+ الرد على الموضوع
النتائج 1 إلى 58 من 58

الموضوع: الاجازات العالمية بالبحرين تحتال على السعوديين

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    الاجازات العالمية بالبحرين تحتال على السعوديين


    مرحبا بالجميع

    اخواني الذين تعرضوا الى الاحتيال من قبل الاجازات العالمية في البحرين
    انا طبعا صارت لي القصة نفسها
    لكن ما راح احكي التفاصيل لان اللي صار لي صار لغيري نفس التفاصيل
    بس الاقتراح اللي ودي اقوله لكل من تعرض لهذا النصب والاحتيال
    لو نتفق ونصير يد وحده ونقدم شكوى لحكومة البحرين .. أيش رايكم
    لاني لو تقدمت لحالي ما راح استفيد شي وممكن ما حد يصدقني
    لكن لما تصير هناك مجموعة بعدد كبير اكيد راح يصدقونا وراح يكشوفوا
    ملابسات الموضوع
    ايش راي الجميع ؟؟؟؟؟؟؟؟؟

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    وش الموضوع اخوي ! ممكن توضح

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    السلام عليكم
    انا تعرضت للاحتيال من قبل الاجازات العالمية في البحرين تمت الصيده في مجمع البحرين من قبل ناس اسم انهم عرب لكن للاسف ناس محتاليين بنفس الاسلوب طبعا معاي زوجتي تصوروا من السخافة يسأل سؤال وهو يجاوب ويقول انت فزت معنا برحلة سياحية الى ماليزيا واخذ البيانات واتصلت فينا وحده بحرينية وهذا للاسف الشديد من جلدتنا ورحنا على الموعد في برج المؤيد وانتظرنا لين ما دخلنا غرفة عميل غسيل الدماغ بالبرمجة العصبية ( غرفة العوائل ) وجلسنا مع واحد تونسي والمهم بعد ما ظل وظل يهذر وورانا كاتلوجات وغرفة الفيديوا ( كنه يبيع سمك في البحر تبيه رح صيده ) وبعد ما غسل دماغنا صح انا وزوجتي دفعت لهم ثلاثة ألاف عن طريق الشبكة على ان الباقي احوله لهم في الحساب طبعا للمعلومية المسؤول المالي للاسف الشديد أنه بحريني صدقنا بحكم انه بحريني ولما نزلت للسعودية ارسلت لهم دفعة ثانية اثنا عشر الف ريال ووعدني بالاستثمار وقال لي لا تدفع الباقي وانا بنفسي راح اتابع الموضوع وكل مره اتصل عليه يقول انتظر انا كلمت اللي في مصر والحين كملت سنة والقهر انه اتصلت فيني وحده بحرينية منهم تقولي وين باقي الاقساط والى الحين ما كملت الباقي اكتشفت بعد هذه الفترة انهم حرامية ..
    لكن يا جماعة الخير انا عندي اقتراح
    بالاول نتفق مع بعض اللي وقعنا في هذا الفخ
    وثانياً نسوي خطاب موجه إلى سفارة البحرين أو خطاب موجه الى حكومة البحرين نفسها
    اتمنى والله العظيم أنه احنا نهد هذه الشركة على اصحابها وخصوصا أنها تدور السعوديين وغيرهم تعتبره لا شي وأنا طبعاً قرأت الكثير عن هذه الاحتيال
    أتمنى وأتمنى ان احنا نقدر نسوي شي لان حرام اللي جالس يصير والله العظيم فرحت انه قالي استثمار وبعت اسهم كانت عندي بسعر بخس علشان بس الاستثمار في السراب
    مااتمناه فعلا اني القى ايادي ممن وقعوا او ممن يعرفوا احد وقع ان احنا يصير بينا اتصال لين ما يجتمع عدد ونشوف حل عن كيفية استرجاع المبالغ

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    كل هذا وساكتين بعد !!!!!! مستانسين يعني تدفعون فلوس على الفاضي!!؟؟ والله لو انا بمكانكم اقلب الدنيا فوق راسهم لحالي مااخذ معاي لا مجموعه ولا بطيخ شنو هالمصخره هذي ؟؟ وين قاعدين احنا ؟؟؟!!!!

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    عزيزي أنا بحريني وهذي الشركة حاولت تنصب عليّ بس عرفت اللعبة في آخر لحظة وما دفعت ولله الحمد،، والفضل يعود بعد الله لعمي (أبو مرتي) قال لي إنه مصيود قبلي من نفس الشركة وإلى اليوم يسدد لهم على الفاضي ..؛

    المسألة موب بحرينيين يضحكون على سعوديين ... القضية شركة تنصب على كل من تراه أمامها من سعودي أو بحريني أو حتى لو بنغالي إذا كان عنده فلوس ..؛

    تحياتي ..؛

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    واو واو واو

    أول مرة أسمع عن هذا الموضوع

    شكلها شبكة كبيرة ووراها ناس في مختلف أنحاء الدول

    وبعدين النصابين في كل ديرة والنصاب يلعب على أقرب الناس له فما بالك في بنى جلدته .

    بصراحة لو أنا بدلكم ، أروح أفتح لي موقع على النت أو منتدى كبيـــــــر ومعروف وأسوى لي دعاية على النت ، للأشخاص اللي وقعوا في نفس الفخ وأجمع أكبر عدد ممكن من الأشخاص وأرفع بخطاب موقع منهم على السفارة في السعودية ، أو أنقز البحرين و أوجهها لهم .

    بالتوفيق الدائم للجميع .

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    اخي العزيز....

    مع احترامي الشديد ... الشركات هذه موجوده في كل مكان ... حتى في السعودية بدأت تظهر ... والدليل تجده في الظهران مول ... عموما ... هم يتلاعبون بك عن طريق بند عقدهم ... ومادمت وقعت الاتفاقيه بإرادتك فتحمل كل ما ستحصل عليه ... وليكن درسا للمستقبل لقراءه العقود قبل توقيعها .... واذا كنت ترا ان في الامر تلاعب فهناك سفاره السعودية والشرطه وغيرها من الاجهزه الامنيه التي تستطيع تقديم شكوى على الشركه عن طريقهم والقانون سيأخذ مجراه....

    تحياتي ... واعتذر ان كانت الصراحه تجرح ...

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا بالجميع
    صحيح اني غلطت والكثير غلط علشان ان احنا ما قرأنا العقد لكن ليه نسكت
    المطلوب يد وحده وفي واحد اعرفه لما شال الدنيا على راسهم ووصلت فيه
    أنه راح لأهل احد الموظفين تدري أنهم خافوا من الفضيحة ورجعوا جزء
    كبير من المبلغ . لو فكرت اخوي الفاضل ليه ردوا المبلغ كان قالوا له روح
    اشتك العقد وصحيح وكل شي بالعقد يدينك لكن في عندهم مسألة خوف
    فأنا اللي ودي اني انشر الموضوع من باب الوعي ومن باب اللي ساكتين
    اقولهم يالله حطوا يدكم بيدي ويد الله فوق يد الجماعة نهد الشركة لأني واثق
    بكل صراحة انه الحكومة البحرينية ما ترضى باللعب اللي جالس يستوي
    ومثل ما قلت لو هناك عشر اشخاص نتفق ونرتب الموضوع انا واثق انه راح يجيب نتيجة
    وتكلمت بصراحة مع ناس كثير من خلال المنتديات وقالوا لي قدم خطاب الى
    غرفة التجارة بالبحرين والى بعض دوائر المسؤولة وراح تشوف النتيجة
    فعشان كذا انا جالس افكر أني اجمع اكبر عدد ممكن ويا ريت من يعرف احد يبلغه
    لعل ان احنا نقدر نسترد المبالغ أو اضعف الايمان انه الشركة ما يبقى لها اثر ..

    بالنسبة للشركات بدت للاسف الشديد تظهر في السعودية انا هم شفتها بالمجمعات بالرياض .

    والاخ دكتور ماهر ليه عمك مطاوعهم يدفع لهم الى ذا الحين قوله اعطيه رقم حسابي هههههههههه

    عموما انا اشكر كل الاخوة الافاضل الذين تفضلوا بقراءة الموضوع وتفضلوا بالرد وهم ( osama80 - عاشق ^^ سفر - دكتور ماهر - deshe1 )

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    والله السنه الي راحت نفس الفخ بدبي بس فلتنا منه الحمدلله
    جمعونا في مكتب في الستي سنتر وكاتلوجات وفديوات وضيافه
    وقبل كم سنه في القاهره ونفس الشي يعني السالفه منتشره في العواصم العربيه
    والحل لازم يكون من اصل الموضوع وقطعه وليس على مستوى احد الفروع او على منطقه معينه
    والله يكشف سترهم ويرد حقوق المخدوعين ااااااااااااااامين

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    انا بحريني وكل يوم ينادوني في المجمعات بس مافيه امل اعطيه فرصه يتكلم ولقيتهم في مصر
    ايضا والسعوديه لاتعطيهم وجه لانهم حراميه ويقولون ان عندهم بطاقات
    لتخفيض الفنادق ومش عارف ايش الواحد يصد
    عنهـــم احسن وحتى لو اشتكيت ماعتقد
    يصير شي لان اكيد معاهم تراخيص
    وكتبو عنهم كثير في الجرائد
    واحين صرت ماشوفهم
    كثير وحاول انك
    ترفع قضيه
    عليهم

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    يعطيكم العافية جميعا الكلام الي تقولونة ايظا موجود في الامارات وعندنا في السعودية الي بيروح الى المراكز التجارية والامولات وغيرا بيشوفهم طبعا صارت لي في دبي

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    يعطيكم العافية جميعا الكلام الي تقولونة ايظا موجود في قطر ووهذي الشركة حاولت تنصب عليّ بس عرفت اللعبة من أول لحظه ولاكن تشتريلك بيوت في أي بلاد العالم يورج من الجميع الخوان التنبيه من هذه الشركات المحتاله



    بالتوفيق الدائم للجميع

    أخوكم : بوهلال

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا بالجميع واشكرك كل مر على الموضوع
    واخذ فكره عن اللي جالس يصير لكن هم ودي للامانة
    اني اجمع عدد من الاشخاص اللي انصادوا في الشبكة
    النصابية في البحرين اتمنى انهم يراسلوني او اراسلهم
    علشان نشوف حل لهذا الموضوع
    وشكرا للجميع

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    الله يكون بعونك خوي
    موظف من هالشركه قابلنا بمجمع البحرين
    وعرض علينا عمل استبيان بعد ماجاوبناه
    قال لنا فزتوا باسبوع اقامة مجانية في ماليزيا والتذكره عليكم
    وكان الموعد للندوه على قولته في برج المؤيد
    بس توقعت السالفه نصب، لاني ويهي ماهو ويه جوائز
    فما رحنا لهم ....... الله يرد لك حقك ان شاءالله

    وفيه عضو بالمنتدى انصاد منهم من سنتين

    http://www.travel4arab.com/vb/showthread.php?t=7753

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    انا صار لي نفس الكلام بمجمع الدانه 000 سألني سؤال وجاوبته وقال لي انك فزت تعال الساعة 8 واستلم الجائزه ، ودخل وهات ياكلام فاضي اشتري صكوك واسكن فيها لمدة اسبوع او اسبوعين وباقي السنة تتأجر على غيرك 000 طبعاً حسيت ان الوضع غير طبيعي النصب والاحتيال واضحه من وجيهم ، وضيعو علينا ساعتين في الشرح اخر شيء قلت لها احنا جايين البحرين مدة يوم واحد وبنرجع للسعوديه الله يخليك لاتضيعين وقتنا ، انا ما ابغى عرضكم هذا ؛ مافي فايده تبغى تقنعني بالطيب وبالقوة آخر شيء مسكت زوجتي وقلت لهم باااي 00000 طلعت برا وجاء المدير وليش ماعجبك العرض ووو 000 اكيد الموظفه ماقنعتك 000 والله بالموت طلعت منهم 0

    وهذا الموضوع ارجو ان يثبت لكي يكون تحذير للزوار لمملكة البحرين 0

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    انا طحت في مصيدتهم

    ولا حيله لي الا الدعاء عليهم

    دفعت 35% من قيمة العرض بــ 12000 الف ريال

    وضاعت فلوسك يا صابر

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا ابو المهند
    إذا أنت وقعت في البحرين فأيش رايك
    تنظم الى القائمة عندي واذا تعرف احد
    جدا ممتاز لاني ابي اجمع عدد ونشوف طريقة
    للاتصال ونرتب الموضوع صح اتمنى الرد
    عاجل ابو المهند

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    هولاء الفئة متواجدين في جميع الدول العربية

    واعتقد بانك ماتحصل منهم شي .(( مابي اسد عليك الطريق )) بس حاول .. لان وااحد من الشباب صار

    معه نفس الموقف بسوريا ولاحد عبرة ... وانا دايم يحاولوون يصيدوني والله عااد من زين الاخلااق عندي

    اقوولهم عندي شاااليهاات بجميع وول العااالم .,,, وتطيب نفووسهم

    وانا بيني وبيني ماعندي غرفة

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    هلا اخوي حضن القمر

    انا طحت في الامارات تحت اسم نفس الشركة الاجازات الدولية للعقارات في دبي

    والله فوقهم وهو حسيبهم ونعم الوكيل

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا ابو المهند
    الله يكون في عونك انا عارف شلون الموضوع يجيب
    مو بس الهم بقدر ما يجيب الاكتئاب وخصوصا
    أنه في هذه الشركات ناس تعتبر من جلدتنا من اهل
    الخليج بس تأكد كل واحد راح ياخذ حوبته في الدنيا
    قبل الاخره وهذا اللي صار مع واحد اعرفه منهم
    تابع اخبارهم وراح تشوف بنفسك

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا
    ما ادري اذا ممكن من الأخوة في ادارة المنتدى اذا ممكن يعني مع كل احترام
    انه يتم تثبيت الموضوع على الاقل لتعم الفائدة واخذ الحيطة والحذر من هؤلاء
    اللصوص ؟
    واتمنى المزيد من التطور والتقدم للمنتدى وادارته المحترمه

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    حتى عندنا في الكويت بس الحين خفو كثير
    واحنا عفنا لهم اول ما يكلمونا نمشي ونخليهم
    اتتصلت على وحده قبل فتره وقالت انتي والعائله فزتو برحله الى اسبانيا
    قلت انا ما شاركت باي مسابقه اوكوبونات
    قالت انا متأكده انك فايزه قلت وانا برضو متاكده اني مو فايزه
    قالت يمكن احد حاب يسويها لك مفاجاه قلت عطيني اسمه قالت ما اعرفه قلت ايضا انا ما احب اخذ هديه من احد ما اعرفه
    المهم هذول مجموعه نصابين الكل عارفهم

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    كل نصبه و انت بخير ,,,,,,,,
    النصابين في كل دوله ,,,,,,
    حتى السعودية وصلوا فيها

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    حسبنا الله ونعم الوكيل ولا تخاف اخوي الحرام ما يدوم والله بيرزقك ان شاء الله

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    الاستاذ . فتحي الشافعي المحترم
    كيفك شخبارك
    اشكرك على مرورك وردك بالمعلومات الوافية والمفيدة
    يعني في رايك ما في اي حل انا فكرت لو احصل على مجموعة من اللي وقعوا في الموضوع
    وندخل على الجهات المختصة ولما يكون مجموعة تعرف يكون لها اعتبار اكثر ..
    وتحياتي ،،

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    المشاركة الأصلية كتبت بواسطة حضن القمر
    http://www.arabtravelersforum.com/tr...4/#post1058694

    الاستاذ . فتحي الشافعي المحترم
    كيفك شخبارك
    اشكرك على مرورك وردك بالمعلومات الوافية والمفيدة
    يعني في رايك ما في اي حل انا فكرت لو احصل على مجموعة من اللي وقعوا في الموضوع
    وندخل على الجهات المختصة ولما يكون مجموعة تعرف يكون لها اعتبار اكثر ..
    وتحياتي ،،




    السلام عليكم و رحمة الله

    أخي العزيز حضن القمر

    في البدء أحب أن أوضح أن قضايا النزاع المالي هي قضايا شائكة ويعود ذلك الى أن الشركات المنعنية تضع عقود خاضعة لقوانين كل بلد مع التلاعب بالثقرات القانونية و التي يستطيعون ان ينفذوا منها و الجميع يعلم أننا لا نقراء و لا نمعن في البنود و الشروط المرفقة علاوةً الى أن مهمة البائع تفويت الفرصة على المشتري للاطلاع أو الامعان في تلك الشروط حتى يتسنى له الحصول على التوقيع وهو اشبه بالتصديق على شيك مستحق الصرف لحاملة.

    ما هو الحل؟
    للخروج من هذه المشكلة يجب علينا التركيز على نقطتين أولهما حشد أكبر عدد من المتضررين لتكسب الشكوى الناحية الجماهيرية من حيث الكم العددي للمتضررين و اضفاء البعد الاعلامي للقضية للتشكيك في مصداقية تلك الشركات و الثاني وهو الاهم هو الاتفاق مع محامي ذو سمعة قوية في كسب قضايا النزاعات المالية ليتولى القضية بل و الاستشارة في كل التحركات لتضفي الشرعية و القانونية في المطالبة.

    أتمنى لك و للجميع عدم الاستسلام وكشف التلاعب و الاحتيال.

    و السلام عليكم و رحمة الله.

    أخوك/ فتحي عبدالغني الشافعي

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    اخواني مرحبا بكم

    اعتقد ان هذه الشركة رسمية ... وانت لك حق تطالبهم ولكن اذا استمريت بالدفع حسب العقد اللي انت موافق وموقع علية ... هم يتمنون ان توقف اقساطهم لكي تكون انت من كسر هذا العقد

    وتحياتي للجميع

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    يا اخوان هاذول مو بحرينيين هاذول شطرة عالمية والحين موجود باغلب مجمعات السعودية ودبي بعد وشعارهم اول ما يشوفونك يجيك واحد مصري لابس بدلة وفي ايده كرت ويقولك يا بيه ربحت الجائزة المجانية من المجمع ؟؟؟؟
    انت علطول قول له خلها لك وتركه ....

    تحياااااااااااتي

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    والله إني أخبره قبل سنة جاني انا والأهل كنا في مجمع الدانة وقالي إنت ربحت معانا جائزة وهي عبارة عن إجازة لمدة إسبوع قلته طيب والمطلوب قال عشان تستلم الجائزة

    (لاحد يضحك لأني ربحت لكن عشان أستلمها لازم أتوافق مع الشروط )

    1:- راتبي لازم مايكون أقل من 9000 ريال (منشنين على الرواتب)
    2:- لازم تكون عائلة ؟؟؟؟
    3:- لازم نحضر حفلة في مقر الشركة بمانسبة مرور 8 سنوات على إفتتاحها
    4:- حظور المقابلة في الشركة
    ---------------------- أول مرة أشوف واحد يربح جائزة لكن يتحم عليه شروط لكي يستلمها----------------
    طيب قلت له طيب وأنا ناوي أهبل فيهم ( زميلي في العمل صارت له سالفة معهم )
    المهم رحت لهم في الشركة جابو العصير وبعدين جابو لي إستمارة وخلوني أعبيها عن بياناتي وعملي

    والله إني صلختهم صلخ أعطيتهم صواريخ أرض جو
    راتبي 12000
    موظف في أرامكوا
    أمتلك فيلا في الظهران
    المهم من أبو كثير

    أرسلو لي وحدة بحرينية ودخلنا الصالة لقيت ناس كثيرررررر وعاد كل عائلة معاها واحد من الشركة يبين لهم طريقة وحساب لو إنه كان يسافر بدون مايشترك في العرض وكيف إنه راح يوفر مبلغ كبير كل سنة

    جابوها بعملية حسابية خاطئة لكن ما كان ودي أحرجهم

    المهم لين خلصت قالت لي وش رايك عجبك العرض قلت إيه قالوا لي خلاص إدفع المبلغ وهو
    45 ألف ريال إذا أبي أحجز الفلة لمدة شهر في السنة قلت لهم أوكي لكن أنا عندي شرط أولا لازم أراجع محامي في الموضوع

    إلى تغير وجه البنت وحاولت إنها تبين لي غه ماله دعي المحامي وجابتها على طريق لوما عجبني العرض أقدر ابيعه بأ غلى من هذا السعر لأني أنا جاي في العيد الثامن للشركتهم وهم مسوين عرض

    قلت لا لازم محامي ولا ما أقدر إني أدفع لكم و ريال قالت طيب إصبر أنا اجيب لك محامي االشركة (أقوى من هالنصبة مالقيت) عاد نادت السوبر فايزر حقها وقالت له الأخ يبي محامي للإستشارة
    قالها دقيقة وجاب لي واحد كان قاعد في الإستقبال (كان يستقبل الضيوف وصار محامي)
    عاد أنا من داخلي مبسوط إني أربكتهم
    إلى شوي وفي عائلة دفعت الفلوس وقلت في نفسي والله وضحكو عليكم وكان ودي أكلمه لكن الرجال نفسه فوق مرررررة قلت أجل خلك
    المهم قلت لهم أنا أبي أستشير السفارة السعودية في البحرين عاد المصيبة إنهم جابو لي ختم السفارة في أوراق إعتماد الشركة (قلت الله يفكنا من شركم ) عاد والله إني إبتلشت معاهم أخر شيء قلت لهم أنا راح أستشير خالي ( عشان مايجيبون واحد قهوجي ويقولون لي هذا خالك ) وهم عرفو بعد 3 ساعات إني جاي أحرق أعصابهم وأطلع خر شيئ قالوا لي رح للخالك وكلمه وتعال بعد إسبوع قبل نهاية العرض


    وسلامتكم




    نسيت أقول لكم شيئ هالسنة شفت الرجل نفسه في الدانة قال لي إنت ربحت معانا (مرة ثانية ؟؟؟) قلت له ليش إنشاء الله قال عيد ميلاد الشركة ل 8 سنوات ( شكلهم كل سنة يسون عيد ميلادهم ل 8 سنين ماعندهم غير هالرقم)
    قلت له أردي وتبون أشتري الفلة للحين ورحت وتركته

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا اخوي
    حضك قدرت تسوي كل هذا يا بختك ويا حسرتي على فلوسي لكن تاكد اني ما راح اسكت بأي طريقة واللي فيه الخير الله يكتبه

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    فيه شركة مثل هذه الشركة في دبي بس باسلوب مختلف
    حولو النصب علي اناو وربيعي بس روسنا يابسه ^_^
    لحضة بعض الاخوان من السعودية وعمان دفعو مبالغ وتم النصب عليهم

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    نفس الشي بجدة بس حاطيين مكتبهم في الدور الرابع تقريبا (تقاطع فلسطين+الستين) المبنى اللي بالزاوية الجنوبية الشرقية فوق ستار بوكس ودفعت لهم مبلغ الف ريال وكل ما جيتهم قالو ما عندنا والا الاستاز شمس مش موقود جبتلهم اثتين بس اجسام (حديد) والله دفعها المدير فورا


    ( ؛

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    انا زرت مملكة البحرين العام الماضي ونفس القصة وانا اعرف من كثر ماسمعت عن عمليات النصب لهذة الشركات وتحديدا
    في مجمع البحرين استوقفني شخص من جنسية عربيه واخذ البيانات مع اني قلت له اني ماودي اضيع وقتي معاك بالسوالف البايخة الماخوذ خيرها وقلت خل اتسلى على هذا الشخص وفعلاا سالني عن الوظيفة والراتب وطبعا كل البيانات الي اعطيتا اياها كانت اقرب الى الخيال بل سراب وطرح على سؤال تافة وهو الذي جاوب وقالي بكلمتة الففففففففففف مبرووووووووووووك الففففففففففففف مبرووووووووووووك شي مايتصدق ياللللله ربحت رحلة مادري لوين نسيتها

    وقالي تعالي ما ادري اي عمارة وفرديت عليه

    قلت ياحبيبي انا اتنازل حقك وانت اخذ الهدية حق نفسك يلى ماعندي وقت اطول دقيقة زايده معاك واذا بوجهه كأنه تلقى صفعة على وجهه

    وانا خارج من المجمع واذا اراه يستوقف اناس آخرين من جنسية خليجية

    انا احذر هذة مافيا وشركة نصب ولا احد يتعامل معاهم

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    والله أنا صار لي نفس السالفة في دبي

    طلعت انا والمدام من السوبر ماركت للسياره

    ولا اثنين من الجنسية المصرية يلحقوني

    لين عند باب السيارة

    بيني وبينكم خفت بصراحه قلت شكلهم حرامية واستعديت للمضاربه :36_6_7:

    والا يقولون حنا شركة مدري ايش للسياحة عندنا بكره احتفال بالشارقة

    وحنا منظمين لمهرجان التسوق بعد كم يوم


    وقالو أعطينا معلوماتك

    وأخوكم يعطيهم من المعلومات الخاطئه من الاسم للتلفون (ألفت رقم ملكي على كيف كيفكم):109:


    اخر شي قالو لي بس لازم نسالك سوال

    وسالوني سؤال سهل وجاوبت قالو أجل الحين تقدر تفوز معانا :114:

    طلعت السيارة وزوجتي تقول ليش ضحكت عليهم (كانت تسمعنا وهي جالسة بالسياره) حلو كلامهم

    قلت بلاكي ماتدرين ان هذولا نصابين ووووو.....

    بس الحمد لله الله سلم

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    نعم الشركات موجوده في كل مكان وتم نشر مثل هذة المواضيع على هذا المنتدى والتحذير منهم مدري شلون طحت فيهم

    تحياتي

    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    تعرضت لموقف في دبي وأعطوني إقامة في فندق ماريوت لبنان وأصريت أن تكون الإقامة في دبي فرفضو ذلك ورفضت الأشتراك معهم.
    الله رحمني منهم .

    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    ههههههههههههههههههههه
    قبل يوم كنت بمجمع السيف ونفس الكلام

    ولكني أتمصخر على الموظف واتسلى معاه لمدة 5 دقائق واعطيه ارقام التفونات الغلط والأسم الغلط ههههههههه
    ومو بس بالبحرين هالكلام
    في دبي صارت لي وكذلك بالسعوديه بمجمع الظهران وكذلك بمكة بمجمع الضيافة وكذلك بجدة بمجمع الصيرفي ,,, الله يحرقهم يا شيخ

    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    الشركات هذي موجوده في أغلب الأسواق والسوبر ماركات اللي في السعودية
    شفتها في صحارى مول
    وفي كارفور وجيان وهايبر بنده
    هذا غير اللي ناسيته

    وما أحد وقفهم عند حدهم!!!!!!!؟؟؟؟؟؟؟؟

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    مرحبا اخواني الأفاضل
    اشكر للجميع التفضل بالمرور والرد واتمنى في يوم ما ان مثل هذه الشركات تتطيح الله يطيحها بنار جهنم
    واتمنى من الادارة التكرم بتثبيت الموضوع لتتم الاستفادة واخذ الحيطه والحذر

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    الاجازات العالمية نصب في نصب

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    يا اخوان هذه لسيت موجوده في البحرين فقط وانما في جميع الدول العريبة
    السعودية (جده بكثره) الرياض دبي البحرين مصر هذا اللي أعرف وحصل لي شخصياُ إني صادفتهم لكن ولله الحمد لم أقع ضحيه لهم وتبون الجد والله واضح انهم كذابين وما أدري وشلون بعض الناس تصدق كذبتهم
    وللعلم هذه شركات مصرح لها قانونياً
    والقانون لايحمي المغفلين
    تحياتي/ اسمي اللي فوق مكتوب :109:

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    السلام عليكم ...

    مدري شلون ابدأ كلامي معكم ..

    بس حبيت اقولكم .. هذي النوع من الشركات .. قايمه على الضحك على عقول الناس ..

    بدأوا بقصة التايم شير .. يعني مشاركة الوقت ..

    يعني انت تشتري اسبوع من المجمع الفلاني .. ولك الحق انك تستخدم هالاسبوع .. فالسنة ...

    وتقدر ترحل الاسبوع .. لمدة سنتين ...

    وتقدر تأجره . وتقدر تبيعه ..

    انا حصرت لكثير منهم ... في قطر وفالامارات ..

    انا كنت اغلط واعطيهم معلومات صحيحه عني .. خصوصا الراتب ..

    الحين .. صرت اعرف لهم.. اذا وقفني فالشارع .. وكنت رايق ..

    وقفت له .. وعطيته معلومات غلط .. وخله يولي ...

    اذكر اني قدرت اضحك عليهم .. واطلع من عندهم .. وهم متحسفين ... اني ماخذت من عندهم ..

    كنت اسوي عمري اني مهتم .. وعاجبتني الفكرة ..

    بس مشكلتي ماعندي فلوس ... ولا اقدر اغطي المبلغ اللي يبونه وقتها ...

    واخليهم ... يضربون اخماس في اسداس ..

    وآخر شي .. اطلع من عندهم ... بعد ماضيعت من وقتي ساعتين او 3 ...

    عالعموم ... انتبهوا منهم ... وخليكم ادهي منهم ...

    و يعطيكم العافية .. ..

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    موبس على السعودين حتى على اهل الديره بعد انصحكم روحو اشتكو في وزاره السياحه او وزاره الاعلام
    المشكله ان الكلام التي يقولونه لك غير الي في العقد يقولك انت بتمتلك شقه لكن العقد يقول انك تمتلك اجازه يعني تشتري وقت تقضيه يعني (تشتري سمك في البحر)او بالأحرى هوى .
    يعني لو ماخذ هالمبلغ الي دفعته اوبتقسطه لهمومسافر الديره الي حددوها لك يمكن تشتري بيت .
    انا اعرف ناس راحو هددو الشركه او تفاهمو معاهم وحصلو تسويه فلا تسكتون عن حقوقكم.
    والله يرجع لكم حقكم

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    انا صار لي هالموقف قبل سنتين بالقاهره

    بالمجمع اللي امام فندق هيلتون رمسيس

    جاني واحد وقالي احنا شركة ومادري وشو

    واعطاني ورقه فيها اربع خانات للكشط !!!

    يقولي اكشط وحده منهم وان شاء الله يحالفك الحظ

    قلت له اوكي

    كشط وحده ( حلوه كشط ) المهم يقولي مبرووووووووووووووووووووووووووووووووك

    اكشط مره ثانيه ونفس الموال

    المره الثالثه قالي اكشط وحده من الخانات الاربع واخوكم على نياته وكشطت المره الثالثه الا ثلاثه مصريين قلبوا وجيهم @@ مو مصدقين

    يقولون لي معقول حظك حلو لهالدرجه !!!!

    المهم قالوا لي احظر حفل السهره مجانا بهيلتون رمسيس عشان تاخذ جائزتك

    قلت لهم اوكي

    قالوا ادفع 50 جنيه حق المسابقة !!!

    اول ماقالوا خمسين جنيه عرفت انهم نصابين

    قلت لهم ماراح ادفع وكنت خارج من المجمع

    حقد علي المصري وقالي بكل وقاحه : ( اذا مش عايز تدفع ليش اشتركت بالمسابقة !!!)

    يخرب بيتك بهذلتني بهذله عشان اجي الين عندكم وبالاخير تقول هالكلام

    المهم هالنصابين اسلوبهم معروف

    تلقاه بعد العرض والفيلم الهندي يقولك هات فلوس ويصر على هالنقطه

    والله يعوضكم خير اخواني

    وربي يكفينا شر هالنصابين

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    يا جماعة الخير انا ادري انه كثير صارت لهم مثل هذا الموقف
    لكن انا ما طلبت ذكر المواقف انا ذكرت هل احد يعرف اشخاص وقعوا
    في هذا الفخ ابيهم يراسلوني علشان احنا بصدد نشوف الجهات المختصة
    في السعودية والبحرين ما نبي نسكت ؟؟!!
    حظ اللي فلت منهم ليه كل واحد يدخل يذكر صار له الموقف او يحط اللوم علينا
    اجل لو اللي يموت في حادث او يطيح من الدرج شنو بتسووووا فيه ؟؟
    يا جماعة الخير سؤالي واضح ؟؟ انا طرحت القصة لاهدفين
    الاول : من باب التحذير
    والثاني : من باب اذا في احد اشخاص يعرف احد من اللي وقعوا في هذا الفخ ؟؟
    فقط ليس الا ....

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    الاخ الفاضل هؤلاء النصابين يتبعون لما يسمى مجموعة time share وقبل شهر اصدر وزير الداخلية السعودي بيانا بملاحقة هذه المجموعات لان بعضها ليس له ترخيص بمزاولة العمل ولا تتعب نفسك الله يعوضك والجايات احسن

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    السلام عليكم انا زوجي سافر لدبي ونشبو في حلقة لين اشترك وللان ما استخدمناها يعني ملعوب عليه والا كيف الحكاية ردو علي ...

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    ههههههههه حتى انه بغيت انصاااد !! بس رحتي كانت لشرم الشيخ !!! هههههه بس الله ستر ماسمعت كلامهم ورحت برج المؤيد..

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    صباح الخير

    كيفكم


    صار لنا الموقف بمجمع البحرين كنت انا واخوي سألنا سؤال

    وجاوبناه وقال لنا فزتوا ودلنا على مكان الجائزه ورحنا وبعد كذا

    سوا لنا حفله او شي كذا المهم انهم حاولوا يقنعونبكل الطرق نشترك وحنا قلنا لهم

    ما نقدر كذبنا عليهم قلنا لهم ما معانا فلوس حنا جايين ليوم واحد بس وما معنا مبالغ كبيره

    ومن هاالكلام لين لاخير قدرنا نفر منهم

    ههههههههههههههههههه

    بجد مهايبل بس الحمد لله اهم شي ما تعاملنا معاهم وطنشناهم بالاساس اليوم ضاع علينا وحنا معهم نبي نطلع

    ومو قادرين يلفون ويدورون علينا يبون يقنعون باي طريقه ومره وحده بالعمر ومن ها الكلام

    الله يكون بعونكم اخواني وان شاء الله ينرد حقكم باسرع وقت ان شاء الله

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    احلى شيء في مثل هذه المواقف .. إذا جاك واحد منهم ( طقها ) في وجهه وقل له إنت نصااااااب ..

    والله يعينك إذا اعطيتهم وجه ..

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    أعانك الله يا عزيزي ,,


    هذه " الشاكله " موجوده في كل مكان ..

    وهم محترفين في عملية جذب العميل ..

    من جهتي ..


    لا أرد السلام عليهم ..

    حتى لا يضيع وقتي ولا وقته ..


    وللأسف أستغرب تواجدهم في بعض المولات المشهورة !!

    وكيف تغاضت إدارة المول عنهم !!

    الله المستعان ،،

    أبو مشاري

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    والله مع احترامي الشديد لك كيف تثق في ناس ما تعرفهم وتعطيهم فلوسك
    انا حصلتلي في دبي وعرفت كيف العب عليهم تقهويت عندهم وشربت ماي وانبسطت واخرتها قلت باي

    (((تم تعديل المشاركة من قبل الإدارة)))

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    السلام عليكم ورحمة الله وبركاتة
    ياجماعة الخير الكل كتب انهم نصابين ومافي واحد كتب ليه هم نصابين يعني مالتزموا بالوعود اللي قالوها والا خدماتهم في السفر مو مثل ماقالوا والا من اصلوا مافيه منتجعات لهم الله يرضى عليكم وضحوالي السالفة لاني قد اشتركت معاهم وباقي الاقساط ومادري اكملها لهم والا لا ردوا علي بسرعة الله يفرج همي وهمكم امين يارب العالمين

    فنادق عطلات


  54. #54
    عضو مسجل
    تاريخ التسجيل
    Dec 2014
    المشاركات
    1,962,485

    رد: الاجازات العالمية بالبحرين تحتال على السعوديين

    المشاركة الأصلية كتبت بواسطة حضن القمر
    http://www.arabtravelersforum.com/tr...79/#post985901

    مرحبا بالجميع

    اخواني الذين تعرضوا الى الاحتيال من قبل الاجازات العالمية في البحرين
    انا طبعا صارت لي القصة نفسها
    لكن ما راح احكي التفاصيل لان اللي صار لي صار لغيري نفس التفاصيل
    بس الاقتراح اللي ودي اقوله لكل من تعرض لهذا النصب والاحتيال
    لو نتفق ونصير يد وحده ونقدم شكوى لحكومة البحرين .. أيش رايكم
    لاني لو تقدمت لحالي ما راح استفيد شي وممكن ما حد يصدقني
    لكن لما تصير هناك مجموعة بعدد كبير اكيد راح يصدقونا وراح يكشوفوا
    ملابسات الموضوع
    ايش راي الجميع ؟؟؟؟؟؟؟؟؟




    شكرا لك على طرح هذا الموضوع. أنا ضحية لهذه الشركة النصابة. انا اشتركت عندهم ولكن مادفعت الا 1000 ريال فقط واتفقنا نكمل بقية الدفعة الأولى على فترة مفتوحة. لكن بعد ما قرأت هذا الموضوع تأكدت من أن الشركة نصب واحتيال.


    سؤالي للجميع : ماذا يحصل لو لم أكمل بقية الأقساط ؟ وهل أستطيع إلغاء الإشتراك؟ مع العلم أنا سعودي هل يستطيعوا ملاحقتي وهم في البحرين؟؟؟

    الرجاء التكرم بمساعدتي .... أفيدونا يا أهل الخبرة !!!!

    فنادق عطلات


  55. #55
    عضو مسجل
    تاريخ التسجيل
    Dec 2016
    المشاركات
    1

    رد: الاجازات العالمية بالبحرين تحتال على السعوديين

    السلام عليكم
    "
    لكن ما راح احكي التفاصيل لان اللي صار لي صار لغيري نفس التفاصيل
    بس الاقتراح اللي ودي اقوله لكل من تعرض لهذا النصب والاحتيال
    لو نتفق ونصير يد وحده ونقدم شكوى لحكومة البحرين .. أيش رايكم
    "
    انا معك. وان اردت التواصل معي ارسل لي رقم جوالك على الخاص.

    "لاني لو تقدمت لحالي ما راح استفيد شي وممكن ما حد يصدقني"

    هل تقدمت برفع شكوى ولم تؤخذ على محمل الجد؟

    شكرا على مشاركتك وعلى اقتراحك

    والله المستعان

    فنادق عطلات


  56. #56
    عضو مسجل
    تاريخ التسجيل
    Jan 2017
    المشاركات
    3

    رد: الاجازات العالمية بالبحرين تحتال على السعوديين

    السلام عليكم انا تعرضت لهذا الموقف واتمنى من صاحب الموضوع التواصل معي

    فنادق عطلات


  57. #57
    ادارة الموقع والدعم الفني الصورة الرمزية khaledalhrbi
    تاريخ التسجيل
    Dec 2014
    الدولة
    Saudi Arabia
    المشاركات
    272

    رد: الاجازات العالمية بالبحرين تحتال على السعوديين

    افضل حل للتعامل مع هالشركات النصابه
    هو التقدم بشكوى رسميه
    يمكنكم من هنا
    http://www.moic.gov.bh/Ar/Contactus/...s/default.aspx

    فنادق عطلات


  58. #58
    عضو مسجل
    تاريخ التسجيل
    Sep 2017
    المشاركات
    1

    رد: الاجازات العالمية بالبحرين تحتال على السعوديين

    ياليت احد يفيدنا او يساعدنا بعد صار معنا نفس السالفة وتحولت السالفة للمحامي الشركة يطلبون دفع بقية الاقساط ؟ هل دخول البحرين يسبب مشكلة ممكن يوقفونا بسبب انا مادفعنا بقية الاقساط ؟

    فنادق عطلات


+ الرد على الموضوع

المواضيع المتشابهه

  1. رحت البحرين واستقبلوني الاجازات العالمية حياكم معنا
    بواسطة Robot في المنتدى البوابة السياحية
    مشاركات: 22
    آخر مشاركة: 11-25-2015, 02:32 AM
  2. رحلة خاصة بجبال حائل شمال المملكه العربيه السعوديه ان شاء الله تحوز على رضاكم
    بواسطة Robot في المنتدى بوابة الرحلات البريه و البحرية مكشات
    مشاركات: 33
    آخر مشاركة: 02-05-2015, 12:30 AM
  3. الاجازات في الصين لعام
    بواسطة Robot في المنتدى الصين هونج كونج المسافرون العرب دليلك السياحه و التجاره
    مشاركات: 3
    آخر مشاركة: 01-22-2015, 05:57 PM
  4. المنشد الاسلامي غسان ابوخضرة بجبال الشريعة الجزائرية
    بواسطة Robot في المنتدى بوابة السفر إلى الدول العربية و الاسلامية الأخرى
    مشاركات: 2
    آخر مشاركة: 01-15-2015, 04:01 PM
  5. بتكلفة مليون ريالمكي يفتتح منتجع الحواس الست بدباء
    بواسطة Robot في المنتدى بوابة السفر الى سلطنة عمان Oman
    مشاركات: 1
    آخر مشاركة: 01-15-2015, 05:03 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X