الموضوع: رحلة سريعه للكويت

[SIZE="5"]اواخر شعبان كانت الرطوبة شديده في الدمام وتضيق الخلق فقلت حسب علمي ان الكويت جوها جاف وسموم واشوفها فرصة عشان نبعد عن هالرطوبه الخانقه ,,قالت المدام خلينا نروح الرياض احسن مافيها رطوبه ,,قلت لا نخليها الكويت ,,الرياض احبها بس ما اطيق زحمتها ,, قالت طيعني الرطوبة اذا جات غطت كل الخليج !!قلت ابدا هي الكويت ,,,والرياض نخليه لعيدالفطر
وتوكلنا على الله ومشينا من الدمام مغرب يوم الأثنين وطبعا لوجود العائلة و الأطفال يكثر التوقف في المحطات ,,المهم دخلنا الكويت الساعة 11 مساء لكن تفاجأت بالرطوبة ورانا ورانا يا الهي !!! :110: وكثر الشامتين :109: قالت المدام قلنا لك الرياض اضمن مافيه رطوبه !!!! قلنا الحمد لله على كل حال:109:

واتجهت صوب السالمية لأنها افضل منطقه لسكن السياح لتوفر المطاعم بكثرة ولكن لاحظت ان معظمها زي بعض والغريب مافيه مطاعم تقدم الأرز ؟كلها مطاعم مشاوي او سندويتشات وهمبرغر ,,يعني كبسات noway ليش ما يحبون العيش ؟؟:109:
المهم قعدت الفلف ادور شقق مفروشه الين حصلت شقق( ارينزا تاور ) واخذت شقه غرفتين نظيفه واثاثها حلو بسعر 30 دينار موقع العماره تمام قريب منها الجمعيه (سوبر ماركت ) ومسجد بس عيبها صعوبة ايجاد موقف للسياره اذا رجعت متأخر مما يضطرني اني اوقف بعيد عن العماره ,,
طبعا كنا تعبانين من الطريق فتركت الأهل في الشقه ورحت اجيب لهم عشاء من شارع المطاعم الشهير ورحت مطعم اسمه (ستيك ) رهيب نظيف ويسوي سندويشات كباب ما حصلتش !!!:24:
والحين ناكل الكباب وبكرة نكمل لكم السالفه خاصة يوم جات الهزه الأرضيه :11ight:[/SIZE]

مواضيع عشوائيه ممكن تكون تعجبك اخترناها لك:

• ايش فعاليات عيدالأضحى بالكويت ؟
• ايام في جزيرة فيلكا مو طبيعية
• معرض الفنان التشكيلي الصغير
• فيلا مودا
• جنون التسوق فى مجمع الفنار
• زعطـوطه فـي مديـنة فحيـحيل فندق المنشر و المنشر و الكوت
• اهالي الكويت الكرام
• ياليت معلومه عن منتجع شيك يالطيبين؟؟؟
• هونج كونج استفسار بحالة الطقسسس
• موقع شركة الخطوط الوطنيه الكويتيه
• الدخول للرجال فقط
• بغيت اسماء ومواقع محلات شوكلاته مشهوره بليز
• طيران العربية يرفع رحلاته بين الشارقة والكويت إلى رحلات يومياً
• سؤال عن برج البابطين
• استفسار عن الاسواق في الكويت
• لا يطوفكم أحدث صور لزيارتنا ل الافينوز روعه
• مطعم الفايزالفروانيه
• أريد المشور من أهل المشورة
• فزعتكم يالاجواد
• ممكن جدول لرحلة الى الكويت ثلاثة ايام

أجل شبعت شماته:109: رطوبه وهزه ارضيه بعد :11ight: الظاهر التوقيت الي جيت فيه ماطلع لصالحك فعلا الرطوبه طولت عندنا العاده الرطوبه مااطول أكثر من يومين أوثلاثه ايام ماعلينا بس أن شاءالله أستانستوا بالرحله هذه وتعدلت الامور وياليت أذا في صور مع التقرير والله الحمدالله علي السلامه أخوي سفينه الصحراء :101:

ياااا سااااتر
هزة ارضية يكفينا شرها
ايوه انت قصدك فرصة للشامتين :109:
خلك تستاهل هذا اللي ما يسمع كلام مريته وحبيبته :101:
عطنا باقي العلوم والسوالف :114:

يعطيك العافيه على التقرير الحلو

ههههههههه

ننتظر باقي الاحداث بعد الهزة الارضية

متابعينك

هههههه

متابعينك لاتطول علينا

ياهلا ومرحبا سفينة الصحراء تشرفنا بزيارتكم وبانتظار بقية التقرير الحلو والاسلوب الشيق

ناطرين الصور
في مطعم فريج صويلح اكله لذيذ جدا ويقدم كل الأكلات الشعبية البرياني والكبسة ووووووووووووووووو

مسيكم بالخير
واصافح كل من مر و وقع في كشف الحضور يالله حيهم واقول اعذروني عن الصور لأني استخدم كاميرة فيديو و ماغير ادور بها كني مراسل قناة فضائية :109:
المهاجر ,,,ياهم اشبعوا شماته وطنازه بعد يوووه
الذيب ,,,صج اللي مايطيع ,,,,,,بس ما عليك تالي استانسوا ونسوا الرطوبه
الملك ,,,كان تكمل عاد بعد رطوبه وبنغال ؟
نواعم ,,صج فاتنا مطعم صويلح ,,لما رجعنا قالوا لي عنه
المرام ,,الراشد ,,,البمبيني ,,,ترافل مان ,,,,,حياكم الله بس تراه تقرير صغير اشبه بالمذكرات يعني مش اد كده (يحب مصر)

يوم ثاني صحينا من النوم متأخرين لأنا ما نمنا الا بعد صلاة الفجر ,,,طيب وين نروح ؟ الأفينيوز اكيد
الأفينيوز مجمع ما شاء الله ضخم وفخم وتصميم هندسي رائع وذوق عالي و ميزته سعة الممرات وكبر وتعدد الساحات ,,طبعا هذا علاوة على الماركات المعروفه وتوفرعدد من المقاهي والمطاعم (بس قليله )
قضينا طول النهار في المجمع وتغدينا العصر في مطعم فرايديز وخوش مطعم حتى الصغار استانسوا فيه لأن القرسونات لابسين زي خاص كانه مهرج :109:

رجعنا الشقه نريح ونصلي العشاء وبعدها طلعنا لشارع الخليج على الكورنيش او المرسى التابع لمجمع المرينا مول طبعا جميل جدا فيه قوارب ويخوت خاصة وعبارات كبيره تقوم برحلات سياحيه الى جزيرة فيلكا في النهار ,,,وخليت الصغار يلعبون في الألعاب وجنب نوافير الماء ,,, لكن الرطوبه افسدت الأستمتاع به فدخلنا للمجمع فقضينا وقت لابأس به من تسوق وتمشية وعشاء في ساحة المطاعم في الدور الثاني ووووااااووو اخيرا عثرنا على العيش (الأرز) بس انا اللي ابيه اما باقي الأهل فكل يغني على ليلاه مابين وجبات سريعه او بطيئه
وطلعنا الساعة 11.30 وذهبنا لجمعية السالمية للتسوق وبعدهاالى الشقه الى الأرينزا تاور
الحين صار وقت صلاة العصر فأستأذنكم للصلاة وغدا نكمل اشصار في الهزه :114:

رووووعه التقرير

صج الى ما يطيع يضيع والله ان كلام الحريم دائما صح لو انك سامع كلامها جان ضربت عصفورين بحجر لان شهر عشرة الجو يصير حلو عندنا .وبعدين تقول ان فى هزة ارضية قريت عنها بالجرايدمن تاثير الهزة الارضية مالت ايران او الغراق مانى ذاكرة بس ما حسيت فيها والله .انت شلون حسيتو فيهاوسلامتكم من الهزات والرطوبة

متابعين
و مذكراتك حلوة ماشاءالله

مسيكم بالخير

نكمل
رجعنا للشقه تقريبا الساعه 1 صباحا احنا في الدور الثامن
كنا جالسين في الصاله نشوف التلفزيون وانا متكي واشرب الشاي وفجأه حسيت بدوار وراسي يجي قدام ويرجع ورا واستغربت هالدوار المفاجئ ثم تكرر مرة ثانيه ,,اشهذا وفركت عيني وشيكت على الكنبه اللي انا جالس عليها يمكن انها تهتز ,,لكنها ثابته
قلت انا جاني دوار وراسي يدور بشكل غريب !!!قالت زوجتي حتى انا والعيال نفس الشيء
قلت لا المسأله فيها ان واخواتها :114:
واتصل على الأستقبال اسألهم ؟ قالوا مافيه شيئ !!
وانزل لهم على طول واذا ببعض السكان من الدور العاشر نازلين مع عائلتهم وهم مفزوعين وقد حسو باهتزاز العماره وتحرك الأثاث وتساقط الأواني
وجرت اتصالات عدة مع الفنادق والشقق المحيطه فاذا بفس الشيئ وتأكد وجود هزه ارضيه :110:
وش صار بعدها ؟
معليش بكره

سلامات احداث مثيرة

بالنسبة للهزه الارضية فهي كانت في احد المحافظات الايرانية القريبة من الكويت ولكن كان تاثيرها محدود جدا بالكويت

مسيكم بالخير
ترافلزمان هلابك والله انت الوحيد اللي في الصف الأول ,,,وين الباقين ؟

نكمل
موظفين الأستقبال لما سووا اتصالات مع الجهات الرسميه اكدوا لهم ان فيه هزة ارضية ضربت مدينة العماره العراقية قوتها 5 درجات وتأثرت بها الكويت لمدة 5 ثواني وقتها كانت الساعه 2 صباحا ,,,طبعا ساد الفزع بين الناس الساكنين في العماره وفيه بحرينيين وسعوديين عملوا خروج ,,,
انا اخذت الأهل بسرعه وقلت نطلع فورا من العماره على الأقل لمدة ساعه او ساعتين ونشوف الوضع وفعلا طلعنا بالسياره نستطلع الوضع ونتجول على شارع الخليج ,,,وكان والحمد لله كل شيئ عادي وطبيعي فرجعنا للعماره ولقيناها ثابته في محلها وبطلت رقص :109: بس سمعت ان في حولي حدث تدافع في الخروج من بعض العماير وحدثت اصابات نقلها الأسعاف
لما رجعت للشقه قال لي موظف الأستقبال (هندي) بابا انت ليش فيه خوف ؟:114:
قلت رفيق اذا انا ما فيه خوف مدام وبتشا فيه خوف :109:
كانت ليلة ليلاء ,,,والحمد لله عدت الليله على خير ,,,بصراحة كنت فكرت اني ارجع السعوديه على طول لكن قلنا ننتظر ونشوف ولما هدأت الأمور قعدنا

يوم ثاني رحنا مجمع المنشر روتانا الحقيقه انه جميل وبسيط لكنه ممل وفاضي احسن مافيه الألعاب بالدور الثاني استانسوا فيه الأطفال ,,,ماطولنا فيه تغدينا يمكن قبل المغرب وطلعنا منه الى مجمع اظن اسمه كويت ماجيك او ان فيه العاب بالأسم ويغلب عليه الطابع الشعبي وبعد ماطولنا فيه وقالوا ودنا للأفينيوز مرة ثانيه ,,,,,,,,واو وشلون با دله ,,,خلوه بكره

مدامك للحين في الكويت روح للمركز العلمي .. مكان راح يستمتعون فيه الأطفال .. ويا هلا ومرحبا فيك بالكويت

الحمادي هلا بك اشكر مرورك الله يحييك
كانت الرحله للكويت في اواخر شعبان واحنا الحين في السعودية حرسها الله وسائر بلاد المسلمين
المركز العلمي سبق زيارته من قبل لذلك لم نكرر الزيارة وهذا ينطبق على الأبراج ايضا

نكمل

اليوم الثالث طلعنا بعد صلاة الظهر الى سوق شرق لقضاء فترة الظهر وقعدنا الى المغرب مابين التسوق والغداء ,,,

وبعد صلاة العشاء ذهبنا للأفينيوز مرة ثانيه وكانت ليلة الجمعه وزحمه وبصعوبه نجد موقف للسياره ,,حقيقة السوق يستاهل هالزحمه وتكرار الزياره لأنه شرح وتتمشي فيه براحه واذا تعبت تستريح في احد المقاهي الين تخلص العائله من التسوق ,,,,,,,,,,

طلعنا من الأفينيوز تقريبا الساعه 12 والجوع وصل حده ,,طيب وشتبون عشى ؟؟اللي قال مكدونالد واللي قال برجركنج ,, قلت طيب وش الفرق كلهم زي بعض :112لأني مااحبهم) مالكم الا الفول ,,,,, :109:قالوا لالالالا الا الفول تكفى مانبي فول آخر الليل :114:
طيب بلاش فول وقعدت الف في السالميه الين طحت على دومينوز بيتزا واخذنا منه ورجعنا للشقه ,,,,,,
بس فيه هاجس الهزه الأرضيه لايزال ملازمنا ,,,الله يستر الليله :109:


اليوم الرابع
بعد صلاة الجمعه رتبنا اغراضنا وسلمنا الشقه ورحنا للمرينا مول تغدينا ,,,,وهم كملوا التسوق ,,,,,يا حب الحريم للتسوق ,,,وماطلعنا الا قبل المغرب بشوي وعلى طول اسلك طريق خادم الحرمين الشريفين متجهين الى السعودية
وســـــــــــــــــــــــــــــــــــــــــلامتكم

الحمدالله علي السلامه ويعطيك العافيه علي التقرير الرائع :36_1_11:بس ناقصه بعض الصور :11sted_co

:

الحمدلله على السلامة أخوي
تقرير جميل وخفيف لدولة شقيقة وجميلة
الصراحة حسفتني على الأفنيوز زرت الكويت مع العائلة أسبوع كامل ومازرته مع إنه كان عالبال
ومشكووووووور على الجهد

الحمد لله على سلامتك اخي الكريم
شكرا على التقرير البسيط والجميل

تقرير رائع ..

الحمدلله على سلامتكم ..

شكراً لك أخي سفينة الصحراء ..

تحياتي لك ..