+ الرد على الموضوع
النتائج 1 إلى 19 من 19

الموضوع: بروح الكويت وابي مسااااعدتكم تكفوون ؟؟؟

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    بروح الكويت وابي مسااااعدتكم تكفوون ؟؟؟


    السلام عليكم ورحمه الله وبركاته

    مراحب على اقرب البوابات لقلبي :24:


    من زمااان وانا ودي ازور الكويت وما حصلت لي فرصه


    والحمدلله الحين الفرصه جت وبقدر اروح :109:

    وعاد لي يومين اقرأ بتقارير الاعضاء واحاول اجمع اكبر قدر من المعلومات واركز


    اول شي السكن احترت صراحه وخربطت ولا قدر اركز

    فودي بمسااعدتكم وارائكم ب :



    1: ريتز السالميه
    2: الكورنيش
    3: سارا بلازا
    4: هوليدي ان السالميه
    5: سفير انترناشينونال
    6: بلازا اثيني
    7 : فور بوينتس


    وش افضلها من حيث القرب من اغلب الاماكن السياحيه والاسواق
    ومن حيث جمال اطلاله المكان صراحه ودي بشي يفتح النفس
    وودي بسعر لحد 40 او بالكثير 45 دينار





    بعدها نجي لافضل القهاوي ومحلات الافطار

    وياليت لو احد يساعدني :110: ويعمل لي برنامج كامل

    يعني اقوم الصبح اروح افطر بمكان معين وبعدها اتسوق وبعدها ارجع اتغدى والمغرب اروح سوق ثاني

    وياليت لو فيه يختات تطلع بعشاء تعلمووني


    وودي اعرف بعد عن محلات تسوي مساج للرجال والنساء :115:


    وودي اعرف اهم الاسواق الي فيها محلات مو موجوده عندها

    وطبعا من اهم الاماكن الي بزورها ابراج الكويت 00





    وانتم كريمين وانا استاااااهل

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    يا هلا ويا مرحبا فيج بالكويت

    بالنسبة للفنادق ما عندي خبرة اترك الاجابة للاخوان.......


    الاماكن الي تقدرين تتريقين فيها وايد:

    على شارع الخليج العربي في مطعم سلطان الريوق فية رائع جدا جدا... والبحر جدامج....
    شارع سالم المبارك في مطعم دجاج تكا (طبعا الاسم لا يوحي ان مكان للريوق ) لكن عندهم ريوق الصبح... عموما اهوا ارخص من سلطان...بس تشكيلة سلطان بالريوق وايد احلى و متنوعة....
    عندج الريوق بالفنادق.... فندق مارينا... او الشيراتون......
    الريوق بالمطاعم الموجودة بالمجمعات مثل مطعم ليلى لبنان بالافينوز....
    تقدرين تتريقين بالابراج بعد.....


    وللغدا والعشا المطاعم ترس الديرة

    طبعا مطاعم الوجبات السريعة (كنتاكي هارديز برجر كنج و ماكدونالدز و غيرة متوافرين بمعظم المجمعات.... وتلقين بعضهم عالبحر بشارع الخليج......)

    مطاعم الستايل الامريكي ( جوني كارينوز - فرايديز - تشليز- روبي تيوزدي- ابل بييز- فدركرز....) هذيل كلهم عالخليج تلقينهم ولهم افرع بمجمعات ثانية....مثلا تشيليز وفرايديز موجودين بالافنيوز بعد..... وفرايديز موجود بالمارينا كرسنت بعد..

    مطاعم البيتزا موجودة بكل مكان...( بيتزا اكسبرس -بيتزا هت -دومينوز بيتزا- بابا جونز وغيرهم.....)....

    مطعم فريج صويلح للاكل الكويتي....وفريج عقاب بعد....

    المطاعم الهندية : احلى مطعم وارشحه بقوة مطعم اشاز بالمارينا لا يطوفج... ومطعم مغل محل بعد له فروع وايد بشرق والسالمية اللي يحضروني الحين....

    مطاعم ايطالية: سبارو بالسالمية.... ترشيحي له عادي... واذا كنتوا من محبي الاكل الايطالي على اصولة لا يطوفكم مطعم Al Forno بالافنيوز... لذيذ لذيذ لذيذ..... وارشحة بقوة....

    مطاعم لبنانية: ميس الغانم.....و فيلا فيروز احلى مطعمين بنظري.... وليلى لبنان بالافنيوز بعد حلو..... زيت و زعتر بعد...

    طبعا باغلب المجمعات راح تلقين وايد مطاعم يعني لا تحاتين.....


    اممممم شنو بعد؟ في تشكيلة مطاعم عالبدع راقية وبنفس الوقت غالية شوي...

    اذا تحبون الاكل البحري مطعم توتالي فيش حلو....


    الكافيهات وغيرة....كل شي موجود....ستاربكس بكل مكان...كوستا....تشوكليت بار بالمارينا والافنيوز موجودين للكاو والفوندو وغيرة....

    شكثر كافيهات موجودة بالافنيوز....بكل مكان..مثل كولومبوس وغيرة....

    اذا تحبون البرد (الايس كريم) الايطالي الجيلاتو في محل متخصص بالجيلاتو فقط... رائع رائع رائع..... اسمة Gelato Italiano
    وهذا ارشحة بقوة بعد لانة لذيذ جدا جدا.... موجود بمنطقة شرق , شارع احمد الجابر , برج الجاز , بفتح يوميا من 8 الصبح الى 1 بالليل...كل يوم مطيح عنده عنده تشكيلات حلوة احلى شي ذوقو البسكوتي و المارسي (انواع نكهات)....

    سوري عالاطالة هذا الرد كله مطاعم

    اخوج

    il bambino

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    الاسواق

    شارع سالم المبارك بالسالمية كله مجمعات واسواق.... اسواق عادية مثل سوق السالمية ... والمجمعات وايد....

    مجمع تالا....مجمع ليلى جاليري....مجمع الفنار....مجمع المارينا....مركز سلطان (سوبر ماركت)..... سنتر بوينت....مجمع زهرة...الوطنية.......


    حولي عندج مجمع المهلب..... سوق شرق عالبحر......

    الافنيوز طبعا.....بالري..الدائري الخامس......

    سوق المباركية......

    الفحيحيل فيها مجمع المنشر....اجيال.....الكوت.......


    شرق... مجمع الراية....

    سوق المباركية بالديرة....


    مجمع النقرة الشمالي ومجمع النقرة الجنوبي بحولي....

    العربيد بالفروانية.......

    في مجمعات صغيرة بحولي البحر سنتر.....مجمع بيروت.....


    طبعا انا موعارف المحلات اللي مو موجوده عندكم عشان اقولج شالفرق بين الاسواق هني وهناك... لكن راح اذكر المحلات اللي تحضرني الحين...


    Gucci مجمع الفنار

    Zara الفنار وشرق يمكن مارينا مو متأكد...

    Giorgio Armani موجود بمجمع بلازا بالسالمية....

    Mango سوق شرق

    H&m مجمع المارينا و الافنيوز...

    Gap الافنيوز...

    massimo dutti المارينا والافنيوز...

    Burberry's مجمع الراية


    مجمع الصالحية طبعا هالمجمع كلة ماركات...Versace Louis Vuitton Fendi Dior و غيرهم....



    يمكن غالبية المحلات الموجودة بالكويت والسعودية وحدة....لكن في اختلاف بالتشكيلات....ونوعية البضاعة.....

    هذا اللي عندي بالنسبة للاسواق وان شاء الله الاخوان ماراح يقصرون معاج.....

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    بالنسبة لمحلات المساج...للرجال طبعا النساء والله ما ادري... بشارع البلاجات بالسالمية في جم محل مساج...صيني وتايلندي.... وبمنطقة الجابرية في بعد..... وبحولي....

    وسامحيني عالقصور...

    مع التحية

    اخوج
    il bambino

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    للمساج افضل شيى spa time للمساج تجدينة بمجمع المهلب اخر دور الذي فية خدمات و عيادات و هو يعمل مساج للرجال و النساء.
    هذي ارقامهم و اوقات الدوام:
    Tel : 22629010 / 22662090 / 22628010

    Fax : 22406969

    Opening Hours From 10:00 AM to 10:00 PM , 7 Days a week

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    شكرا للجميع

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    اتنمى لج طيب الاقامه لاتطوفج سوق المباركيه فيه اشياء مو موجوده الا فيه
    سرداب الشايع ( يحتوي على اكثر من 90 محل ) فيه محلات مكياج رخيصه حيل ومحلات اكسسوارات عجيبه
    بعدين اكلوا في مطاعم المباركيه قعدات مثل الحسين اللي بمصر

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    ما قصروا اخواني
    و اي استفسار احنا تحت امرج

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    اشكركم من كل قلبي

    والله فرحت يوم دخلت ولقيت كل ذا الردود الله يسعدكم ياااارب واحد واحد

    وما قصرتوا



    طيب عندي سؤال

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    انا وايد احب الافطار في مطعم اسمه زيت و زعتر موجود في مجمع الافنيوز ومارينا كرسنت ومطعم لونوتر على البحر المطعم وله فرع في الافنيوز بس هذوله طلب اذا تبين بوفيه احسن شي مركز سلطان موجود على البحر او في سوق شرق بس الاكبر والاحلى اللي على البحر وعلى فكرة الكافيهات كلها تقدرين تفطرين فيها وحتى المطاعم اللبنانية :24:

    بالنسبة حق الاسواق :

    1_ اكبر مول هو الافنيوز
    2_ مارينا مول ومرتبط فيه جسر راح يوديج حق المطاعم والكافيهات اسمه مارينا كرسنت القعدة هناك وايد حلوة خصوصا اذا الجو حلو مثل هالايام
    3_ سوق شرق
    4_ شارع سالم المبارك فيه مجمع الفنار والبستان وليلى جاليري وزهرة اخر اثنين اكثر شي فيهم محلات سهرة
    وفي مجمع منيرة هذا في اشياء رخيصة وراح تلاقين جنبه مثل محلات كلها احذية
    5_ في سوق السالمية هم هذا في اشياء رخيصة لانه في سوق المعلم وسوالف بو 100 فلس
    6_ مجمعات راقيه كلها ماركات في الصالحية والراية
    7_ في الفحيحيل مجمع الكوت والمنشر وكويت ماجيك
    8_ سوق شعبي حلو لازم تمرين عليه اهو سوق المباركية
    9_ في حولي مجمع المهلب والنقرة والعثمان
    10_ سنتر بوينت هذا في كل شي واسعاره معقولة في له افرع وايد في بالسالمية وحولي والفحيحيل والاوقاف والري


    انشالله تستفيدين من هالمعلومات :101::101:
    وتستاهلين

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    منتجع الهلتون في منطقة المنقف بالقرب من منطقة الفحيحيل, يبعد 30 دقيقة عن مدينة الكويت و بالقرب من مجمع الكوت و المنشر.

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    بالنسبه للفنادق : هوليدي ان السالميه
    جميل حدا والعلى البحر

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    لونوتر على البحر بشارع الخليج اعتقد
    عاد تدرين ودي من زمان اروح له ... بس سمعت انه اللي يدخل المطعم لازم يكون لابس بدله رسميه ههههههههههه مو لايق على زوجي
    بأتأكد و اروح امرهم على يوم
    اما المنتجع ... الهيلتون

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    مشكوره مرام

    بس اذا تقدرين اختي تعطيني الرابط اللي انا شفته وضيعته لو تعرفينه

    شفته هنا بالمنتدى وفيه صور

    ولي يومين احوس ادور عليه ما لقيته


    وموقعهم ما لقيت فيه شي

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    حياج الله أختي بديرتج الثانيه الكويت وأنا أقترح عليج فندق المرينا وهذا لأني فهمت من كلامج انج تبين فندق يجمع بين المموقع الممتاز والإطلاله الحلوه وفندق المرينا هو ملاصق لمجمع الممرينا مول ويقع على البحر. والريوق الصبح رووعه بالمطاعم المقابله للمرينا مول التي تقع عالبحر والمطاعم اهناك وايد حلوه ومن أفضل المطاعم بالكويت والي انصح فيها:

    1.مطعم أيامي (مطعم يجمع بين الأكلات اللبنانيه والفلسطينيه والكويتيه القديمه)ويقع في المرينا مول على البحر.
    2.مطعم كاسبر (أمريكي) وفيه أكلات ايطاليه رائعه وساندويشات ممتازه يقع بالمرينا مول عالبحر.
    3.شوكليت بار(فيه ريوق حلو ومميز)يقع بالمرينا مول عالبحر.
    4.مطعم لونوتر عنده ريوق بوفيه رائع وسعره ممتاز و يعد من المطاعم الفخمه ويقع على شارع الخليج العربي عالبحر.
    5.مطعم ميس الغانم وهو مطعم لبناني ممتاز.
    6.مطعم فريج صويلح هو مطعم متخصص بالأكلات الكويتيه رائع جدا.
    7.مطعم هندي ممتاز ويعد من أفضل المطاعم الهنديه وأفخمها بالكويت موجود بفندق راديسون ساس بس مايفتح الا للعشا. وأنصح فيه بشده.
    8.جميع مطاعم الشيراتون ممتازه ومنها (مطعم الطربوش لبناني,مطعم شهريار إيراني,مطعم الحمرا للبوفيه)
    9.مطعم جوني روكتس وهو مطعم متخصص بالهمبورجر ممتاز وعنده أفضل الهمبورجر على الإطلاق وموجود بالمرينا عالبحر.


    وبالنسبه للمجمعات:

    1.مجمع الأفنيوز وممكن تقضين فيه يوم كامل إبتداءا من الإفطار الى العشاء لأن المجمع كبير ومتنزع وفيه مطاعم كثيره جدا.وأغلب المطاعم اللي ذكرتها فوق موجوده فيه.

    2.المرينا مول.

    3.واذا كنتي تدورين على الشغلات الغريبه والمميزه للمصممات الكويتيات فتلقينها في بيت ديفا ويقع على شارع الخليج مقابل مستشفى الأميري. فهو متخصص بالمعارض اللتي تضم المصممات الكويتيات واللبنانيات وفيه شغلات جدا غريبه.

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    المشاركة الأصلية كتبت بواسطة لمسة ذوق
    http://www.arabtravelersforum.com/tr...1/#post2493421

    مشكوره مرام

    بس اذا تقدرين اختي تعطيني الرابط اللي انا شفته وضيعته لو تعرفينه

    شفته هنا بالمنتدى وفيه صور

    ولي يومين احوس ادور عليه ما لقيته


    وموقعهم ما لقيت فيه شي



    اي رابط قصدج :114:
    اذا تبين تشوفين صوره ل لورنتو تلقين صورته في موضوعي مثبت للتقارير المصوره في البوابه ...

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    لقيت الرابط بموضوع للأخ ضاري

    وطلع الفندق بلازا اثيني



    مشكوره اختي مراام وما قصرتي ازعجتك

    ولكن اخر سؤال

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    أهلا عزيزي...
    والله حسب زياراتي الأخير هذا الأسبوع للمجمعات التجارية...

    إلى الآن البضائع تقريباً منصفة بين الشتوي و الصيفي

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: بروح الكويت وابي مسااااعدتكم تكفوون ؟؟؟

    رحلة موفقه ان شاء الله

    فنادق عطلات


+ الرد على الموضوع

المواضيع المتشابهه

  1. ضروري اللحين انا بدبي وابي خدمتكم تكفوون قبل مايجي يوم الخميس
    بواسطة Robot في المنتدى بوابة السفر إلى الإمارات U.A.E
    مشاركات: 2
    آخر مشاركة: 02-03-2015, 11:33 AM
  2. بروح دبي وابي مساعده بليز
    بواسطة Robot في المنتدى بوابة السفر إلى الإمارات U.A.E
    مشاركات: 5
    آخر مشاركة: 02-03-2015, 06:43 AM
  3. خيروووووني وابي ارد عليهم بسرعه تكفوون شورو علي
    بواسطة Robot في المنتدى بوابة السفر الى امريكا الولايات المتحدة
    مشاركات: 7
    آخر مشاركة: 02-02-2015, 11:48 PM
  4. بروح المغرب وابي مساعدة
    بواسطة Robot في المنتدى بوابة السفر إلى المغرب Morocco
    مشاركات: 16
    آخر مشاركة: 01-31-2015, 03:28 PM
  5. بروح دبي وابي اسأل ؟؟
    بواسطة Robot في المنتدى بوابة السفر إلى الإمارات U.A.E
    مشاركات: 16
    آخر مشاركة: 01-30-2015, 10:01 PM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X