الموضوع: للي زار جنوب أفريقيا بليز مساعده

السلام عليكم ورحمة الله وبركاته
شلونكم...؟ شخباركم؟؟

بصراحه أنا أبي مساعدة منكم
وأتمنى ما تردووووني بليييييييييييز

يعني انا متعود أروح ماليزيا و شرق آسيا
وبصراحه عجيبه :24:

بس الناس كلها تمدح (جنوب أفريقيا) :114:

فعندي جم سؤال بليز

أولا. شنو المناطق المعروفه ويعني إللي الزائر لازم يروحها؟

ثانيا. شلون أسواقها؟

ثالثا. غاليه؟؟ ولا رخيصه؟؟ ولا عاديه؟؟

رابعا. متى موسم التنزيلات؟

خامسا. شلون جوهم بصيفنا؟

وشكرا :115:

أتمنى الرد السريع

مواضيع عشوائيه ممكن تكون تعجبك اخترناها لك:

• الفزعة أريد معلومات عن السنغال
• الجواب الكافي لأسئلة جنوب افريقيا
• اخواني انا حجزت علي الخطوط الاثيوبيه
• وهقتوني
• دليل السياحة في الدول الأفريقية2017
• عشاق القاره السمراء من عنده الخبر
• ممكن مساعدتكم ياشباب
• اي دوله اللي بالصوووووووورابي الفزعه
• ياأهل الخير إلحقوا علي قبل لاتطير الطيور بأرزاقها
• لا اعرف انجليزي وبسافر
• إستفسارات عن جنوب افريقيا السكن
• استفسار عن العمل والعيش في نيجيريا
• ارجو مساعدتي في إيجاد دار حضانة للأطفال ب جوهانزبيرج
• رايحه و محتاجة منكم المساعدة
• اخي وكي توكي لوتكرمت
• نداء عاجل ساعدوني في الفنادق
• اريد رحلة توفر المغامره؟؟ استفسار
• قررت بإذن الله الذهاب الى جنوب افريقيا
• سؤال للراح جنوب افريقيا في يناير او فبراير
• تكفون ياشباب

أخوي العزيز meetzgreet
حياك الله أخوي في بوابة جنوب أفريقيا على العموم قبل لا أجاوبك على أسئلتك تقدر تمر على التقارير المكتوبه عن جنوب أفريقيا وبتلقى فيها ضالتك....

المناطق المعروفه في جنوب أفريقيا كالتالي :

1- منطقة سن سيتي القريبه من العاصمة جوهانزبيرج ( تبعد ساعه ونصف بالسياره )
2- مدينة كيب تاون ( وهذي مدينه أساسيه )
3- مدينة دوربان

فيه مناطق ثانية راح يفيدونك فيها الجماعه هنا ولا راح يقصرون معاك ....

ملاحظة
معظم الأعضاء في هذا المنتدى مثل ما يأخذوا يعطوا (ان لم يكن جميعهم) ومنهم الكثيرون ممن يعطون أكثر مما يأخذون ولكنك أخي meetzgreet كانت أول مشاركة لك في شهر 8 عام 2004 (يعني قبل سنتين) وكانت طلب مساعدة وجميع مشاركاتك اللي بعدها من نفس النوعية

ملاحظة
معظم الأعضاء في هذا المنتدى مثل ما يأخذوا يعطوا (ان لم يكن جميعهم) ومنهم الكثيرون ممن يعطون أكثر مما يأخذون ولكنك أخي meetzgreet كانت أول مشاركة لك في شهر 8 عام 2004 (يعني قبل سنتين) وكانت طلب مساعدة وجميع مشاركاتك اللي بعدها من نفس النوعية



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

الناس للناس :114:


(((((((((((( صحيح)))))))))))))
ممكن نعرف الطبيعة فيها مثل ماليزيا ؟؟؟؟
يعني البلد لونها اخضر
او اصفر

أخضر يا مكة والله أخضر

مشكور يا dorak

بالنسبه لجنوب افريقيا لا تطووووووفك
انا زرتها الصيف الماضي
طبعا الجو عندهم شتاء بوقت صيفنا مثل استراليا .. وهذا الحلو عشان تختصر من الصيف الطويل الحار اللي عندنا
اما التسوق فعلى كيف كيفك مولات ضخمه ومحلات رائعه واسعار اروع حيث انه موسم التنزيلات عندهم بالشتا (بالصيف عندنا)
اما المناطق فالاجمل طبعا كيب تاون تلاقي فيها الجو الحلو والطبيعه الخلابه والتسوق بالمولات مثل ووتر فرونت اللي يطل على الميناء وباسعار ممتازه
وطبعا الرحلات في كيب تاون حلوه وتقدر كل يوم تروح رحله وتنهي يومك بالمولات وتنام منهد حيلك بس مستانس ولا تنسى تروح سوق الاحد في كيب تاون حيث البضائع الافريقية المصنوعه باليد والحلوه من الخشب والخرز وغيرها
اما سن سيتي فعيالي حبوها واجد لأنها مثل المنتجع الكبير ومتوفر هناك تأجير الطراد حيث انك انت تسوقه بالبحيره والجت سكي والدراجات وغيره
عيالي كانو مستانسين هناك
اما جوهانس بيرج فبصراحه فيها مولات كبيره مثل منديلا بس الاسعار أغلى من كيب تاون
فيها مدينه العاب حلوه ورحلات جميله مثلا رحنا رحله لقرية تراثية فيها استعراض للقبائل الافريقية وشو حلو ورحنا كذلك لحديقة ندخل للاسود بالسياره وكان شي حلو ورحلات كثيره مختلفه هناك.
لا يطوفك الاكل البحري خصوصا من مطعم اوشن باسكت واللي تلاقيله فروع في هذي المدينة وفي كيب تاون اكله لذييييييييييييذ ورخيص
اتمنى لك اجازه سعيده

ياأخي ..وليه تتعود .. خلاص بلد رحت له مره وحده .. اجعله ذكريات إلا إذا كنت مضطر للعودة .. روح ..غير .. روح للربع الخالي .. ولا ترجع لبلد سافرت له ... كل بلد فيه ميزة .. وكل بلد له خاصية تختلف عن البلد الثاني .. ولو كان فيه بلد رحت له وممكن أرجع له ..لكنت رجعت لليمن .. ولكنت رجعت لجنوب أفريقيا .

عموما ارجع لمواضيع الشباب عن جنوب أفريقيا رح تستفيد .. خاصة سمو الشيخ والمرجع الكبير دوراك ..

أولا. شنو المناطق المعروفه ويعني إللي الزائر لازم يروحها؟
هالشي يعتمد على تفضيلك الشخصي...
في ناس يروحونلها مخصوص علشان البراري والسفاري..
اذا انت من هالنوع فانصحك تجيب عدة البر معك اقصد خيامك و قشك.. مع انك ماراح تضيع هناك ماشاء الله الناس هناك 24 ساعة بالمخيمات الحلوة ما يضيعون اي اجازة والمناطق مالها عدد بس انا انصحك بمخيم احنا مجربينه شخصياً و اسمه: بيلانسبيرغ كامب سايت.. هو في نفس منطقه السن سيتي.. ما بينك و بين المدينه الا 15 دقيقة بالسيارة. و اذا رحتله بتضرب عصفورين بحجر بتزور المنطقتين.. في وقت واحد.. بس لازم تحجزلك فندق بالسن سيتي و تحجزلك مكان للتخييم في البيلانسبيرغ كامب سايت

ثانيا. شلون أسواقها؟
اسواقها وايدة و متوفر فيها كل الماركات المتنوعه .. واسعار السلع عندهم مقبولة تقريبا نفس الاسعار الي بالبلد بس الي لاحظته ان المطاعم و الكافيهات عندهم احسن من الي عندنا 100 مرة ان كان نوعية او جودة او حتى الاسعار

ثالثا. غاليه؟؟ ولا رخيصه؟؟ ولا عاديه؟؟
عادية
رابعا. متى موسم التنزيلات؟
مواسم التنزيلات عندهم على نهاية نوفمبر و بداية سبتمبر.. و عندهم تنزيلات على نهاية اغسطس
خامسا. شلون جوهم بصيفنا؟
جوهم بصيفنا برد بما انها دولة تقع في الجزء الجنوبي من خط الاستواء اذا كل الفصول عندهم عكس الي عندنا .. اذا عندنا صيف عندهم شتا و ان عندنا شتا عندهم صيف (بس يا ليت صيفنا زي صيفهم هههههههه)

اتمنى اكون افدتك و ان كان عندك اس استفسار ثاني لا يردك الا الكيبورد

كم ساعه رحلتها؟؟؟؟؟؟؟؟وهل هي امنه؟؟؟؟؟

دوودي
الرحلة اذا كانت من دبي الى جوهانيرغ فهي 8 ساعات ونصف