الموضوع: رحلتي تورنتونياقرالوس انجلوسهيرشيشهر

السلام عليكم و رحمة الله و بركاته

تقريبا قبل سفرتي اب 8 اشهر جابلت الانترنت و خططت حق سفرتي هذي و حجزت تذاكر الطيران, فنادق,تنقلات...

الحمدلله الفنادق كانت وايد حلوة و اب اقل الاسعار حجزناها


اول شي اخترنا انسافر بعد عيد الفطر على طول عشان انحس ان صج امسافرين و ما انشوف عرب اب سفرتنا و الحمدلله تحقق هالشي بس اب زود يعني عادي ادش مجمع اب امريكا اكون الوحيدة العربية و المتحجبة... اذا اب تسالون هل كانوا يخزون و لا محترميني؟؟ كانوا يخزون على الخفيف و اذا شفتهم يبتسمون او يدورون ويهم يعني محترمين بعكس الاوروبيين اللي كل العرب عندهم و يخزون اب نظرة سيئة و حتى لو اطالعهم ما يوخرون ولا يبتسمون!! بلعكس بامريكا تقريبا اب كل طلعة امريكية تقولي احجابج وايد حلو (كنت البس لفة بيج او ابيض سادة) و مرة هندية اب كندا امسكتني و تقولي انتي من وين واااااايد حلو وكل وحدة اقولها انا مسلمة و هذا احجابنا :24:....

حجز الطيران من موقع البرتش و الفنادق من priceline and expedia
و طلبنا اكل حلال


اول شي رحنا تورنتو و كان برررررررررررررد مووووووووت و سكنا في الشيرتون
و الفندق كان وايد زين كموقع و كل شي مع الاسف ما لقيت صوره له :105:

و هذي صورة اطول برج بالعالم بس طبعا برج دبي بيصك عليه :24:



تورنتو ما فيها وايد اماكن سياحية و ما تسوى الروحة براي زوجي بس انا اعجبتني لان فيها مباني عالية مثل نيو يورك



و طبعا احلى قهوة من



و اكمل لكم لاحقا اذا شفت تشجيعكم :115:

مواضيع عشوائيه ممكن تكون تعجبك اخترناها لك:

• يوم ولم تصدر التاشيرة
• استفسارات بخصوص لاس فيغاس
• مساعده ياشباب
• مواعيد السفارة
• لكل من عاش بامريكا ولمن لديه معرفه فيها
• تجديد الفيزة أرجوو الافادة
• ممكن مساعدة
• ومغامراتها الامريكـــ في خمس ولايات ــية
• والله ازعجتكم بس عاد ضروري ؟؟
• رأيت الموت بأم عيني صاعقة ضربت جناح طائرة
• استفسار عن المقابلة لاستخراج الفيزا
• سؤال بخصوص الفيزا قطر
• استفسار عن لوس أنجلوس وسان دييغو
• ياشباب الرياض محتاج مساعدة منكم
• اريد معلومات عن ولايه اوريغن ارجو الأفادده
• واشنطن صور
• دبي الامارات العربي المتحدة
• فنادق هيوستن
• جدول شهر العسل امريكا هل من مساعد ؟
• هل بركان ايسلندا بيكنسل الرحله

اختي الغالية honeyMooner

الحمد لله على السلامة .... واخيراً موضوعك نزل :24:

بداية جميلة ورائعة ...:113:

لكن ارجوكي لا تستعجلين !! :108:

ودنا تعطينا تفاصيل كل شي !! ودنا نعيش معاكي التجربة !!

من وصولك للمطار وش كان انطباعك ... في كل الامور الاخرى وكل الاماكن الي زرتيها ...

وبالنسبة للصور الي ما صورتيها ممكن تدوؤي عليها في النت مثل الفنادق :24:

واذا محتاجة اي مساعدة انا حاضر :101:



اتمنى لك التوفيق .... ومتابع معك الى اخر حرف :24:

الاخت الغالية ننتظر تقريرك بفارغ الصبر لا تطولي علينا

بالإنتظــار ............ باقي التقرير يعطيج ألف ألف عافية على المقدمة اللطيفة

شكرا لك الاخ impact الصراحة لضيق وقتي ما اقدر احط وايد تفاصيل بس راح اجيب على كل اسئلتكم
صورة للفندق


و دخلتنا حق كندا كانت وايد سهلة يعني كان حالنا حال كل الناس اول ما طلعنا من الطيارة كانوا واقفين محققين حق كل الناس يسئلونهم اسئله دقيقة و يمشون فاسالونا وين رايحين ليش يايين؟ اتعرفون احد اب كندا و بس مشينا على طول

اب تورنتو ماكو وايد اماكن ... رحنا مجمع نسيت اسمه و شرينا بوب كورن على كاراميل



و تريقنا اب مطعم عجيب اسمه rich tree ممنوع التصوير فيه


هذا بالفندق شلال صغير حولينا جام و كراسي



و هذي وردة شفتها بالشارع



و من حظنا كان وقت ان الشجر املون الوان عجيبة سبحان الله اب تييكم من خلال التقرير و هذي وحده

شكرا لكم mera,luxury traveller,dove la more و الاخت ام فارس نورتوا تقريري و الله يسلمكم ان شاءالله

موضوع جميييل ..وبالتوفيق :24:

شكرا الاخ الساهر على التشجيع و حياك الله

ماشالله تقرير حلو واايد وننتظر لوس انجليس

الاخت العزيزة ام فارس نياقرا وايد استانست فيها اهي المكان الوحيد من بين (تورنتو و امريكا كلها) اللي ودي ارد لها يوم من الايام و كنا في الجانب الكندي, السيارة اجرناها من تورنتو مع نافقيتر اللي يمكن يتسمه تمتوم مادري تمتام و رحنا لي نياقرا
شكرا mtc على التشجيع ....


يا اعضاء منتدى المسافرون شاركوا معاي عشان اكمل :113:...... ممنوع:108: تقرون و تطلعون من غير تعليق او سؤال:114::24:

موضوووووووووع يستاهل الوااااحد يقرأة
مع هذي الصور الله يوفقك في تقريرك

[size="5"][center]تقرير جميل مشالله :101:

الاخ s3ud و abdukelah888
شكرا على التعليق و التشجيع اللي يدفعني لمواصلة تنزيل الصور عشان اكمل التقرير

ياللــــــــــــــــــــــــــــــــــــه احنا متابعين ومنتظرين صورك الجميلة عزيزتي..

بس لاتثقلين علينا.. ههههههههههه

تكملة يونيفرسال









في جزء من يونيفرسال كان مصكوك لان يتم التصوير فيه لفيلم اسمه scrubs و هذا احد الابطال صورته و هو طالع




اثار الحرائق من يونفرسال




الجبل اللي على اليمين محترق




رحلة هوليوود


و جولة بين منازل المشاهير



الصراحة مرينا على وااااايد بيوت و امصورة اغلبهم بس الان وانا اشوف الصور ما ركز اب بالي من شفت البيوت غير بيت واحد:101:




اتوقعوووون هذا من بيته؟؟ :114::114:

عشان اقرب لكم اهو بيت واحد مو وحدة

تقرير اعجبني ،،


ماشاء الله تبارك الرحمن ،،


بس اتوقع ان وقتكم كان بارد تقريبا ،، صح ؟؟

هذي مشكلتها يا باردة ،،، او رطوبة ،، ياريت لو احد يوضح لي وقت يكون فيه الجو حلو مو بارد ولا حار ،، تماااام

وبإنتظار صاحب البيت (( مع اني ما راح اعرفه لأني ما احفظ اسماء ولا اتابع mbc4 ((


لا تتوقفي اختي ،، بإنتظار بقية التقرير

هل هو بيت الدكتور فيل؟وشكرا لك يا أخت هني موون العزيزة على تقريرك الرائع بس عاد لا تطولين علينا بالبقية

ما شاء الله، تبارك الرحمن،

ذكرتيني أختي بالأيام الحلوة اللي مضت من أشهر بسيطة:106:

شكلكم سكنتوا في Clifton Hill وهي منطقة حلوة وقريبة من الشلالات،

مطعم فرايديز اللي صورتيه رحنا له وتعشينا فيه.

معاج حق لبس الموظفات هناك أستر من اللي عندنا لكن بصراحة الأكل عندنا أحلى،

ما دري هذا اللي حسيته!


واصلي أختي . موضوعج حلو وناطرين نشوف هيرشي.

أختج أم يوسف:106:

loyal heart وقتنا اعتقد احسن وقت, ما كان يصير برد الا اذا صار غيم و يعني يبيله جاكيت خفيف, و اذا شمس ما يصير حر, الجو حلو , بس الشمس اشوي قوية يبيله سن بلوك و افضل كبوس !
شكرا على المشاركة الحلوة:101:


mera 30 ماشاءالله عليج صح بيت الدكتور فيل:x1::113::24: بيته كبير و حلو اللي تسوق فينا تقول ان اذا مرينا و صادف طلعة د.فيل لازم يلوح (بااي)

الاخت العزيزة ام يوسف توني استوعب ان هذي انتي الصراحة نورتي موضوعي و كنت ناطرة ردج و تعليقاتج اللي محد يستغنى عنها:113:
سكنا اب انهايم بس لو ارد هناك مرة ثانية راح اسكن اب ارفااين واااايد احلى و ارقى الصراحة تشرح القلب مو نفس انهايم
والله فرايديزنا ما فيه شي من ناحية الطعم, بس هذاك عجبنا اكثر :24: يمكن من كثر ما كنا يواعة فصار الذ و بعد الهدوء عندي شي مهم يعني اذا كان ازعاج ما اتهنى بالاكل.... بالعافية

ان شاءالله يايتج هيرشي:11ight:

تسلمي عزيزتي على الصور الجميلة والتقرير الخفيف .. ومنتظرين الاكثر دوما..

وبالنسبة للبيت يمكن بيت د. فيل مادام قلتي انه يوميا على mbc4 ..

متابع معك اختي الغالية

تفاصيل جميلة ورائعة ..

معاكي على طول الخط للنهاية ان شاء الله !!


بالتوفيق

عدل:24: بيت د.فيل يا اختي العزيزة ام فارس:x1: بس اسبقتج mera30 حياج الله نورتي

شكرا impact و حياك الله دوما

اختي الكريمة ابداع في ابداع ...

هذا الجزء اعجبني جداً ..

اتمنى لكي التوفيق ...

ومنتظرين هيرشيز ... بعدستك واسلوبك ....

أختي هوني مونر يعطيج ألف عافية على الصور اللي راح تسويلنا إغراءات وفتح شهية

للأكل :36_1_51: ومن ثم، النتيجة راح تكون :282: نطي نطة يا دبدوبة!!! 1،2،3 هوبااا!!

:36_1_38:، خفي علينا شوي!! لالا أمزح معاج:109:

واصلي أخية فنحن من المتابعين بشغف:36_3_15:.

ماشاءالله Honymooner صـور حلوة و وصف أحلى و الأحلى البساطة في تقريرج ......... الله يعطيج ألف ألف عافيـة و زدتيني شـوق للسفر لأمريكـا مرة ثانيـة


أم يـــــوسف شخبـــــــــــــــــاري نطي نطة يا دبدوبـــة ؟؟؟! lol و على طاري أهل قطر ... أمس زايرنيني نـاس من قطـر .... و شارين مني بدلات حج عرس عندهم هنـاك

شكرا اخي impact المنتدى يستاهل اكثر











المشاركة الأصلية كتبت بواسطة Dove La More
http://www.arabtravelersforum.com/tr...3/#post1777163

:36_1_51: ومن ثم، النتيجة راح تكون :282: نطي نطة يا دبدوبة!!! 1،2،3 هوبااا!!

:36_3_15:.

:109::109: يحليلج يا ام يوسف, وايد احب اصور الاكل , هواية من هواياتي :109:


luxury traveller مشكوورة على التشجيع و الاطراء على التقرير, سوال ماله شغل بالموضوع , من وين اتييبين البدلات؟ من بره ولا تخيطوون اب مشغل؟

هـلا hony أيبيهم من أسبانيا و أمريكـا اللله يسلمج

المشاركة الأصلية كتبت بواسطة Luxury_Traveller
http://www.arabtravelersforum.com/tr...5/#post1778515

هـلا hony أيبيهم من أسبانيا و أمريكـا اللله يسلمج



مشكلة الرسائل الخاصة مغلقة، ودي آخذ عنوانج لأني راح أزور الكويت بعطلة الربيع وودي ألتقي فيج

أختي أم أحمد وأشوف المحل:106:.

همممممم .... أوكي أنا طبعا ما أقدر أحط بريدي الإلكتروني جدام كل النـاس ... راح أطرشلج رسالة على بريدج في البيت الثاني ... أوكي ؟ البيت الثاني

أختي ألف حمد لله على سلامتكم



بصراحة أهني الإبداع فيج لأنك بحق مبدعة في تقريرك المصور




أنا عندي سؤال ، وتهنئة ..








أما ... السؤال :




بالنسبة لمطارات كندا الجوازات فيها تغني عن عن الجوزات الأمريكة لما يكون السفر من كندا لأمريكا




أتمنى التفصيل الممل في ذلك حسب ما حصل لكما ..








وأما ... التهنئة :



حقيقة أوجهه لشخصك الكريم وزوجك ..


وذلك لأمر شدني في ثنايا تقريرك الجميل




وهذا الأمر















هو














حرصكما على صوم الست في الغربة


ومن غير مجاملة لو كان أكثر الناس ملتزمين بقيمهم ودينهم ومبادئهم

لكانوا خير سفراء يمثلون القيم السامية لجمال وروعة الإسلام ..




أسأل الله أن يحفظكم ويسعدكم ويرزقكم الذرية الصالحة ..









لا ننسى الجواب عن السؤال ........ لووووووووووول

الاخت ام احمد شكلي بزورج قريبا عندنا 3 اعروس بالصيف!

شكرا الاخ امجد على التهنئة , ان شاءالله كل الناس يصيرون خير سفراء لبلادهم
اجابة السوال احنا في سفرتنا من تورنتو الى اورنج كنتري صار معانا جذي و كان الطابور كبير للي بيروحون من كندا الى امريكا فهذا اللي صار معانا بس هل من اي مكان بكندا الى امريكا نفس الطريقة؟! لا نعلم و حياك الله في التقرير


ام يوسف ان شاءالله بتنور الكويت بوجودكم

حيـاج الله Honey أي وقت

جوعتينا حرام عليج

ع العموم

يعطيج العافية وربي يوفقج لكل خير

اخر منطقة ..........ز هيرشيز في بنسلفانيا :113:

سبق و كتبت موضوع عن هيرشيز و ابديت رايي في المنطقة انها حلوة كطبيعة و هادية لكن ما تسوه العنوه و كتبت الاشياء اللي ما اعجبتني بس الحين مو وقت هالشي , الحين بوريكم صور
:24:
سكنا اب فندقين الاول كومفرت ان هيرشيز

comfort inn





تعشينا اب ابل بييز يم الفندق و ما صورت الا الحلو :109:




و رحنا عالم الكاكاو و هناك في وايد كافيهات عندهم cup cakes شكلهم لذيييييذ بس طعمهم كان عادي

و الصور صورتهم حق رفيجتي وايد تحب الكب كيك و ليلحين ما وريتها الصور, فالحين فرصة تشوفهم







يم هيرشي بارك





الوان الاشجار الجميلة




اكمل لكم لاحقا ان شاءالله

ام يوسف والله ضحكتيني:109::109::109: المنطقة حلوة و هادية و شعبها حييييييل ودووود بس ليلحين اب رايي حالها حال غيرها....

رووووووووووووووووعة.. احلى مافي تقريرك عزيزتي بساطة السرد.. وسلاسة اسلوبك.. بجد تقريرك رايق وصورك اروع وتجوع مررررررررررة.. انا لو دخلت اخر الليل ولقيت الصور قدامي احس نفسي من سنة مااكلت من روعتها وخصوصا الكيكات..
اما حكاية المتسولة حكاية ..خايفة انها تتطلعلك احسك لووووووووووول تفكري زيي.. الظاهر متأثرين بالافلام مرة ههههههههههه.. وحسيت فيكي لما خفتي منها لاني مرة اخاف منهم فمابالك لو انا بره بلدي..
وبالنسبة لهيري حسيتها حلوة من تقرير العزيزة ام يوسف يمكن مارحتي الاماكن اللي راحتها.. الله يعطيكي العافية دايما يارب..

مشكوووورة اختي العزييزة ام فارس على متابعتج والله هذا من ذوقج و اعيونج الحلوة...

الله يعطيكي ألف عافية على هذا التقرير الروعة--سافرنا معك وعشنا جميع اللحظات الحلوةواستمتعنا بالصور الجميلة-- وانشاالله تكون سفراتك كلها ممتعة ودائما نحن بانتظار تقاريرك الشيقة

مشكوووورة يا mera30 اهم شي ان يعجبكم الموضوع ......... و اشكرلج متابعتج و تشجيعج لي

الف شكر اختي ..

على هذا الجزء ...

يعطيكي الف عافية على التقرير الممتاز

وااااااااااااااااااااااااااااااااااااااااااااو حرام عليكي عذبتيني بالصور اللذيذة للاكل مرة حلوة. حلقة جميلة.. بس اتمنى منك مقتطفات ثانية من رحلتك الجميلة.. ولكي مني كل التقدير..

مثل ما وعدتج يا honeymooner قريت تقريرج السريع الخفيف الجميـــــــــــــــــــــــــل جداً .. صور جميلة خاصةً للأشجار الملونة وتقرير جميل مختصر ومفيد ومناطق جديدة ورائعة .. أشكـــرج جداً عالتقرير و بالتوفيق إنشالله ويارب تكون أيامج كلها honeymoon :101:

الخبير impact الله يعافيك و اشكرك على متابعتك للموضوع

الاخت العزيزة ام فارس مع الاسف خلص الميموري في اخر السفرة فالصور اشوية بس بشوفهم مرة ثانية و اذا لقيت شي حلو احطلج اياه تستاهلين كل خير.....

مشكووووورة العبقرية نورتي موضوعي و تشرفنا........... امييييييييين و ايامج مع زوجج ان شاءالله

ام فارس دورت بالصور ما لقيت شي يسوه

ان شاءالله سفرات قادمة اونسج بصورها

ماقصرتي عزيزتي.. صراحة تقريرك كان حلو وسريع وماكنت حابه يخلص بسرعة.. بس طال او قصر بيخلص خسااااااااااارة..
وابغى اسألك بالنسبة للفطور الاخير هو مع الليلة في الفندق ام فطور خارجي؟؟

وبالنسبة للحلاوة اللي بالنمل شئ عجيب .. اي شئ عملوا منه حلاوة لوووووووووووووووووووووووووووووول شئ مقرف..


عموما لكي مني كل الشكر والتقدير على الصور والمعلومات الحلوة اللي استعرضتيها في تقريرك..

مشكورة أختي honeyMooner
الله يعطيك العافية على هذا التقرير

الله يوفقك

المشاركة الأصلية كتبت بواسطة honeyMooner
http://www.arabtravelersforum.com/tr...9/#post1794159

حيااج الله يا الغالية ام فارس حتى انا ماودي يخلص بس ان شاءاالله تقارير اخرى بالمسقبل ادعي ان تكون المالديف

الفطوور داخل الفندق لكن غير مشمول مع سعر الغرفة و الصراحة ما اذكر اب جم بس ما كان غالي بالنسبة لريوق ممتاز

هاذي في صورة لها مو بس نمل في اشياء ثانية







لا لا لا ما اتوقع ان الدود هذا حقيقي م معقول اكيد بلاستك واله ديكور بس !!

لو حقيقي كان يرفعوا عليهم قضية في حقوق الحيوان :109:

الف شكر اختي الكريمة مرة ثانية على التقرير وفي انتظار ابداعاتك القادمة باذن الله في بوابة الولايات المتحدة

او باقي البوابات !!

لكي مني اجمل وارق تحية ..

شكرا اخوي سعد و يعطيك العافية


اخي impact قريت عليها صجية و امبين ان صج اذا رحت لندن شوفه في اعتقد sulfridges

حياك الله و يعطيك العافية .. ان شاءالله

حياج الله يا كويت موون ... هاذي الساعة المباركة ...

اتوقع اذا رحتي هناك بتجمديين من البرد اسمالله عليج

يلا صوري اب رحلتج عشان التقرير
بالسلامة

مشكورة اختيhoney moonerعلى التقرير الروعة

ذوقج الحلو و حياك الله يا fiction

موضوع حلو ودمه خفيف

تسلم ايدك اختي هني

والظاهر انك هني صج باين من اسلوبك

دمتم بخير

كلج ذوق ام وسومه حياج الله اب موضوعي اللي نور اب تعليقج الحلو

عزيزتي هني مونر

رديت لج الاسئله ما تخلص

لوسمحت عندي كم سؤال ممكن(وحده تمون)

اذا الله اراد بروح انا وبناتي 4 ايام لفيلادلفيا

ومنها الى هيرشي شنو اللي ضروري انشوفه فيها

المصنع والبارك يكفيهم يوم طيب الاوت لت شنهي

مواعيدعمله يسوى يوم ابروحه لاني موب ساكنه في هيرشي

بروح وارد لفيلادلفيا بسكن فيها


اسفه كثرت كلام يعطيك العافيه

مشكوره مقدما دمتم بخير

يا هلا اختي ام وسومة انا بخدمتج تامرين... يوم يكفي تروحين حق ال chocolate world اللي داخله سينما(يمكن نص ساعة) و جوله الكاوكاو(يمكن ربع ساعة) و المطاعم و جوله الباص (يمكن ساعة او بالكثير ساعة و نص) و الاوتليت يبيله بالكثير ساعتين فهذا كله تقدرين تسوينه اب يوم و اذا تبين اشياء اكثر عندج العاب hershey park و ترى هالاماكن الثلاثة كلها يم بعض و انصحج اتزورين فندق هيرشيز بعد يمهم و شوفي الغرف و اذا قدرتي اتريقين فيه بعد احسن و احسن...
و اذا تبين في حديقة حيوانات و في حديقة يم فندق هيلرشيز بس ما اقدر افيدج فيهم لان ما رحت لهم ...
باختصار تقدرين اتروحين اب يوم واحد chocolate world

مشكوره عزيزتي الف شكر

كنت محتاجه لهالمعلومات

الله يجعله في ميزان حسناتك امين

دمتم بخير

مشكورة أختي التقرير و ما قصرتي.. و الظاهر أنا وياج نفس الهواية:109:
تدرن شنو:114:


تصوير الأكل:109:

:109: مشكور اخوي

اذا ما صورت الاكل احس ان التصوير ناقصه شي مهم

حياك الله

مشاء الله عليج الموضوع اكثر من رائع و يستاهل التثبيت