الموضوع: حبيبتي الكويت ×

:smile106: :smile002: :smile106:


حبيت اشارك بموضوعي البسيط والي اتمنى انه ينال اعجاب الجميع ..... :106: حاولت قد ما اقدر اني ادون كل الاشياء الي صارت وحبيتها في سفرتي القصيره وكانت عباره عن 4 ايام لديرتي الثانيه الكويت الله ايدووم عز بلادي و عزها :115:

وكانت الرحلة على متن طيران http://www.bahrainair.net/ وهو احدى شركات الطيران الاقتصادي ...






وهذي اول مره اسافر عليها الحمدلله معاملة طيبه وحليوه من قبل الطاقم البشوش ...... ولكن الي ما عجبني فيهم هوه صغر المسافات بين كراسي المسافرين نقدر انقول اشوي ضيج حق المتبتبييين :36_1_21:

كانت رحلتنا على الساعه 7 ونص صباحا يعني التواجد في المطار على الاقل ساعه ونص قبل موعد الاقلاع و كانت هذي طامه الكبرى شنو ايوقضنا من الصبح بس الحمدلله شوقنا للرحله و للكويت كان اكبر .... وطبعا كان الوصول على الساعه 8 الصبح لديرة الطيبييين .

بوصولنا المطار كانت بنتظارنا سيارة الفندق الي راح نسكن فيه والي راح نتكلم فيه بعد اشوي.............

الحمدلله سياقة الدريول وايد كانت مريحه مو مرعوب هههههه :36_7_14: و عال العال.




تم الوصول لي فندق الاكثر من رائع وهو http://www.thepalms.com.kw/و الكائن في منطقة البدع .



الفندق قريب من جهة اليسار من دار سلوى و المحاذي لفندق راديسون ساس البدع ومن اليمين فندق ومنتجع موفنبيك الي صايره فيه اغلب المطاعم يمي يمي بس للاسف ما حالفنا الحظ انه نروح لاحد ى هذي المطاعم .... بس ان شاء الله في رحلاتنا اليايه .


الفندق عباره عن مجموعه من المباني وكل مبنى له اسم معين



المبنى الي سكنا فيه هو مبنى ال Island



المبنى جريب من اللوبي وهذي الميزه الحلوه :36_1_22: فيه يعني ما كنا وايد نتعب واحنى رايحين ورادين ولا يصيدنا البرد :36_1_26:

المهم اول ما وصلنا سوينا الجيك ان وقعنا على الاوراق الازمه و رحنا على مبنانا الي فيه سويتنا ....



يتكون السويت من غرفتين واسعتين و مرتبين حمام و مطبخ .......الصاله مرتبه بحيث تضم غرفة الجلوس و طاولة طعام و طاولة مكتب :kashkhah:

الستايل هو موديرن شبه كلاسك و الالوان عباره عن مزيج من الالوان البارده و الحاره الي تعطيك طابع الدفئ والبروده بنفس الوقت على قولة اختي الغاليه " كووزي " :36_1_12:

اول ما ندخل من الباب تكون مقابلتنا الصاله و طاوله الطعام وطاولة المكتب





وعلى نهاية الصاله نحصل قسم مفتوح على الصاله الي اهو المطبخ

يحليله مجكنم على قده



على يدنا اليمين اول ما ندخل من الباب ممر يؤدي الي غرف النوم و الحمام ولكم الصور :




او ل ما نمر بالممر يكون على يدنا اليسار اول شي الخلاء وانتوا بالكرامه نظامه ريفي مازجين فيه الون الازرق للارضيات و الون الابيض للجدران المطفي الحلو و الدوات الصحيه بالون الابيض و التسريحه من الخشب الفاتح .



بعد الخلاء و انتوا بالكرامه تيكم الغرفة الماستر صراحه السرير حيل مريح ...... وهذي من الاشياء الي مرات ما نحصلها في اغلب الفنادق ...... :115:




وهم الغرفه مريحه و اسعه اشوي و اهم شي فيها التلفزيون ههههههههه






وبنهاية الممر اتحصلون الغرفه الثانيه ..... فيها سرير لشخصين وتسريحه و الكبت ...... :115:








وهذي المقدمه وان شاء الله اكمل باقي التقري:1:ر عن الفندق واهم المطاعم الي رحناها والي جد اكثر من رائعه ان شاء الله وقت ثاني


تحياتي

مواضيع عشوائيه ممكن تكون تعجبك اخترناها لك:

• صرف العملة في الكويت
• هيلتون اولمبيا فتح ولا لسا
• الان شيلات و عبايات حناين الاصليه في الكويت
• استفسار بسيط
• وين اماكن التمشية فالكويت
• ابحث عن فندق بمنطقة الشويخ
• بكرة باااروح لكوويت ضروري ردوا علي باسرع وووقت
• تأجير السيارت بالمطار
• أسعار مخفضة على من مطار الكويت الدولي
• خريطة الكويت الالكترونية
• فزعتكم ياأهل الكويت ابي الدكتور ؟؟؟؟؟؟؟؟؟
• مشروع لسكك الحديدية في الكويت
• اهل الكويت ساعدوني بسرعه ابي سوق رخيص
• استفسار عن محل شوكليت
• كم المسافة من منفذ السالمي إلى الكويت العاصمة
• عاجل طلب معلومات
• نصيحتكم طيران الجزيرة ؟
• اعيش فى ايطاليا و نفسى ازور الكويت ولا اعلم كيف ؟
• سؤال عن مجلس الأمة
• مطلوب شقق عزاب مفروشه في منطقه الشرق بسعر معقول

مشكوره دوبه على التقرير صج هالجم اليوم الي رحناهم ماينسون انجوف لنا وحده في الصيف))

هلا والله يا أهل البحرين منورين الكويت بلدكم الثاني
بداية تقرير موفقة

تقرير جدا رائع وانا اول المتابعييييييين:113:

تقرير رائع و دقيق:24: وانا ثاني المتابعين
كم تعطين الفندق من 10 ؟؟

الكويت نورت بوجودكم :101:
ونااطرين باقي التقرير

بدايه قويه الله يعطيك العافيه وننتظر باقي التقرير

ابو الولد

مشكور على مرورك ..... وان شاء الله انكون عند حسن ظنك يارب

alayaseer

صراحه الفندق رائع و خصوصا للعوائل الي عندها اطفال و بالاخص بالصيف عشان يتسبحون بهل بالبرك النظيفه والمتابعه من قبل العاملين هناك ....... الفندق يستحق 10 / 10 من وجهة نظري من حيث التقسيم والتنظيم و النظافه والمعامله والهدوء ......فندق يستحق الزياره

Noura86

الكويت منوره بوجودج وبوجود كل كل كل اهلها الطيبيييين ....... ومشكوره على المرور والمتابعه

mr.q8

مشكور اخوي على المرور وان شاء الله القسم الثاني من التقرير اليوم .... بس لي ما ارتبه واسنعه واضيفه لكم ان شاء الله ...

تقرير رائع بانتظار المزيد وبجم اخذتوا الفندق

يعطيك العافيه .. بانتظار باقي التقرير
و بانتظار جديدك

تسلم اخوي على التقرير وحياك الله بديرتك وين اهلك

اخيارك كان موفق بالفندق

منتطرين باقي التقرير

محرقيه وبس

يا هلا وغلا يا اختي الغاليه صج صج الحمدلله الله وفقنا و ان شاء الله انيكم بتقارير احلى بعد وانتي معاي بكل سفره اروح لها .


دلوعة أجدادي

هلا فييييج يا ريحة الطيب والعمبر و العود ....... منوره الديره بوجودكمز


المرام

يا هلا فيج اختي و الله ايعافيييج ان شاء الله ......

ركاز81

هلا والله ركاززز ما يندرى عاد بنت لو ولد ..... بس احنا حصلنا الليلة بالفندق على 75 دينار كويتي و بالنسبه حق باقي الفنادق اهو السعر الانسب خصوصا انه مثل هذا السعر في فنادق ثانيه كان لغرفة واحده ولشخصين فقط .

:11_horror متابعة معاج دبدوبة وحياج انتى وجماعتج بالكويت :101:

المشاركة الأصلية كتبت بواسطة محرقيه وبس
http://www.arabtravelersforum.com/tr...2/#post2555702

مشكوره دوبه على التقرير صج هالجم اليوم الي رحناهم ماينسون انجوف لنا وحده في الصيف))




:114: اختى الصيف بالكويت كثير حر يعنى ممكن درجة الحرارة تكون فوق 50 درجة :112: أفضل وقت للكويت شهر فبراير هو موسم الجو فية ممتاز :24:

تقرييييييييير جد روعه عن سفترنا اختي دوبدوب شوقتيني ارد اروح مره ثانيه

[center][size="5"][color="Purple"]
(2)

نكمل باقي موضوعنا .......

برنامجنا من عقب الوصول هو الذهاب لاحلى سوق شعبي " سوق المباركية " الي اذا ما رحناه كل مره ما جنى طبينا الكويت صراحه سوق ولا اروع في اشياء حلوه و رخيصه و بيني وبينكم زين حق الصوايغ ههههههههه والرهشوالحلويات من الشمالي انصحكم فيه صراحه ..


من عقب ما وصلت الشنطنا وعقب ما رتبنا امورنا جلسنا ننطر السياره الي رتبتها لنا رفيجتنا الكويتيه يزاها الله مليون خير وذالك بالاتفاق مع احدى شركات تأجير السيارت مع سايق يكون تحت تصرفنا لمدة 8 ساعات باليوم و كل زياده عن هذي الساعات يحسبون لنا الساعه بمبلغ معين تقريبا دينارين ونص على الساعه .....اذا ما خاب ظني .

و سيارتنا كانت تابعه لمجموعة الملا للإيجار وتأجير المركبات

وهذي ارقامهم

24738410
24738205

ومندوب تأجير فرع المطار – روبين ابراهام 66705963

وصراحه كانت السيارة وايد نظيفه و مرتبه و السياقه وايد وايد عجيبه ههههههه يعني ما اجذب عليكم السايق كان حذر زياده عن اللزووم واقتصادي في البتروووول يحط ريله دقايق و يشيلها وايرد ايحطها بس استانسنا السياق كان حده حليو وكان من الجنسيه الهندي ومسكين على اي شي ايقول ثنكيو مدام يحليله وايد مؤدب .


على ما يوصل سايقنا " توماس" قلنا ناخذ لنا جوله في الفندق ونجوف معالمه ......

اول ما نطلع من المبنا نروح الى آخر الممر نحصل مبنى بوابتة زجاجيه مكتوب عليه النادي البحري داخل هذا المبنى نحصل الجم للجنسين الرجال والنساء بس الحلو فيه انه منفصلين عن بعض يعني البنت تروح مرتاحه عشان تلعب ....

ماااقصرتي
احلى شي ان خصصتوا هاليوم حق الاماكن الشعبيه :24:
المباركيه وفريج صويلح
وحتى النقرة مجمع قديم
بس والله برنامج حلو
اهم شي انكم استانستوا
بانتظار الباقي

مشكوووووووره :101::101:

وااااااااااااو تقريرج روووعه
وتعليقاتج ارووووع
وحسافه اني بنطر ليمن تكملينه

dobdob انتي هنا وانا اقوووووووووول وين الغيبه فقدناك بالبوابه البحرينيه اهم شي حمدلله على سلامتك يالغلا ومنوره البوابه الكويتيه
يعطيك الف عافيه على هالتقرير الحلووو يجنن مثل صاحبته خسارررررره ماجربتي المطاعم اللي بالبدع رووووووووووعه والجلسات ارروع هههههههه ترى على فكره حتى انا ماجربتهم مريت عليهم وشفتهم وحطيتهم ببالي ان شاء الله اذا رحت الكويت
فريج صويلح على قد مايتكلمون فيه سبحان الله مامره رحت واكلت فيه اخر مرره رحت فيها الكويت دخلنا المطعم انا وزوجي شفت امخ لااله الا الله محمد رسوال الله عاد هووو كل شي ولا الزحمه للاسف اضطرينا نطلع ونروح مطعم اشاز بصراحه اكله يمي يمي رووعه فتح عندكم بالبحرين انا شفته بسيتي سنتر يالله روحيله وسوي لنا تقرير عنه هههه

الله الله روووعه التقرير :113:

الحمدالله على سلامتكم وحياكم الله في بلدكم والله نورتوا الديرة بزيارتكم وبانتظار باقي التقرير والاسلوب المشوق والعفويه في سرد كل التفاصيل

هلا اختى الحمدالله علي سلامتج ان شالله اتنى و الأهل والله بصراحة خووووووووش تقرير ماشالله تصويرج كان عجيب

يلا بنشوف وين رحتى بعد عقب الجولة الاولي لج بديرتنا الحبيبة الكويت ،،،

تري نتظرج ،،،،،،، اوكـــــى لا تطولين بس اهم شي رحتى للافنيوز تري عجيب وكبير بنفس مستوي سيتى سنتر البحرين

AlrashedQ8

مشكور اخوي الراشد على المرور والمتابعه .....

VALUE

هلا اختي فليو ..... تابعينا زين ما زين باين عليج فطينه و متابعه جيده .... ان شاء الله ما بطول

ريوف البحرين

هلا والله ريوووفه وحشتينا مووووت من بعد السفره .... هذا قدر ومكتوب بس يله ان شاء الله نتجمع مع الاعضاء الدائمين :109:

Noosha84

ههههه ان شاء الله بكمله ومشكوره على المرووور

Noura86

مشكوره اختي نواااره وان شاء الله راح اكمله للكل بس ما اعرف شصار على الصور ما جوفها تطلع كلها ؟؟؟:114: يمكن الخلل من جهازي الي اجوف منه الحين او انتي بعد ما ظهرت عندك؟؟

فاررسه


جفتي اشلون يا اختي الفارسه ..... ييت اغير جو بامنتدى الكويت بس ترى متابعتكم بعد في البحريني يعني موو ناسيتكم .... وتسلمين على المديييح كله يا قمر انتي .... اتصدقين الكل ايقولي اشاز روعه وكل ما نفكر نروح له يطلع انه مسكر او انه وقت الغدى خلص يعني للحين بس ان شاء الله انروح له قريب

و حياج الله في موضوعي وتسلمين على المرور و لج هل الباقه مني :smile106:

ترافلز مان

ترفلز منا مشكور على المرور اخوي ..... و الديره منوره باهلها الطيبين و الاياويد ....

كويتية وافتخر

هلا والله باختي كويتيه وافتخر .... ومشكوره على مرورك وتعليقك ان شاء الله انكون عند حسن الظن .... طبعا الاقنيوز ياي بالطريج ان شاء الله ههههه افا عليج لا توصين حريص مجمع راقي ولا اروع وكبير نوع الي تكسرت ارويلاتنا اشوي هههههه

ما اعرف ليش الصور ما تطلع :112: جربت الحين اغير الكود ويعد ما تطلع :114: :108:


ممكن الاساتذه الافاضل الي لهم بهل الموضوع ايقووولوون لي شنو اسوي ؟؟؟ ويزاكم الله خير ان شاء الله

ما شاء الله التقرير جداً رائع و مفصل...
تابعي, فنحن من المتابعين دائماً معكم.

و الحمدلله على السلامة أخواتي...

جزء ممتع

خصصتوه حق الاماكن الشعبية

منتظرين معاك

تقرير رائع وصور ولا اروع :24:
ماشاءالله مبين برنامجكم مرتب عدل:113:
حياكم الله خواتنا البحرينيات الدار داركم وكلنا ناطرين باقي التقرير الرائع :36_1_37:

ما شاء الله روعه
بانتظار الباقي

[size="5"][center][color="Purple"][font="Century Gothic"](3)



أصبحنا واصبح الملك لله والحمدلله ولا إله إلا الله

هذي اول شي بدينا به صباحنا في ديرتنا الثانيه الكويت الغاليه على قلوبنا كلنا ....... تروشنا ووسمينا باسم الله و رحنا نغوص في بوفيه الفطور
:gathering

طبعا اول سؤال سالتهم متى يبتدي الفطور و متى ينتهي و صراحه اول مره أسمع بالتوقيت هذا 5:30 صباحاً و يتسكر الساعه 11:00 ظهراً يعني الي يفكر يتفطر من عقب صلاة الفجر يقدر ايحصل شي ياكله ههههه :36_1_1:

ما اجذب عليكم اقترحت عليهم هذا الاقتراح ..... ههههه بس عن غشمر :36_1_19: بس وحده من البنات صدقت هههههه :baaa2:

مطعم الفطور موجود في اللوبي واسمه بالميري



صراحه الفطور مرتب و فرش اول ما تدخلون في قعدات حلوه اسفنجيه و كراسي وطاولات على صوب و من عقب تحصلون البوفيه يتكون البوفيه من قسم المقبلات والي تحتوي على السلطات و الحمص و اللبنه

تمشون اشوي تحصلون المقبلات الساخنه مثل الهاش برووون و فطائر الفرنسيه الي بنحط علهيا عسل شنو يمي يمي و روست بيف ..

Dhari, alrashedq8، @المهاجر@, المرام

مشكورين على التعليقات هههه الحلوه والظريفه ..... باقي يوم ونص اكتبهم :36_1_37: ما كنت اعرف انه يتعب جذي خصوصوا رفع الصور في الموقع مرات يناحس معاي بس الحمدلله :101: اطوفها و اكتب بس عشانكم

تحياتي للجميع

دبدوب اتذكر يوم نوقف يم النافوره وانصور هههههههه

مشاء الله دوبدوب ماخليتي شي من سفرتنا وعن زهقة توماسي ههههه وعليه خفت عليه يتصلب الله يسامح من كان السبب ههههههههههههههههههههههههه

يا حلو اهل البحرين حياكم الله في كل وقت ...وافضل الاوقات لزيارة الكويت من شهر 10 اكتوبر الى شهر 4 ابريل.

يم يمممممممممممممممممم والله جوعتيني وانا توني من شوي متعشيه
عليكم بالعافيه حبيبتي
و بانتظارج

عليكم بالعافيه :101:
ناطرين الباقي
لا تطولين علينا :101:

يسلموا dobdobحلقه حلووووووووه مطرح مايسري يمري في انتظار الحلقه الثالثه

تحيه طيبه ,,, وبعد

اختي (( dabdob ))

نقول الحمد لله على السلامة وإن كانت متأخره بعض الشيء

وحياكِ الباري في بلدكِ الثاني الكويت

جدول مرتب .. واختيارات جميلة للأماكن

بحكم أن الرحلة ( نسائيه )

فـ من الطبيعي أن يكون التسوق ( سيد ) الموقف

عليكم بالعافيه

سجلينا متابعين عزيزتي

دمتِ بخير

نور

عجيب الموضوع صراااحه متابعين معااج كلمه بكلمه

هلا اختى دبدووووووووووب اشلونج ماشالله خوش تقرير وبعد خووش تعليقات عليج وخوش بعد اختيار للاماكن الحلوة بديرتنا وحياكم الله بس عاد عاوديه مدام طابتلج القعدة والوناااااااااسة بالديرة

اشكرك على التقرير المميز

وحياكم الله في بلدكم الكويت الحبيبه

ما شاء الله عليج يا دبدوب
تقريرج جداً ممتع
والصور إللي فيه تجوووووووع
تااااابعي تقريرج يالغاليه بإنتظارج


تحياتي،،،

دبدووووووووووب يعطيكم العافيه
المره اليايه ريلي على ريلكم

شكله وناسه وجنه طول الوقت كنتو تزطون خخخ ماجوف الا طباق

متابعين معاج دبوووو

وعاشووووو البحرينيات ويه فاهم الموضوع غلط خخخ

Dhar, محرقيه وبس, alrashedq8, ريوف البحرين, fab u lus, المرام, Noura86, فاررسه, l, l NoOoR llترافلز مان,كويتية وافتخر, hisham90, ضـــي

السلام عليكم ورحمه الله وبركاته


صراحه شرفتوني بزيارتكم تقريري المتواضع عند ديرتي الثانيه الكويت ......

ومشكورين على تعليقاتكم الي مثل العسل والله ايقدرني اني اكون عند حسن ظنكم .... اسمحوا لي اليوم ما قدرت اكمل باقي التقرير والسبه الشغل الي على راسي بس اخلص الشغل ان شاء الله اكمل باجي التقرير ....

اختي الغاليه الماسة السوداء

موضوعي زاد شرف بزيارتج وان شاء الله مره ثانيه ريلج على ريلنا و اذا على الاكل اتعرفين دامي معاهم اكيد كله اكل في اكل ههههه شاسوي متعة الحياة ههههههههههههههههههههه
ومشكوره على مرورج ...... و ان شاء الله تكونين من المتابعين


تحياي الحين وان شاء الله اكمل المووضع عن قريب و ان شاء الله ما طول عليكم

تصبحون على خير

اخذي راحتج ........ بس مش اوي قاعدين ومتربعين ننطرج تكملين الموضوع الشيق.

دبدووووووووب سلمت الأنامل على هالتقرير الحلوووو لسفره ولا اروووع الحمدالله كانت من احلى السفرات والي حلاها يمعتنا وفي انتظار باقي التقرير لاتاخرين علينا

,hkjd fhgt odv

تقرير ولا أحلى شكرا على التقرير الطيب

يشوق تقريرج تسلمين

علي فكره المحل اللي رحتي وشريتي منه سويت في جمعية الشامية والشويخ اهوا محل كاندي السلطان

بصراحه اهياا فنانه في السويت والباستريززززززززز عليج بالعافيه

تقرير اكثر من رائع

المشاركة الأصلية كتبت بواسطة shjen
http://www.arabtravelersforum.com/tr...4/#post2563604

يشوق تقريرج تسلمين

علي فكره المحل اللي رحتي وشريتي منه سويت في جمعية الشامية والشويخ اهوا محل كاندي السلطان

بصراحه اهياا فنانه في السويت والباستريززززززززز عليج بالعافيه



هلا اخت شجن مشاء الله روعه مخبزها صج على قدها بس الاكل روعه الله يوفقها يارب ومشكوره على المعلومه

المشاركة الأصلية كتبت بواسطة shjen
http://www.arabtravelersforum.com/tr...4/#post2563604

يشوق تقريرج تسلمين

علي فكره المحل اللي رحتي وشريتي منه سويت في جمعية الشامية والشويخ اهوا محل كاندي السلطان

بصراحه اهياا فنانه في السويت والباستريززززززززز عليج بالعافيه




شجن ما اظن ان البنات كانوا فى محل كاندى (جمعية الشويخ) واظنهم كانوا فى مول جمعية الشامية لان محل كاندى (الشويخ) ماكو يمة مطعم للسندوشات :114:

fab u lus ، بحرينية هانم ، المتفائل جدا، shjen، hamad123 ، ريوف البحرين

مشكورين على المرور وان شاء الله ما طولت عليكم

مشكوره اختي شجن على المعلومه الحلوه

تحياتي

ماقصرتي دبدوب وهاليوم صج عن جد ماكانه بناكل بس يوم رحنا ميس مادري شلون سبحان الله انفتحت شهيتنا ههههههههه

ماشالله يوم حافل :24:
بس ممتع صراحه
انا وايد عجبني هالجزء
وبانتظار الجزء الاخير :110::110:
بس لا تطولين علينا مثل هالمرة

ما شاء الله
للحين متابعين معاكم يالغاليه
شاورما في جباتي !!!!!!!!!!!!! قصدج شاورما في خبز صاج

بعد اللعب وبمساعدة البرد لازم الواحد يحس بالجوع....وعليكم بالعافية لاختياركم الاكلات الحلوة بجد شوقتونا على ميس الغانم

مشاء الله تقرير ولا أجمل منه

تابعت تقريرج في الاجزاء كلها .. يمتاز أسلوب البساطة والشيق في الطرح

بإنتظار الجزء الاخير من الرحلة

مشاء الله تقرير ولا أجمل منه

تابعت تقريرج في الاجزاء كلها ... يمتاز أسلوب البساطة والشيق في الطرح


بإنتظار الجزء الاخير من الرحلة بفراغ الصبر

هههههههه تسلمووون الكل صراحه الاكل وايد فضيع و البرنامج وايد حلو و الجو احلى بس ان شاء الله ما راح اطول على الجزء الاخير ان شاء الله .... تحياتي

تقرير اكثر من رائع:24::24::24: والاكل شكله حلو خاصه الكشري ترى انا جوعانه:36_1_51: بانتظار باقي التقرير:x1::x1:

يعطيج الف عافيه دبدب يله بقى اخر واقصر جزء من الرحله الرااائعه