أخوي راعي السيكل جزاك الله خير وما قصرت معليش تأخرت في الرد عليك لأني أجلت سفري إلى جزر المالديف إلى السنة القادمة ونسيت أن أرد عليك ومثلك عارف أنا جديد على المنتدى وأنا أقصد في كلامي أمزح معاك ولا عارفين أن قلبك أبيض وطيب وشكراً وما قصرت على هذي المعلومات إلي بأستفيد منها إن شاء الله في العطلة الصيفية الجاية .
أخوك المحب ناظم
الله يعطيك العافيه اخوي راعي السياكل على هالمعلومات المفيده جدااا
انا ودي اروح للمالديف 3 او 4 ايام بالكثير بس محتار وش اروح لاي دوله ثانيه اكمل فيها شهر العسل؟
ياليت تقترح علي اي دولة ثانيه تكون قريبه وحلوه اكمل فيها شهر العسل بأستثناء هذه الدول( ماليزيا +دبي + سريلانكا)
وكم بتكلفني الاربعة ايام تقريبا اللي بجلسها في المالديف؟؟
وشاكر لك احوي على هالمعلومات الحلوه..
وشهو مالديف
khalid15
إنسى ... البلد ثلاث اربعاها غرقت بعد الزلزال الاخير ...
يا ولد والله سنتين اروح لها وربنا ستر .... ما رحنا فيها ملح ... واكلتنا القروش ....
اقول عاد الاعمار بيد الله ... والله لو الامور تهدأ شوي ... لأروح لها مرات ومرات
البلد رهيبة وتستاهل
بعدين ابو خلود .... انصحك اذا تروح المالديف ودبي ...
حيرتني معاك ياراعي السيكل؟! ..
تارك شغلي وجالس أتنقل بين مواضيعك في المنتدى!! .. ولسه بأروح لموضوع أختنا مهاجرة أشوف اش كاتب في ردك هناك ؟! ..
صحيح إني جيت متأخر لموضوع المالديف .. لكن الحكمة تقول : أن تصل متأخرا خير من ألا تصل أبدا!! ..
وأفضل عبارة مدح قرأتها في شخص منذ التحاقي في هذا المنتدى عبارة ذكرها أخونا أبو زياد في هذا الموضوع والعبارة تقول بالنص : كل اللي اقدر اقوله انك انسان تعرف تسافر صح !! ..
بالله عليك .. فيه عبارة ياراعي السيكل أفضل من هذه العبارة ؟! .. إنت رجل اعلامي وتعرف توزن الكلمات وتعطيها حقها!! .. بصراحة عبارة أبو زياد فيك تستحق أن تكتب بالشعر أو بماء الذهب!! ..
إنت ياراعي السيكل انسان تعرف تسافر صح!! .. نعم يا ليتنا كلنا نعرف نسافر صح!! .. كان صرنا أفضل سياح على الكرة الأرضية!! .. معليش خرجت عن الخط شوي بس كلام كنت لا زم أقوله كبداية لتعليقي على هذا الموضوع!
إذا وضعنا زلزال تسونامي جانبا ونظرنا إلى جزر المالديف كما وصفتها فأعتقد أنني أتمنى أن أزورها في أقرب فرصة
لأني انسان أحب الهدوء والروقان ( حسب تعبيرك!!) .. ياسلام على الهدوء والتأمل عند الغروب أو الشروق وجنبي كاس شاهي بالنعناع!! .. لا تستغرب!! .. مو أحسن من اللي يروح ومعاه شاااابورة وجبن كرافت ؟! .. أحد يروح لمالديف ومعاه شابورة؟! .. وين الأكل البحري ؟! .. وين الجامبري والاستكاوزا والسردين؟ .. شابورة ياراعي السيكل
شابورة؟! .. ما علينا ما راح أقول إن الموضوع رائع وشيق ومن هذا الكلام اللي لايودي ولايجيب!! .. لكن راح أهنيك على جهدك وإنت تعيد وتكرر المعلومة لكل واحد بدون كلل ولاملل .. رغم إن اللي يسأل لو رجع صفحة وراء كان شاف اجابة السؤال .. وهذا هو نفس الشيئ اللي تكلمت عنه أختنا القطوة في أحد ردودها على الموضوع!! ..
تعيش يارب وتشتري سياكل كثيرة يا أحسن راعي سيكل بالحارة!! ..
تحياتي لك ..
بعدين ابوسلطان
انت ليه زعلان شابورة شابورة
طيب تخيل ان البحر اللي قدامك شاي ولازم تغط في شابورة كم كيس شابورة يبيلك علشان يخلص الشاي ( البحر )
ول تزودها معايا في كرهك للشابورة ... لا أختبرك اختبار اكثر صعوبة ... وهو لو تخيلت البحر شاهي كم كيس سكر يبيلك علشان تحليه ...
كخخخخخخخخخخخخخخخخخخخخخخخخخخخخخخ //// علي وعلى حالي
اخي راعي السيكل :
قاعد أتخيل لو البحر شاهي .. كم حزمة نعناع بأحط فيه علشان يزبط الشاي بالنعناع؟!
على فكرة أعرف مخبز في الرياض يبيع شابورة على كيف كيفك!! ..
نسيت أقول لك إن أحسن شي بأسويه في المالديف لو أراد الرحمن وزرتها إني أحط فرشتي عند البحر وأقعد أتسمع على الراديو!! .. ترى الراديو ما يحلى إلا عند البحر وإنت تستمع إلى صوت الأمواج!! .. معليش أنا دقة قديمة وما زلت محافظ على عشقي للراديو!! .. من أيام الراديو الروسي اللي ارتفعت أسعاره أيام حرب الخليج!!
تحياتي ياراعي الشابورة .. أقصد ياراعي السيكل!!!
ياراعي السيكل :
أنا كنت أقول الراديو علشان تسمع فيه برنامج حلو .. مقابلة شيقة .. مو تتابع فيه الاخبار!! ..
وترى (الوزززز) وال( تشششش) اللي إنت قاعد تقول عليها أحسن شيئ في الراديو!! .. لكن اللي مثل حالتك يتابع الأخبار حتى وهو في الاجازة لازم ما يحطو الراديو حقه في الامانات بس !! .. دول لازم يرسلوا الراديو لبيتهم لما يرجع!! ..
أنا أقول الراديو للاستمتاع مو للشغل ووجع الراس!! .. إحنا ناقصين أحبار يا خويا!! .. لكن ما في فايدة لازم نرفع ضغطنا حتى واحنا في سيشيل!! .. صاحبك الامريكاني معاه حق!! ..
الاخ ابو نجم...........مشاركه رقم 15
هم يقصدون بالفندق بندس ايلند رسولت...هو...فندق باندوس فهو ممتاز وله 30 سنه وهوللسياحه
جزيره جميله وكبيره وخاصعه للعوائل وانا كنت هناك فى 1 ابريل 2005 تجد الخصوصيه ومطاعم جيده
وطبيب عام وطبيب اخر متخصص لمعالجه اثار الغوص ومسجد جميل جدا تجد فيه الخشوع والراحه
وممكن تتمشى انت واهلك تحت الاشجار ما احد يدرى عنك......وقريب من المطار بالقارب نصف ساعه
السياح من ايطاليا والمانيا وبريطانيا..........انا اخذت السعر مباشر من المطار 225 دولار....من الكونتر حقهم
ونصيحه اخويه لا تحجز فنادق من السعوديه..........احجز تذكره فقط
اخوي راعي السيكل شكرا على الرد
لكن استفساري هل المالديف هي ماليزيا
اذا ايوة احب استفسر عن افضل الاماكن الجميلة فيها واسم المدينة الموجودة فيها وش تنصحني وين اروح
اذا المالديف غير ماليزيا الرجاء تحديد موقعها وهل اسعارها غالية ام لا وهل اجمل هى والا ماليزيا
واذا عندك خريطة لها لاتبخل علينا فيها
وتسلم حبيبي
الاخت (((( القطوة ))))
معقوله !!!!!!!!
الحمد لله علي السلامه
المنتجع لم يتأثر لا من قبل ولا من بعد ...... لأنه هو ايضا بعيد جدا في اتجاه الشمال الغربي من المالديف .... وهو الان صبحان الله رب ضاره نافعه .... محجوز عن بكرة ابيه .... واصبح صعب جدا الحصول على حجز الا قبل شهر على الاقل
وانا ممكن اعطيكي رقم هاتفهم وتسأليهم
ليش مش معقولة أخي راعي السيكل!!
مشكور أخوي على ردك و إفادتك و بصراحة لو كان المنتجع فعلاً محجوز لفترات طويلة فالسبب هو شخص معنا بالمنتدى ماقصر سوى له دعاية ماحصلتش لكن رجاءاً لاتحاول تسأل عن لقب هالعضو
وفقك الله للمزيد من الرحلات الممتعة لكي تمتعنا بأخبارها و تفاصيلها.
لك الشكر مرة أخرى أخي الكريم
تحياتي لك و للجميع
[align=center] :109: :109: :109:
نيااااااااااهااااااااااااهاااااااااااااا
تعجبيني يااختي القطوه :107: :109:
((( راعي السكيل )))
توني أقرأ كلام اخوي خالد ...قلت في نفسي بس مايجوز عن العجله والأخطاء الإملائيه
إلا ويجي ردك حلووووووووووووه :101:
وياعزيزتي شرفيتنا ونورتينا وينك من زمان ؟؟!!!
على فكره انا أحب القطاوه ...وأي طفله من قرايبنا تعجبني أقول لأمها تهبل كنها قطوه :101:
تقوم الأم تظن اني اتمسخر :105: ...قلت والله القطوه تعني لي الكثير أحسها بريئه وشقيه ...وأشياء حلوه
:101: :106: :107:
راعي السيكل لاتزعل تعرفني أحب أتصيد أخطائك الإملائيه وربي جاب لي اخت تساعدني :109: [/align]
اختي القطوة ... تتصيدين عثرات اخوكي ... راعي السكيل ... معليش
وانت سحابة ... بس تشوفين جنازه ... تشبعين فيها لطم ... برضو معليش
اليوم الطبه علي بكره تطبون انتم ... وراح اوريكم ...
ابوزياد ... بلاتيه بلاتيه ... جاهز ... بس ابي انصحك ... نصيحة اخو لا تغيب كثير عن المنتدي .. ترى ببلغ عنك السلطات واقول انه مختفي ... واخر مره شفته على حدود المنتدى وده يهاجر عنه
الأخ راعي السيكل
عندي عدة نقاط أحب أن استشيرك بها
أولا بعد توسنامي(أعلم ان المنتجع لم يصب باذى) عل تفكر في السفر اليها ؟؟ حيث الخوف موجود
$ثانيا هل يوجد مناظر مش ولا بد تثير غيرة الزوجة و(تقلبها نكد)؟ بالذات انها لم تسافر خارج المملكة من قبل
علما أني سالت احد اقاربي وقالوا كلها مايوهات
ثالثا عندي 3 اطفال وانت قلت يسمحوا بطفل لكل منتجع المشكلة انهم صغار اثنين عمرهم 2وشوي والثالثة عمرها سنة صعبة اخليهم في فيلا لحالهم
كيف الحل؟
رابعا ميزاينة 30 الف تكفي لكم يوم؟ بكل التكاليف؟
هل ممكن بهذه الميزانية أذهب الى منتجع الهلتون؟ اذا ممكن كم يوم؟
خامسا
هل هناك منتجع فيه مسبح خاص؟ غير المنتجع الموجود في العاصمة ومنزلة صوره احدى العضوات
سادسا
بالنسبة للمطعم والأكل هل هناك خصوصية يعني الزوجة المنقبة كيف تأكل هل هناك بارتشين مستر والا كله على الهو؟
جزاك الله خيرا اطلت عليك وفي انتظار ردك ولكن لتعلم أنت من ابهرتني بالصور والوصف وتشجعت جدا للسفر اليها
عجيب والله امر بعض الناس
(((( قبل لا تفهمني غلط اخي الكريم تراني رجل احب المرح والحياة فانيه ))))
دلحين مسمي نفسك
(((( هاكونا ماتاتا ))))
ومتعقد بدي العقد الكثيرة
انا اعرف ان ((( هاكونا ماتاتا ))) زي ما قالوا حكمة نظزمها لزيز ... ارم الماضي اللي يغيز ...
المهم اقدر ان اول مشاركات في المنتدى كانت عندي في موضوعي
وسأجيبك بما عرف
بسم الله الرحمن الرحيم
قلت ( وشكلت ما مريت عليه )
قلت والله لو سنحت الفرصة لأعود لها كل عام ... والاعمار بيد الله اخي الكريم نموت في المالديف او اي مكان بالعالم
منظر مش ولا بد ((( اكيد كلها مايوهات )))
بس انت كما سبق وان قلت بالنسبة لمنتجع كوريدو كبير وممكن (( اذا حبيت )) تقعد في شاليهك والبحر اللي امامك لك وتاخذ راحتك
ساضع لك الان صور واشرح لك بقدر الاستطاعة .... يالا الصور علشان خاطر عيونك ولان اول مشاركة لك عندي
بالنسبة لغيرة الحريم ... يا بابا ... يا ماما ...
الحريم يا حلو يغاروا من الشاشة الفضيه ... اللي لو ركبوك الف جني ما تقدر تدخلها وتوصل لا للمذيعات ولا للمطربات
وهم يغارون ويتحكمون بالريموت كنترول ... وتجيها كل مواضيع الدنيا ساعتها وكل نقاشات الامم لحظتها
وبعدين تبيها ما تغار من المايوهات ...
اقول اقترح عليك تقول للمدام وبصراحة ... انك آخذها لجوانتنموا ولازم يعصبون عيونك
طبعا ابدا بيها هي وعصب عيونها .. وبعدين سوي نفسك انهم عصبوا عيونك انت وقلها ها وش شايفه يا حرمتي اوصفي لي ... وبس وخلاص
الامر اخي الكريم لا يخلوا من امور غير ملائمة ولكن ابتعد عنها بقدر الاستطاعة
وبصراحة لا استطيع الاعادة ارجو منك قرأة اسطري في الصفحات السابقة ففيها كل امر
الاولاد اعتقد يمكن يمشوا الحكاية دي .... اقول يمكن .. لانهم بصراحة سوقهم كله اوروبي والعرب نادرين جدا جدا جدا
ولكن حاول قد يسمحون لك
30 الف ريال ممتازة جدا جدا
الهيلتون ... لا تمرضني زي الاخت ((((( ام ..... ))))) فور سيزونز وبس
شوف من الصور اللي راح تشوفها ستعرف ماذا اقصد واشرح لك قصدي اللي تكلمت عنه كثير في الصفحات السابقة
وهي موضوع البحر والشواطئ
المسبح الخاص ... سأضع لك صورة واحدة تتكلم عن المسبح الخاص .. حسب معرفتي فقط
وكوريدو لا يوجد مسابح خاصة بالشاليهات ... ولكن مثل (( بانيان ... او الهيلتون اعتقد هناك مسابح هاصه ))
كوريدو فيه فقط جاكوزي خاص (( بعض الشاليهات وليس كلها ))
البارتيشينات حقت المطاعم ... اخ منك يا عفريت ...
يا عمي انت وش قاعد تقول ... يا بابا ... هم شالوها من مطاعن الرياض يالحبيب مثل صحارى الجديد المملكة بعد التوسعة الفيصليه ... بابا انت وين عايش
اخ على الهيئة اللي للاسف قصقصوا اجنحتها الجماعة ... ويوم كنا نمشي بالمحلات ونشوفوهم في كل مكان لكن الله يسامح من مسك المقص
بعدين رح لموضوع الاخت (( فاتوني FatOonni )) .. اللي كتبت عن المالديففي بوابة المالديف اهداء لي .... والاخ ميتووووو في بوابة السفر للامارات
ساضع لك وللجميع الصور الان كلها عن كوريدو عدى ما سأوضحه انه خلاف ذلك
المفضلات