ملاحظة : قد يكون في الموضوع شيء من الاطاله والتفصيل ولكن هدفي لاساسي ليس التعرف بالكويت فهي غنيه عن التعريف ولكن ان تعيشوا معي اجواء هذه الرحله .
وتبداء الرحلة الميمونه
كما ذكرت في بداية الموضوع بكتب نبذه مختصره عن رفقاء السفر
ابو صبحي : طالب في الجامعه وهذي اول رحله شبابيه له خارج السعوديه انسان مرح وجاي للكويت متحمس يبي يركب قارب ويتمشى على البحر .
مستر فته : طالب في الجامعه وهذي اول سفره له في حياته كلها خارج المملكة انسان انطوائي ومدمن افلام حلم حياته يشوف السينما !!! .
ابو طلو : منظم الرحلة والدليل السياحي للكويت بحكم زيارتي لها اكثر من مره ((تبون الصدق ما عندكم احد بس الله يخلي منتداكم اقراء منه واقول شفتو اني اعرف كل شيء :11ight: ))
ندخل في تجهيزات الرحله :
في البدايه كان الاتفاق اننا نحرك رابع يوم في رابع يوم في العيد على الساعه 10 مساء ولكن الشكوى لله ابو صبحي سحب علينا وامرنا في يده كونه صاحب السياره فتقرر تأجيلها إلى فجر خامس العيد وكعادته قفل جواله وسحبها نووووووووووومه إلى الظهر وكلمنا وبكل برود هاه جاهزين امركم طبعا انا كنت معصب وواصله معي لاني ما احب اني الخبط جدولي كلمت مستر فته وقلت له خلاص كنسل الرحله بس هو طبعا بحكم انه انسان باااارد قالي مو مشكله مافرقت قلنا خلاص توكل على الله
جهزت شنطتي وانتظرت ابو صبحي يمرني
طبعا اهم شيء عندي ثلاجتي بالسفر ولها صوره في الردود القادمه
اطلقنا وكان الاختلاف في البدايه اي الطرق نسلك طريق الرياض حفر الباطن او عن طريق الخفجي
انا كنت مصر على الخفجي كوني اعرف الطريق وسبق اني رحت مع كثير
وفي النهايه مشو على كلامي
مسكنا الخط
وكانت لنا هذي الصور فيه
https://travel.maktoob.com/photo/sho...p?photo=452766
هذي الانطلاقه
وهنا اول المواقف الغريبه ركزو في الصوره الجاية
هذي الموقع مفترض يكون من عجائب الدنيا السبع
الله يكرمكم هذا صوره لدورات مياه ظطرينا نوقف عندها لان مستر فته كان في حاله طوارئ ولما وصلنا لها دورنا الباب لقيناه مسدود ؟؟؟؟دورات مياه مالها مدخل !!!!:114:
ابو صبحي ملزم تطلع صورة سيارته في الموضوع
وهذا انا قاعد اسوق بكل حماس واخلاص هذي اول دفعه والجاي بيكون اكثر ان شاء الله
بس ابي دعم معنوي لي لان هذا اول تقرير وهل الاسلوب مناسب ولا اغيره ؟
رد مع اقتباس
المفضلات