الموضوع: بنات الكويت النشميات مساعدتكم بليز

السلام عليكم

كل عام وانتوا بخير

خواتي الكويتيات الحبوبات

الله يوفقكم بغيت تساعدوني

خاطري اشتري ملابس العيد من الكويت لان الملابس عندكم حلوه وكشخه ماشاء الله

ابي لبس فخم للعيد مابي جلابيات وكذا لا ابي فساتين ناعمه مثلاً او اطقم حلوه

ودي تقولون لي وش احسن المحلات عندكم واماكنهم بالضبط يعني الوصف بلييييز

وياليت تقولون لي وين محلات الجمله عندكم + محلات عندهم ملابس استوكات

واللي تعرف وين (المخازن) تقولي بعد الله يعافيكم

الله يوفقكم انتظركم

بمان الله

مواضيع عشوائيه ممكن تكون تعجبك اخترناها لك:

• ارجو المساعدة لو سمحتو
• مطعم الساحه وهيلتون المنقف
• استفسار عن الكترونيات في الكويت
• فندق المارينا ودي اجربه مع العايلة شلونه؟
• طلب من اهل الكويــــ خوالي ــــت
• احلا حلويات
• ، ممكن مساعدة؟
• مساعدة يااهل الخير
• التاكســـــي في الكويت للمهتمين ،،،،،،
• المطاعم في الكـــويت
• ممكن طلب
• متوسط إشغال الفنادق في الكويت خلال عطلة العيد
• العيد بالكويت غير فزعتكم فديتكم
• طلب مساعدة في شراء سيارة من الكويت
• ممكن ارقام بعض الشقق الفندقيه
• دير بالك تزور الكويت نصيحه
• استفسار عاجل لو سمحتوا
• الفزعه يأهل الكويت؟
• محل إسمه هيل وزعفران
• احسن طياران ياخذك عالكويت

و عليكم السلام و رحمة الله...
و انتي بصحة و سلامة إن شاء الله.

----------------

سأجاوب حسب خبرتي القليل...
و إن شاء الله الأخوات ماراح يقصرون وياج.

----------------------

حسب علمي بأن الفساتين الراقية...
و اللي اعتقد بأن جزء كبير منها من تصميم مصممات كويتيات...

كلها تتركز في شارع سالم المبارك...اللي يضم عشرات المجمعات.
مثل الفنار, ليلى جاليري, البستان, الزهرة, الثريا.

آسف على الإطالة...
و إن شاء الله الأخوات مايقصرون معاج.

----------------

تقبلي تحياتي.

الله يجزاك خير ماقصرت
وبانتظار الأخوات

افا يابنات وينكم

اختي السراب الف شكر لك

ماقصرتي والله

الله يجزاك خير ويوفقك ويحقق لك كل امانيك ان شاء الله

بس بسألك الله يعافيك بالنسبه للمحلات اللي فيها ملابس المحجبات

القى طقم تنانير حلوه وكشخه؟
والاسعار شلون؟
عطيني سعر تقريبي مر عليك لوسمحتي

الله يوفقك ويرضى عليك
ماقصرتي والله

شوفي اختي في شغل مصممات كويتيات من اروع ما يمكن ياريتج كنتي يايه وشايفه التصماميم في صاله القادسيه قبل رمضان بيوم بصراحه شغلهم اكثر من رائع عموما عندهم افرع في مجمع الصالحيه شغل فنتك ايضا تقدرين تروحين بيت ديفا وكريزما وبينت 32 بالعديليله شغلاتهم وايد كوووووول :\ ايضا عندج مشغل زيزينيا في شارع السور شغلهم نايس وكوول لو بقولج يبلنا يوم كامل بس حاليا هذا اللي حاضر في بالي وياريت بعد تروحين لمجمع الدانه بالسالميه عندهم محل لايم لايت روعه شغله رهيب واهوا له فرع في الثريا ومجمع زهره

اتمني اني وصلت لج شي بسيط يساعدج
تقبلي تحياتي

اهلا اختي شموخ انثى ..

وانتي بخير وصحه وسلامه ..

وعليكم السلام والرحمه ..

انا راح اجاوبج واختصر كل شي بمجمع (الأفنيوز)

وهو يشمل كل المحلات الموجوده بالمجمعات الثانيه واعتقد يعتبر من اكبر الاسواق بالخليج او الشرق الاوسط مو متأكد

بس يستاهل الزياره .. و يبيلج اكثر من يوم عشان تخلصينه لان بتتعبين من المشي

لان فيه تقريبا كل المحلات الكشخه وشغل بناتي وجذي

والاخت السراب ماقصرت بس كل المحلات الي حطتهم لج محلات جلابيات (دراريع)


وبخصوص (المخازن) مع اني ما احبه :s لان انتي تبين شغلات بناتيه - نسائيه والمخازن مافيه اذا ماني غلطان الا ملابس شباب بنطرونات وجذي فما انصحج فيه ..

وأي استفسار انا حاضر .. وان شاء الله هاليومين اييبلج وصف المخازن اذا تبينه

مــ ح ــمد .

الله يجزاكم خير ويوفقكم ان شاء الله

ماقصرتوا والله تسلمون

اخوي محمد ياليت وماعليك امر تجيب لي وصف المخازن مو انا ابغاه وحده قالت لي اسأل عنه

مشكور مقدماُ

ماقصرتوا والله

انا فى ناس مدحولى فيلا مودا الى فى الكويت بس ماقد رحتله ولا اعرف هو ويين

فيلا مودا بشويخ المنطقة الحرة ورا جامعة الكويت

مشكوره اختى ان شاء الله يمدينى على كل هل الاسواق

حبيبتي Gzzz

المحلات اللي ذكرتها للبدل مو للدراريع وانا شرحت بالتفصيل لو ترجعين للي كتبته راح تعرفين هالشي

-----------

حبيبت قلبي شموخ

الاسعار انا شريت بدلت العيد سعرها ب 40 دينار كويتي طبعا من الفروانية العربيد قلري

والملفع (الشيلة) شريتها بـ 33 من محل العازمي مثل ماوضحت لج مكانه

مادري كم سعودي والله

ولكي مني اطيب الامنيات

دمتي

مرحبا اختي انصحج بالمعارض حق العيد وايد حلوه
مثل بيت ديفا,كاريزما,وسدره وايد حلوين وكلها في مكان واحد
وفي معرض الهيلتون بعد جم يوم راح يكون فيه بدل راقيه ودراريع