الموضوع: كيف الوضع بالبحرين

السلام عليكم اخواني

يمكن سؤالي غبي لكن تحملوني
انا ودي اروح مع العايلة نتمشى يوم واحد بالبحرين وخصوصا سوق المحرق الشعبي
لكن وش الوضع بالبحرين خصوصا الأمني في السوق الشعبي والمولات
وضع المحرق كيف

معليش تحملوني

واذا اوكي ابغا برنامج يوم واحد بالمحرق وأحد المولات
وابغا تقرير عن سوق المحرق

شاكر لكم مقدما من الموبايل

مواضيع عشوائيه ممكن تكون تعجبك اخترناها لك:

• نبي خريطه للبحرين
• سبرت أوف مانيلا تدشن أولى رحلاتها بين البحرين والفلبين
• رخصتي منتهية من اسبوع اقدر ادخل البحرين ؟
• وشلون ادق على البحرين تكفون؟؟
• ممكن مسـاعدة ابي اسافرالبحرين
• استفسار عن منطقة العرين
• المسافة بين الجفير و سند؟ البحرين
• ماهو أفضل مكان خاص لقضائه مع الزوجة؟
• هاني سويتس تجربتي في أكبر الأجنحة بالصُور
• استفسار
• أبغى اسوي نجاحة زوجتي في البحرين ،دلوني على المكان
• شقق رويال هاوس العائلية البحرين
• ساعدوني في المسافه بين قطر والبحرين
• زيارتي لمتحف البحرين
• بليز بنات البحرين
• عاجل ياخوان ابي اسافرعلى البحرينية وش رايكم
• البحرين لؤلؤة الخليج ولكن ؟
• شارع البديع
• شاليهات البحرين ؟؟؟ هل من جديد
• لمن يسأل عن مجمع العدلية

وعليكم السلام ورحمة الله وبركاته ..



الأوضاع ممتازة وكل شي تمام .. انا الاسبوع الماضي هناك والحمدلله كل شي بخير ..

ماني من أهل البحرين لكن أزور البحرين كثير والوضع جيد فيها ..

وإذا بتزور المحرق لا يفوتك جزر أمواج ..

أنصحك فيها

حياك الله بالبحرين ...الحمدلله البحرين بخير ونعمة والاوضاع من احسن ما تكون ...بالنسبه لسوق محرق هو سوق شعبي يتمثل في شارع واحد طويل ويتفرع الى بعض الممرات ...فيه بتلاقى محلات اتبيع الحلوى البحرينينه واغلب الحلويات الشعبية والبهارات والمرقدوش وغيرها . وفيه محلات اتبيع عبايات والملابس جاهزة اسعارها نسبيا رخيصة وجودتها مقارنه باسعارها جيده . وفي شارع فرعي لمحلات الذهب البحريني الجميل .


اذا ان شاء الله زيارتك بتكون ليوم واحد ممكن تبداها من الصباح بسوق محرق الشعبي وبعدها اتروح احد المطاعم بمنطقة المحرق او تروح تتغدى بامواج وهي منطقة قريبه من المحرق فيها مجموعه مطاعم تطل على البحيرة راقيو وجميلة . وبالمساء ممكن تروح الستي سنتر او مجمع السيف او مجمع العالي او كلهم لانهم كلهم قراب من بعض .

بس نصيحتي اذا بتزورنا وودك اتشوف سوق محرق انك تتجنب الايام من 6 الى 11 محرم لانه موسم مواتم وحسينيات وبعض الاحيان يتم اغلاق بعض الشوارع فيها لتسهيل المواكب وغيرها . اما بعد هالفتره فكل الشوارع مفتوحة .

واي استفسار حاضرين لك

يعني اخوي من تاريخ 6 الى 11 تقصد البحرين كلها او المحرق بس ؟؟؟ من الموبايل

المشاركة الأصلية كتبت بواسطة dotshi
http://www.arabtravelersforum.com/tr...5/#post8364934

يعني اخوي من تاريخ 6 الى 11 تقصد البحرين كلها او المحرق بس ؟؟؟ من الموبايل



بس منطقة الاسواق الشعبية وهي سوق محرق وسوق المنامة لان الشوارع ضيقة فيتم اغلاقها وايكون المرور موجود لتسهيل حركة السير ..اما المجمعات والمطاعم في منطقة العدلية ومنطقة امواج (انصحك فيها) كل شي طبيعي وتقدر اتيي وتستمتع بالاجازة .

ما قصروا أخواني وخواتي ربي يعطيهم العافية ويوفقك في سفرتك إن شاء الله

والوضع حلو كنت هناك قبل اربع ايام والشباب ماقصروا

والوضع طبيعي ورجعت اخر الليل والامور ميه ميه مع انها اول زيارة لي

رحلة موفقة

مشكورين ماقصرتم
توني قبل شوي راجع من البحرين والحمدلله انبسطنا ووناسة

الله يحفظ البحرين واهلها من الموبايل