الموضوع: للاعضاء اللي جربوا السفر على طيران الجزيرة و للي حجزوا التذاكر من النت حياكم الله

السلام عليكم
شلونكم :101:
اليوم فكرت نروح نعتمر ان شاء الله ... يمكن من 4/1 الى 10/1
يعني اسبوع من الاحد للسبت
دقيت على المكاتب بأحجز التذاكر ... قالوا لي
طيران الجزيرة ب 120 دينار
أما طيران الكويتيه ب 145
ف قلت الكل يسافر على الجزيره ... خلينا نجربها
ألحين علموني ...
شرايكم فيها ؟ ابي ايجابياتها و سلبياتها
و اقدر احصل اسعار ارخص؟
و اللي يعرف يحجز من النت ... اذا ارخص يعلمني شلون لاني ما اعرف
و أخاف أعفس الدنيا
يا ليت بخطوات مصوره اذا تقدرون
انا بانتظاركم
جزاكم الله خير

مواضيع عشوائيه ممكن تكون تعجبك اخترناها لك:

• استفسارات عن الكويت
• أبي فنادق بالكويت ممتازه وسعرها معقول
• محتاج وصف الطريق من السالميه الى ابوحليفه
• الاجانب شنو يعجبهم بالكويت؟؟
• وين أحصل فساتين حفلات ؟
• استشارة عن الخطوط الكويتية
• أفضل شريحة اتصال لزوار الكويتاستفسار
• موقع الافنيوز الالكنروني
• هام جدا للعوائل المحافظة التي تبحث عن سكن نظيف فنادق أو شقق فندقية في الكويت
• ودك تتعرف على خدمات مطار الكويت تفضل
• مساااااااااااعدة عاجلة يا اهل كويت عندكم فندق حلو بغيت اسكن فيه بس ما اعرف اسمه؟
• من آثار المقاومه الكويتيه متحف شهداء القرين تقرير بالصور
• إروع فندق بالكوويت
• نادي القادسية كلاكيت ثاني مرة
• طلب مساعده لو سمحتوا
• معرض الكتاب الإسلامي في الكويت
• جدول أرض المعارض بمشرف
• الفزعه يا اهل الكويت ابحث عن مكتب سياحي و اسعار الفنادق
• بغيت مكتب تاجير
• لاهل الخبرة بليز ساعدوني

حاولت احجز قال لي ب 106 دنانير
يعني المكاتب تأخذ عموله عشرين دينار و أكثر !!!
زين جربوا و علموني احجز ولا لا
بانتظاركم

والله يا اختي الموضوع سهل جدا انا حجزت بالنت كذا مره يعني بحدود 5 مرات مرة لشرم الشيخ ومرة لتركيا و3 مرات الرياض ولم تصادفني اي مشكله لا بالحجز ولا بالمواعيد لا يوجد سلبيات تذكر الا انه لا يوجد وجبات وايجابياتها انها جديدة وكثير افضل من شركات طيران اخرى وان حجز التذاكر في الانتر نت بالعربي و يوجد به خصم 3 دنانير على كل تذكرة وغير الخصومات الموجودة اصلا وانشاء الله تكونيين استفدتي وشكرا .

على فكرة يجب ان يكون الحجز بمدة كافيه علشان تحصلين على سعر مناسب لان دائما عليهم ضغط

مشكورين على مروركم
بانتظار اراء الاعضاء الباقيين

والله اختي المرام انا انصحكم وبقوة بالسفر المتكرر على طيران الجزيرة

انا سافرت على الجزيرة اكثر من 30 مره لانها راقيه بكل شي واول شي دقة المواعيد والطائرات جديدة والخدمه طاقم الطائره ممتازه

والحجز على النت سهل جدا ويوفر الكثير من الجهد ومن المال وسريع ويمكن الدفع بالكي نت او الفيزا او الماستر


اختى بالنسبة لرحلتكم الي جدة على طيران الجزيرة يطلع السعر 70 دينار فقط واعتقد السعر مغري لان الحين عندهم عروض 50%وهذه الصور من الحجز




السعر النهائي واضح 70 دينار

والله يا اختي احسن شي سويتيه زياره بيت الله الحرام وخصوصا في هذا الوقت هدوء و براد متعه
احسن العروض اما تتصلين علي 177 بدالة الجزيره او علي الجزيره نت وجربي جم مكتب وقارني احسن سعر و انتي في البيت ...وتروحون و ترجعون بالسلامه... و لا تنسين التقارير (:

اي صح مثل ماذكر واحد من الاخوان

الحين الجزيره في عروض 50% لحقي عليهم

شوفي خالي جرب هالطريقه مادري تنفعج او لا

يروح لمكه عن طريق الخطوط السعوديه عن طريق القيصومه

واهيا يم الحفر الباطن اعتقد

وسعر التذكره 60 دينار والحين يمكن ارخص

وناااااااااااااسه
معقوله التذكره وصلت 70؟؟؟؟؟؟؟؟؟
بأحجز لقيت الموقع معلق
ان شاء الله اجرب بعد شوي او باجر
زين ... لازم احجز بالفيزا ولا عادي ب الكي نت ؟؟؟؟؟؟؟
ان حجزت ان شاء الله بأقولكم
ادعوا لي اننا نسافر

الحذر من دفع تامين الطائرة لانه اختياري وماتبين تضغط اوكي و تضلل على السعر و يضاف التكلفة التامين اللي مالها داعي و اهيا اختياري وبالتوفيق

الحجز بالكي نت افضل اكيد

المشاركة الأصلية كتبت بواسطة hamad123
http://www.arabtravelersforum.com/tr...8/#post2546928

الحذر من دفع تامين الطائرة لانه اختياري وماتبين تضغط اوكي و تضلل على السعر و يضاف التكلفة التامين اللي مالها داعي و اهيا اختياري وبالتوفيق



شلون مو فاهمه :114:
يا ليت توضح :110:

مشكور اخوي ترافلز مان
انا توني دخلت موقعهم و طلع لي 70 نفسك
ان شاء الله بأحط فلوس بالكي نت و احجز يمكن بالليل
بس اكيد ما يزيدون اي فلوس ثانيه؟
و لازم اطبع التذكره اللي راح تطلع بعد ما ادفع الفلوس صح؟
الله يستر
بأجرب ان شاء الله و أقولكم

والله اختي انا كل ما احجز بلكي نت ماتضبط معاي بس الفيزا تضبط وبالنسبة للي قاله اخونا حمد وانا وياج ودي اعرف شنو التامين الاختياري علشان نوفر سعر التامين ياريت يفيدنا وشكرا

اليوم كلمت طيران الجزيره بالتلفون
طبعا أول ما اتصلت ... ما مداني أسأل الموظفه ولا تصك التلفون بوجهي
عصبت
و دقيت مره ثانيه ... و الحمدلله ردت وحده و سألتها عن الاسعار و الحجز ...
و قالت الحين ب 73 دينار للشخص
قلت وين ادفع؟
قالت تعالي في بنك برقان او المطار ...
قلت ما عندي حساب في برقان
قالت عادي
قلت ان شاء الله باجر اروح لهم قبل يخلص العرض
ميخالف ادفع 3 دنانير زياده ولا اني اتوهق بالحجز بالنت
باجر ان شاء الله اقولكم شصار معاي

طبعا حجز الكويتية والجزيرة من النت ارخص بوايد خاصة بعد فتح خدمة الكي نت بالحجز
بالنسبة لطيران الجزيرة انا سافرت عليه شهر 2 الي طاف رحلة كويت جدة - جدة كويت
ومن بعد هالرحلة حرمت على نفسي اركب طيارات هالشركة
طيران تعبانة وطيار مطفوق
الكويتية اقصى ارتفاع لها حسب الي شفته منهم 33 الف قدم واحيانا 36 الف قدم
طيران الجزيرة او بالأحرى باص المواصلات الجوي مال الجزيرة كان طاير على ارتفاع 40 الف قدم
وعلى بعض المناطق ارتفع اثر من هالشي!!

شي ثاني بالنسبة لطيران الجزيرة
انا مرة حجزت خلال فترة عرض وحبيت أأجل الحجز
عشان اغير طالبوني بـ130 دينار عشان اغير حجزي!!

المشاركة الأصلية كتبت بواسطة bu-fatoma
http://www.arabtravelersforum.com/tr...4/#post2548944

طبعا حجز الكويتية والجزيرة من النت ارخص بوايد خاصة بعد فتح خدمة الكي نت بالحجز
بالنسبة لطيران الجزيرة انا سافرت عليه شهر 2 الي طاف رحلة كويت جدة - جدة كويت
ومن بعد هالرحلة حرمت على نفسي اركب طيارات هالشركة
طيران تعبانة وطيار مطفوق
الكويتية اقصى ارتفاع لها حسب الي شفته منهم 33 الف قدم واحيانا 36 الف قدم
طيران الجزيرة او بالأحرى باص المواصلات الجوي مال الجزيرة كان طاير على ارتفاع 40 الف قدم
وعلى بعض المناطق ارتفع اثر من هالشي!!




اخوي اسمحلي اذا انت سافرت معاهم مره انا سافرت اكثر من 30 مره وفي كل مرة الشركه تكبر بعيني بالنسبة لموضوع الارتفاعات فهي تخضع لقوانين دولية لكل رحله ظروف خاصه بخصوص الارتفاعات والسرعه والرياح المعاكسه ووجود سحب ركاميه وعلى فكره 90 % من طيارين الجزيرة هم من الخطوط الجويه الكويتية انتقلو الي الجزيرة بسبب الحوافز المجزيه والتقدير من طيران الجزيره

بااااااااااااااااااركولي
الحمد لله حجزت التذاكر
توني راده من المطار
رحت لهم بالمطار و كان فيه وية زحمه
قلت ابي اسافر لجده قال ب ميه و مدري كم
قلت ليش؟ قالوا انه فيه عرض
قال انتي حجزتي العرض بالتلفون؟
قلت لا
قال : لازم تحجزين بالتلفون بالاسم بعدين تجين هني تدفعين و اعطيج التذاكر
ضاق خلقي و صكت فيني الدنيا لانهم ما يردون على التلفونات
و قلت له ما راح يردون ... قال جربي لاني توني رديت واحد و دق عليهم و ردوا عليه
المهم طولت و انا ادق ادق ادق ... الى ان شاله اخ سوري او عراقي الله اعلم لكنه ما قصر ... اخذرقم تلفوني و اسامينا و عطاني رقم الحجز
كتبته و عطيته الاخ اللي بالمطار و الحمدلله حجز لنا
قال لي التذكرتين ب 156 قلت اوكي ( طبعا بالنت ارخص)
المهم دفعت له كاش
قلت عادي احجز من النت؟ قال ايه ارخص
قلت بالماستر و الكي نت
قال ايه بس بالكي نت يطلع لج ايرور
و عطاني الورقه اللي تعتبر تذاكر
و طبعا ما اقدر اوصف لكم شكثر مستانسه
والله امشي بالمطار ودي اركض من الوناسه
ملاحظه: لا تنسون قبل تروحون لهم بالمطار لازم تحجزون الاول بالتلفون .. و الدفع كاشهم مكانهم بالمطار بالدور الثاني
قلت له اذا ابي أأجل يومين شلون؟ قال تجين هني تعطيني خمس دنانير و نأجله
اللحين اخليكم مع الصور

الطريق للمطار :





تذكرة مسافط المطار :



مكان حجز التذاكر :



وصل الدفع :



التذاكر :
السفر من 4/1 الساعه 7 الى 9/1 الساعه 11
يعني 6 أيام من الاحد للجمعه
كان ودي اصلي الجمعه ب مكه
بس ما عندهم رجوع الا الجمعه او الاحد ... ما فيه السبت





ادعوا لي اني اسافر
و ابشروا ان شاء الله بالتقرير السنع اللي يعجبكم

توصلون بالسلامة


ومثل ماذكر احد الاخوان اسعار التذاكر رخيصة وثابتة على الخطوط السعودية من مطار القيصومة (حفر الباطن) الى جدة تقريبا 58 الى 60 دينار
وفيه 4 رحلات اسبوعية الساعة 6 المغرب ورحلة الساعة 1 الليل

اختي المرام مبرووووووك الحجز وانا متاكد كل رحلاتكم راح تكون على الجزيرة اسعار منافسه وحلوة وطائرات جديدة ومواعيد دقيقة وشركة وطنيه

ولا تنسينا بالدعاء بمكه

تروحون و ترجعون بالسلامه ويتقبل الله منكم ان شاء الله
الطائف يمدحونها لرحله يوم من مكه لأنها قريبه منها... انا ما زرتها بس سمعت يمدحونها
و جربي اكل المظبي و المندي في العزيزيه علي يد اهل اليمن
ولا تنسينا بالدعاء

موفقين المرام
وتروحون وترجعون بالسلامة...

باقي يومين فقط على انتهاء العرض اللي يبي يلحق

الله يسلمكم
و جزاكم الله خير
اخوي الياسر اتمنى اروح الطايف و الباحه و ابها لكن مستحيل لانه ما يمدي
ان شاء الله بالمرات الجايه

ترحون وترجعون بالسلامه

ولاتنسين سوق العزيزية العام...شارع كله أسواق أرخص من مركز مكة

والشارع هذا فيه مطعمين يدوخون بس (تيكا وي) تاخذونه للفندق يعني بعد التسوق تمر وتاخذون عشاكم وترجعون:

1. مطعم ريدان..مندي ومدفون وهالسوالف لكن بصراحة خرااااافي حتى ممكن تطلبون منه غدا يروح زوجك مع تكسي يروح ويرد مو بعيد عن الحرم يمكن5 دقايق.

2. البيك..نفس كنتاكي..بس موطبيعي حتى النكتس خرااااافية

وبالتوفيق!!!!!!!

جزاك الله خير

وانــــــــــــــــــتا بعد معاكم من مؤيدي السفر علي طيران الجزيره اجنحة الحريه

تسلمين اختي على مرورج

ما شاء الله اختي المرام

توني الحين شفت الصور مبروك

و عسى الله ما يخيب تعبكم وما يعكر عليكم الفرحه

بس يا مشرفتنا القديرة لا تنسينا بالتقرير مثل ما وعدتينا

انا إن شاء الله رايح في 14 يناير

تسلم اخوي على مرورك
و ابشر ان شاء الله بالتقرير
تروح و ترجع بالسلامه

اختي المرام .....

قرأت موضوعك عن السفر بقصد العمرة اللي نزلتية من فتره وماصار لكم نصيب

اتمنى من الله ان ييسر لكم رحلتكم ويوفقكم في طريقكم ويتقبل طاعتكم .... آمين

وتنوري السعودية

طريق السلامة ان شاء الله

دمتِ بخير

تسلمين يالغاليه

طيران الوطنية الجديدة تابع حق منو؟

الحمد لله مرام انج حجزتي سعرهم حلو بس انا حجزت التذكرتين امس ب 146 تدرين ان وقتج اللي بتروحين فيه يصادف 10 محرم

ايه سعركم حلو
على الجزيره؟ يعني العرض ما خلص؟
قالوا انه يوم 20 يخلص
10 محرم يعني حلو؟
ان شاء الله ما نلقى زحمه
ولا تنسين تقوليلي شنو قررتي تحجزين السكن انا للحين محتاره

المشاركة الأصلية كتبت بواسطة المرام
http://www.arabtravelersforum.com/tr...6/#post2555486

هلا فيك اخوي
اذكر مكتوب بموقع طيران الوطنيه انه رحلاتهم حاليا فقط ل الامارات



الله يحيج
انا سؤالي من المالك للشركة؟

المشاركة الأصلية كتبت بواسطة المرام
http://www.arabtravelersforum.com/tr...0/#post2556950

ايه سعركم حلو
على الجزيره؟ يعني العرض ما خلص؟
قالوا انه يوم 20 يخلص
10 محرم يعني حلو؟
ان شاء الله ما نلقى زحمه
ولا تنسين تقوليلي شنو قررتي تحجزين السكن انا للحين محتاره



احلى وقت للعمرة على مدار السنة في شهر محرم
الحرم فاضي واسعار الفنادق تكون طاخة
والسبب أن المملكة سنويا من بعد شهر ذي الحجة تمنع الفيز لمدة 4 شهور
عموما الله يتقبل منكم الطاعات ودعواتكم لنا

تسلم اخوي و جزاك الله خير
الصراحه ما اعرف المالك

انا رحت للسفريات اللي عندنا بالجمعيه قالي الاسعار مانزلت للحين لشهر واحد بعد كم يوم تنزل انشا الله قدامي 3 فنادق بختار بينهم ابراج مكه وايلاف كنده او برج زمزم

المشاركة الأصلية كتبت بواسطة bu-fatoma
http://www.arabtravelersforum.com/tr...2/#post2555432

طيران الوطنية الجديدة تابع حق منو؟








الوطنية للطيران هي شركة مساهمه كويتية مشاركه بها عدة جهات وتطير الي ثلاث وجهات دبي والبحرين وبيروت وتستخدم مطار رويال افيشن الخاص الفاخر وسيكون لها رحلات الي القاهرة وبيروت بالربع الثاني من 2009


ولمزيد من التفاصيل والحجز هذا موقعهم الاكتروني

http://www.wataniyaairways.com/Arabic/Arabicindex.aspx

مشكورين على مروركم
اختي ركاز ..
ابراج مكه مو هي ابراج زمزم؟؟؟؟؟؟؟؟؟
و ايلاف كنده سألتهم عن السعر قالوا ب 440 ريال
بس شكثر يبعد عن الحرم؟

المشاركة الأصلية كتبت بواسطة bu-fatoma
http://www.arabtravelersforum.com/tr...0/#post2559660

ابراج مكة تابعة حق الهيلتون مو زمزم
اختي مرام نصيحة من اخوج
جربوا فندق جراند كورال
5 نجوم وسعاره مناسبة جدا مقارنة بفنادق مكة الـ5 نجوم
صج مو عند الحرم
لكن الباصات شغالة عنده على مدى الـ24 ساعة
تنقل من الفندق إلى الحرم والعكس
انا جربته مرة صراحة روعة



مشكور اخوي على النصيحه
بس ودي ب سكن قريب من الحرم عشان لو تعبنا او شي نريح على طول