الموضوع: أبغى اعرف اسماء محلات ملابس أولاد من عمر الى

هلا بأهالي الكويت شلونكم عساكم بخير

أنا أختكم من السعودية وأبغى اعرف اسماء محلات ملابس أولاد من عمر 2الى 7 وتكون ماركات حلوة وراقية

وغير الموجودة عندنا في السعودية مثل { مذر كير , بابكين باتش , سيرجنت ميجور , اوكايدي , جاكادي , نيكست , زارا, ماركس وسبنسر , ,,,,,,}

وياليت تزودوني بالتفاصيل { اسم المحل وفي اي مجمع , ونوعية موديلاته هل هي مميزة أو عادية ومستوى الاسعار }


والله يعطيكم العافية

مواضيع عشوائيه ممكن تكون تعجبك اخترناها لك:

• أي الشقق التاليه افضل
• نصيحه اخويه للملتزمين؟؟
• تهنئه بمناسبة اليوم الوطني لدولة الكويت
• عاجل مأموريه عمل وليست سياحه
• استفساااااااااااارين للخبراء
• الكويت فتح منفذ جديد مع السعودية قريبا
• طريق من القصيم للكويت
• اي افضل سارا بلازا او الريتز سالمية ؟؟؟
• شارع أحمد الجابر في أي منطقة يقع ؟؟
• العملية للفنادق تنال موافقة لبناء فندق في استراليا
• عيادات الاسنان بالكويت دعوة للمناقشة
• الحلويات
• مجموعة أسأله عن الكويت بتاريخ
• استفسار عن محلات تجهيز مواليد
• ابحث عن مطعم اكل بحري استكوزا في الكويت
• المهرجانات الانشاديه؟متى تقام؟
• مساعدة ابي خدمة من الباب لي الباب
• موسوعة السفـر لدولة الكويت
• بنات الكويت الفزعه بخصوص الاواني والاسواق الشعبيه
• الى اهل الكويت و بالاخص المشرفة المرام

المشاركة الأصلية كتبت بواسطة ريماس قلب الماس
http://www.arabtravelersforum.com/tr...1/#post2142763

هلا بأهالي الكويت شلونكم عساكم بخير

أنا أختكم من السعودية وأبغى اعرف اسماء محلات ملابس أولاد من عمر 2الى 7 وتكون ماركات حلوة وراقية

وغير الموجودة عندنا في السعودية مثل { مذر كير , بابكين باتش , سيرجنت ميجور , اوكايدي , جاكادي , نيكست , زارا, ماركس وسبنسر , ,,,,,,}

وياليت تزودوني بالتفاصيل { اسم المحل وفي اي مجمع , ونوعية موديلاته هل هي مميزة أو عادية ومستوى الاسعار }


والله يعطيكم العافية



من خلال تجولي في المولات لاحظت ان محل h&m مو موجود عندنا الصراحه البناطيل حقتهم رهيبه

ان شاء الله تلاقين عندهم اللي يعجبك

تسلمين بنت بطوطة على المحل

الافنيوز
H & M

المرينا مول
آدمز , نكست

البحر سنتر
Max

مجمع الكوت
في 3 محلات اطفال في الدور الاول

المهلب
تقريبا 3 محلات اطفال للملابس الراقية للاعياد

الماركات ما تخلص - وعن نفسي أهم شي عندي تكون الملابس مناسبة. لكن وجهة نظر الرجال يمكن ما تعجب الحريم!

على كل حال هذي بعض المحلات في الكويت ، بعضها مو موجود في السعودية:

محل رد تاغ Red Tag وهو من ضمن محلات (آخر فرصة - سناء) أسعاره تعتبر مناسبة جداً.
فيه محل اسمه IKKES في سوق شرق - المهلب - المارينا ... و سعره غالي حتى مع التخفيضات.
فيه محل بالمهلب اسمه (كل لحظة) تقريباً... غااالي
فيه محلات بمجمع الراية ، بس ناسي أساميها ، أسعارها مناسبة مع التخفيضات.
فيه محل joebloggs في الأفنيوز ملابس تحت عمر 14 ، للملابس المودرن و الكاجوال. يعني خرابييش و أسعارهم مو غالية.
محلات H & M مثل ما قالوا الجماعة. بالمارينا و بالأفينيوز . و أسعارهم مقبولة

محل ميني مان بالراية مسوي تنزيلات حاليا واسعاره غالية (الراية فيه محلات وايد للأطفال)

محل لغز الاطفال في السالمية شارع سالم المبارك مجمع الربيع في ماركات وايد للأطفال

محل كاتيميني في المارينا

وانشالله الخوان يفيدونج اكثر

انا تعجبني للجهال ماركة جونيورز .... تلقينها في : سنتر بوينت
موجود له أفرع كثيره منها حولي و الشويخ .... لا يطوفج

تسلمون يالغاليين وعاشوا أهل الكويت الله يخليكم

محلات Bossini بس موجودة عندكم بالسعودية و تلقينها بالكويت بمجمع العثمان بحولي أو أجيال بالفحيحيل أو داخل سنتر بوينت .. و أسعارهم مناسبة .. و في مجمع أجيال United colours of Beneton و موجود بمجمع الراية اللي بالكويت ( وهو مجمع لفندق ماريوت):101:
في محل بوبولي برشلونة بمجمع المنشر بالفحيحيل مو غالي حيل بس غويلي :109: ولكن أحلى شي بالنسبة لي pumpkin patch ملابسهم روعه و أسعارهم متاسبة و تلقينه بمجمع الكوت اللي بالفحيحيل الدور الفوقاني و موجود بسوق شرق بعد الدور الفوقاني بعد:109:

بالنسبه للاطفال
جميع الماركات اللي موجوده بالسعوديه موجوده بالكويت تقريبا
بس تختلف الاسماء مثلا كتيماني ماركه موجوده عند العيسائي للاطفال بالسعوديه
ايضا بعض وكالات الاطفال موجوده باسماها بالكويت بالسعوديه مثلا فيه السواني
اسم يحمل اكثر من ماركه
الفرق بين الكويت والسعوديه بسعت التشكيل
مثلا
اوركسترا بالسعوديه افضل
سيرجنت ميجر بالسعوديه افضل
اوكيادي بالسعوديه افضل
ايكس بالسعوديه افضل
مذر كير بالكويت افضل
نكست بالكويت افضل
كاتي ماني بالكويت افضل
زارا بالسعوديه والكويت نفس الشي
وفيه ماركات بالكويت مالقيتها مثل جاكادي
اجمالا السعوديه بملابس الاطفال افضل من الكويت
بس الكويت بالملابس النسائيه افضل بمراحل من السعوديه
طبعا ذا رايي الشخصي من خلال زيارتي بعض الاسواق بالكويت
ولايعني ان كلامي صحيح 100% يمكن اكون مخطى بس هذا اللي شفت ...
مع تحياتي ,,,,,,

[b][color="Purple"]تحيه طيبه ,,, وبعد

اختي (( ريماس قلب الماس ))

حياك الباري عزيزتي في الكويت

اتمنى لك تسوق ممتع ..

اول شي حبيبتي احب اذك لج شغله

انا شخصيا اشوف التسوق للأطفال في المنطقه الشرقيه

له متعه خااااااااااااااااااصه لا اجدها دائما في كويتي الحبيبه

بغض النظر عن التسوق بشكل عام .. انا اتكلم عن ملابس الاطفال

احيانا تكون المحلات هي نفسها موجوده في الكويت

ولكن التشكيله في الشرقيه غير ...

عاده يا سعاده دايم هذرتج مالها آخر

اقول اخلصي لا تنين شتبتقولين

المشاركة الأصلية كتبت بواسطة مكتوب كويتي
http://www.arabtravelersforum.com/tr...2/#post2149092

الافنيوز
H & M

المرينا مول
آدمز , نكست

البحر سنتر
Max

مجمع الكوت
في 3 محلات اطفال في الدور الاول

المهلب
تقريبا 3 محلات اطفال للملابس الراقية للاعياد



مشكور على المحلات

المشاركة الأصلية كتبت بواسطة Revelation
http://www.arabtravelersforum.com/tr...9/#post2150629

الماركات ما تخلص - وعن نفسي أهم شي عندي تكون الملابس مناسبة. لكن وجهة نظر الرجال يمكن ما تعجب الحريم!

على كل حال هذي بعض المحلات في الكويت ، بعضها مو موجود في السعودية:

محل رد تاغ Red Tag وهو من ضمن محلات (آخر فرصة - سناء) أسعاره تعتبر مناسبة جداً.
فيه محل اسمه IKKES في سوق شرق - المهلب - المارينا ... و سعره غالي حتى مع التخفيضات.
فيه محل بالمهلب اسمه (كل لحظة) تقريباً... غااالي
فيه محلات بمجمع الراية ، بس ناسي أساميها ، أسعارها مناسبة مع التخفيضات.
فيه محل joebloggs في الأفنيوز ملابس تحت عمر 14 ، للملابس المودرن و الكاجوال. يعني خرابييش و أسعارهم مو غالية.
محلات H & M مثل ما قالوا الجماعة. بالمارينا و بالأفينيوز . و أسعارهم مقبولة



اوافقك في الراي
ومشكور على المحلات,, وايكس موجود عندنا وفعلا غالي حتى في التخفيضات

اشكركم جميعا
من كلامكم عجبني h&m ولحظة من فضلك لأنها ماركات مو موجودة عندنا