السلام عليكم ورحمة الله وبركاته
مراحب لكل المبتعثين والمبتعثات الاستراليين ...
هاذي الفترة اغلب المبتعثين وخصوصاً الدفعه الرابعه يقدمون عالفيزا
...واكيد تحتارون وين نقدم ...اي مكتب ...او ارامكس او او
...وايهم راح يكون اسرع وراح نلحق على موعد الدراسة ...
انا كنت زيكم ....
كنت اعتبر التقديم عن طريق الانترنت مخاطره ...
بالذات انه شي جديد علينا ....ويمكن لاني بقدمها شخصياً
...خفت اني اسوي شي خطأ ...
عموما تشجعت وقدمت عليها اون لاين بدون روحة ولا جية وبدون ملاحقة مكاتب ...على الاقل تصير تتابع الموضوع شخصياً...وتكون متاكد انه مافيه تلاعب ...
عموما ما رح اطول كلام وراح ابدا بالخطوات ...
اول شي تسويه تدخل هاذي الصفحه
https://www.ecom.immi.gov.au/visas/app/uu?form=SOFF
هاذي الصفحه هي نفسها الفورم اللي يعبونه المكاتب
بس الفرق انه اون لاين اسهل لان الخيارات قدامك وما يطلع لك الا الاسئله اللي مفروض تجاوبها ....وتنطبق على حالتك بناء على المعلومات اللي تدخلها ....
راح يبدا التقديم بعرض لشروط الفيزا وقوانين البلد ....وعليك تضغط انك موافق وتضغط على نكست ...
الصفحات اللي بعدها كلها معلوماتك ومعلومات الاشخاص اللي معك في الفيزا .....
خلال ادخال المعلومات تقدر تسوي حفظ وبيعطيك كلمة مرور وكلمة سر علشان لو رجعت تقدر تدخل على نفس الطلب حقك اللي دخلت فيه معلومات
وهاذي هي الصفحه اللي تدخل منها على الطلب المحفوظ
https://www.ecom.immi.gov.au/visas/app/uu
لو كملت بتعبية البيانات ...اخر شي رح يطلب منك تدفع عن طريق البطاقه ..فيزا ..ماستر ...كردت ...اي شي ...مبلغ وقدره 450 دولار استرالي ...
لما تدفع راح يعطيك وصل الدفع ....ومطلوب منك تحفظ الصفحه
وتكمل وتضغط submit
لما تضغطها احيانا يستوعب السستم انه فيه معلومات ناقصه ويرجعك علشان تعبيها ....هاذي ميزه بعد للتقديم اون لاين ...
لما تخلص بيعطيك مسج ان الطلب رسلوه وتقدر تتابع طلبك عن طريق هاذي الصفحه وراح يعطيك رفرنس نمبر اسمه ترانسكشن رفرنس نمبر ...
https://www.ecom.immi.gov.au/inquiry...o?action=eVisa
راح يطلب منك تدخل الرفرنس نمبر ورقم جوازك وتاريخ ميلادك والبلد علشان تقدر تتابع طلبك ....
راح تلاحظ خلال تعبية البيانات انه مارح يطلب منك اي شهادات او جوازات او صور ...
اللي عليك تسويه من نفسك هو ...
تدخل هذا الرابط اللي عن طريقة تقدر ترفع كل ملفاتك ..حتى الصور الشخصية ...
كل الشهادات والاوراق ما تحتاج انها تتصدق ....ما عدى الجواز ...تحتاج تصدق الصفحه الاولى على الاقل ....وتحتاج ترسل لهم سكان من كل صفحه بالجواز ....
تقدر تصدق صور الجواز عن طريق اي مكتب محاماه او اذا كنت في استراليا تقدر تختمها من اي مكان .. مستشفى صيدلية مكتب معتمد .. اي مكان راح يختمها لك وكل شي بحقه طبعا بس غالبا الورقة بنصف دولار
https://www.ecom.immi.gov.au/visas/a...N&group=travel
لما تدخل على الطلب بيكون مكتوب انه الفحص الطبي مطلوب ...
بيكون مكتوب بصفحه الطلب تحت التواصل مع السفاره ...لو كنت مسوي الفحص ومخلصه
اضغط على تواصل معاهم واذكر لهم انك مسوي الفحص واعطيهم رقم الارسالية ...لمجرد تسريع الاجراءات .....
اي شي يستجد عالطلب رح ينكتب عالطلب حتى لو رسلو لك ايميل راح يكتبون في حالة الطلب ...
لما يحتاجون شهادات او اوراق راح يرسلون ايميل ...
وحسب كلامهم الفيزا تخلص خلال 14 يوم في 75% بالميه من الحالات في حالة اكتمال الاوراق ...
انا شخصيا قدمتها وانا لسه الفحص ما سويته ...وانرسل لهم الفحص بعد اسبوع من التقديم ...بعد ما وصلهم باسبوع او اقل صدرت الفيزا ......يعني بالضبط 14 يوم من التقديم
اي شخص يحتاج مساعدة في الترجمة يحط سؤاله هنا ...
واي سؤال ثاني احنا موجودين ...
تحياتي
للأمانة هذا الموضوع منقووووووووووووووووووول
وبصراحة حرصا على فائدة إخواننا نقلت الموضوع وترا ما عندي معلومات كافية لذا لن استطيع الرد على استفساراتكم بشكل موثق
ولكن هذا رابط صاحبة الموضوع وجميع الردود والاستفسارات وإذا هو ممنوع وضع الرابط اعتذر مقدما للإدارة
http://www.mbt3th.us/vb/forum111/thr...tml#post878890مواضيع عشوائيه ممكن تكون تعجبك اخترناها لك:
- أرجو المساعده بخصوص الطيران الداخلي
- أفيدوني عن سيركل اند كافيل جزاكم الله خير
- مدينة التونا مصنع تويوتا
- ناخيتكم ياخبراء استراليا؟؟؟
- رحلتنا الي أستراليا ج ملبورن
- كن ودي اروووح استراليا ممكن سؤال
- تكلفة ايام بأستراليا؟؟
- اللي يعرف استراليا زييييييييييييييين
- عدنا و العود احمد الرحله كانت ملبورن قولد كوست سيدني
- مهم جدا ارجوكم
- الفيزا مبلغ الشيك زائد عن المطلوبهل هناك مشكلة
- استفسار عن الانترنت
- طير البحرين في سيدني
- يا أهل نيوزلندا
- هل الجو في كرايس تشيرش برد ولا كيف ؟
- النصيحة يا اهل الخبرة
- كيف جو استراليا جانورى؟؟؟
- أرجو المساعدة
- التعليم بالترفيه ما بين جولد كوست وبرزبن؟؟
- اتمني من الجميع المساعده
رد مع اقتباس
المشاركة الأصلية كتبت بواسطة ahmad
المفضلات