الموضوع: رحلتي وتجربتي في لوس انجلوس ولاس فيغاس

السلام عليكم ورحمة الله وبركاته
تقرير مبسط عن رحلتي الى الولايات المتحده الامريكيه، وبالتحديد الى مدينتي لوس انجلوس ولاس فيغاس، مع تجربتي الشخصيه خلال الرحله و اجراءات الدخول والخروج الى الولايات المتحده الامريكيه

بسم الله أبدأ

نوع الفيزا: فيزا عمل او سياحيه، استخرجتها قبل موعد الرحله بما يقارب الشهرين من السفاره الامريكيه في الرياض.
الغرض من الرحله: رحلة عمل في الاساس للمشاركه في مؤتمر هندسي متخصص في مدينة لاس فيغاس
الخطوط: الخطوط الملكيه الهولنديه (KLM)
مدة الرحله: عشرة ايام
اما مايخص تفاصيل الرحله وخط السير فهي كالاتي:
خط السير: الدمام-امستردام-لوس انجلوس
لوس انجلوس-لاس فيغاس عن طريق(US AIRWAYS)

بحمدلله وبعد رحله متعبه وصلت الى مطار لوس انجلوس(LAX) في الساعه 5:30 عصراً طبعا انا كنت متوقع الاسواء من الانتظار في المطار او حتى الرجوع الى السعوديه... مجرد توقع حتى اخفف على نفسي...

طبعا وبما اني اول مره ادخل الى الولايات المتحده الامريكيه انتظرت في المطار مايقارب الخمس ساعات...وكان مجرد انتظار فقط حتى يحين دوري؟!؟

ومابعد الصبر الا الفرج.... وتفائلوا بالخير تجدوه...الحمدلله جاء دوري واسئله واجوبه انا وموظف الجوازات حتى ختم على جوازي ودخلت اخيراً!! وكانت الساعه الحاديه عشر والنصف ليلاً...

ذهبت الى الفندق وكنت حاجز في ه عن طريق النت طبعا مسبقا.... (SKY HOTEL) في منطقة ويست وود...منطقه راقيه وهادئه وجميله جداً

بصراحه نمت وانا مادري عن نفسي...المهم في الصباح قررت ان اتمشى في المنطقه وكان فيه مول قريب من الفندق وقضيتها تمشيه وتسويق

في اليوم التالي...حجزت لي (Tour) وعن طريق النت بعد...وكانت انواع...تختلف على حسب المده...انا اخذت اطول وحده يوم كامل وتشمل: هوليوود وبيفرلي هيلز وسن سيت وسانتا مونيكا ويونيفرسيال ستوديو...والحمدلله كانت اكثر من رائعه وخلصت سي دي (دي في دي) كامل من الصور!!

اكثر ماعجبني بصراحه السن سيت واليونيفرسيال ستوديو...قضيت فيها مايقارب الاربع ساعات والنصف بدورن تعب او ملل

في اليوم التالي وحسب ماكنت مخطط له.... اسافر الى لاس فيغاس للمشاركه في المؤتمر
طبعا انا كنت حاجز طيران داخلي عن طريق (US AirWAYS) من هنا في السعوديه قبل ماسافر...

طلبت تاكسي من الاستقبال في الفندق ووصل في الوقت المناسب
ذهبت للمطار في الموعد المحدد

طبعا من الاشياء الممتازه والمريحه في هالبلد هو الخدمه الذاتيه...يعني تسوي التشيك ان والبورديق الكترونيا عن طريق النت قبل سفرتك ب 24 ساعه وهالكلام يريح حتى تقدر تختار المقعد واي طلبات خاصه ويجنبك التاخير في المطار والوقوف بالسرا او اللاين...

يعني وصلت المطار وانا مرتاح سويت التشيك ان فقط...وذاتيا بعد...وسويت تشيك ان للحقائب عن طريق واحد مساعد للجمارك

طبعا التفتيش في هالرحله كان مريح بعكس ماتوقع...يعني:
لايوجد اجراءات استثنائيه تفتيشيه
مافي تدقيق على الاغراض او اللاب توب

المهم وصلت الى لاس قيغاس وبصراحه الخطوط كانت اكثر من رائعه وممتازه مع تاخير بسيط لمدة 15 دقيقه فقط

انشالله اكمل الجزء المتبقي عن لاس فيغاس

مواضيع عشوائيه ممكن تكون تعجبك اخترناها لك:

• حجز التذاكر
• كم سعر تذاكر دزني اورلاندو
• شحن السيارات من أمريكا إلى قطر
• تجدون هنا أفضل الأماكن السياحية في نيويورك اورلاندو ميامي لوس انجلوس وغيرها
• مسافر شهور مهمه رسميه لنيويورك وحبيت اعرف وين اسكن؟
• هام لاصحاب الاجراءات الاداريه
• بليز رايكم في المخطط النهائي للرحلة؟؟
• قراند رابيدز يا اخوان ابي احد يعرفهار تكفووون
• ارجو الافادة عن جهاز المسح الضوئي
• المصروف اليومي في امريكا ؟؟
• ايهما افضل لتسوق نيويورك ،او ، من حيث الماركات الراقيه
• طريقة العناوين و تصنيف الطرق في امريكا
• أفضل وأرخص طريقه لشحن العفش من تكساس للرياض
• Dubai to new york
• استفسار الفنادق والشقق بامريكا
• الجو بنيويورك
• عاجل استفسارات هامة مشرفنا الغالي امباكت
• رحله الي اورلاندو نيويورك
• استفسار بخصوص ترجمة التعريف والاوراق المطلوبه
• تعبت وودي اصيح مشكلة واجهتني في التقديم الحقووني

الحمدالله على السلامه و ان شاءالله كانت رحلة موفقه ... عندي سؤالين الله يسلمك :

1- هل فيه صور للتقرير ؟
2- كيف رضاك عن الفندق sky hotel ؟

الحمد لله على السلامة ...

ومنتظرين باقي الرحلة !!

ونفس سؤال الاخت / بنت الصقور بالنسبة للصور علشان ننقل الموضوع للتقارير المصورة ..:109:

تحياتي واحترامي:24:

الحمدلله على السلامة اخوي،

ويا ليت لو تشرح رحلة السن سيت، عبارة عن شنو بالضبط واذا في صور يكون أحسن طبعا

وكم كان سعر التذكرة الشاملة لليوم الكامل.

تسلم يالغالي

الحمدلله على السلامه


والتصويت اذا خلص التقرير

المشاركة الأصلية كتبت بواسطة بنت الصقور
http://www.arabtravelersforum.com/tr...3/#post1906423

الحمدالله على السلامه و ان شاءالله كانت رحلة موفقه ... عندي سؤالين الله يسلمك :

1- هل فيه صور للتقرير ؟
2- كيف رضاك عن الفندق sky hotel ؟



الله يسلمك اختي بنت الصقور
1. فيه صور عن التقرير وانشالله راح احاول انزلها
2. الفندق من وجهة نظري رائع وممتاز...صحيح صغير بس موقع الفندق...وهدوئه وخدماته وتجهيزاته بصراحه رائعه وحلوه وسعره تقريبا 200 دولار ..طبعاً للشخص الواحد...وراح اوريكم بعض الصور انشالله
وهذاموقع الفندق : http://www.skyhotella.com






المشاركة الأصلية كتبت بواسطة Impact
http://www.arabtravelersforum.com/tr...6/#post1907326

الحمد لله على السلامة ...

ومنتظرين باقي الرحلة !!

ونفس سؤال الاخت / بنت الصقور بالنسبة للصور علشان ننقل الموضوع للتقارير المصورة ..:109:

تحياتي واحترامي:24:



الله يسلمك ويطول عمرك :24:
انشالله راح انزل الصور بس اصبروا علي اشوي اسويلها فلتر






المشاركة الأصلية كتبت بواسطة mof
http://www.arabtravelersforum.com/tr...7/#post1907687

الحمدلله على السلامة اخوي،

ويا ليت لو تشرح رحلة السن سيت، عبارة عن شنو بالضبط واذا في صور يكون أحسن طبعا

وكم كان سعر التذكرة الشاملة لليوم الكامل.

تسلم يالغالي



الله يسلمك اخوي...الرحله كانت يوم كامل جوله في لوس انجلوس..كان السعر تقريبا 116 دولار تبدا من الساعه 9 صباحا وتنتهي الساعه 6 مساءً
حنا مرينا على السن سيت وجلسنا شوي بس...يعني انت تمر على اكثر من مكان ويشرح لك المرشد السياحي عن هالاماكن...واذا تبي تقدر تدخل اي موقع Tours وتشوف الجولات السياحيه في لوس انجلوس واختار اللي يعجبك منها
والصور انشالله بالطريق






المشاركة الأصلية كتبت بواسطة سواح كويتي
http://www.arabtravelersforum.com/tr...0/#post1908490

الحمدلله على السلامه


والتصويت اذا خلص التقرير



الله يسلمك اخوي....بصراحه انا مادريت عن سالفة هالاستبيان...شكلي حاطه بالغلط:114:

[FONT="Arial"]

السلام عليكم ورحمة الله وبركاته

اليوم بكمل الجزء الثاني عن رحلتي الى لاس فيغاس...واعذروني عن الصور لاني راح احطها مره وحده في الجزء الثالث

طبعا وصلت الى لاس فيغاس عن طريق US Airways وكانت رحله مريحه وحتى التفتيش ماوجهت اي صعوبات او تدقيق استثنائي مع العلم انه بعض الركاب الامريكيين والاجانب (الاسيويين) راحوا تدقيق استثنائي!!

المهم وصلت الساعه 12:30 بعد الظهر ...طبعا منظر المطار بصراحه كان رهيب وقاعته كبيره ..وراح احط بعض الصور

احسن شي مقهى ستار بوكس بكل مكان ... والمشكله اننا في لاس فيغاس المشهوره بالقمار...يعني راح تشوف العاب القمار حتى بالمطار وبكميات رهيبه وبشكل كبير

الجو كان روعه وكانت غيوم وبراد حلو

اخذت الاغراض وطلعت الى موقف التاكسي او (الكاب) مثل مايسمونه هناك

اخذت تاكسي وعلى الفندق على طول

طبعا الفندق اللي سكنت فيه اسمه Orleans Hotel وهو نفس الفندق اللي فيه المؤتمر ولنا اسعار خاصه، والليله مع الضرائب بـ 76 دولار... الفندق ضخم جدا وكبيير وحلو بصراحه، ومن الاشياء اللي فيه:

-قاعات سينما
-قاعات طعام
-قاعات مساج ومسابح وجاكوزي
-مطاعم مثل فرايديز...
-فناء خارجي كبير وحلو
-توفير مواصلات (باص) كل يوم من الساعه 9 صباحا الى 11 ليلاً مجانا...الى سيتي سنتر او الشارع المشهور هناك Strip

المهم سجلت بالمؤتمر وبعدين طلعت على الشارع المشهور STRIP وتمشيت هناك الى الساعه 8 بالليل....

جدولي اليومي خلال اربع ايام قضيتها في لاس فيغاس والاماكن اللي زرتها :

-PH بلانت هوليوود الو علاء الدين سابقا وهو مجمع تجاري وفيه مطاعم وجدا روعه
- برج باريس او ايفيل
- النافوره او Bellagio
- Forum Shop مجمع حلو
-Primum Outlet محلات تجاريه حلوه واسعارها معقوله
طبعا بالنسبه لي... الناس في لاس فيغاس تعاملهم احسن و ارقى من الاماكن الثانيه

بالنسبه لي لاس فيغاس كانت اونس واحلى من لوس انجلوس...طبعا مافي مقارنه بالنسبه للكبر والاشياء اللي هناك والمناظر والاماكن لكن هي تجربه شخصيه

وانا باعتقادي لاس فيغاس يومين او ثلاثه تكفيها :24:

[/FONT]

مشكور اخوي على التقرير الجميل والخفيف و بأنتظار الصور

حبيت اسألك عن حجز الطيران الداخلي من اي موقع حجزت ؟ expedia.com وكيف الطريقة بالتفصيل حتى ركوب الطائرة ؟

معليش بس لما تدفع بالفيزا راح يعطونك رقم الحجز او يرسلونه ايميل و انت تطبع الايميل او كيف ؟ يعني ما يكون معك تذكرة بس رقم الحجز يكفي صح؟

المشاركة الأصلية كتبت بواسطة رذاذ الشلال
http://www.arabtravelersforum.com/tr...3/#post1912583

مشكور اخوي على التقرير الجميل والخفيف و بأنتظار الصور

حبيت اسألك عن حجز الطيران الداخلي من اي موقع حجزت ؟ expedia.com وكيف الطريقة بالتفصيل حتى ركوب الطائرة ؟

معليش بس لما تدفع بالفيزا راح يعطونك رقم الحجز او يرسلونه ايميل و انت تطبع الايميل او كيف ؟ يعني ما يكون معك تذكرة بس رقم الحجز يكفي صح؟

حياك الله اخوي

حجزت من موقع: hotwire.com موقع مضمون باذن الله واسعاره ارخص واحسن
الطريقه كالتالي:

بعد ماتدفع وتختار رحلتك راح يرسلون لك بالايميل التفاصيل ورقم الحجز والافضل انك تطبعها
قبل 24 ساعه تقدر تسوي تشيك ان عن طريق الايميل اللي عندك...فيه لنك تقدر عن طريقها تقص البوردنق وتسوي تشيك ان وتختار المقعد
اذا قصيت البورديق اون لاين ماعليك الا انك تطبع الوصل

او الطريق الثانيه:
تسوي تشيك ان وتقص البوردينق في المطار بس لازم يكون معاك رقم الحجز (Confirmation Code) وفيه اجهزة كمبيوتر بالمطار تسوي البوردينق وتطبعه ذاتيا

والاجراءات سهله مره... وكلها راح انت تعرفها بمجرد انك تحجز من الموقع...اقرا التعليمات وانشالله بتعرفها على طول

حتى في المطار لو ماعرفت او حسيت انك ضايع اسال وهم يدلونك ايش تسوي على طول

اتمنى اني اكون جاوبتك واي استفسار انا حاضر

تحياتي

مشكور اخوي وما قصرت يعطيك العافية

تقرير جميل ..

بانتظااااااركـــ

المشاركة الأصلية كتبت بواسطة mohammad-usa
http://www.arabtravelersforum.com/tr...0/#post1914510

الحمدلله على السلامة

وان شاء الله تكون استمتعت في رحلتك

عرفت الفندق هذا ويبعد 3 دقائق عن سكني اللي انا فيه

المول مقابل لك والمطاعم الايرانية على امتداد وستوود أكيد جربتهم

لدي سؤال

مامدى استفادتك من الموقع في رحلتك وأي المواضيع أخذت بها واستفدت منها

بانتظار التكمله فنحن معاك

تحياتي لك

حياك الله وكان ودي لو تقابلنا هناك بس انشالله الفرصه الجايه

بالنسبه لأستفادتي من الموقع...يكفي اني سكنت في منطقة ويست وود وعرفتها عن طريق الموقع...واستفادتي بصراحه كبيره وتفاعل الاخوه الاعضاء جداًمفيد...الله يعطيكم العافيه وماقصرتوا

وشكرا على النصيحه اخوي محمد :24:

المشاركة الأصلية كتبت بواسطة رذاذ الشلال
http://www.arabtravelersforum.com/tr...4/#post1915384

مشكور اخوي وما قصرت يعطيك العافية

يعافيك يالغالي...واذا عندك اي سؤال او استفسار تراني حاضر

المشاركة الأصلية كتبت بواسطة miss mimi
http://www.arabtravelersforum.com/tr...1/#post1916551

تقرير جميل ..

بانتظااااااركـــ

:24:

السلام عليكم ورحة الله وبركاته

انا بصراحه احاول انزل الصور لكن ماعرفت!!

المهم انا راح اكمل اليوم الجزء الاخير من الرحله ...رحلة العوده للسعوديه...وانشالله احاول انزل الصور في الجزء القادم...

بعد ان كملت اربع ايام في لاس فيغاس...وتقريبا زرت جميع الاماكن فيها...وخصوصاً قضيت اخر يومين في التسوق.. طبعا من الاسواق المشهوره في امريكا او مايسمى بـ OUTLET

اللي في لاس فيغاس اسمها Preimum OUTLET وكانت بصراحه رهيبه وكبيره ومتنوعه واسعارها حلوه وخياليه

طلبت في الايوم الاخير تاكسي ورحت للمطار...لكن انا لما حجزت من السعوديه طيران داخلي عن طريق النت سويت غلطه غير مقصوده .... يعني اخترت وقت الرجعه من لاس فيغاس الى لوس انجلوس بالليل وانا المفروض اكون الظهر في لوس انجلوس علشان رحلتي الى السعوديه بعد المغرب

الحمدلله انتبهت للغلطه في اللحظات الاخيره وعدلت الوقت....يعني اشتريت تذكره اون لاين جديده ذهاب بس

انا اقول هالسالفه علشان القوانين الامريكيه او الامن عندهم يدقق عليك بشكل استثنائي اذا حجزت قبل اربع وعشرين ساعه من موعد الرحله! او غيرت موعد الرحله...

وصلت مطار لاس فيغاس وسويت تشيك ان...لكن موظفة الجمارك كتبت على التذكره الرمز SSSS يعني تفتيش استثنائي او Double Check... الوضع طبعا عادي...يعني خلك طبيعي وعادي لانها اجراءات روتينيه

بعد التفتيش ركبت الطياره US AIRWAYS وصلت على الساعه 12:30 الظهر...بصراحه الشي الوحيد اللي ضايقني العفش...ومسالة النقل والشيل والحط...على العموم سويت تشيك ان على خطوط KLM وشحنت العفش

الحين لازم اسجل الخروج، رحت وسالت وين اسجل قالوا لي في مبنى خارجي غير المبنى اللي انا فيه...قلت اوكي امرنا لله ...رحت للمبنى، ودخلت الجوازات وقلتلهم ابي اسجل الخروج

قالوا حياك تعال...! اخذت تقريبا ربع ساعه وانا منتهي

بس اللي ضيق صدري انه كان مكتوب على فيزتي fin وبعدين رقم وبخط اليد...اللي كتبه موظف الجوازات لما دخلت امريكا..سالتهم وش معناته؟؟ قالوا معناته كل مره تجي امريكا تكون اجراءات الدخول طويله وتسجل الخروج كل مره!!

قلت الشغله كلها اصلا ماتسوى هالاجراءات الطويله!! على ايش يعني...! المهم نسيت هالسالفه

رجعت للمطار...وتسوقت وتمشيت ...وكوفي من ستار بوكس لين جا موعد الاقلاع وتوكلت على الله ومشيت

الرحله متعبه وطويله بصراحه تقريبا 15 ساعه

وصلت الدمام ولله الحمد وكانت تجربه رائعه

انشالله راح اكمل بالصور ..واطرح بعض الملاحظات والمعلومات اللي تهم اي واحد يروح امريكا ورأيي الشخصي عن هالتجربه وتعامل الشعب هناك

تحياتي
واسف للاطاله

[/SIZE]

واصل واحنا باانتظارك

منتظرين المزيد ..

وياريت تحمل الصور على الموقع علشان تكون انسب في الحجم وما تختفي !!


بالتوفيق

اخي العزيز
black-Eyes

يعطيك العافيه علي التقرير
المختصر والصور الجميله ...

بس صراحه انتضار 5 ساعات ولا تعلم هل سيتم ارجاعك
الي بلدك او السماح لك با الدخول اذا لماذا هذا البلد
فبلاد الله واسعه وستجد الترحيب وليس الترهيب...:112:

كل الود والاحترام....


تحيااااااااتي

بارك الله فيك
واصل اخوي متابعينك

واصل نحن بانتظار التكملة

لاتتأخر اشتقنا لك وللصور رغم اني ساكن في نفس المنطقة

لكن التقرير منك وعن طريق المنتدى أكيد بيكون غير

تقبل تحياتي

مشكووووووووور

صور جميلة ننتظرك