الموضوع: حجزت على الاماراتية بس فيها مشكلة عندي

انت حجزت عن طريق مكتب سياحي ولا عن طريق النت
اذا عن طريق مكتب سياحي تقدر تخليهم يعطونك فندق في المطار انا كذا الحين بروح لكيب تاون وبنوقف في دبي ثمان ساعات فطلبنا منهم انهم يامنون لنا غرفه في المطار وهذا الي صار ولا دفعنا ولا ريال
اما عن طريق النت فتقدر انك تحجز لك فندق في نفس المطار احسن من انك تطلع من المطار وتروح للفندق وهي مو مستاهله او تقدر تتمشا في مطار دبي الى وقت الرحله

هلا اسيل والله فكره الله يعافيج تصدقين انا بقعد 12 ساعه ولا عطوني فندق انتي من وين حاجزه انا بالخبر

انا حاجزه من داناتا

هلا اسيل شكرا لج حبيبتي بكم اخذتي التذكره اذا سمحتي للشخص

والله مدري كم بالضبط بس تقريبا 3900ريال اذا مو اكثر السعوديه ارخص بكثير تقريبا يطيح منك نصف السعر

يا هلا اختي ياسمين

فيه خط سير من جدة لجوهانسبيرق رحلتين في الاسبوع .. وبعدها تاخذين على south africa airways الى كيب تاون

اذا انتي ودك في الاماراتية .. اذا كان رحلة المواصله اكثر من 7 ساعات الخطوط نفسها تامن لك فندق على حسابها

غصبن عنها لانه هاذا نظام عالمي ( من الاياتا اللي هي منظمة الطيران الدولي ) ولانه التوقف والتاخير من الاماراتيه

نفسها مو منك

ولانه اقرب رحلة للمواصه بعيده تقدرين تسالين الاماراتية نفسها في جدة او اذا وصلتي دبي

تطلبين من الموظفين هناك ..

اتمنى لك رحلة سعيدة

ممكن تطلب تأمين غرفه في الماريوت جنب المطار

هلا والله
شكرا لكل من رد علي ... اردها لكم إن شاء الله ....
اتصلت على الخط الموحد لطيران الامارات عندنا بالسعودية قالوا لي احجزي على m كلاس وحجزت
وطلع سعر التذكرتين ذهاب واياب مع تأمين الفندق 7500 ريال .... مادري السعر تمام ...
وأنا أصلا ما أبغى الخطوط السعودية ... اكرهها ...أبي اجرب الخطوط الاماراتية ....
ودمتم بحفظ الله

طيب حلو مثل ماصار معنا والمبلغ حلو احنا دفعنا 8300 تقريبا مع الفندق بس احنا ثلاثه انا وزوجي وولدي
الله يسهل عليكم وتروحون وترجعون بالسلامه ويمكن نشوفكم هناك انا اليوم رحلتنا الله يسهل امورنا

كنــــــتي موفقـة في اختيار الوجههة والخطوط واذا على الترانزييييت انزلي وتمشي بدبي 8 ساعات يطير الوقت بسرعة رووحي مولات واسواق والوقت بيضيع بـــــــسرعة جدا احنا كنا نسوي كذا واذا كنتي سعـــودية ماتحتاجين فيزا للأمارات وادخلي دبي وارجعي على مو عد رحلتك موتمنيـــــــا لكـ كل التوفيق والسعاذة بهالرحلة المميزة

تحياتي لكـ ,,,

السعودية ارخص

ليش تكرهين السعودية طيارتهم الى جوهانسبيرق بوينق 777 وهاذي ممتازة الطيارة

بالنسبه لسعر تذكرتك حلو نوعا ما .. لكن ممكن تلقين ارخص وعلى الاماراتيه بعد

و بالتوفيق

هلا والله وليد
اذا طلعت على الخطوط السعودية من جده لجوهانسبيرغ راح اضطر اطلع على البريطانية او الخطوط الجنوب الافريقية الى كيب تاون وراح يطلع السعر تقريبا مثل سعر الاماراتية ... اما الاماراتية راح اطلع دايركت الى كيب تاون ... وإن كان فيه مدة توقف طويلة ما فيه مشكلة ... وإذا على الخطوط السعودية ... طلعت فيها إلى اسطنبول ,,... وكرهت نفسي ...طيارة حالتها حاله ... حتى ما أظن تطلع رحلة داخلية ... مطلعينها اسطنبول.... وتعاملهم شين ... وحابه اغير ... والاماراتية وفرت لي فندق .. الحمد لله يعني انحلت الازمة... شكرا وليد...

ودمت بحفظ الله
ياسمين

صحيح السعودية طياراتها الى اسطنبول للاسف مستاجرة بس الشكل الخارجي على انها السعودية

طبعا نظرا الى نقص الطيارات اللي عندهم .. على كلامهم انهم شارين 8 طائرات ايرباص 330 و 14 طائرة بوينق 787

وراح تكون طيارات مرررررررررررره حلوووه .. بس السؤال متى راح توصل 2010 او بعد .. و غير كذا اشتروا حوالي 50 طائرة

ايرباص 320 صغيره بس لرحلات الداخليه بدل طيارات md90 اللي راح تطلع من الخدمة ..

ان شاء الله نشوف تغيير للاحسن لانها الناقل الوطني للملكة العربية السعودية

اتمنى لك رحلة سعيدة .. و الاماراتيه ممتازه جدا و راح تنهبلين فيها و راح يجيك ادمان عليها

الحين في كيب تاون وكنت طالعه لها عنطريق طيران الامارات والله الن السعوديه احسن منها ولا بحولها
وارخس وعلى الاقل سهل التعامل معهم مو مثل الاماراتييه اطلب الشي منهم ولا يوصلني شي
مو طبيعي انشاء الله لما ارجع من جنوب افريقيا راح انزل تقريري

انا كنت في جنوب افريقيا شهر 10-11 السنه الماضيه

طلعت عن طريق الخطوط المصريه من جده

انتظار 5 ساعات في مطار القاهره ثم الى جوهانسبيرج ومن ثم الى سن ستي وبعدين نايزنا واودشورن والى كيب تاون (طيارات وسيارات) ومن كيب تاون الى جوهانسبيرج ومن جوهانسبيرج الى القاهره (قعدت اسبوع في القاهره) ومن ثم الى جده

التذكره كلفت 6600 لشخصين (شامله مده التوقف)

بصراحه الطائرات نظيفه وحديثه والاكل ممتاز والخدمه رائعه



لكن بما انك في جده احجزي على الخطوط السعوديه مباشره الى جوهانسبيرج
احسن لك

بلامشوره الى دبي ورحله 9 ساعات ونصف !!!

مالها داعي تروح 4 ايام في السفر فقط

حيرتونا نسافر على ايه والا ايه كنت مقرر ع الامارتيه الاخت اسيل اهي وصلت بدأت غير راضيه عن الامارتية ؟؟

من جده ل جوهانزبيرغ كم ساعه ؟

تحياتي ,,

أبدا ما أييد السفر على الاماراتيه لجنوب افريقيا بغض النظر عن السعر

لسبب وجيه لانه دبي ما هي على الطريق

يعني اللي بيطلع من السعوديه بيتوجه شرق و بعدها بيرجع يمر على السعوديه و يتوجه غرب لجنوب افريقيا

تعب على الفاضي و فوق كذا بتزيد مدة الرحله

شوف اخوي كل واحد وله رائيه الخاص وله الي يناسبه والي مايناسبه فشوف الي يناسبك وتوكل على الله

السلام عليكم ..
بالنسبه لي حجزت على الامارتية في اغسطس بسعر 3900 على فئة oعلى الاماراتية طبعا الشخص الواحد كيف تشوفون السعر؟

السلام عليكم ورحمة الله وبركاتة

مساء الخير على الجميع

أنا حاجز على الامارتية بي 3322 ريال من غير فندق قالوا لي الامارتية اذا تبي فندق نزود السعر حوالي 500 على ما اعتقد بعدين قال الموظف ريح نفسك وخليك على تذكرتك وفي الرجعة انت خذ فندق من المطار حوالي 300

ذهابي يوم 23 جوالاي والعودة 17 سبتمبر (((( دراسة لغة في كيب تاون )))

خلاص أنا حجزت على الاماراتية بتاريخ 25 يونيو والعودة 23 اغسطس دراسة لغة في كيب تاون لمدة شهر والتكلفة كانت لشخصين 7500 ريال والفئة m يعني معاها فندق .. وأنا من رأيي الشخصي ... اللي يبي يروج كيب تاون يطلع على الأماراتية لانها تروح دايركت واللي يبي جوهانزبيرغ يروح على السعودية لأنها تروح دايركت ...

أفضلك الخطوط السعودية

السلام عليكم ورحمة الله وبركاتة

الأخت ياسمين السعر 7500 يعني الشخص بي 3750 ((( فتاكة)) قصدي سعر مع فندق يعني نفس كلام الموظف لي 3322 والفندق من المطار او ازود شوي واخذ فندق من عندة نفس الشيء .......

بعدين غريبة دراسة شهر واحد لغة (( وعلى فكرة احترت في المعاهد ولكن لقيت الافضل ايرو سنتر او انجلش سكول ( ec)

بالتوفيق للجميع

وين الغرابة ... عشان شهر ... ممكن تشوفها مدة قصيرة ...
لكن أنا عندي لغة بس أبي أروح زيادة خير وسياحة ..
ومرتبطة بظروف العمل ومدة الإجازة ..
والمعهد اللي اخترته يورو سنتر .. على كلام الأغلبية إنه جيد ...
بس مهما كان المعهد .. إنتا اللي تحدد هل هو جيد أو لا ..
لا تعتمد على خبرة غيرك ...

ودمت بخير

انا رحلتي عل الاماراتية القيمة 3310 جدة دبي والتوقف 8 ساعات من دون فندق كيب تاون

بتاريخ 15 /6 والعودة بتاريخ 2/10 في معهد sase الله يكتب الي فيه الخير

السلام عليكم ورحمة االه وبركاتة

مساء الورد ،،،،،

اها كذا عرفنا الطبخة ،،،،،، والمعهد يمدحوة كثير ولكن لان رحلتي في الصيف اخترت معهد ec ممتاز على كلام الاخوان ،،،

الاخ sau معهد سمعت عنه انه جيد ،،،،،

المهم الاستفادة ،،،

هلا والله

رحلة دراسية سعيدة يا مهبط الوحي ... وشد حيلك ...

ولكل اخواني الي راح يقيمو في جنوب افريقيا للدراسة انهم ياخذو معاهم عدة الحلاقة كاملة وتكون لها حقيبة

ويستعملها عند الحلاق مع الحذر من العلاقات الجنسية لان مرض الايدز منتشر بكثرة

فأحذرو لان هذا واقع موجود في جنوب افريقيا ولا احد يقدر يقلل من قوة انتشار هذا المرض في جنوب افريقيا

كفانا الله واياكم شر هذا المرض

اخواني حبيت اروح من البحرين وطلع 9094ريال طبعا لشخصين

ومن الكويت ارخص ب7400ريال اش رأيكم؟؟؟

غالي كثيررررررررررررررررررررررررررررررررررر

المشاركة الأصلية كتبت بواسطة مهبط الوحي
http://www.arabtravelersforum.com/tr...0/#post2999100

غالي كثيررررررررررررررررررررررررررررررررررر



طيب اش الحل؟؟؟؟؟؟؟؟؟؟؟؟

اختي عفيفة ليش هذي الحوسة كلها اذا انتي بتروحي على جوهانزبرغ احجزي من الدمام على السعودية وهيا ارخص خطوط وحلوة ولزيزة

اما اذا كانت رحلتك على كيب تاون كمان من الدمام احجزي على الخطوط الاماراتية

بس الاماراتية راح توقف في دبي وبعدين تقلع على كيب تاون حدود ثمان ساعات توقف في دبي

اتمشي في دبي واذا جا وقت الاقلاع اسحبيها نوووومة في الطائرة

وكلا الرحلتين ماراح تكلفك اكثر من 7000 ريال لشخصين ذهاب وعودة

وادخلي موقع الخطوط الاماراتية وخلي معاكي ورقة وقلم وراح تشوفي الاسعار بنفسك مع التاريخ

راح تحصلي خانة تسجلي فيها المدينة المراد الذهاب اليها مع التاريخ وايضاً مع وتسجيل وقت العودة

وراح يعطيكي السعر

انا رحلتي على الابواب الى كيب تاون

ومن الاماراتية