بسم الله الرحمن الرحيم
رحلتي كانت كالآتي فينا 4 ليالي زلامسي 4 ليالي وميونخ 5 ليالي وبصراحه أشوف أنها كافيه لكل منطقه لكن الجو طبعا يلعب دور في كيفية استغلال هالأيام (بقولكم كيف بعدين):24:
وكنا مخططين انخلي النمسا حق الرحلات والكشته وميونخ للتسوق ( السنه اللي طافت رحنا استراليا بصراحه جوها الحلو خلاها في نظري أحلا من سفرتنا هذي الجو كان بصراحه حار) :112:
بتكلم عن كل منطقه بايجابياتها وسلبياتها..... واسمحولي اذا لقيتوا أي أخطاء املائيه... ما أحب الطباعه بس علشان الأفاده للآخرين بحاول أكتب بعض الأمور بالتفصيل ...... وقبل ما أبدأ أبغي أقولكم معلومه طبعا بعد ما أشكر جميع الأعضاء على تقاريرهم لأنها نفعتني وايد.... زوجي أبدا مايحب السفر عكسي تماما وأخذت وقت لين ما أقنعته وفهمته أن عندي فكره عن المنطقه ومعظم أماكنها وبتكفل بكل الترتيبات (زوجي ما يحب السفر يعني ما أسافر!!!!؟:icon_scra) .....والحمد لله في أسبوعين خلصنا كل الترتيبات وسافرنا :113:
قبل ما نوصل لفيينا واحنا في الطيارة كانوا يقولون جهزوا الجوازات قبل ماتنزلون طبعا ماعرفت ليش لحد ما وصلنا باب الطياره كان فيه موظفين يشيكون على الجوازات طلعنا الجوازات بس اختي وبنتي تأخروا في الطياره خذولهم خمس دقايق لين ماوصلوا فاضطرينا نوقف على جنب لحد ما وصلوا قلت هذي أولها المهم لفت أنتباهي الصوره الكبيره المعلقه على الجدار بلبس غير محتشم وما أعرف شو الهدف منها المهم مرينا عند الجوازات وكانت الموظفه مبوزه مادري ليش حتى ابتسامه ما ابتسمت :105:و قهرتني أكثر أنها أول ماجت العائله الي بعدنا وكانت هنديه قالتلهم أهلا فيكم في النمسا :101:......
وصلنا لين الشنط استقبلنا مصري شكله يدير مجموعه لحمل الشنط قلت حق ريلي خلنا ناخذ القاري مال المطار اللي باليورو بس قالي أحسن لويتولون المهمه لأن القاري مالهم كبير عن خمسة قواري ....بعدها طلعنا وكان في واحد تركي ينتظرنا اللي قهرني فيه أنه أول ماجافنا تقولون صاعقه نزلت عليه:36_1_25::36_1_25:
كم عددكم ......؟؟؟عندكم أطفال ....؟؟؟
وراح لمكتب تأجير السيارات وخذ كراسي حق اليهال وهو يتمتم وكان شكله عابس :105::36_6_4:...
زوجي حاسب الريال عن الشنط وعطاه ال 20يورو اللي طلبهم مايقارب 100 درهم بصراحه أشوفه وايد وطلعنا عالفندق
الصدمه الثانيه كان الجو حار :36_1_47:
.... أول ما وصلنا الفندق (لي مريديان) سألت موظفة الاستقبال جوكم حار قالت موجة الحر باديه عندنا من اليوم وبتستمر قرابة الأربع أو الخمسة أيام قلت في خاطري معقوله من يومين كنت أقرأ في المنتدى أنه فيه عواصف ثلجيه .... شو بيقول زوجي شاردين من الحر ويابتنا لمنطقه حاره......وللكتابه بقيه ............
.
.
.
.
.
.مواضيع عشوائيه ممكن تكون تعجبك اخترناها لك:
- الشقق في زيلامسي
- مسافر النمسا وابي منكم خدمه
- سؤال لاهل الخبره في خط رحلتي ؟
- احتاج مساعدكم
- مشورتكم لترتيبات رحلتي بعد يوم
- استفسارات ارجو الافادة
- شهر العسل في النمسا ارجو مساعدتكم ❤
- بغيت مشورتكم بالبرنامج والفنادق
- شلال جولنجر في اقليم سالزبورج
- جاتني رساله من شقق زيلامسي
- ساعدوني برحلتي
- دليل السفر السياحي الكامل للنمسا على هاتفك
- أضيف النمسا لجدولي أولا؟؟ ارائكم تحدد الرحله
- لاقربت موعد السفره كثرة الاساله والاستفسارات
- تأشيرة الشنقن في سفارة النمسا
- الفزعة تكفووووون
- رحلة الهنية في الأراضي النمساوية
- حجزت سياره وتوهقت وابي الغيها
- مساعده في فنادق كابرون تاخرت بالحجز
- ابي مساعدتكم الله يرضى عليكم
المفضلات