الموضوع: مطاعم لذوي الدخل المحدود

الموضوع منقول



الدليل العادي للأكل الأقتصادي







الأسم: نوارة الأصلي
الموقع: شرق
الأكلة المفضلة: فول و فلافل و حمص
معدل التكلفة للشخص الواحد: نص دينار
التقييم: * * * * *




الأسم: بدر البدور
الموقع: بنيد القار
الأكلة المفضلة: جميع أنواع السندويشات خصوصا سندويش الكباب المحسحس'يعني المحروق'
معدل التكلفة للشخص الواحد: نص دينار
العيب: الموقع المشبوه وعدم وجود أماكن للجلوس
التقييم: * * * *




الأسم: سندويش الغدير
الموقع: بنيد القار
الأكلة المفضلة: سندويش الكباب و الشاورما
معدل التكلفة للشخص الواحد: نص دينار
العيب: عدم وجود أماكن للجلوس و معلق 5 دنانير يقول لاقيها صارلها تقريبا 12 سنه
التقييم: * * * * *





الأسم: كباب الحجة
الموقع: بنيد القار
الأكلة المفضلة: كباب
معدل التكلفة للشخص الواحد: دينار واحد
العيب: ريحة الكباب تظل بالحلج ثلاثة أيام عالأقل
التقييم: * * * * *





الأسم: تازة في تازة
الموقع: شارع عمّان – مادري اذا هو السالمية أوالرميثية-
الأكلة المفضلة: مشاوي
معدل التكلفة للشخص الواحد: دينار و نص
العيب: عيوب كثيرة لا أستطيع ذكرها خوفا من راعي المطعم
التقييم: * * *




الأسم: سمراء بيروت
الموقع: السالمية
الأكلة المفضلة: المشاوي و العرايس
معدل التكلفة للشخص الواحد: دينارين
العيب: فرصة كبيرة للاصابة بالاسهال
التقييم: * * * *




الأسم: دانة البحرين
الموقع: النقرة
الأكلة المفضلة: مشويات تكة و كبدة و قلوب
معدل التكلفة للشخص الواحد: دينار و نص
العيب: ما تتهنى بالأكل من كثرة القطاوة اليوعانة عند المطعم
التقييم: * * * *





الأسم: الطيباوي
الموقع: حولي
الأكلة المفضلة: الكنافة
معدل التكلفة للشخص الواحد: نص دينار
العيب: الموقع السيء و الزحمة الدائمة

مواضيع عشوائيه ممكن تكون تعجبك اخترناها لك:

• جآي للكويت آخر الأسبوع الفزعه
• أرجوكم دلوني جزاكم الله خيرا
• سؤال لأهل الكويت الغالين
• استفسار عن المجمعات لبيع الملابس الرجاليه بالكويت
• اسعار شاليهات الكويت والمنتجعات؟
• هل تبحث عن شقة او فندق بدولة الكويت ؟
• أول فرع لمطعم زافران في الكويت
• اين يقع الجامع الكبير إمامه الشيخ مشاري العفاسي
• وجدت المنتجع الذي ابحث عنه
• اسماء محلات مجموعه الشايع
• الاسعآر في هلآ فبرآير
• اماكن للاطفال بالكويت
• افيدوني يا أخوتي مشرفين وأعضاء الكويت الغالية
• شحن سيارة
• صور لبعض الأبراج تحت الإنشاء العاصمة
• أفتتاح أول مطاعم شيك شاك في الأفنيوز
• الكويت دولة الجزر والأبراج والمتاحف وتاريخ يكتب بماء البحر
• اخواني ياليت تدخلون سرييييييع؟؟
• رقم فندق
• مضاعفة الرحلات الجويه بين الكويت والسعودية رحله اسبوعيا

يعطيك العافيه أخوي على الموضوع والصراحه ان من ألذ الكباب بالكويت هو كباب الحجه نظيف ولذيذ وعندهم شاورما دجاج تجنن.فهو من أشهر المطاعم بالكويت وأكثرها جوده.

الصراحة مطعم دانة البحرين لا يعلى عليه

كل المشاوي عنده لذيذة تذوب بالحلج

شكرا لك اخوي على النقل

يعطيك ألف عافيــــة أخوي العزيز .. على هالموضوع الجميــل .. ..

أخوك .. " بويعقوب " .. ..

تسلم..
وصلني هالموضوع بالايميل..


بدر البدور لووول فعلا هذا عيبه موقعه يخرع ومشبوه!

الطيباوي كنافته عجيبه بس انا احب كنافه كنفاني..

كباب الحجه.. ماحبه ثقيل و يعور البطن لول.. =\

وااايد حلو الموضوع ..



الطيباوي مو بس الكنافة عنده لذيذة ..

حتى الفلافل والحمص والفول عجيييييب ..



وذكرتني بمطعم دانة البحرين ..

من زمااااااان ما أكلنا منه ..




شكراً لك على الموضوع :101: ..

ثـــــآآآنــكس ع الطرـررررح ^^

بدر البدور اللي ببنيد القار ... طار!!

و سندويتش الغدير موجود بسلوى فرع ثاني.

و كان يعجبني محل كباب جنب كباب الحجة ... يمكن اسمه كباب الطيب (حتى هذا راحت أيامه) . على الأقل فيه مكان نقعد.

والله تبون الصج انكم طلعتو فيها,,,خوووووووووووووووووووووش موضوع !!! بس في جم مطعم ماقلتوهم ! 1-مطعم التباب الي في بنيدالقار 2- فطاير شويخ (الي بشارع كندادراي) آآآآآآآآآآآخ يوعتوني 3- فلافل شرف (مقابل مجمع دسمان) طلبو حبات فلافل سوبر ,,صدقوني الحبة بحجم دونات كرسبي كريم ,,,بس الفلافل احلى

هههههههههه
خوش موضوع
يعطيك العافيه

المشاركة الأصلية كتبت بواسطة ^^tolip2tolip^^
http://www.arabtravelersforum.com/tr...4/#post2113764

والله تبون الصج انكم طلعتو فيها,,,خوووووووووووووووووووووش موضوع !!! بس في جم مطعم ماقلتوهم ! 1-مطعم التباب الي في بنيدالقار 2- فطاير شويخ (الي بشارع كندادراي) آآآآآآآآآآآخ يوعتوني 3- فلافل شرف (مقابل مجمع دسمان) طلبو حبات فلافل سوبر ,,صدقوني الحبة بحجم دونات كرسبي كريم ,,,بس الفلافل احلى



اااااااااي و الله شحلات فطاير الشويخ انا امره عقب ما أطلع من اللولو سنتر:109:
وشكرا على الموضوع

ههههههههههههههه
يعطيك العاااااااااااااااااااافية

يعطيك الف عافيه بس مطعم وايد عاجبني

صارلي في الكويت عشرة ايام يمكن اكلت عنده خمسين مره هههههههه فريج الصويلح يم يم لذيذ بالمره واسعارة معقوله

يسلموووووووووووووووووووو

حرام عليك هذلى المطاعم ماتقتصر لذوى الدخل المحدود فقط براى انهم من افضل المطاعم الشعبية مثل نوارة الاصلى للمسبحة والفول والحمص الطيباوى ةلا اروع من كنافته وكباب الحجة شفت الزحمة الى عند . وعندك دانه البحرين اعرف ناس يتعنوله عنوه. هالمطاعم تجميع الطبقات فيهم حتى موذوى الدخل المحدود لانهاكلات شعبية واهم يجدونها وعينى على سندويش الغدير فى الدوام وتحياتى لك

للأمانة المطاعم اسعارها لذوي الدخل المحدود ولكن شعبيتها جارفة والكل يروح لها مو بس لأنها رخيصة واقتصادية ولكن لذة الأكل اللي فيها .. واضيف عليها مطعم الأماني مقابل المثنى .. طبعا الاماني سابقا .. حاليا لؤلؤة الشام .. بس الكل يعرفه بأسم الأماني

شكراً على الموضوع الحلوو ... بس احلى شي العيوب لوول ...

والله تبون الجد !

من كثر روحاتي للكويت !

وشارع المطاعم تري اقتصاديه بعد ومطلب للجميع

عندك الستيك من سهران شي خيالي وبعد ساندويشات جميعه الشويخ رهيبه بصراحه والوالي في جميعيه النزهه

والله لو بنتكلم عن المطاعم الاقتصاديه على قولتك مراح نخلص ليما باجررررررررر

لا عاد كلش ولا مطعم نوارة الأصلي

هذا صديقنا بالدوام اذا مو كل يوم نطلب منه يوم وترك

بعد ضيف عليهم

مطعم كناري وريحة الثوم والبصل من آخر الشارع تشمها

فطاير شويخ اللي مكانه ما ادري شيبي بين الكراجات

مطعم شرف ياحلاته بس لو يكثر الليمون وما يبيع على البنغاليين

بس عاد كلش ولا الزحمة عند ( افراح الخليج )

يابوووووووووووووووووووووووووي

هههههههههههههههههههههههههههه

الله يقطع بليسكم والله ضحكتوني

كويتيين وطاحوا لهم في شي يعيبون عليه

يسلمو ( استبرق )

نور

موضوعككككككك عجيب

لف شكر

تسلم يا أخي الكريم على موضوعك الرائع الصراحة موضوع جميل جداً وكما تفضلت عن مطعم دانة البحرين مشكلة هالقطاوه

بس صراحة مطعم عجيب ( تندف بهالإصياخة لما تشبع ) والسلطة عجيبه طماط وخيار وليمون وبصل مقطع شرائح

واللبن عجيب :24:

وين راح كناري فلافل وفول كناري ما اقدر اوصف الطعم

والله تقرير حلو
هالمطاعم تنفع على اخر ايام السفره اذا خلصت الميزانيه
هههههههههههه

المشاركة الأصلية كتبت بواسطة ^^tolip2tolip^^
http://www.arabtravelersforum.com/tr...4/#post2113764

والله تبون الصج انكم طلعتو فيها,,,خوووووووووووووووووووووش موضوع !!! بس في جم مطعم ماقلتوهم ! 1-مطعم التباب الي في بنيدالقار 2- فطاير شويخ (الي بشارع كندادراي) آآآآآآآآآآآخ يوعتوني 3- فلافل شرف (مقابل مجمع دسمان) طلبو حبات فلافل سوبر ,,صدقوني الحبة بحجم دونات كرسبي كريم ,,,بس الفلافل احلى



هذا الصح :24:

وازيدكم

مطعم الدودو السالمية

نسيت اسم الشارع يمكن شارع عمان

اشهر اكلة سندويش فلافل سوبر يخليك تنسدح ب 250 فلس


مطعم وادي الغروب - الفحيحيل - سوق الصباح وله فرع بالمنقف والصناعية

اشهر اكل فول حمص فلافل وسنديوشات شهيرة جدا كل المخافر تاخذ من عنده لووول


بجانب مطعم شرف بشرق في شيشة طرب شعبية ومشهورة ... وعيبها انه ما تحصل مكان داخل وبره تجيك ريحة دسمان ....

فطاير المعلم بابو حليفة شارع المخفر

وطبعا في المطاعم الشعبية مالت النخي والباجيلا جربو عندهم الهريش روعة مع خبز ايراني وربي شي

عشوة واحد زهق من المطاعم ...



وفي بعد

مطعم الصافي للاكل الهندي ومكانه بالفحيحل مقابل مجمع العنود وعيبة انك تحس نفسك بهندستان ...موب بالكويت بس المطعم نظيف ومعروف ...

افطار فاصل شباتي مع سكر وشاي او مع كيما

وبعد

خلف مجمع الدولية ( مو عمارة الدولية الي فيها السفريات الكثيرة لا الثانية الي فيها مكتبين ثلاث الي صوب المثنى) في هناك مطعم يبيع مشاوي تركية اصلية من اطيب ما اكلت بالكويت تتبيلة الكباب والدجاج عنده عيييبة ...

ايضا المطعم في فترة الظهر يوفر وجبات غذاؤ مطبوخة بالفرن اكثر من رائعة بسعر دينار وربع تقريبا

وهذا الي خاطرلي الان ... وياليت احد يفيدني عن مكان مشاوي البلقان بشرق سمعت به ولم اره او اشم رائحته ..

الموضوع الحقيقة ملفت للنظر وهو كسر لتقاليد المطاعم المعروضة بالبوابة وعندي إضافة لمطعم جدا جميل وهو


مطعم الجولان في منطقة حولي شارع المثنى ( شارع المكتبات الإسلامية)

سندويتشات وفطائر وحلويات

المميز عنده سندويتش الفلافل والبطاط والباذنجان

وفطائر الزعتر والجبن واللحم

وأسعاره ممتازة جدا طبعا السندويتشات 100 فلس ( مثل غيره)

أما الفطائر فلم تجري عليه موجة الغلاء حتى الآن

الزعتر 150

اللحم 250

الجبن 200 أو 250

بالمناسبة نسيت اذكر

انه احلى والذ مكان تاكل فيه سمك مشوي بالكويت هو سوق المباركية المحلات الي عند سوق الخضرة

سمك مشوي موب صاحي

بس طبعا عيب المكان انه شعبي زيادة عن اللزوم ....

بس صراحة الطعم والسعر يستاهلووووون

لي ساعتين ادور هالموضوع وين راح

اب

يعطيك ألف عافية و تعليقاتك مو صج

نسيت أهم مطعم يبيع بطاط مدور وكباب

برقان الي ببنيد القار

من أقدم مطاعم الطبقة الكادحة

مرحباااااااا


تسلم ايدك على هالموضوع الحلو



تحياتي ،،،،

المشاركة الأصلية كتبت بواسطة Similar Traveler
http://www.arabtravelersforum.com/tr...7/#post2425997

يعطيك ألف عافية و تعليقاتك مو صج

نسيت أهم مطعم يبيع بطاط مدور وكباب

برقان الي ببنيد القار

من أقدم مطاعم الطبقة الكادحة




اخوي ياليت تحطلي مكانه وايد سمعت عنه وما عرف وين صاير

حلو أنك زودتنا بهالمطاعم ذوات الدخل المحدود

يمكن اذا كانت في زيارة للكويت نمر على أحد هالمطاعم ونذوق منها ... ليش لا

يعطيك العااافية علي هذا الموضوع وبصراحة ما نقدر نسمية مطاعم لذوي الدخل المحدود او الاقتصادي بالعكس الكل يشتري منة وياكل وعليهم بالعااااااااافية ان شالله
ومشكلتنا بالكويت إذا تققص المعاش هم نروح ونشتري وناكل من مطاعم ولو من ابوميئة (100فلس ) تصير لذيذة الصمونة وخاصة من بدر البدور ولا غدير ولا مطعم الضاحية الشاورما الدجاج عجييييييييييبة عندة جربوها
وتسلم اخوي علي موضوعك الحلو

all what u said about resturants i like to eat there

الأسم: سمراء بيروت
الموقع: السالمية
الأكلة المفضلة: المشاوي و العرايس
معدل التكلفة للشخص الواحد: دينارين
العيب: فرصة كبيرة للاصابة بالاسهال
التقييم: * * * *




من صجك وإلا تتخشمر؟


بصراحة لاعت كبدي ...وإلي أعرفه إن كل هالمطاعم معروفة...ومميزة

صراحه الموضوع حلو ..

بس اللي يبي يموت ياكل من مطاعم منطقة بنيد القار كلها من بدر البدور ليه الغدير وغيرها..

وهذا عن تجربه اني بغيت اموت والسبب صمونة كباب

المشاركة الأصلية كتبت بواسطة أحلى كيميائية
http://www.arabtravelersforum.com/tr...2/#post2446702

صراحه الموضوع حلو ..

بس اللي يبي يموت ياكل من مطاعم منطقة بنيد القار كلها من بدر البدور ليه الغدير وغيرها..

وهذا عن تجربه اني بغيت اموت والسبب صمونة كباب




مو كلهم
كباب الحجة ببنيد القار و لذيذ و نظيف ولا يعلى علية...
اما باجي المطاعم اللي هناك ما اكل منهم:101:

مطعم برقان تغير اسمه صار بذر البذور

موضوع خفيف وجميل

المشاركة الأصلية كتبت بواسطة dreamer_eng
http://www.arabtravelersforum.com/tr...2/#post2426792

اخوي ياليت تحطلي مكانه وايد سمعت عنه وما عرف وين صاير




مكانة ببنيد القار يم بدر البدور
وانت داش بنيد القار من صوب البحر كمل سيدة اول دخلة يمين