الموضوع: رواتب دولة الكويت لغير الكويتينالخليجينكم؟؟

السلام عليكم ورحمة الله وبركاته

مرحبا اخواني الكويتين

بصراحة انا كتبت موضوع قبل هذا كنت أبا أسألكم عن جامعات الكويت و طرق الدراسة فيها
والحمدلله الكلية التقنية الي فالامارات عطوني حل عدل
هذا اللنك يودي الى موضوعي اللي طااف......صارت أجزااء هههههه
http://www.arabtravelersforum.com/travel247438/

المهم ماعلينا
كلمت كليتي اللي فالعين ووافقو اني أوقف كورس الدراسة

بس بشرط اني أييب شهادة خبره من أي مكان حكومي..مثل وزارة
مستشفى بنك
مدرسه.شركة
أي مكان حكومي....فالكويت طبعا

يعطوني شهادة خبرة لا تقل عن 4 شهوور

الحمدلله ابوي يعرف رياال قال بدبر لكم وظيفه حكوميه

بشهادة الثانويى العامة الامارتية طبعا لأن الين الحين ماتخرجت

بس فيييييني فظوووول
كم تتوقعون الرااتب هههه
مشكووورين وااااااااايد لأنكم صج نفعتوني فالموضوع اللي طااف
واتمنى ماتردوني فالموضوع هذا

مواضيع عشوائيه ممكن تكون تعجبك اخترناها لك:

• أفضل مطاعم المباركية
• اللي يعرف سوق الكويت ممكن تدخل
• ممكن خدمة لو سمحت؟؟
• رواتب دولة الكويت لغير الكويتينالخليجينكم؟؟
• سر ينكشف بعد مرور سنة
• ياأهل الكويت الكرام طلب مساعدة
• صور جميلة من الكويت بمناسبة قرب العيد الوطني
• ناصيتكم ياأهل الكويت
• السلام عليكم ارجو الإفادة
• ســـــوق الـمـبـاركـيه
• أنطلق مهرجان الصيف في الكويت بمشاركة شركة
• عرض ممتاز
• استفسار عاجل واللي يرحكم والديكم
• ابي مساعدتكم ؟؟؟
• عشانا في مطعم المنشر ،، بالصور
• مانستغني عنكم ياأهل الكويت
• طلب مساعدة الله يعافيكم
• موفنبيك البدع
• عاشق كايرو اعتذار ووعد واستفسار
• سؤال بخصوص السيارة الايجار

الراتب لا يقل عن 200 دينار كويتي ...
يعني بالاماراتي تقريبا 2000 درهم تقريبا ...
شهريا طبعا

الرواتب لا تقل عن 200 دينار,..,, اي تقريبا 2000 درهم
تقريبا طبعا شهريا وشكرا

إن شاء الله الاخوان يفيدونج ويفيدونا

يمكن نهاجر

الرواتب بالنسبه للكويتين عاليه جدا يعني سكرتاريه تبدا رواتبهم من 600 دينار 8000 ريال او درهم تقريبا
المدرسين تبدا من 800 دينار 1100الاف ريال او درهم الاطباء طبعا اكثر والمهندسين المحامين والمحاسبين كلن وشطاره نقاباهم ومطالباتهم بالزيادات طبعا هالفئات جدا عاليه رواتبهم هذا بالنسبه للنساء والرجال العزابيه
طبعا رواتب الرجال المتزوجين غير لان لهم بدلات زوجيه وبدل ايجار واطفال فرواتب الرجال الضعف عن النساء
وقيس على ذلك يعني الزياده الاخيره ال 50 دينار اشترطو فيها الحكومه ان يكون الراتب اقل من 1000 الكل انتقد هالشرط لان الغالبيه اكثر من الف دينار انا اقيس على نفسي والي حولي يعني زياده الخمسين ما استفدت منها لانا ولا زوجي ولا اخواني وخواتي ولا حتى ابوي المتقاعد راتبه 1120 دينار فالرواتب عاليه لله الحمد والمنه

اما بالنسبه للاخوه الخليجين فصعب شوي تعينهم في اغلب الوزارات ماعدا التربيه التي ترحب وبشده بالمدرسين الخليجين ورواتبهم اعتقد 550 دينار هذا الي اعرفه عن رواتب الخليجين لان بنت عمتي سعوديه ومدرسه وتستلم هالمبلغ حبيت افيدك وشكرا

اتفق مع الاخوه والاخوات في شان الرواتب

السلام عليكم ورحمة الله وبركاته ..

الأخت بنت العجمان ...

القرار الأخير والذي صدر من الأمانه العامه لمجلس التعاون بمعاملة الخليجي نفس معاملة الكويتي في الرواتب الحكومية الا ان هذا القرار لم يتم تفعيله للموظفين الذين يعملون حاليا بالحكومه وايضا الذين تم تعيينهم كمدرسين او معلمين في وزارة التربية .. فالملاحظ ان رواتبهم اقل من راتب الموظف الكويتي ... وقد تكون الفرصه موجوده في سلك التدريس فقط بالنسبة للخليجيين اما بالنسبة للوظائف العامة بوزارات الدولة فهي شبه معدومه تقريبا حتى لو كانت هناك واسطه فنظام ديوان الخدمه المدنيه صارم جدا في هذا الموضوع وانا اقولها عن تجربه واقعيه لأنه لا يمكن ابدا تقديم شخص ما على المتقدمين للوظائف العامه بالدوله وهم بالمئات بل اكثر من المواطنين الكويتيين وخصوصا من حاملي الشهاده الثانويه .. حتى وان قالت وزارة ما انها بحاجه لخدمات فلان الفلاني فلن يتم الا عن طريق الديوان .


وبالتوفيق ان شاء الله .

ما قصروا اخواني و اخواتي جزاهم الله خير
حياكم الله بديرتكم
و بالتوفيق