الموضوع: نداء عاجل الى الاخوات الكويتيات

السلام عليكم ورحمة الله وبركاته
حبيت استفسر من الأخوات الكريمات والاخوان اذا عندهم خلفيه في دولة الكويت وين اللقي القرقيعان
بس ابغى شئ مميز وسعره معقول

لكم مني خالص الشكر والتقدير :115:

مواضيع عشوائيه ممكن تكون تعجبك اخترناها لك:

• سااعدوني
• طيران الجزيرة تطلق وجهات جديدة وتستعد لموسم الصيف
• بلييييييييييز ابي مساعدتكم يا اهل الكويت الطيبيييين
• أعلي ابراج في دولة الكويت
• سؤال عن تاشيرة الكويت السياحية
• فيلجا
• سياجة في الكويت وعدى استفسارات بخصوص السكن
• تكفون يالربع
• مقتطفات مصًـــــورة من رحلة نسيم نجد وأبو سلطان للكويت
• أماكن بيع أداوت الرحلات البرية
• اعملولي جدولة
• أهل الكويت الغالين
• الف مبروك التميز للاخت الايماان
• منتجع شيك فلامنجو الكويت
• مجمع التسوق مول يضم أكبر حديقة عامودية في العالم
• شقق فندقية الرجاء المساعدة عاجلا
• عدة أسئلة لو سمتحوو بليززز
• شقق مفروشه بالفروانيه
• الفزعه ياهل الكويترحلتي اليوم من عندكم؟
• رحلة إلى متحف الكويت الوطنيصور عديدة و معلومات بالتفصيل

حبيبتي كل مكان تلقين القرقيعان ممكن انت تشترين الحاجيات وتعملينها بيدك ......... واذا ماعندك افكار ممكن تزوري المعارض المختلفه التي تعمل من قبل نساء الكويت راح تشوفين العجب.........انت اشري وانا ماراح ابخل عليك بالجواب

يالغاليه يالمزيونه حياج الله :101:

انتي تقصدين الحلويات والا فناتق و علب القرقيعان؟؟؟

اذا تبين الحلويات مالج الا الشويخ بيت الحلويات تشترين الحلويات و انتي تخلطينهم

و اذا تبين علب و هالسوالف تلقينهم بالمعارض و اتوقع راح يبلشون بعرضهم على شهر 8

المعارض راح تلقين اعلاناتهم بالجرايد مثل بيت ديفا بيت شرق

اتمنى اني فدتج:106:

عساكم من عوادة

المسك والعنبر
ام حمني
مشكورين خواتي بس انا ماني من الكويت ممكن توضحون لي اكثر وين المعارض وبيت الحلويات و الشويخ وبيت ديفا وبيت
شرق واذا فيه ارقام ياليت تزودوني فيها

يعطيكم ربي الف عافيه :101:

المشاركة الأصلية كتبت بواسطة المزيونة1428
http://www.arabtravelersforum.com/tr...4/#post2166884

المسك والعنبر
ام حمني
مشكورين خواتي بس انا ماني من الكويت ممكن توضحون لي اكثر وين المعارض وبيت الحلويات و الشويخ وبيت ديفا وبيت
شرق واذا فيه ارقام ياليت تزودوني فيها

يعطيكم ربي الف عافيه :101:

مساء الخير :106:

اختي المزيونه المعارض مثل : بيت ديفا - بيت كريزما - بيت شرق تلقينهم مقابل مستشفى الاميري في منطقه دسمان على شارع الخليج العربي ما يضيع بس قولي وين المستشفى الاميري تلقينهم مقابله من جهة بوابة الباطنية

بيت الحلويات بمنطقه شويخ عاد بالضبط مادري وين :114: اذا راح بتروحين بتاكسي ممكن تقولين له ودني الشويخ محلات الحلويات و يعرف

و بسالج بو حمني بس يرجع من النادي لانه اهو الي يوديني مادل شويخ اسمحيلي

السلام عليكم.....مثل ماتكرمت اختي ام حمني مكان معارض بيت ديفا.....الخ هذا مكانهم......ولكن عندنا معارض تقام في كثير من الاماكن منها الصالات وحتي البيوت ولكن ليما الحين ماحطوا اعلانات ..... اذا حطوا راح ابلغك ومايصير خاطرك الاطيب.......بالنسبه للحلويات تحصلينها عند الصيداوي و بيت الحلويات بالقرب منه على ما اعتقد او بالقرب من سوق الخضار اللي في شويخ

مساء الخير اختي انا ماراح ازيد شي جديد بس مثل ماقالوا الخوات بيت ديفا وبدرة فيها ناس يعرضون انواع كثيرة من القرقيعان ، في بعد تحصلين في محلات الكاكاو مثل باتشي واروسا وتختلف الاسعار من مكان لي مكان

بس الافضل انج تنتظرين لي نص 8 او اخر شهر8 يبدون بعرض اعلانات القرقيعان

هلا فيج اختي المزيونه سالت لج بو حمني و عطاني العنوان :24:

تدخلين الشويخ من الاشاره الي عند كيفان و تكملين سيده لما تخلين شارع كندادراي بظهرج تييج اشاره و تكملين سيدا يصير على يسارج سوق رامز ويمينج سوق لندن راح اييج دوار اسمه (شهرزاد) تلفين الدوار يمين و تدخلين شارع الحلويات

ان شاء الله يكون وصفي واضح:106:

يعطيكم العافيه خواتي واخواني تعبتكم معي بس على الله اقدر اوصل لها
اذا فيه شئ جديد لاتنسوني

في سرداب بمنطقه حولي مقابل مستشفي دار الشفا (مجازا يسمونه بياع الورد لان في بالدور الارضي محل ورد اسمه بياع الورد)
مجمع صغير ان صح التعبير

السرداب اسمه زهرات الشرقيه
هذا اكبر مورد للسبلايز ملوت القرقيعان بالكويت بتدوخين شنو تختارين
بس ها!
شغل ايد
يعني انتي تاخذين وتسوين يبلج افكار وتشغلين
وكل المصممااااااااااات ياخذون منه
واسعاره معقوله
وفي اشياء جاهزه يسونها لج طبعا بسرعها انتي دفعي اهم يسوون

والصراحه حلاه لاشي لي صار شخصي وانتي مسويته

في سايت وحده مشهوره حيل اسمها رولا اذا ماني غلطانه شغلها حلو وغريب بس الاسعار شويه غويليه خصوصا اذا تبين كميه


والصراحه القرقيعان مكلف مكلف مكلف مكلف مو الحلاو ولاكاكاو هذا اخر التكلفه واقل هم
المشكله الديزينات والشغل والتعب
والوقت
والسيلكون اللي كل شوي حارق اصابعج
هالسنه قررت بطلب بوكسات من امريكا وبعبي وخلاص

طيب وين ممكن نلقى ملابس القرقيعان للاولاد والبنات؟؟

ملابس القرقيعان تلقينها بالمعارض مثل ماقلت الأخت أم حمني في بيت ديفا وبيت شرق بس يبدون العرض في بدايه رمضان أو أواخر هالشهر.

طيب أختي دكتوره دلوعه فيه غير المعارض لاني ممكن اروح بوقت يكونو مو فاتحين! ووين ممكن القى جلابيات بنات سن 10 سنوات
جزاك الله خير اختي

الجلابيات أختي تقدرين تحصلينهم من مجمع الأوقاف للبنات بس غاليين شوي وفيه المعارض أهم باديين من شهر 8 موجودين الحين وفيه ملابس للقرقيعان وتحصلين بعد بالمباركية دراريع حق البنات وصديري للأولاد مع القحافي

هناك محل عنده مجسمات للقرقيعان روعة وعلى أشكال تراثية مكانه بالسوق الإيراني مقابل سوق الجمعة بالري ( الشويخ) وصاحب المحل كويتي وهو يشتغل فيهم العام أخذنا حق ولدي من هناك والأهل عجبهم شغله

المشاركة الأصلية كتبت بواسطة dera233
http://www.arabtravelersforum.com/tr...4/#post2193644

في سرداب بمنطقه حولي مقابل مستشفي دار الشفا (مجازا يسمونه بياع الورد لان في بالدور الارضي محل ورد اسمه بياع الورد)
مجمع صغير ان صح التعبير

السرداب اسمه زهرات الشرقيه
هذا اكبر مورد للسبلايز ملوت القرقيعان بالكويت بتدوخين شنو تختارين
بس ها!
شغل ايد
يعني انتي تاخذين وتسوين يبلج افكار وتشغلين
وكل المصممااااااااااات ياخذون منه
واسعاره معقوله
وفي اشياء جاهزه يسونها لج طبعا بسرعها انتي دفعي اهم يسوون

أنــا أيــدهــا .. :24:

فـعـلا هـالـمـكــان شــغـلــه حـلــوووو وأســعــاره تــهــبـــل

ويــخــلــي لــج مــجــال عـشــان تـضـيـفـيــن لـمـســاتــج الـخــاصــة ..

اعتقد اني قلت لج تلقين في سوق المباركيه


اختج