سكنت في مجمع فلل في انجلس المجمع غالي الاجار بس مريح نفسيا يتكون من 18 فيلا صغيره والفيلا تتكون من غرفتين وصاله ومطبخ صغير ودورة مياه واحده ونظيف جدا ومسبح للمجمع كامل المشكله في الاستقبال وهو استهبال اذا تسميه اي شي تطلبه منهم مثل كراسي اول مايقولك تراها بسعر مثلا مية بيسو اي شي تطلبه يحاولون ياخذون منك اي مبلغ وهم شطار باخذ الفلوس( بالطريقه النظاميه النصبيه) مره قالوا اخويانا وش رايكم نسوي عشانا شوي على المسبح منها نغير جو الفله ونسبح قلنا راي زين قلت بس نسأل الاستقبال لايطلعون علينا بفلوس اتصلت عليهم وقلت نبي كراسي وطاولات قالوا ياحلو (من عندي ولا انا شين )ادفع قبل كل شي 2000 بيس قلت انا زبون لكم دايم وساكنين عندكم في اربع فلل وتطلبون مني ادفع بيسو للكراسي والطاولات زعلت وسويت نفسي اباكنسل واغير السكن لفنادق اخرى اناوالنشاما خلاص باكر تشيك اوت بعد دقيقتين اتصلوا قالوا السعر نزلناه لكم بس 1000 بيسو قلت ولا بيسو ادفع بعد شوي اتصلو الله يشغلهم قالوا لكم مجاني الكراسي والطاولات وحنا اسفين قلت مانبي خلاص الزعل شرف علينا منكم تاسفوا وارسلوا السواق وواحد من الاستقبال لنا وقالوا نخدمكم لاتزعلون خوذوا راحتكم وكل شي فري لكم بس ثقلنا شوي وتغليت عليهم (يازين التغلي ):108: وقلت بشرط ماتكررونها معنا كل مانطلب شي تقولون ادفع قالوا خلاص بس ارتاحوا اخيرا جبنا السمك وقلنا للقارد تعرف تشوي السمك قال جاهز وجبناه له على المسبح وشوى شوي يحبه قلبك وجابه لنا بالفله وعطيناه مقسوم الله من العشاء واخذ يرقص فرحان وقبل سنتين بالضبط طلبت منهم كراسي وجابوها وبعد شوي جابو الفاتوره فيها ادفع عشرين بيسو( مبلغ تافه) قلت وشو حقه:106: قالوا اجار الكراسي قلت للمندوب ارجع لهم وقل هذي عشرين بيسو وباكر تراي مغير الفله لفنادق اخرى:114: راح وبعد شوي رجع ومعه العشرين بيسو مرجعها ويعتذر بالنيابه عنهم اتصلت عليم يوم شفتهم تراجعوا قلت:112: (ابافرد عضلاتي عليهم مسوي نفسي بطل ) تكملت معهم بزعل وهم يتعذرون وان مبسوط من داخلي وزعلان خارجي (هذي رشة بيت ماهوب زعل)قالوا حنا اسفين جدا ولا يمكن نطلب منكم اي مبلغ للخدمات الاخرى -لازم الواحد اذا ماكان فيه تسعيرة رسمية للخدمات كاسر ولا تستحي واطلبه مجاني قبل في جميع الشاليهات والفنادق واذا صار تسعيره رسميه مكتوبه عند الاستقبال فهذا حقهم والله الله لاتصيرون مثلي خلكم ذيابهمواضيع عشوائيه ممكن تكون تعجبك اخترناها لك:
- إعصار “نيسات” يضرب الفلبين
- مكاتب الهجرة بالفلبين
- استفسارات هامة حول زيارتي الأولى الى بلاد الوردة
- ارجوووووو المسااااعده
- أستفسار عاجل لخبراء الفلبين لو سمحتوا
- استفسار عن مكاتب الاستقدام في الفلبين
- ارجو قبولي عضو جديد بينكم يامحبي الفلبين
- من رحلتي وتصويري ف سنه للورده
- الى خبراء الاستقدام تفيدوني
- ابغى اروح لمدن غير مانيلا ؟
- أفضل خارطه تفصيليه لجميع المناطق بالوروكاي
- جولة بالفلبين مع
- رفضوا اعطائي الفيزا
- دينار علي الاماراتية
- مطلوب شقه في الربنسون تاور
- تم تغيير الوجهه السياحية غدا إلى مانيلا لذلك نحتاج لتوجيهكم على عجالة
- ارقام سماسرة بأفنيو هوتيل
- الى العاطلورجنت وباقي عشاق الوردة عن الاسنان
- الكرام وابراج الامارات و الـسـاحر وغيرهم من الافاضل
- خريطة مترو مانيلا مع بعض الاماكن المهمة
المفضلات