بسم الله الرحمن الرحيم
رحلتي كانت كالآتي فينا 4 ليالي زلامسي 4 ليالي وميونخ 5 ليالي وبصراحه أشوف أنها كافيه لكل منطقه لكن الجو طبعا يلعب دور في كيفية استغلال هالأيام (بقولكم كيف بعدين):24:
وكنا مخططين انخلي النمسا حق الرحلات والكشته وميونخ للتسوق ( السنه اللي طافت رحنا استراليا بصراحه جوها الحلو خلاها في نظري أحلا من سفرتنا هذي الجو كان بصراحه حار) :112:
بتكلم عن كل منطقه بايجابياتها وسلبياتها..... واسمحولي اذا لقيتوا أي أخطاء املائيه... ما أحب الطباعه بس علشان الأفاده للآخرين بحاول أكتب بعض الأمور بالتفصيل ...... وقبل ما أبدأ أبغي أقولكم معلومه طبعا بعد ما أشكر جميع الأعضاء على تقاريرهم لأنها نفعتني وايد.... زوجي أبدا مايحب السفر عكسي تماما وأخذت وقت لين ما أقنعته وفهمته أن عندي فكره عن المنطقه ومعظم أماكنها وبتكفل بكل الترتيبات (زوجي ما يحب السفر يعني ما أسافر!!!!؟:icon_scra) .....والحمد لله في أسبوعين خلصنا كل الترتيبات وسافرنا :113:
قبل ما نوصل لفيينا واحنا في الطيارة كانوا يقولون جهزوا الجوازات قبل ماتنزلون طبعا ماعرفت ليش لحد ما وصلنا باب الطياره كان فيه موظفين يشيكون على الجوازات طلعنا الجوازات بس اختي وبنتي تأخروا في الطياره خذولهم خمس دقايق لين ماوصلوا فاضطرينا نوقف على جنب لحد ما وصلوا قلت هذي أولها المهم لفت أنتباهي الصوره الكبيره المعلقه على الجدار بلبس غير محتشم وما أعرف شو الهدف منها المهم مرينا عند الجوازات وكانت الموظفه مبوزه مادري ليش حتى ابتسامه ما ابتسمت :105:و قهرتني أكثر أنها أول ماجت العائله الي بعدنا وكانت هنديه قالتلهم أهلا فيكم في النمسا :101:......
وصلنا لين الشنط استقبلنا مصري شكله يدير مجموعه لحمل الشنط قلت حق ريلي خلنا ناخذ القاري مال المطار اللي باليورو بس قالي أحسن لويتولون المهمه لأن القاري مالهم كبير عن خمسة قواري ....بعدها طلعنا وكان في واحد تركي ينتظرنا اللي قهرني فيه أنه أول ماجافنا تقولون صاعقه نزلت عليه:36_1_25::36_1_25:
كم عددكم ......؟؟؟عندكم أطفال ....؟؟؟
وراح لمكتب تأجير السيارات وخذ كراسي حق اليهال وهو يتمتم وكان شكله عابس :105::36_6_4:...
زوجي حاسب الريال عن الشنط وعطاه ال 20يورو اللي طلبهم مايقارب 100 درهم بصراحه أشوفه وايد وطلعنا عالفندق
الصدمه الثانيه كان الجو حار :36_1_47:
.... أول ما وصلنا الفندق (لي مريديان) سألت موظفة الاستقبال جوكم حار قالت موجة الحر باديه عندنا من اليوم وبتستمر قرابة الأربع أو الخمسة أيام قلت في خاطري معقوله من يومين كنت أقرأ في المنتدى أنه فيه عواصف ثلجيه .... شو بيقول زوجي شاردين من الحر ويابتنا لمنطقه حاره......وللكتابه بقيه ............
.
.
.
.
.
.مواضيع عشوائيه ممكن تكون تعجبك اخترناها لك:
- تكفون محتاج مساعده باقي على تأكيد الحجز يومين فقط
- تجربتي بالسكن في شقق في كابرون
- الى خبراء اوروبا ارجوا الافاده في ترتيب خط مسار رحلتي
- خريطه اندرقراوند فينا للاماكن السياحيه
- جدول رحلة للنمسا
- نفحات نمساوية مصورة
- اعضاء المنتدى الكرام
- النمساصور بعدستيسالزبورغزيلامسي
- الرجاء مساعدتي في تخطيط رحلتي
- مسافر النمسا وابي منكم خدمه
- رحلة اوربية ؟؟؟
- الشقق في زيلامسي
- استفسار عن التنقل للعوايل الكبيره
- استفسار بخصوص السفر الى نمسا
- الاغذيه والمعلبات
- حط طلبك وابشر باللى يسرك عن النمسا
- لمحبي المأكولات البحرية مطاعم نورد سي في النمسا / الاحداثيات
- استفسار عن فنادق في فيينا
- هل سمعت صوت شلالات كريمل؟؟
- بداية رحلتي تبدا من هنا
المفضلات