الموضوع: بزور الكويت ثالث يوم بالعيد

السلام عليكم ورحمة الله وبركاته


ياجماعه انا من السعوديه وبزور الكويت للمره الثانيه الزياره الاولى كانت العام الماضي في الاضحى وهذا الزياره الثانيه

طبعا الكويت واللله تجنن من جد يعني احبها احب اسواقها يمه تهبل ( ادري بتضحكون لاكن من جد احلا ايام عمري بالكويت كانت تجنن )

المهم انا بزيارتي الاولى سكنت بفرح موتيل بـ 70 دينار ( والله شوي غالي ) والعيب الي فيه انه كان بعيد عن السالميه وعن الاسواق يعني الي يمنا مجمع شرق


فودي هالمره ان نسكن بالسالميه فاتمنى منكم شقق مفروشه نظيفه يم سوق السالميه الي عند الجوازات

وعلى طاري سوق السالميه انا انصحكم لما تدخلون الستي سنتر روحوا عند جهة الاسماك والربيان وطلبوا المغربي وخلوه يسوي لكم ربيان محشي بالطريقه المغربيه تراها جنااااااااااان


وبعد ابي اسالكم عن المجمعات الشعبيه الي فيها مو اعين حليوه اسعارها ياليت تعطوني نصايحكم

مواضيع عشوائيه ممكن تكون تعجبك اخترناها لك:

• متى تفتح الاسواق
• وين ألقى محلات الماركات ؟ والفساتين الناعمه؟
• دلـيل الـكـويـت الـشامـل
• فرحة الكويت والكويتيون
• احلى رحله لاحلى كويت
• زعطـوطـة فـي مطـعم ليـلى بالأفينيـوز
• اتمنى مساعدتي حجوزات شقق او فنادق
• مطعم فريج صوليح
• استفسارات عن الكويت بشهر فبراير
• اتمنى المساعدة بالتحديد ؟؟؟؟؟؟؟؟؟؟
• طلب مقهى عائلي مفتوح
• اين اجد افضل فساتين سهره في الكويت
• فندق بلازيو حولى
• سؤال
• أين تذهب في الكويت
• يالله ادخلوا انا الحين بلالكويت
• فنادق وشقق فندقية جديدة توها فاتحه
• ورطتي في الكويت
• هل توجد عمليات تجميل بالكويت
• سكن رخيص ممكن؟؟ ايام

بعد عندي سوال مهرجان هلا فبراير بيكون افتتاحه اول يوم في فبراير ولا قبل فبراير بكم يوم

[align=center]

السلام عليكم ورحمة الله وبركاته


هلا باهل السعودية وبحبايبنا أهل الخليج والوطن العربي كله و تشرفون

و حياج الله اختي دلوله في بلدج و يا هلا فيج دوما ودائما


بالنسبة للشقق فراح اعطيج هالعنوانين اخذي فيهم جوله وتقدرين تختارين من شقق السالمية

وايضا هناك شقق سلوي أو البدع بيكونون نوعا ما قريبين للسالميه

عموما إخذي جوله بالموقعين وإختاري الي يعجبج

http://www.kuwaithotels.info/kh/apt.asp

http://www.aaahousingq8.com/

**************************************

و بالنسبة للأسواق الشعبيه فكثيرين

- سوق المعلم ( حولي شارع تونس / أو مجمع سوق السالميه الي عند دوار الجوازات ) وايضا يوجد فيه سيتي سنتر وفي الدور الثاني محلات المبروك

- وفيه أسواق البرازيليه و المعلم والباشا للأواني المنزليه / بشارع تونس

- مركز سلطان له عدة افرع ( السالميه , الفروانيه , الشويخ ,الفحيحيل ، المنقف )

- بيوت شعبية كثيره في الفحيحيل , الفروانيه , حولي , الشويخ , السالميه

- سرداب مجمع جاليريا / الفروانيه في منطقة الضجيج

- وهناك بعض المحلات الكبيره في الشويخ منها
- المبروك
- الهنوف
- إي تو زد
- أيس هاردوير
- هوم سنتر لصيق ستي سنتر القريب من شارع الصحافه والتشكيله الي عنده حلوه
وغيرهم
******************

أما مهرجان فبراير فبدأ التسوقي منه من أمس بتاريخ

15 / يناير والمهرجان شامل اغلب اسواق الكويت الموجوده في كل المحافظات تقريبا

اسواق العاصمه / السالميه / الفحيحيل / الفروانيه / حولي / الجهراء ......

اما المهرجاني فيبدأ بتاريخ 22 فبراير ويستمر لنهاية الشهر ذاته

هذا الي يحضرني حاليا وان شاء الله اذا فيه معلومه جديده اختي دلوله بأفيدج وتامرون اعضائنا


تحياتي ........[/align]

فنادق الأجنحة الفندقية كثيرة وارخص من الشقق المفروشة وخاصةة لقادمين خلال مهرجان هلا فبراير

حيث سيكون حفل الأفتتاح 22 الشهر الحالي واما الخصومات الهائلة على جميع الأسواق فقد بدات يوم امس 15/1/2005 حيث الخصومات على جميع البضائع والماركات الأجهزة الأكترونية والملابس وحتى السيارات والمطاعم وتصل التخفيضات الي 75% اضافة الي جوائز قيمة وسيارات

أخى الكريم daloolh
ترى الاخوان ماقصروا بفيض أجاباتهم الوافية والكافية جزاهم الله خير ، وحياك الله وبتنور الكويت بوجودكم ، أما أذا
تبى شقق مفروشة زينة ومجربة وبالسالمية وبجانب سوق السالمية وجوازات حولى فمالك الا شقق ( قصر الثريا )
موقع رائع ونظيف وسعره متوسط ماهو غالى والاهم من كل هذا قريب من الجمعية ( جمعية السالمية التعاونية ) والمكان
يعج بالخدمات كمحلات العصير والمطاعم والحلويات والالعاب .........
تحياتى لك وبالسلامة ، والشقة عندهم غرفتين وصالة وتكرموا ( حمامين ) ومطبخ كبير ، والسعر بالليلة 35 دينار
حياك الله وياهلا والله ،،،،

الف الف الف شكر لكم من جد فرحتوني بالردود وخليتوا عندي فيض معلومات



وهذا مو غريب عليكم انتو اهلنا واخوانا

الله يبيض وجيهكم ياهل الكويت والله ماقصرتو وفعلا ريحتونا وخصوصا اختي الباحثه بسالفة الاسواق والمحلات
لكن انا زعلانه ليش ماقلتولي على قصر الثريا لانه اكثر شي تعبنا اهو البحث عن سكن .............الفنادق جدا اسعارها مرتفعه خصوصا ان الرحله للتسوق يعني ابدا مانجلس في السكن وللاسف سكنت اول ليله في دريم هاوس شقه في الدور السادس مادري الخامس وبدون مصعد........ وب35 دينار تقريبا ومره مو مستاهله الليله الثانيه شدينا الرحال للسالميه بلس كموقع ممتاز ومع الجو هاليومين يالطيف رغم انها مو ذاك الفخامه لكن موقع لو اضطريت اسكني فيه ياختي افضل لك .......... واذا حابه تغيرين اختي الباحثه واخت كويتيه ثانيه برضو نصحوني بمنتزه الخيران استديو علوي ب35 دينار على نا ظن لكن في الفحيحل او على طريقه طولت عليك لكن حبيت ادلي بدلوي واشكر الي ساعدوني

شكرا لك ياغروب

انا ان شاء الله بكره بمشي الدمام والسبت من الفجر بنمشي

ان شاء الله كل شي يجي بيسر