الموضوع: اول مره اسافر بحياتي ووجهتي كيب تاون بليز هيلب

:110لي بضع سنين متزوجه مع مشروع شهر عسل مؤجل من سنه لسنه ولكن بقدرة قادر اراد الله ان تكون سفرتنا الاولى بعد تخطيط مني واقناع لزوجي الحبيب الى كيب تاون بعد مااذهلتني التقارير للاعضاء الكرام:24: بس وللاسف انا ضعت ما ادري وش اسوي:110: رحلتنا الثالث من اكتوبر على الخطوط السعوديه وتستمر خمسة عشر يوم ..........:110: الان انا قريت كثير من التقارير واستقريت على قضاء تمان ايام في كيب تاون ثم التوجه لولدرنس بس المشكله ماادري اسكن اوتيلات ولا شقق زي الي في تقرير الاخ ايسكريم طبعا خذوا في بالكم اني ابي اعيش شهر عسل بس بميزانية 20000 ريال فقط والله حايسه يامسلمييين ابي اعرف بليز دلوني الله يعتق رقابكم من النار وبليز لاتحذف الموضوع يامشرفنا بليز نوروني ولا ترى والله مافي سفره

مواضيع عشوائيه ممكن تكون تعجبك اخترناها لك:

• أرجو المساعدة بطاقات الجوال أماكن الصرف
• يا ليت الي حجزو يوافونا باسعار التذاكر والمكاتب والخطوط ؟
• هل السفر الى جنوب افريقيا يحتاج الى تطعيم وخصوصا للاطفال
• الى خبراء جنوب افريقيا مارايكم السياحة بالولايات المتحده ام جنوب افريقيا
• رحلتي الى جنوب افريقيا في الصيف
• جنوب افريقيا و الاطفال
• فنادق صن سيتي ؟؟؟
• رحلة إلى أثيوبيا بالصـــور
• عاجل
• الفزعة يا الأجاويد
• هنا نبارك لمميزنا النسيم
• اريد سعر فندق مناسب غرفتين في حدود 700 في اليوم في كيب تاون
• تكفووون عطوني رايكم بكروكر بارك
• الاخ نعيم انت هنا مطلوب نعييييييم
• من يعرف شي عن سياحة الصيد في تنزانيا لايبخل علينا
• الى خبراء جنوب افريقيا ارجو المساعده
• طقس في شهر مايو؟؟
• هل من المناسب السفر لجنوب افريقيا
• رحلة ال يوم في كيب تاون ومدن الجاردن روت
• أجار السيارة

بالنسبة للسكن فهذا موقع مفيد

http://www.wheretostay.co.za

شكرا اخوي بس انا ابي تفصيل يعني ودي باوتيل خدمه راقيه ويكون مافيه مناظر مش ولا بد لان زوجي ملتزم وكمان ابيه رمانسي وقريب من الخدمات واسعاره لاتزيد عن 500 وياليت احد ينظم لي خط رحله ووالله لادعيله

رحلة موفقة انشالله

ارشح فندق اذا معاكم سيارة يكون افضل يكون سعرة 450 ريال على 15 يوم 6750 ريال



http://www.southernsun.com/SSH/VHB/d...17acRCRD/68/47

شكرا والله ماقصرتوا ولو تقدرون تحددون اكثر لجدول الرحله لكون شاكره

المشاركة الأصلية كتبت بواسطة ماجد22
http://www.arabtravelersforum.com/tr...5/#post2343105

رحلة موفقة انشالله

ارشح فندق اذا معاكم سيارة يكون افضل يكون سعرة 450 ريال على 15 يوم 6750 ريال



http://www.southernsun.com/SSH/VHB/d...17acRCRD/68/47





معليش للتطفل،،، هذا الفندق كم دقيقة تقريبا يبعد مشي عن قلب الواتر فرونت (المجمع مثلا)؟؟ شكرا

ايه والله ودي اعرف كم دقيقه يبعد؟بليزززززززززززززززززززز

أولاً /أحب أهنيك على اختيارك الموفق لكيب تاون فهي فعلاً فعلاً فعلاً تستحق الزيارة((أنا كنت فيها قبل شهر))

وثانياً/ ولا تتوهقين ولا تشيلين هم , واضح إنك متوترة بحكم سفرك لأول مرة للخارج, والكل عاش نفس احساسك في المرة الأولى وكلنا مرينا بحالة القلق والتساؤل وهذا شئ طبيعي, بس أحب أطمنك إن الموضوع أسهل مما تتصورين
وإن شاء الله بعد ما تسافرين راح تقولين يا خسارة الوقت اللي راح بالهم والهواجيس والتفكير مثل ماصار معنا كلنا والدليل ماشاءالله الناس صارت تسافر بالسنة أكثر من مرة ..بس أنت شدي حيلك سفرتك قربت وأنت ما حجزتي, خلصي أمورك بسرعة ولا تفكرين كثير, ومو لازم تختارين نفس الفندق اللي قال عنه الأخ ماجد , الفنادق كلها حلوة وكلها قريبة للووتر فرونت وبعدين ما فيه شي بعيد على السيارة,,, تكفين لا تشيلين هم أبداً تكفين تكفين,,,,

عزيزتي:بما أنها سفرة شهر عسل فأحسن شي إنكم تاخذون فندق ولا تفكرين بالمبلغ لأنه كافي إن شاءالله وزيادة..

* احجزي أنت من النت (طبعاً أنت أول مرة ويمكن تترددين بس توكلي على الله مافيه أسهل ولا أحلى ولا أرخص ولا أمتع منها)

* فيه أكثر من موقع ممكن تحجزين منهم , وراح أبسط لك الموضوع :
فيه موقع اسمه7ojozat (الحرف الأول سبعة بالإنجليزي) اكتبيه في مربع جوجل وراح تفتح لك الصفحة على كذا موقع
أنت اختاري اللي أنا كتبته وراح تتطلع لك صفحة حجوزات وبعدين اكتبي بالمربع Cape Town وراح يعطيك أكثر من 300 اسم فندق مع الصور والأسعار ,,
اختاري اللي يناسبك وبعدين الموقع راح يقارن سعر الفندق اللي اخترتيه بكذا الموقع وأنت تختارين,,
الحلو في الموضوع إن موقع حجوزات هذا ماله علاقة الحجز بس مهمته يعلمك إذا الفندق متوفر في الفترة اللي تبغينها ويعلمك السعر ,وبعد كذا أنت تختارين الفندق وتكملين الخطوات عادي وببساطة ...

*وممكن إذا أنت خايفة ومترددة وكذلك زوجك تروحون مكتب سياحي وتحجزون من عنده وترتاحون وممكن تروحون أكثر من مكتب وتقارنون الأسعار وتخارون المناسب((أكيد المكاتب بتطلع أغلى من لو حجزتوا عن طريق النت بس ما تسوى عليكم تروحون وأنتم مرتاحين,,,وترى فرق السعر مو قد كذا بما أنكم اثنين ومدة سفرتكم اسبوعين ماتفرق مرة,,, فتوكلوا على الله وريحوا روسكم واحجزوا 8أيام في كيب تاون و4في وايلدرنس والمكتب عند خيارات لأكثر الفنادق شهرة فأنت اختاري اللي يعجبك منها وبإذن الله راح يكون شهر عسل ولا بالخيال بس أنت قولي يارب))

*وأي استفسار أنا حاضرة وياليت أقدر أتواصل معاك على الجوال,
**أتمنى من المشرف محمد بن عبدالله تسهيل المهمة وجزاك الله خير.

شكرا نوف ويارب يسعدك شجعتيني مررررررررررررررره انا الى الان احاول اختار اوتيلات وش رايك في اوكتبوس ترافل لحجز الفنادق............وبعد ابحاول انزل الايميل تبعي في الشكاوى والاقتراحات يمكن لان عدد مشاركاتي ما اقدر ادخل منه خاص واكرر شكري ياعسل

[size="4"][color="Navy"]أوكتوبوس موقع كثير من الأعضاء ما يتعامل إلا معاه...لكن أنا ما كد جربته , أنا سبق وجربت آسيارومز وبصراحة الموقع ماعليه بس عيبه تأكيد الحجز من 24--48ساعة يعني مايعطي تأكيد سريع للحجز , وسبق وجربت آسيا هوتيلز وجربت هوتيلز وجربت إكسبيديا و كلها كانت تمام وما عليها لكن السنة هذي طحت بموقع (تكتبين الحاء 7بالإنجليزي, لأن فيه موقع حجوزات ثاني) المهم جربته السنة هذي ولقيته موقع أكثر من رائع يسوي لك مقارنة لسعر الفندق بكذا موقع (طبعاً الموقع ماتحجزين منه بس يدلك على سعر الفندق بالمواقع المختلفة وأنت تختارين الأرخص)

أقولك على موقف حصل معنا السنة هذي بسفرتنا لجنوب أفريقيا :
طبعاً هالمرة قلنا خلاص صرنا خبرة بالحجز من المواقع ومافيه داعي نحجز كل الفترة اللي راح نقعدها 3أسابيع عشان مانرتبط والمدينة اللي تعجبنا نمدد فيها ,يعني نحجز حق أول أسبوع وهناك نحجز بالمكان اللي يعجبنا , الموضوع كان ممتاز , مقاهي النت بكل مكان خصوصاً شارع المين رود في منطقة السي بوينت وكانت رخيصة الساعة 4__5 ريال(لكن انتبهي مقاهي الووتر فرونت الساعة 25 ريال والمكتب السياحي في برج الساعة كانت الساعة عندهم 20 ريال)

المهم ما أطول عليك

يارب يسعدك والله انك عسل ..تصدقين حبيتك وانا ما اعرفك... شكرا تدرين احس اني كل مالي اتحمس اكثر واكثر وكله منك ايشرك حجزت اوتيل في كيب تاون بس والدرنس مأجلتها بعدين...وبالنسبه لموقفكم والله مرمطه ههههه..عسى مازعل ابو العيال بس؟اما بالنسبه لنا مقررين ناخذ الاب توب والبرود باند حتى مانحوس.........ودي اسال سؤال اختي نوف بالنسبه للاحتشام وشلونه هناك لانه زوجي راح تركيا العام ويقول مصاخه بالحيل وكان معترض على كيب تاون..لانه يقول اعتقد انها بنفس الدرجه لانهم في فصل الربيع وانا قلتلهههههههههههههههه ابدااااااااااااااا والله انههههههههههههم قمه في الاحتشام وانا والله اخاف يزنطني ليا رحنا.....انت وش رايك؟ومعذره على الاطاله

إيه شفتي المرمطة ..... بس يالله عدت وتصدقين حتى هالموقف البايخ له ذكرى حلوة وأعتقد لو تذكرناه حتى بعد سنوات راح نضحك وبقوة,, على فكرة حتى احنا كان معنا اللاب توب والمقاهي اللي قلت لك عنها اللي بكيب تاون كنا نروح لها ومعنا اللاب توب وزوجي يشتغل عليه وأنا على أجهزتهم ونفس السعر سواء جهازك أو جهازهم ,, وتدرين ماكانت مشكلتنا الجهاز المشكلة بعدم توفر الوايرليس أو إذا توفر زي شقتنا الأولى كان فيه شبكة اتصال تطلع عندي اسمها ريد بتن وقوة اشارتها ممتازة بس مانقدر حتى ولا ندخل عليها , فهمتيني ؟؟ يعني فيه شبكات اتصال كثييييييييييرة تطلع عندي بس ما أقدر أدخل عليها ومافيه لها أرقام سرية,, والشقة يوم جيت احجز عليها كان من ضمن مميزاتها توفر اتصال نت ويوم سألتهم اكتشفت إن الموضوع فيه انترنت داتا كارد وهذا سلمك الله مثل موبايل كونكت عندنا وسعره غالي 2000 راند
, وكل محل اتصالات نسألهم (كان لهم نظام غريب)

إلا إّذا كنت ساكنة في فندق يقدم خدمة النت مباشرة سواء بسلك أو وايرليس,

نجي لأسئلتك :
زين إنك ما حجزتي على وايلدرنس وإذا رحتي هناك وروقتي تشوفين إذا فيه عروض بالمكاتب السياحية المنتشرة هناك وخصوصاً بشارع المين رود ويمكن تغيرين رأيك وتروحين مدينة ثانية من مدن الجاردن روت, بصراحة أنا يوم رحت اكتشفت إن كل المدن على الطريق كانت أكثر من رائعة والنشاطات السياحية اللي فيها نفس نشاطات وايلدرنس ويمكن أحسن, بصراحة كلها مدن ساحلية سياحية من الدرجة الأولى من يوم ما تطلعين من كيب تاون إلى بورت اليزابيث تقريباً 1000كم وكل مدينة تقول أنا أجمل,
لا وأزيدك من الشعر بيت تقدرين تروحين لأي مدينة وتروحين لمكتب الإنفورميشن اللي فيها(ويا كثرها) وتقولين له مواصفات السكن اللي في بالك وراح يدلك بالتأكيد وكل ترحيب وفوق هذا ابتسامة طويلة عريييييييييضة ,
وإذا أنت ملزمة على الرائعة وايلدرنس شوفي فيها فندق ومنتجع هادي ورايق بس مو على الشاطئ يبي لك مشي 5 دقائق اسمه protea wildrnes spa وطبعاً سلسلة فنادق بروتي منتشرة بكثرة في جنوب أفريقيا ,إذا معكم سيارة فأول ماتدخلون وايلدرنس بتلاقون محطة بنزين على اليمين في المحطة مكتب سياحي صغير وعلى اليسار مجموعة محلات ومقهى ومطعم و............و.........اسمها ميلك وود فيلدج فيها أيضاً مكتب سياحي صغير , وكل المكتبين تقدرين تحجزين سكن من عندهم, يعني لا تشيلين هم , بس الأفضل لو تحجزين قبل (روحي المكتب السياحي اللي في برج الساعة بالووتر فرونت , عندهم كل شي , حجز سيارات, رحلات , سكن في أي مكان بجنوب أفريقيا)

ونجي لسؤالك عن الإحتشام , اسمعي حبيبتي : أنا سافرت أوروبا وأفريقيا وشرق أسيا وجزر هنا وهناك ومثل جنوب أفريقيا بالإحترام ما شفت , وطبعاً وقتنا كان شتاء فالشواطئ ما فيها ناس كثير أما الأسواق والأماكن السياحية والمواصلات والرحلات
فالكل محترمون , فيه بعض المشاهد وبعض الملابس التي لا تناسبنا ولكن كما قلت لك ليست بالشكل الذي تتضايقين منه ,,,, وبعدين المكان اللي يضايقكم اتركوه ولا عاد ترجعون له ,
الله ييسر أموركم ويسهل عليكم وتروحون وترجعون بالسلامة يارب.

اذا ردي ما كان متأخر انا كنت ساكنه في فندق (ساوثرن سن كولينان) لأن فيه اثنين ساوثرن سن (الثاني ساوثرن سن ووتر فرونت) بس كلهم جنب بعض وهم قريبون جدا من مجمع الووتر فرونت يعني اقل من خمس دقائق والطريق آمن حتى في الليل