الموضوع: نماذج السفن الشراعية المصغرة

السلام عليكم .. ولو ان المنتدى هاليومين كله شغل طاف وماكو احد يرد بس ميخالف .. يمكن منشغلين او لاهين .. الله يكون بعون الجميع .. عندي سؤال مالقيت اي موضوع عنه .. فلذلك طرحته

وهو وين الاقي مجسمات السفن الشراعية المصغرة اللي تنحط بالدواوين وع المكاتب ، وهل هي جاهزة ام تفصيل ، ومتوسط الأحجام واسعارها .. فياليت احد يفيدني الله يعافيكم

مواضيع عشوائيه ممكن تكون تعجبك اخترناها لك:

• ديزني لاند كويتية
• مشاريع الكويت المستقبلية
• تصميم الفلل بالكويت
• عاجل ضروري تكفون ساعدوني الخطوط الصينية وساعات الانتظار
• شقق ستي سويت
• الجتي سكي ع البحر مباشرة يعني من الشاطي وووووووووووينه
• ساعدوني ياعشاق الكويت
• استراحة دار شيخة بالكويت رووووعة
• شحن سيارة
• مطعم ميار الكويت تقرير جديد وشغل لبناني
• فندق بلازل اثنيه
• هل الرخصة القيادة الدولية الصادرة من مصر مسموح بها في الكويت
• مطلوب شقق عزاب مفروشه في منطقه الشرق بسعر معقول
• الكويت تعمل على تنشيط العلاقات السياحية مع دول العالم
• الرهش الكويتي حلويات الكواكب
• ايام بالكويت الحبيبة نبي مساعدتكم
• سؤال عن اسم شقق في حولي
• صور من كويت الماضي الجزء الثاني
• جديد الكويت قريبا
• استفسار عن مخفر شرطة الجهراء

في سوق المباركية, و ايضا على ما اعتقد في يوم البحار..

على مااعتقد بالمباركيه

و عليكم السلام و رحمة الله...

توجد في سوق المباركية عدة متاجر...
لبيع مثل هذه التحف و الأمور القديمة الأخرى, كالراديو و مشغل الأسطوانات و غيرها الكثيــر.

إضافة لبعض المحلات التراثية الموجودة في مجمعات مثل الصالحية,,,
و المنشر...و هي على مستوى عالي جداً.

ملاحظة : استغرب انك ماشفت الردود الأخرى على موضوعك الثاني, فيوجد رد سابق لموضوعك
قبل ان ترد بعدم وجود أحد يرد عليه...

تقبل تحياتي.

السلام عليكم .. kuwaiti18 .. ماقصرت كثر الله خير .. بس عزيزي يوم البحّار هذا وشو .. معرض او مكان او سوق ؟؟

Noura86 المباركية بإذن الله يبيلها زيارة طويلة ، مشكورة وماقصرتي اختي نورة


Dhari .. حياك ربي مشرفنا القدير ،، ياعمي قبل كل شيء والله العظيم صار خلل مدري من كوكيز جهازي او من المنتدى .. ماشفت رد اخونا عاشق الدانة على موضوعي ( عن طريق ابوحدرية ) يوم كتبت الرد ، واستغرب من عدم ظهور رده لي آنذاك وتوه يطلع لي الرد واكتشفت المصيبة .. عموماً برد هناك وبعتذر منه لا يحسبني تجاهلته .. عموماً ابوي سوق الصالحية وسوق المنشر
ابي وصف مكانهم الله يعطيك العافية ومشكورو ماقصرت

اخوي
انت سألت جم مرة عن وصف للمجمعات
راح تلاقي كل شي في موضوع مثبت لازم تقراه وتمر عليه اللي اهو "الطريق الى مجمعات الكويت "

وبعد في خريطة للكويت
وانشالله تستفيد منهم حق رحلتك


تقبل مروري :101:

عندك ديوانية القلاليف نفس شارع سوق شرق على البحر بجانب قصر السيف ووزارة الخارجية وسوف ترى بأم عينك كيف تصنع هذة السفن

سوق المباركيه الارخص
وهم موجوده في ابراج الكويت لاكن اكيد اغلا

اعتقد في سوق المباركيه

ماقصرتوا كثر الله خيركم رحت للكويت ورجعت ولله الحمد ، وصدقتوا .. بالمباركية لقيت سفن رخيصة وخصوصاً بمدخل المباركية قبل محلات الملابس الرجالية فيه على اليسار اكثر من محل يبيعون سجاد إيراني ومقتنيات إيرانية .. واخذت 7 سفن 4 صوغات و3 بوزعهم ع الغرفة والمكتب .. وبالمباركية فعلاً ارخص .. اخذت السفينة الصغيرونة صناعة صينية بدينارين ( شفتها بـ 10 دنانير بالأبراج ) .. والسفينة العودة بـ 12 دينار صناعة كويتية .. وهم بقرية يوم البحار لقيت لكن غالي حده .. سفينة بوم صغيرونه بـ 40 دينار .. شدعوه !!!
ومريت من عند ديوانية القلاليف على الخليج العربي لكن ماكنت متوقع الاقي سفن للبيع .. خفت ادخل والاقيها ديوانية عادية متروسة شيبان ومو حلوة اطل عليهم وامشي .. وياليتني وقفت ونزلت .. بس ميخالف ان شاء الله الجايات اكثر والكويت خلاص من الحين ماراح احزم شناطي إلا لها .. فديتها وفديت اهلها

المشاركة الأصلية كتبت بواسطة أحبك يا كويت
http://www.arabtravelersforum.com/tr...3/#post2600953

ماقصرتوا كثر الله خيركم رحت للكويت ورجعت ولله الحمد ، وصدقتوا .. بالمباركية لقيت سفن رخيصة وخصوصاً بمدخل المباركية قبل محلات الملابس الرجالية فيه على اليسار اكثر من محل يبيعون سجاد إيراني ومقتنيات إيرانية .. واخذت 7 سفن 4 صوغات و3 بوزعهم ع الغرفة والمكتب .. وبالمباركية فعلاً ارخص .. اخذت السفينة الصغيرونة صناعة صينية بدينارين ( شفتها بـ 10 دنانير بالأبراج ) .. والسفينة العودة بـ 12 دينار صناعة كويتية .. وهم بقرية يوم البحار لقيت لكن غالي حده .. سفينة بوم صغيرونه بـ 40 دينار .. شدعوه !!!
ومريت من عند ديوانية القلاليف على الخليج العربي لكن ماكنت متوقع الاقي سفن للبيع .. خفت ادخل والاقيها ديوانية عادية متروسة شيبان ومو حلوة اطل عليهم وامشي .. وياليتني وقفت ونزلت .. بس ميخالف ان شاء الله الجايات اكثر والكويت خلاص من الحين ماراح احزم شناطي إلا لها .. فديتها وفديت اهلها

أول ماقريت حسبالي 7 سفن و4 غواصات قلت الرجال ناوي يدش حرب :109:بس طلع 4 صوغات حياك الله أخوي وهذه الساعه المباركه الي شرفتنا في بلدنا بس نبي تقرير مصور عن الرحله وعن السفن الي شريتها :11ight:

المشاركة الأصلية كتبت بواسطة @المهاجر@
http://www.arabtravelersforum.com/tr...1/#post2601371

أول ماقريت حسبالي 7 سفن و4 غواصات قلت الرجال ناوي يدش حرب :109:بس طلع 4 صوغات حياك الله أخوي وهذه الساعه المباركه الي شرفتنا في بلدنا بس نبي تقرير مصور عن الرحله وعن السفن الي شريتها :11ight:

:109::109::109::109::109::109: الله يحييك ويشرف مقدارك يالغالي @المهاجر@ الشرف لي والله .. تصدق من رجعت للسعودية وانا منقلب فوق تحت ، ابي ارجع للكويت ورجعه هي الرجعه .. يعني استقر هناك ، ماتصورت ابداً إني بقدر على فراق الرياض وشوارعها ( مو اهلها ) لكن من شفت الكويت وانا محتاس .. يازينها من ديرة ويازين اهلها وياطيب العيشة وياهم ، وجيه سفرة تشرح الصدر ، حتى الآجانب فيها محترمين انفسهم وعارفين حدودهم ومؤدبين .. والله قبل كنت اشوف سيارات كويتية بالرياض وافرح واستانس ، الحين اذا شفت سيارة كويتية تذكرت الكويت ورحلتي ودمعت عيني واعتفست .. الله يصبرني على فراق الكويت واهلها .. اوعدك يالغالي بتقريرين كبيرين وفيهم مقاطع فيديو .. بس مدري عن سياسة المنتدى هل تقبل مقاطع فيديو فيها اغاني بس اغاني عتيجه مالت شادي الخليج وسناء الخراز ؟
وكل صوغاتي سواءاً اللي لي او اللي بهديهم بصورهم إن شاء الله وابشروا ادري تأخرت عليكم بس ميخالف اعذروني والله الأشغال ماتخلص .. تحياتي وتقديري لكم

انا شايفتهم بسوق المباركييه