الموضوع: فديت والله كل كويتي ممكن خدمه

.... هلا وغلا بك ومرحبتين وسهلا ... كيفك وشلونك وش اخبارك انشاء الله تكون بخير يارب ...
انا ناوي ازور معرض الكويت 23 نوفمبر 2004 وبصراحه انتهزها فرصه ازور الكويت الشقيقة والحبيبه لاني بصراحة ولو زعلت علي ماسبق لي اني زرتها .... طبعا يمكن اكون لوحدي حتى الان ابي طول الله عمرك التالي :
1- احجز طيران على يوم الثلاثاء 23 نوفمبر ( طبعا انا طالب بكالوريس) فأبعتذر من الدكاتره ليوم الاربعاء ( وأبجرب الخطوط الكويتيه اذا فيه رحلة ).
2- ابي احجز فندق كذا حلو يكون في الستي سنتر عشان مااتعب من التكاسي ويكون قريب من المعرض .
3- بالنسبة ابي وصف للمعرض ( الموقع).
4- بالنسبة لأسعار الفنادق اسمع انها غالية حبيتين .
5- كيف الجو عندكم في الفترة هذي اكيد منتو بعيدين عن جونا لكن اخذ معاي صيفي او شتوي.
6- بالنسبة للأماكن اللي تنصحوني ازورها ( بشرط ماتكون كثيره ) .
وأخيرا الله يوفق كل من ساعدني او قرا كتابتي ومشكورين وماقصرتوا وفديت والله اخواني الكواتا كلهم ...:d

مواضيع عشوائيه ممكن تكون تعجبك اخترناها لك:

• مطعم الكنفاني يا أهل الكويت
• شروط تأجير السيارة ؟
• هلا فبراير عليكم بينادي
• الرجاء المساعدة يا أهل الكويت الطيبين
• اين اجد خريطه لطرق الكويت و منشأتها
• ساعدوني الله يسهل ويفرجها عليكم
• مسافرين للكويت لأول مره وابي مساعدتكم يا هل الخبره
• لقـــاء القلوب فى ضيافة فهـــــــاد ومهند الفارس فى وفرة الخير
• ممكن تعطوني برنامج حلو لمدة يومين الى ثلاث ايام للكويت
• بالصور شاهد نظافة وترتيب مساجد الكويت من يد عسل
• رحــلــتــي الــى شاليـهــات رشــا شــيــك
• للاعضاء اللي جربوا السفر على طيران الجزيرة و للي حجزوا التذاكر من النت حياكم الله
• صور من مدينة الكويتمراكز التسوق المعالمالخ
• تعرفوا على عملتنا العملة الكويتية الجديدة
• معلومات وشرح تفصيلي وصور عن ابراج الكويت
• طالع للكويت ونبي الشور
• ابي فزعتكم يابنات الكويت
• اول زيارة لي للكويت
• استوديو للتأجير
• استفسار لا تبخلون بالرد علينا

وين الشباب مافيه احد ( نعذركم رمضان وعبادة ) عموما لاتطولون علينا ومشكوووورين

الباحثة ماتقصر ان شاء الله هي صاحبة الخبرة والاختصاص وان شاء الله تفيدك

اول شي ياهلا ويامرحبا فيك بديرتك الثانيه

1- ماانصحك بالكويتيه بس المشكله وين بتنحاش منها للسعوديه زيد اخو عبيد

2- بالنسبه للفنادق ادخل الصفحه هذي واكتب في خانة النشاط ( فنادق ) راح تطلع لك اغلب الفنادق غاليها ورخيصها مع تلفوناتها ومواقعها :
http://www.ekyp.com/a-index.aspx

واذا تبي فنادق في الستي سنتر العاصمه لاتبعد عن شارع فهد السالم والسالميه لاتبعد عن شارع سالم المبارك وانصحك بفندق السالميه بلازا بشارع السوق وتحته مركز تجاري.

3- بالنسبه للمعرض اذا انت تقصد ارض المعارض ارض المعارض بعيده عن السالميه شوي يعني يبيلك تاكسي ولايوجد فندق قريب منها واهي تقع بالقرب من منطقة مشرف وعلي الدائري السادس .

4- اسعار الفنادق غاليه حبتين نفس ماسمعت وهذا عيب الفنادق بالكويت.

5- اما عن الجو عندنا صيفي بس يوم عن يوم يتحسن وانصحك اذا زيارتك هالاسبوع خذ صيفي معاك.

6- بالنسبه للاماكن اللي ننصحك فيها ادخل المقالات اللي تتكلم عن الكويت وانت راح تتعرف علي اماكن كثيره ممكن تختار حسب اهتماماتك.

أتمني اني اكون فدتك بشي وعلي العموم حلوه الكواتا...:P

ياهلا والله وسهلا بكم ومعليش اتعبتكم انتم والله تاج راسي وماقصرتوا ( يلوموني في حب الكواتا ) هذا وانا مابعد زرت ديرتكم اجل لو زرتها وش ابسوي (هههه) هاه يا kuwait2world وش رايك بـ(كواتا ) حلووووه
وماقصرتي يالباحثة تصدقين عاد دائما في ردودك للاخوان والاخوات تشفين الغليل وتخلين الواحد مستانس ومنبسط ...
تحياتي لكم وانشاء الله اكتب لكم قريب اني راح اكون بالكويت بكره اوبعد بكره ( باجر او بعد باجر ) ههههه اشوفك ياkuwait2world تتحرش في خطوطنا السعوديه وش فيها تراني ازعل (هههههههه)

اخوي kuwait2world رابط الفنادق مافيه الا اربعة او خمسة فنادق بس شنو الحل ( ابي معلومات عن الرجينسي وعن فندق السالمية بلازا وعن فندق كراون بلازا بالفروانية وعن اسعارها لو سمحتوا) مابي اثقل عليكم

[align=center]

حياك الله أخوي أموت بالسفر وجزاك الله خير على هالمشاعر الطيبة

وما أدينا الا الحق الواجب تجاه أهلنا

و إن شاء الله تزور الكويت وتنبسط فيها وتكرر الزيارات ..

وتفضل على هالموقع و إن شاء تجد كل الي طلبته بخصوص الفنادق

وإن رغبت بأي سؤال فلا تتردد وإن شاء الكل لن يقصر والاخوان ما شاء الله تبارك الله شقردية ..




http://www.kuwaithotels.info/kh/hotels.asp

http://www.kuwaithotels.info/kh/tour.asp


تحياتي ..........[/align]

اختي الباحثة مايصير كذا انتي تحرجيني بأخلاقك وتعاملك الله يرزقني زوجة مثل طيبتك يارب ...

أبسأل بالنسبة للسيارة تنصحوني استأجر او بالتكسي ( وكم سعر السيارة لليوم الواحد ) طبعا اللي اعرف ان 10 دينار كويتي يعادل بالسعودي تقريبا 120

معليش والله طولت وثقلت عليكم وبالذات انتي ياختي الباحثة ( تحملوني تراني صغير ) ابسأل بالنسبة للمدينة الترفيهية كيف طريقتها للعوائل او العزاب على حد سواء وهل تستاهل اني ازورها ( مثل دزني )

حياك أخوي بالكويت

بالنسبه للفنادق انصحك برجنسي على البحر وقريب من السوق ومن ارض المعارض اقرب واحد

كراون بلازه سعره نفس رجنسي بس ما انصح في بالمره لان المنطقه ماتصلح زحمه وايد وتيب الكأبه حرام في الفلوس

مدينه الترفيهيه على ما اعتقد بس يوم الاثنين للنساء وباقي الايام عادي وحاليا بالعيد ما اعتقد في يوم للنساء ............واذا تشبه دزني لا مستواها اقل بس اهيا كبيره وايد ..........عندك حديقة الشعب اقرب وافضل من مستوى الترفيهيه بشوي .

انصحك بزيارة المركز العلمي الكواريوم :107:

وما انصحك اتأجر اذا ماعندك خبره بشوارع الكويت التكسي أقل اسعاره واسرع لك .


اذا تبي فندق رخيص في الفندق الدولي بالسالميه اهوه قريب من المجمعات تروح لهم مشي بس مستواه عادي

مشكوره اختي المؤرخرة وماقصرتي وعفيه عليكي والله يكثر من امثالك يارب ... بس كم تتوقعين سعر الليلة برجنسي وسعر الليلة بالفندق الدولي بالسالمية

فندق ريجنسي:
------------------------------------------------
فندق كويت ريجنسي بالاس
5728000 : رقم الهاتف
5723109 : رقم الفاكس
22012 السالمية 1139 : صندوق البريد

http://www.kuwait-toplist.com/regency :الموقع على شبكة الإنترنت

---------------------------------------------
الفندق الدولي :

الفندق الدولي
5725315 , 5741788 , 5712129 , 5725310 , 5745544 : رقم الهاتف
5741799 : رقم الفاكس
22029 السالمية 2808 : صندوق البريد
---------------------------------------------

فديتك والله كويتي ومشكور وماقصرت انا اتصلت بهم وكان سعر الليلة بالفندق الدولي 25 ورجنسي مطلة على البحر 75 وغير مطلة 65 ( بالنسبة للفندق الدولي كم يبعد عن البحر وهل يصلح اسكن فيه علما باني شاب ويهمني نظافة الغرفة مع اني ماجربت في جميع سفراتي فنادق اقل من 5 نجوم ) وهل الفندق الدولي قريب من الاماكن الحلوووه والاسواق يعني يمكن امشي برجولي عادي ... لاني اسمع ان السالمية من اعرق وافضل المناطق بالكويت ...

شوف ريجنسي 5 نجوم بس شوي بعيد عن السوق يعني يبيلك تاكسي

الفندق الدولي الله العالم عن الغرف لكن الفندق 3 نجوم وشكله من بره لك عليه بس اتروح للمجمعات مشي

اذا تبي نصيحتي روح السالميه بلازا ( غني بالاس) لانه بشارع السوق وفندق جديد

وهذا عنوانهم :

غني بالاس
5710394 , 5710301 :رقم الهاتف
mailto:[email protected] :البريد الإلكتروني
32055 حولي 44090 صندوق البريد
http://www.ghanipalace.com :الموقع على شبكة الإنترنت

اول شي غني بالاس بالسالميه بشارع سالم المبارك بنفس شارع السوق الرئيسي بالسالميه

--------------------------------------------------
بخصوص معرض الكتاب هذا عنوانهم الالكتروني:

http://kif.net/events04/arabic04.htm

وموقع ارض المعارض :

http://kif.net/events04/arabic04.htm

-------------------------------------------------------

اما بخصوص الدكتور اللي معاك بقترح عليك اماكن معينه اتخليه يزورها:

1- غرفة التجاره والصناعه وهذا موقعهم : http://www.kcci.org.kw/html/arabic/home.html

توجد لديهم ندوات وفعاليات والموقع راح يفيدك اكثر .

2- الهيئه العامه للصناعه وهذا موقعهم :https://www.pai.gov.kw

3- بورصة الكويت وهذا موقعهم : http://www.kuwaitse.com/sunkse/DefaultA.aspx

وزيارتها هاليومين مهمه السوق نار وبتشوف الاقتصاد بشكل مولع

4- جامعة الكويت كلية العلوم الاداريه : مبناهم بالشويخ : وهذا موقع كلية العلوم الاداريه :
http://www.cba.edu.kw/

اتمني اكون فدتك بشي

تسلملي ياكويتي الله لايحرمك الاجر والمثوبة ويجعل ايامك سعادة وهناء يارب يارب يارب ...

امين انشاء الله
وتسلملي والله وانشاء الله انكون ماقصرنا معاك

عزيز وغالي اخوي

ورحله سعيده انشاء الله

بالنسبة للمواصلات اذا كنت قادم عن طريق المطار فهناك لموزين المطار وهي سيارات فاخره واسعارها معقولة ويوجد تكاسي بالخارج ولكن افضل لومزين المطار.

واذا تريد ان تشاهد الكويت بالصور اليك هذا الموقع

http://www.kuwait-gallery.com/