي من واقع تجربة انا اشوف ان فتره 12 يوم قليلة بالنسبة للمسافات ، يعني انا جلست 15 يوم وكان الرحلة متعبه ومرهقة بالرغم من متعتها ، يعني لو تمدد المده افضل وملاحظاتي كالاتي :
- الغاء بادن بادن والتوجة مباشره الى ستراسبورغ وقضاء فيها ليلتين ( ليلة الوصول من السفر واليوم الثاني تتمشي فيها) والسبب في الغاء بادن بادن انها مدينه عادية ومافيها شي مميز ولو على الطبيعه حتشوفها في كل مكان ، بعكس ستراسبورغ اللى اشوفها مدينه جميلة جدا ومميزه ، وثاني سبب انت كاتب (لو افترضنا انك حتبقي على نفس مخططك) ان ثاني يوم حتروح ستراسبورغ وطبعا في نهاية اليوم حترجع بادن بادن ، فانت كده حتطول على نفسك المشوار لما تمشي من بادن بادن الى فيربورغ في ثالث يوم لان ستراسبورغ قريبة من فيربورغ وانت اتجاهك حيكون تحت فكيف ترجع ثاني لفوق.
- لو كنسلت بادن بادن خلي فيربورغ يومين . يوم تروح لليورب بارك ( يعني مباشره من ستراسبورغ الى اليورب بارك ) ويوم للشلالات حقت تنادتوا وتريبرق اما بحيرة تيتسي اشوفها عادية. وطالما حتروح زيلامسي فبحيرتها افضل من تيتسي بكثير.
- المشكلة الحقيقة في خط سيرك هو اليوم اللى راح تغادر فيه فيربورغ وتروح على كابرون. هنا فعلا المشكلة الكبيرة لان الطريق حيكون متعب جدا جدا جدا ، واثار تعب اليوم هذا حتأثر على باقي ايام رحلتك لانك حتلاحظ انك ارهقت نفسك بزياده وما راح تستمتع والسبب اولا لان المسافه تقريبا 520 كيلو من فيربورغ الى كابرون ولازم تعمل حساب المسارات الفرعية اللى حتروحها خلال الطريق يعني اعمل حسابك على 600 كيلو، وانت كاتب انك حتروح قرية هايدي وحتروح جزيرة الورود في كونستانس. وانا اقولك انك الخطة هذي مستحيلة ، اولا قرية هايدي انا في رايي انك تكنسلها عشن حتخرج عن مسارك مو اقل من 60 كيلو ، والمكان بصراحه عادي ما يستاهل تزيد المسافات على نفسك ، وانا في رايي تبدلها بشلالات الراين اللى حتكون تجربه لاتنسى وممتعه جدا وغير كده قريبة جدا من كونستانس ، ولو اصريت انك تزور جزيره الورود في كونستانس انا اقترح عليك انك تبات ليلة في مدينه Dornbirn وفيه فندقين كويسين واسعارها رخيصه في هذي المدينه ، وهذا المدينه مافيها شي مميز لكن لاختصار المسافه في ثاني يوم الى كابرون ، اما انك تواصل الى كابرون في نفس اليوم بعد زياره كونستانس فانا اشوفه خطه غير جيده.
- زيلامسي وكابرون انا اشوف يومين قليلة عليها يعني اقل شي 3 ايام ، ولاتنسي انت ما حطيت سالزبورغ في الخطه رغم ان اشوف انها مميز بالقرى اللى حولينها، يعني انت ظلمت المنطقة هذي لما حطيت لها يومين لانها مناطق مميزه في النمسا ، واكثر الناس تركز سفرتها على هذي المنطقة لانها فعلا مناطق جميلة ومريحة ، فما ادري لو غيرت خطتك وزودت المده انا اشوف تحط ليها 4 ايام وتكون يوم منها لزياره سالزبورغ.
- ميونخ كويس عليها يومين .
- جونزبورق انا اشوف لو انك راح تبقى على نفس مدتك انك تلغيها وتضيف اليوم الى كابرون وزيلامسي.
- فرانكفورت يوم كفايه وما نقدر نستبعدها لان العوده حتكون منها.
زي ما قولتلك خط سيرك كويس بس مشكلتك في المده ،تعبتر قليلة بالنسبة للاماكن اللى تبغى تزورها
اتمني اكون افدتك ، اتوقع لو زرت تقريري راح تستفيد كثير
تحياتي
رد مع اقتباس
المشاركة الأصلية كتبت بواسطة peacefully
المفضلات