السلام عليكم ورحمة الله وبركاته
:8888:
رديت من بيروت للوطن
وصلنا اليوم للبيت وفكرت اني اشكر اشخاص ساهموا في اثراء سفرتي وأكتب اشياء تفيد غيري
اولا اريد شكر zain group على كل نصائحها في موضوع كتبته واللي حسستني اني ادل كل شي بلبنان
قبل لا اوصل لها
ونبدأ بالتوصيات المنقوله سابقا والمكتشفه ههههه :bounce8:
المكتشفه :
1- لا تروح جبل مقام السيدة حريصا لانه مضيعه للوقت وبالعربي اللي تشوفه من الجبل راح تشوفه بأي مكان تكون فيه على اي جبل اقل شي وانت رايح لفاريا راح تشوف نفس المناظر بس ((( مهم تمر مطعم منولا لانه بصراحه كل يوم ادعي للاخت زين على توصيتها للمطعم صراحه طعم خيال ومنظر حلو بس ركز على الطعم خخخخخخ نصيحه صغيره لا تطلع من المطعم الا تاكل قشطه وعسل وعيش الحلم.....:11ight:
2- اي مطعم تروحله لازم تسأل عن كل شي تاكله هل هو حلال ولا حرام عشان لاتتوهق مثلي بغيت اكل لحم خنزير بس نبهني القرسون ههههه قالي شو بك فيها وانا من الدلاخه اقوله وانت شعليك انا ابي اكل ولا انت هههههه يعني مسوي نفسي فاهم الى ان فهمني اخر شي:109:
3- داخل بيروت لا تتعامل مع شركات التكاسي واطلع للشارع وقف ثواني مليون تكسي يوقفلك تحس ان الشعب كله تكاسي هههههه المهم ركز بهذي الحركه داخل بيروت اي مشوار تروحله تكلفته للشخص الواحد الفين ليره لبناني بالسرفير الألف ليره ونص يساون دولار لا يقصون عليك ويعيشونك فلم هندي انا اول ايامي بس ادودل براسي يدفعوني مشوار واحد خمسطعش دولار شف الفرق نصابين بس ماعليك اخوك فهم الحركه قوله قبل لا تركب ركز قبل لا تركب لا تركب انتبه قبل لا تتفق معه ترا بعدين تدخل فلم هندي مثلي ههههههه قوله من قبل لا تمسك الباب الفين ليره بالسرفيس واركب انت واللي معك ورا ليش ورا عشان اذا جاء يركب احد يتوهق ما في الا كرسي واحد قدام لان السيرفيس يعني عادي يركب احد معاك .
4- السولدير خله تمشي وووناسة مقاهي ومطاعم لا تخربها وتشتري لان اسعارهم غاليه بصراحه اغلى من ديرتي الكويت يعني في شغلات اعرف اسعارها بالكويت ارخص بكثير منهم . نجي على الحمراء اسواقها ارخص بشوي من السولدير واي بي الاشرفيه ارخص منهم اثنينهم بس ركز معاي تراهم كلهم غالين يعني انا بوجهة نظري اذا تبي شي اطلع برا بيروت برج حمود او تركس اضن اسمه تركس خاصه للهدايا يعني الهدايا وراك شعب ينطرك بالبيت يبون هدايا وصوغه هههههه على قولتهم مابتوفي فمالك الا تروح برا بيروت وترا لبنان كلها صغيره شكبرها بالخريطه لكنها قريبه من بعضها حيييل .. تسمع بعيد لكن لما تروح تلقاها قريبه وبعض التكاسي خاصه اذا ماخذه اليوم كله او بالساعه يطلع روحك يفر فيك الشوارع مع ان فيه طريق اقرب .
5- اللي رايح سياحه عنده الثلج بتل السمان (فاريا) وعنده جعيتا مغارتين وحده تحت بعض اللي فوق مشي واللي تحتها بالقارب ركز اهنيه اذا قالولك عندك مبايل او كمره قول لا مو تسوي نفسي قلت اي وحجزوها مني برا ولما دخلت لقيت العالم كلها تصور بأماكن يكون مافيها مراقب وانا عايش فلمي الهندي ادودل براسي اطالع والله تحتر مناظر حلوه ولا تقدر تصور صج ممنوع بس ملاقه تمشي ولا تصور .
اقول
شباب وصبايا زوجتي تبي اغراض من السوبر ماركت ( الجمعيه ) وشكلي بروح وبطول راح اكمل الموضوع بعدين على طريقة المسلسلات الاجنبيه ......يتبع ......مواضيع عشوائيه ممكن تكون تعجبك اخترناها لك:
- ما هي الاماكن السياحيه التي تستحق الزياره
- تقرير مصور لزيارتي لقلعة حلب وصور لأول مرة تنشر بعدسة عسل
- ماهي أرخص شركة طيران لبيروت؟
- طرابلس سؤال للعارفين
- سؤال لصقر بيروت
- عمااااااااااااااار يالبناااااااااان
- رويال بلازا للاهميه وظروري
- السفر بحرا الى لبنان
- فندق في بحمدون
- هل تريد شقة بالجبل وبسعر مغري؟
- يوم الاحد في بيروت ان شاء الله
- حاليا انا في لبنان للي يبي يعرف الوضع
- لبنان والبحث عن الألهام في دولة الالام
- ابتعدوا عن هالفندق
- محبوبتى الجريحه ياااسحر الاوطان
- ممكن حد يجيب لي رقم ريجنسي بالاس جونية
- عنود الخبر همبكه وكلكم الاحد رحلتي
- الأرمن في لبنانالطائفة التي اعشق
- مقطع قيديو رائع عن لبنان
- الطايف
رد مع اقتباس
المشاركة الأصلية كتبت بواسطة محمد عود
المفضلات